بريدة






عـودة للخلف بريدة ستي » بريدة ستي » بــنــت بــريــدة » |- Coffee Shop -| » شدوا شباب القبيلة *الكل منهم هبيله ....

إضافة رد
 
أدوات الموضوع طريقة العرض
قديم(ـة) 25-02-2010, 05:16 AM   #29
حَنِيني لِطيْبة
عـضـو
 
تاريخ التسجيل: Apr 2009
البلد: ↔
المشاركات: 909
ربع هولاهـ وش هالتفكير ..
قسم بالله نكته <<== تقلب مزاجي ..
تبين الصدز أونس شي لاصارت صديقتس منسمه تحثتس
لفعل الخير بس للأسف الشديد مراحل المراهقه قضت بدون أستغلال مفيد
كل صديقاتي اللي بفصلي مؤدبآآآت <<== أم الهبال لاحظي قلت اللي بفصلي
فعشان تسذا تخرجت بدون ذنب يذكر <<== يارب ما أحد يذكر الأفاعيل


( 1 )

الا صح مره أذكر أنا و2 من خوياتي أستاذنا وطلعنا شوي لمشوار أمر أخبرش بمخباتي وألقى علك
وأكلته وبعد ما رجعنا للفصل من زود الأدب قلت أستاذة ممكن أدخل وخبركم العلك بأثمي
قالت : تفضلي بس حنين بأثمتس علك
قلت وبصوت سررررريع : قسم بالله ما بثمي شي شوفي آآآ <<== صوتي وأنا أطلع اللساني لأرفع التهمه عني
أمر يويدز العلك ( يعني صار العلك بطرف اللساني وأنا دالقته )
قالت : وخزيآآآآه هذا وأنتي من طالبات المصلى ..!
المشكله منب بالمصلى .. !
بس ابشركم ذيك الحصة البنات مستلجات ولا أحد أنتبه..

( 2 )

وأذكر وأنا بأول متوسط ، وتعرفين بنات المتوسط أيقالهن
منسمات وأنواع الدعدعة قصدي أطلق بنات بالعالم كان عندنا ابلة العربي
وهي تشرح كل مالقتن ظهره وبدت تكتب بالسبورة أبدا أقلد
حركاته <<== هي عليه حركات مدري وشلون قايله
المهم تمد يده أمد تعوجه أعوج وتسذا ما دريت الا تلتفت علي وتقول : يا حنين
برآآآآآآآآآ
شوفين ذاك الوقت أول مره بالمتوسطه أحد يهوشن .. وتونا بادين أنواع الكسل
المهم وأرضخ للأمر الواقع وأخرج غير مأسوفً علي
وأطلع وأرتز قدام الباب ( عاد ذاك اليوم برد ولابسه طربوش وأنزله واتلطم بالشال
عشان ما تمر ابلى بدرية وتشره علي )
عاد ما أخفيكم سرين :
1ـ أني صحت وأنا واقفه ويوم قضت الأبلى طلعت وقعدت تهوش <== توقعون وش قلتله ..!؟
قلت وشو حرامن عليتس ما سويت شي << الله يصلحن طايحتن بالتسذب منول
2ـ الشي الثاني أن كل هالسوايا بسبت أم كاكاو .. لأنه كانت تحرضن على فعل الخير قصدي الشر بس منب مخليته ابجلده


( 3 )

وأذكر وأنا بأول متوسط بعد عندنا سوريه شآآآآطره بالحيل ماشاالله .. لكن ما أحبه
بس أم كاكاو بالفصل تمصلح معه عشانه شاطرة .. همن إذا جت الفسحة
جت معي عشاني أجيب كتكات ..<<==صدز لاعبتن علي
المهم وأجيتس وأعربد قراطيس وأجدّعهن عليه على غفلتن منها ..
همن تلفت وتناظر ولا تدري من هو
وبما أن كل الفصل صديقيني مطمئنة وأدري أنهن تحت السيطرة
وأجَدع وأجَدع ولا تسن أحدن داري .. ايه يوم مليت سهجته وسرت في سبيلي
يوم صارت الحصة المدري وشي جت بنت وقالت : أستآآآآآذأأه المرشده تبي حنين
أنا : وش السالفه
قمت وأنا أتبختر من مكاني وكأني صديقة المرشدة
رحت لمه ودار الحوار التالي
ـ السلام عليكم
ـ وعليكم السلام
ـ طلبتين أوب صح .!
ـ أنتي حنين.؟
ـ ايه طال عمرتس
ـ وش مسويه مع السوريه ..؟
ـ هو وش أنا مزينه مازينت شي .؟<== وش تلاحظون .؟ الي تجاوب له ريال
ـ وش الي مازينتي شي( ودوتس ياهواش وتهزيء )
وأثره بوه عريفة سريه شكله محطوطة لسوريه بس ولا كل عمر أم كاكاو تلفع ولا أحد قال شي
عاد الله يقلع ابليسه كتبت تعهد


وتذكرون سالفة أم الهبال هي وابلة التفصيل
اللي ايقاله مؤدبه عنده لاأقنعه ..!
ايـه، كل الحصه وهي تردد كلمة(بالنسبه) ، بالنسبه للقماش بالنسبه لأم الهبال الحلوه
بالنسبه لحنين أطلق وحده يعني ثلاثترباع الحصه بالنسبه
عاد تجيتس أم كاكاو تحط خطوط بالطاوله تحسب
كم تقول (بالنسبه) بالحصه ..!<<==والله من التنسيم أم كاكاو
يعني عآآآآدي ياصلن ميتين ميتين واحد
والله ياهي نكته ذيتس الأبلة <<== تخاف تجلده أم الهبال




ربع لي باتس أن شا الله <<== ذي الي ايقاله مؤدبه اولاهـ




.

آخر من قام بالتعديل حَنِيني لِطيْبة; بتاريخ 25-02-2010 الساعة 05:52 AM.
حَنِيني لِطيْبة غير متصل   الرد باقتباس
قديم(ـة) 25-02-2010, 05:36 AM   #30
ربـــع الدنيـــا
حرف راقي
 
صورة ربـــع الدنيـــا الرمزية
 
تاريخ التسجيل: Jan 2009
البلد: قد اختصرت دنيـا بقلبي وعالم ..
المشاركات: 833



اقتباس
المشاركة الأساسية كتبها شهد العسل


تذكرت ذاك اليوم الله لايعيده .. أول مره أكتب فيه محظر مدري مخالفة والله مدري وش اسمه اللي أقل من المحظر !

المهم ..
كنت بأول ثانوي بالحكومية .. والله من زييييييييين المدرسة !
كان فصلنا قوه قوه بجنب مخرج الطوارئ !
وكنا في آخر الحصص .. ولاعندنا أحد وثوالث عندهم دروس
وفيه حدا الفصول لثالث دريشة فصلهم على درج الطوارئ _ هالدرج من حديد _ وعندهم مدرسة حامل .. !
طلعنا مع المخرج بشكل طبيعي أنا وبعض البنات لاركضنا ولاهدينا.. ونزلنا ولاكن شي صار !
وعقب نص ساعة أو ربع تقريباً ,
الله ويمسكونا شلة مراقبات والمديرة وهالطقة .. منهبلات !
يقولن بغيتن تودن روح من تلك الأرواح الطاهرة في داهية .. !
وش سوينا ؟!
إن المعلمة الي حامل ارتفع سكره مدري انخفض ظغطه مدري بغت تضني .. تحسب فيه حريق من مشيكن !
ولأن الدرج من حديد .. طلع الصوت مرعب وعالي !
شفنا المعلمة بغرفة المديرة قاعدة بالكرسي وتصبب عرق وماسكتن ظهره .. !
برّده الله بالعافية .. خلونا نكتب عفاريت بس لاتدخلون أولياء الأمور بنا .. !








المجلس تنور بك ياشهد العسل ..{"
أنتِ وربعك أحسكم يوم تمسكون كذا أشكالكم من الهدارة
<<< مسموح لك تمعطين شوشتي
أجل بغت تضني مُسكين النونو ماتحمل مشيتكن المتكسرة الناعمة
ذكرتين بسالفتي بالمتوسط <<< إستبشار للقلوب الضعيفة ترى علي مريول كِحِليِ
<<< تمسّكو محداً داخل الأهلية غيرة بنت الوزير الفدرالي
كنت ماشية كل الطبلون تحلفين إني ملحوقة من صربي ، وفتح باب الفصل بكل دفاشة
حسيت روح إنسـانة قالت آآه من قلب ، البلشة إنها إنسانة حامل إنسان
ومن غير شعور مسكت بطنها، وقلت إستاذة بسم الله عليتس أسفة << تعجبك الدلاخة
كانت المعلمة الله يجيرك من النار ،جنب الباب وماردة غير الصبخة من كتفة وويلي
بغيت أفرشة بالأرض قتيلة والله ستر ...

شهوُد مرورك صافي ياعسل ...{"
















__________________
.

كفي على باب المطار البعيد
وأني خلقت لهذا السفر


.
ربـــع الدنيـــا غير متصل   الرد باقتباس
قديم(ـة) 25-02-2010, 06:22 AM   #31
pink touch
شيف مبتدي
 
صورة pink touch الرمزية
 
تاريخ التسجيل: Jul 2008
البلد: pink dream
المشاركات: 1,838
اسلوبتس بلحاله

وش عاد مغامراتك جريئة بقوة اسم الله عليك !!


آه يازين أيام المرآهقة ونآسة !!

هيجتي الذكرى



شهد :

قصدتس التعهد !!

أذكر اني مرة بالثانوي مدري وش سوينا وشلتنا المحترمة

اهم شي اداريتنا حبوبة والمديرة ماكانت موجوده

واصرت اننا نكتب تعهد وأنا رآفضة حيل ماعمري كتبت تعهد مؤدبة اسم الله علي

واصرت وانا مازلت رافضة عاد همست بإذني ياحبيلها قالت تراها ورقة يعني اسم تعهد ماتقدم

ولا تأخر

وووقعت عاد تصدقين ان اللي معها ورقة صغيرة زي النوته مو سجل :عشان أخاف منه 113:
__________________
الثقة بالله ... تعكس قوة إيماننا .

ما أعظمها من ثقة !! 

آخر من قام بالتعديل pink touch; بتاريخ 25-02-2010 الساعة 06:33 AM.
pink touch غير متصل   الرد باقتباس
قديم(ـة) 25-02-2010, 06:37 AM   #32
乂♥ متفائلة ♥乂
مشـرفة سـابقة ..
 
صورة 乂♥ متفائلة ♥乂 الرمزية
 
تاريخ التسجيل: Jun 2007
البلد: بريدة الحبيبة ~
المشاركات: 7,546


عدت

مره يوم كنت بأهليه معي قريباتي من أول حصة وحنا دوران طبعاً ساحبين مانحضر ابد
ومتنا جوع والفسحة مطولة قلنا مالنا إلا نطلب
وندقدق على أغلب المطاعم مايوصلون وبالنهاية صفت على حدائق الشام اللي يوصلون بسيكل

ونجلس ننتظره عند الباب < نمون بشكل لاحسيب ولارقيب

وقلنا له لاجيت عند الباب دق المهم دق وطيران مانبي أحد يطيح بنا وصدفة نلقى الباب مفتوح
يامهنا جاك ماتتمنى والبواب شكله مأخذ غفوة

ونعطيه الحساب ولا من شاف ولا من درى ووهج للسطح ولانزلنا إلا قبل الحصة السادسة
بدقايق
__________________




صَمْتُ رَحيلْ !.
乂♥ متفائلة ♥乂 غير متصل   الرد باقتباس
قديم(ـة) 25-02-2010, 06:45 AM   #33
ρίє¢є Όƒ Сђoсoζάtє
قبس دائم
 
تاريخ التسجيل: Feb 2008
البلد: -
المشاركات: 2,437
هلا بعومري هدد الدنيا
ياشيخه مبطي داخله مزاجي وعاجبتن
كل ماشفته تملكني حبيت روحه وحبيته <-- امسكوه هجت
والله الصراحة انتس فله بس اولاه لو أنتِ مصورته
والله محيط المدارس شي فخم وخصوصا المتوسطه
اخخخ ياذيك المرحلة طعمه طعمه
وخصوصا ثاني وثالث تخيلي كل الشلة 10 بنات بفصل واحد وبشقة وحده


ههههههههههههههههههههه
ذكرتين بمعلمة العلوم ياعليه اسم انما اييييه اخبري طلعت به نشيدة من قوة فخامته
وياحول مطيرين بلعومه انا وام الهبال المشكلة من قوة وساعت الوجه قاعدات قداااااااااااام
مره بحدا حصصه ام الهبال كاشخه وجايبه نظارات فوشي بأصفر <-- اوالله كشخه مطرطعه ام الهبال عادي تجيتس بشراب
برتقالي وجزمه بنفسجيه هههههههههههههههههه ياحبي له اكلك الحين
تجي طايره تغولن
اقولتس المهم بحصة هالمجني عليه حقت العلوم قررت تلبسهن والله وتطقهن وتعليق وضحك البنات
اخبر العلوك والحلاو مطر بحصته عادي ينتلي راستس حلاو

المهم عاد ايقاله شخصت وبدات تطق الطاولة ام الهبال افصخيهن
وانا اقول لااااااا يا استاذه حرررام الشمس
وام الهبال تقول ليه عادي وش فيه
اجل وش فيه يالفسقانه عاد اخبره الا تفصخينهن لمين فصختهن غصب



(2)
بثالث متوسط كنت انا وام الهبال وفصفص بجنب بعض ومخربينه قوووة ذيك السنه
عاد عندنا معلمه ياهي قلق ونخطط نخليه تطردنا
ومالنا الا نزعجه عشان يتحقق مرادنا
المهم نحاول بس ماعطتنا فيس امر نمل وتبدا ام الهبال وفصفص يسولفن وانا واصله معي
امر تحقد عليهن وقالت ام الهبال وفصفص براااا
ويطيرن مستانسات امر اقف بذهول خوياتي يطلعن ويخلنن
قلت بكل هدء تسمحين استاذه الحقهن
امر تطير بوهته قالت تفضلي
هههههههههههههههههههههههههههههههههههههه
والله ياحنا اخلاااق

اذكر مصرية جت يوم انا بثالث متوسط وهي بولى مصرية بس على شكل سعودي
ياعليه هبااال وبتله توقف حنا شكينا بالحليب وسألناه قلنا المولد فين
قالت بالسعودية قلنا بس
المهم العالم مخترشين به مصرية ولعابه شي عجيب
عاد اخبر بالامتحانات ههههههههههههههههههههه
تسوي عرض رقص مصري ههههههههههههههههه ومن حسن حظي انا مانب لمه ذاك الوقت ولا صرت واو الحين اعلمكم وراه ههههههههههههههههههههههههههههههه
جن كم طالبه لمه وقالن الاداره يبونتس عاد مايبي له الدموع شي
عاد شوفوا النذاله اللي به كتبت كل اسماء المتفرجين هههههههههههههههههههههههه

على طاري المتفرجين اذكر يوم انا بثالث متوسط لي خويات عقب العام بولى ثانوي
عاد ذاك الوقت بالاختبارات ولزوم التفيخ (بلونات للمغارير ) المهم الحشوه
تراب عاد تعرفون مبنى الحكوميات كبيير وثلاثة ادوار المهم ويصوتن لي من الدور الثالث
خوياتي اللي بالثانوي حتــه قمزيه علينا واوك مشوار ثلاث ادوار المحاولة الاولى فشلت اكيد
المرة الثانية وصلتهن ومن غير ماتنفقش العالم ذاك الوقت اللي توه طالع يعني اغلبيتهم داخل المبنى
المهم ويرجعون الكوره واجدعه ثانية قسم بغت تطير معه ايدي من قوة الشوته امر تاصلهم
واثر العالم متجمهرين وتصفيق وتصفير تبينن ماتلقينن حسيت اني بنهائي دور كأس اسيا
عاد جت وحده ناسيه منهي قالت هاتي واعطيه وتوزه بس ماوصلت لاعمره تدعدع
المهم العالم كل ماله تتجمع تخيلوا الادوار منتليه امر اوززه وتطيح عندهم
وتهز المدرسه بالتصفير وتصفيق
مب كله اعجاب لو ابحلف بس يحبن اللجة امر تطلع الادارة كله منهبله وتفضى الساحة بثواني
عاد اخبري فقشته بجبهة حدى الجدران وليومكم موجوده : )


اخخ بس يالمتوسطه يوم رقينا للثانوي وانتِ بكرامه تخيلي فجأة سجن ولا تحركنا قالوا انتن حريم واللي بمحلكن معه عيال
حسبي الله عليهم تسيف تسذا يدمرون المواهب ويقتلون الهبال
عاد رحت عنهم الحين ورحت عن صديقاتي الغاليات وعن وليفة الروح ام الهبال
يوم دخلت جو غير جو مدرستي اللي كبتون سنتين كل شي استغربه العالم تهج تستهبل بس انا ما اعرف كل شي ناسيته
كله منهم سجن ذاك مب مدرسه
عاد ان شاء الله ابحط حرتي بهالسنة ومعي علم انه مارح تصير زي اللي قبل بس شي اهون من شي
لي باااك مع المقلعة حنين
وشكرا حبي على هالموضوع اللي فجر براكين داخلي
هدد الدنيا
كما اشكر ملتقى طلاب جامعة القصيم الراعي الرسمي للفيسات

__________________
استغفرالله العظيم واتوب إليه ...

آخر من قام بالتعديل ρίє¢є Όƒ Сђoсoζάtє; بتاريخ 25-02-2010 الساعة 07:19 AM.
ρίє¢є Όƒ Сђoсoζάtє غير متصل   الرد باقتباس
قديم(ـة) 25-02-2010, 07:08 AM   #34
ربـــع الدنيـــا
حرف راقي
 
صورة ربـــع الدنيـــا الرمزية
 
تاريخ التسجيل: Jan 2009
البلد: قد اختصرت دنيـا بقلبي وعالم ..
المشاركات: 833
اقتباس
المشاركة الأساسية كتبها آفــاق
مرحبـا اخـتي


بصـراحة سردك للمغامرة حــلو ..>>>> حسيت إني بالكشكووول ..

ما اذكر مواقف مع الأسف..
كانت ومازالت امنيتي إن أهج من الحصة..

لكن للأسف ماحصـل..
مرة نزلت الشجاعة بقلبي، وقلت لازم أحقق الأمنية قبل ماتروح الأيام!!
قررت أهج من حصة انتظار>>>>ولو متكلفة ذذ
بس للأسف تكللت العملية بالفشل
بعد أن قبضت عليّ أبلا منيرة,,!

أيــام حلـــوة..

تقبلي مروري يـاعسل,,







مرحباً ألف (آفـاق..{"

أجل إحساسك كشكول ايه بعذري عندي هبيلة فذاراآت نفس نفر
كشكول وتلقائي صرت عربجية

وه بس ياآآآروحي حلمك تهجين من الحصة وإنتظار <<< يقطع ام الشطارة تفكيرك يجنن
ايه ياختي لازم تهجين وانا أمتس
تعالي أسوي لك برنامج هروب من فيمتو (خويتي ) إنتاج سعودي 100%100

ايه ياقلبي آيام حلوة ياليت الزمن يرجع
في عيوني مرورك أسعدني حبيبتي ..{"







__________________
.

كفي على باب المطار البعيد
وأني خلقت لهذا السفر


.
ربـــع الدنيـــا غير متصل   الرد باقتباس
قديم(ـة) 25-02-2010, 07:28 AM   #35
ρίє¢є Όƒ Сђoсoζάtє
قبس دائم
 
تاريخ التسجيل: Feb 2008
البلد: -
المشاركات: 2,437
برايفت لحنين
اقتباس
وأذكر وأنا بأول متوسط بعد عندنا سوريه شآآآآطره بالحيل ماشاالله .. لكن ما أحبه
بس أم كاكاو بالفصل تمصلح معه عشانه شاطرة .. همن إذا جت الفسحة
جت معي عشاني أجيب كتكات ..<<==صدز لاعبتن علي

حرااام عليتس والله انه زينه اخبر بتله اخليه تحل لي واجب الانقليزي تعرفينن اشغال
اذكر قلت لمي عندنا سوريه دافوره قالت خوذي رقمه ولا اشوفتس الا معه واروح من باتسر لمه
عطين رقمتس قالت خطنا مدري وش بوه
هههههههههههههههههههههههههههههههههههه قسم انتس تنسيم
اجل كتكات ذكريات الطفه اجيب عشره واشري بتسعه كتكات وبريال مويه
مابي ملح لاطفيت بالشي : (

اقتباس
عاد تجيتس أم كاكاو تحط خطوط بالطاوله تحسب
كم تقول (بالنسبه) بالحصه ..!<<==والله من التنسيم أم كاكاو
يعني عآآآآدي ياصلن ميتين ميتين واحد
والله ياهي نكته ذيتس الأبلة <<== تخاف تجلده أم الهبال

هههههههههههههههههههههههههههههههههههههههههههه
هههههههههههههههههههههههههههههههههههههههههه
حنا قلنا له حللينا بأخر يوم
اذكر كانن البنات يتجمعن عليه تشرح لهن غرزه وانا أتلزق بالجدار لمين الباب وززز طع أهج
الضحية الكبرى صدز بنات الكلية لاجن يطبقن
لازم نعيش ايام المستقبل لانه تبي تكون ماضي بيوم من الايام
د: و أ: حته المنيف
__________________
استغفرالله العظيم واتوب إليه ...

آخر من قام بالتعديل ρίє¢є Όƒ Сђoсoζάtє; بتاريخ 25-02-2010 الساعة 07:34 AM.
ρίє¢є Όƒ Сђoсoζάtє غير متصل   الرد باقتباس
قديم(ـة) 25-02-2010, 07:47 AM   #36
ρίє¢є Όƒ Сђoсoζάtє
قبس دائم
 
تاريخ التسجيل: Feb 2008
البلد: -
المشاركات: 2,437
اخر زيارة


عاد يالله توقعوا هجه ولا تأخير ولا ...
__________________
استغفرالله العظيم واتوب إليه ...
ρίє¢є Όƒ Сђoсoζάtє غير متصل   الرد باقتباس
قديم(ـة) 25-02-2010, 09:55 AM   #37
BU7OOR
موطن الجمال
 
صورة BU7OOR الرمزية
 
تاريخ التسجيل: Jan 2008
البلد: اللهم اهدني ونوّر بصيرتي .
المشاركات: 4,249
من ناحية هبيله فهي هبيله واكثر
واو واو ياقوي قلوبكن ..


أبقول لك تعليقي بكل صراحة واتمنى ماتاخذين شي بخاطرك يالغالية هذي وجهة نظري /
هبال و إلا مراهقه وإلا غيره صراحة مثل هالتصرفات ماااااادري شلون أحسها شي من الأخلاق والتربية .
أجل أحد يأخذ شي مهب ملكه , أو يغتاب أحد بتنطنز أو تقليد !
ولو كان بالمراهقه ليش مايحاسبون المراهقات ؟!
الكلام طبعا مش موجه لك لأن السالفة يبدو إنه قديمة .
لكن كلامي للبنات لايتساهلون بمثل هالتصرفات , كل شي مسؤولين عنه .
هذا تعدّي مهب هبال ..
حتى لو بنوته سولفت بمغامراتها قالوا : إييه مراهقه , اييه هبال , إي والله انتس منسمة !
استغرب صراحة !
اوكي استهبال بنات خفيف مايتعدى لأحد بضرر .. ياطعمه بعد .
عاد اللي يسمعن يقول هذي ماجته موجة هبال , أكيد جتنا طلعات وهبال بس نحاول إنا ما نقلل من إحترام انفسنا ولا نسوي شي غلط . : $

كل الود

وأعتذر منك حبيبتي .
__________________



' إنّ الله معنا .

,

آخر من قام بالتعديل BU7OOR; بتاريخ 25-02-2010 الساعة 10:05 AM.
BU7OOR غير متصل   الرد باقتباس
قديم(ـة) 25-02-2010, 10:00 PM   #38
ربـــع الدنيـــا
حرف راقي
 
صورة ربـــع الدنيـــا الرمزية
 
تاريخ التسجيل: Jan 2009
البلد: قد اختصرت دنيـا بقلبي وعالم ..
المشاركات: 833
اقتباس
المشاركة الأساسية كتبها BU7OOR
من ناحية هبيله فهي هبيله واكثر

اقتباس
المشاركة الأساسية كتبها BU7OOR

واو واو ياقوي قلوبكن ..

أبقول لك تعليقي بكل صراحة واتمنى ماتاخذين شي بخاطرك يالغالية هذي وجهة نظري /
هبال و إلا مراهقه وإلا غيره صراحة مثل هالتصرفات ماااااادري شلون أحسها شي من الأخلاق والتربية .
أجل أحد يأخذ شي مهب ملكه , أو يغتاب أحد بتنطنز أو تقليد !<<< لاء لاء ماعتقد تطنزت أو إغتبت يا قلبي
ولو كان بالمراهقه ليش مايحاسبون المراهقات ؟!
الكلام طبعا مش موجه لك لأن السالفة يبدو إنه قديمة .
لكن كلامي للبنات لايتساهلون بمثل هالتصرفات , كل شي مسؤولين عنه .
هذا تعدّي مهب هبال ..
حتى لو بنوته سولفت بمغامراتها قالوا : إييه مراهقه , اييه هبال , إي والله انتس منسمة !
استغرب صراحة ! >>> عادي هاذي روح الشباب كلها وناسة ومايمنع نستانس إذا يرضي ربي ووما نضايق الناس في كلام أو قلة أدب وإحترام للمعلمة أو أو نغامر على سنع
والله في أشياء مو القصد هي كذا تجي يعني عفوية موب أنا أو غيري قاصدة
اوكي استهبال بنات خفيف مايتعدى لأحد بضرر .. ياطعمه بعد . أنا معك وهذا إلي حاصل بارك الله فيك
عاد اللي يسمعن يقول هذي ماجته موجة هبال , أكيد جتنا طلعات وهبال بس نحاول إنا ما نقلل من إحترام انفسنا ولا نسوي شي غلط . : $صــادقة يالطيبة

كل الود

وأعتذر منك حبيبتي .








لا ياحبيل قلبتش مافي شيئ بخاطري، كل خير لك
بس تعالي والله إني ذيك الأيام يتها ترجع
لكن الكفيل أعتقد واضح إنه ماكن بحاجة لبوية مخلص تصبيغ ،
وحنا بعدين عن الوضع المرسوم ماخربنها بالعكس كان عاجبنا ورهيب ،لكن أخذنا زاوية فاضية
وسوين حركات حلوة موب شينة
وحلآ المعلمات مو لدرجة إني تعدّي لاء يا حبيبتي هم مثل خواتي
حتى أذكر نروح نأخذ ،الشطة وهم يشفون مايقلون شيئ بالعكس عااادي يقلون لا تستحون
الثلاجة ثلاجتكم ..
وأحياناً أباشر على المعلمات بحلآ وقهوة وفلّة حجاج المدرسات كنّا معهم مثل الأخوات ونحب بعض مابيننا شيئ حبيبتي ..
مير ربك كريم ويغفر لعبادة ..عاد تبين الصدق لوتدري أمي كان تعلقن أسبوع على
المروحة ، و البوية كان رسمنا خطير أضاف جو على الجدار أعتقد جازلهم ..
وعلى فكرة أبي أوضح لك شيئ ترى البوية (حجم صغير )ويوم نفتحها كانت مو كاملة يعني فيها
الربع والنص وبعضها يابس يعني مفروغة من الإستعمال الزبدة فتحناها مو جديدة بقراطيسها..
بس والله رغم كذا والله ثم والله مومدح بس الحمدلله كنا محبوبين جداً بشكل أنا ما تصور
ودرجاتي مرة ممتازة يعني لا تتخيلين شكلي عربجية لاء لاء بالعكس تراني ، أعجبك أدب ..
حتى المرشدة عزمتنا انا وخويتي على زواجة وقالت وش رايكم إيش اعطي زوجي
محمد هدية << لا تعليق
والمديرة لمآ تنادينا تقول الثنائي المرح وحبيلة تسيف هي حبوبة


BU7OOR
يالطيبة ماله داعي تعتذرين واضح المقصد وأفهمك
على العموم شرفتين وأسعدني وجودك عشان أوضح لك وللمشاهد وما يفهمني غلط















__________________
.

كفي على باب المطار البعيد
وأني خلقت لهذا السفر


.

آخر من قام بالتعديل ربـــع الدنيـــا; بتاريخ 25-02-2010 الساعة 10:06 PM.
ربـــع الدنيـــا غير متصل   الرد باقتباس
قديم(ـة) 25-02-2010, 10:51 PM   #39
بحرالفكر
Registered User
 
صورة بحرالفكر الرمزية
 
تاريخ التسجيل: Dec 2009
البلد: بريده
المشاركات: 1,077
تصدقين من يومي باولى ابتدائي وانا مغامرات

بس ماقدر اقول نص مدرستنا هنا <<فضيحه
__________________
وداعا

اتمنى كل الي بالمنتدى يسامحوني لاني خلاص ودعت
المنتدى اتمنى اي احد اخطيت بحقه يسامحن

وداعــــــــــــــــــــــــــــــــــــاً
بحرالفكر غير متصل   الرد باقتباس
قديم(ـة) 25-02-2010, 11:47 PM   #40
ربـــع الدنيـــا
حرف راقي
 
صورة ربـــع الدنيـــا الرمزية
 
تاريخ التسجيل: Jan 2009
البلد: قد اختصرت دنيـا بقلبي وعالم ..
المشاركات: 833
اقتباس
المشاركة الأساسية كتبها فتاة الورد
يالله ..

اقتباس
المشاركة الأساسية كتبها فتاة الورد

موضوووع خطييير ماشاء الله ..
ربعووه .. يختي أحسن شي تخلين حياتس كله مراهقه
وتصير كله فله وهبال
ههههههههههههههههه .. أزززين شي ( نخم اللوحات مسوين فيها ثقافه نقرا ) ..
تخيلت شكلكن ..
ربع .. تراي مادخلت الموزوع إلا عشانتس .. وه بس فديت ألبتس أنا ..
صحيح إنتس بتقولين وش تبي ذي وش عرفه بي ..
بس مره رديتي علي بموضوع .. وجازلي الرد .. حسيت إنتس خطيره
<- قلت قصة حياتي أصلحني الله .. إييه أووميرر نرجع للزبده ..
تصدقين إنتس تصلحين لي أنا والشله <- تعني بنات خالاته كلهن هبيلة نمرة وإستماره
يختتي أحب المهبوول اللي عايش حياته .. (h
بصراحه .. ماودي أصير عاقله
يعني عاقله كليّاً .. وبين قوسين ( عجوز مصغره ) أو ( حرمّا وحموله )
<- تحسين إنه حاقده على العاقلاات .. لا بس ما اواطن الي بالثنوي وبالمتوسط مسويه فيها مخخ وعقل وثقل .. بليييز دووني ....
المهمز .. آمممم .. من هبااالي وصرقعتي .. آمممم
خليين أقولتس خارج نطاق المدرسه
تدرين إني انا والشله مطيرينن بنقالي
ماهي الحكايه ؟؟
خوالي يقولون لا تطلبون من المطعم .. به عشا ..
حنا مانبي عشا نبي مطعم .. ولو هو خررربطه ... <- الله يقلعك يافطيرتي أخذت كل اجرنا .. وجلبت لنا كمًا هائلاً من الدعاوي
يعني المسأله به عناد وشي نفسي
المهم .. يطيحون بنا خوالي .. عاد مره طاحوا بنا .. وراح خالي وهاش البنقالي . وقاله :
مافي إجي أبد بيت هذا حق انا .. ومافي جيب طلب هنا , مفهوووم !
المهم .. البنقالي قال طيب
حنا لم يردعنا هذا .. بل بالخميس القادم .. جبنا الجوال .. \\
- السلاح المدمر لرواقة خوالي
- والمصنع الجميل لوناسة بطوننا وإرضاء شياطيننا
المهم . . دقينا على المطعم وقلنا لهالبنقالي :
تعال مع الباب الثاني . مهب باب الحريم ولا باب الرجال ..
لا .. إيه ذاك الباب الي قبال بيت الفلاني .. إيه إيه .. متى يخلص الطلب .. زيين ,,
بسس ششف إذا جيت دق علينا .. مهب تفضحنا بالبووري .. إيه زين .. يله مع السلامه
<- تحلفوون إننا من تبع الإف بي آي على هالتخطيط والنجاسه ..
ايييه .. آووميرر يجيي .. طااح به خالي .. ولجنه للجن ولفعه تلفيع وكفخه ومسسح به الأرض بشكل مبرح
آآآه بس ياخالي .. لماااذا ؟؟ من يجيب لنا من فطيرتي الحين
ومن يدل بيتكم , ترانا قسمن عظمن يوم دقينا هالخميسات اللي راحن . ما ابطينا
بلشنا بهالجديد مهب يدل . وقعدنا نوصف له .. عند مسجد الفلاني .. وبحلنا به .. ولا أخفيك سراً تهاوشنا مع السعودي ويكد ونكد .. مشاكل حصلناه عشان برغرتين وببسي .. تخيل ياخال .. دقيت ورد علي هالضب
قلت له : نبي تسذا من تسذا .. وسالته عن الحساب وانا اسمع من عنده لجّه .. ويهرج ويقول الحساب
احسبه يعنيهم وسألت 3 مرات .. بالمره الثالثه خوينا يصارخ ويصيح .. قمت وقلت له : إنثبر ولا تكد ترا بهالكعب الحين .. , <- ياشيني إذا حطيت بهارات بسواليفي ..
المهم ياخالي العزيز
قلت له : يا صاح لا تكد .. فقال : ماااذا .. أنا ذررقت وقلت : إييه خلاا .. ـلالالا .. خلااص .. بعدد قليل نَدُق عليكَ ..
المهمز ـون .. يعني واجهنا إعاقات .. فلقد إنه شوي ويطلع علي من الهاتف ويلفعني ويمعط شعري ولا أخفيك سرا
بأنني أحسست بقبصه على يدي الحرشاء التي لم ادهنها بجليسوليد .. لأني واجهت ظروفا وإعاقات كذلك .. وأهمها العججز ..
المهم يا خال .. لماذا طيرت بنقالينا .. حرام عليييك
إلى خالي العزيز مع التحيه .. (دميعه) .. =(

ههههههههههههه .. وهذي سالفة تطيير البنقالي كله بفضل بطوننا وعنادنا
ماتلاحظون إني قلبت ردي موضوع وغير تسذا مناحه
المهم .. آدري إن ردي موضوووع وأطول من موضوعتس بمرتين .. بس إلى الله المشتكى كنت بأجل الرد بعدين
بس قلت لا الحين .. وجي تآخذن السواليف وجي يصير هذا طوله ,, وجي .. إييه
( إلى الله المشتكى )

موضوعتس يسستحق التمييز ... وو ..
والله إنتس فنتكــه
إييه .. مع السلااامه .... <- تخاف تشوتييينه





,







وتكتمل الخطــورة بوجودك يافتاة الورد
زينة حياتي المراهقة إبداع منب متحسفة على كل شيئ سويتة
لاعمرك تتخيلين لا أقنع بليستس
يافتاة العرب وش أقول كلامك طيحني عدام
كل ذا عشاني يا روحي أنتِ وش تبين أسوي لك أمري أحل لك الواجب اممم لاء أتوقع عمرك في الكلية ..
طيب أودي قلبـي لأحمد للهداية وغلفة لك ..؟
لكن ..!عندك قلب أطيب وأحلى قلب
بربك قولِ وش أسوي لك

مير يكفيك حبً في الله يجمعنا في الجنة ..
ليش ترجعين لزبــدة خلينا على الدهنه
..{"
والله شكلك نفس التفكير وبنات الخالة يشرفون قلبي لو مثلك
مير تعالي وش ذا الإجرام منتي صاحية أجل خالك يطرد وأنتي من وراه
أنا لا شفت زول خالي أتغبى من الذراقة يوحشن صوتة
عاااد والله ذكرتين في اخوي يقول يسعد أبو شماغ بتس
ما تقولين لاء أبداً << أتوحش أعاند وأجادل كلمت رجل مالت علي السخرة
يكفيتس لاناظر بعينة << أغني للعافية طريتز
حبيبتي ساحتي دفتر كشكول قولي كل علومك
سلامي لك وسلامي لكل الشعب المراهق



























__________________
.

كفي على باب المطار البعيد
وأني خلقت لهذا السفر


.

آخر من قام بالتعديل ربـــع الدنيـــا; بتاريخ 25-02-2010 الساعة 11:50 PM.
ربـــع الدنيـــا غير متصل   الرد باقتباس
قديم(ـة) 26-02-2010, 12:07 AM   #41
هايين
قبس دائم
 
صورة هايين الرمزية
 
تاريخ التسجيل: Jul 2008
البلد: في ارض الله الواسعه
المشاركات: 12,860
مدهشه
ههههههههههههه الى بكرى
ذكرتيني بالهج والهجيج
الله يذكرك بالخير يابلا مديحه كنت اتغبى عندها واخذلي غفوه
اما البويه حدث ولاحرج
مع اني عمري ماسويت عمل فني بها بس لازم امر باصبعي على العمل ومره بعيون ابلة الفنيه اشوي ولا هي ذابحتني

ووووو ايام المراهقه
بس نصيحه لاتعلمين اعيالك بعدين
اولدي مجنني يقول انتي كنتي وانتي كنتي اثقلي ليصار عندك اعيال
هماه

هههههههههههه


الله يوسع صدرك سيرت وانا ببيتي

,,
__________________
آللہم إن ّبين أضلعي [ أمنيـة ]
يتمناهآ/ قلبي , وروحي , وعقلي . .
​
يآاااارب
إنّ أمنيتي تنبض في قلبٍ هو مُلگگ
 فَلا تحرمني من ( فرحة تحقيقہآ )

فَإنگ آلوحيد القائل للشي:
 " كـنّ . . فَيكون "
سبحانك
...
هايين غير متصل   الرد باقتباس
قديم(ـة) 26-02-2010, 02:34 AM   #42
كنز الألوان
عـضـو
 
صورة كنز الألوان الرمزية
 
تاريخ التسجيل: Dec 2008
البلد: من سكان الأرض
المشاركات: 1,821
ودي شايفه شكل وجهتس

وهو عليه البويه

ياليتي حرشت عليكن عند المطيره ...........حروش ..

تذكرت مره قالولنا زينوا فصلكم عشان تفوزون

عاد حنا موب فاضين نزين مانعرف إلا ننطل

وكل يوم ننطل لوحه من الساحه ونحطه بفصلنا

طبعًا لازم فيه بنات يراقبن وكل فصلنا نطل من برا وهم مصدقين إننا مسوينه

عاد مره نطلنا لوحه كشخه تهبل كله تلمع

وحنا نمشي جو لمنا البنات يقلون الساعده جت

ونرك اللوحه ونهج وهي تلحقنا تقول تعالن وش مسويات


ربوعه إختاري وحده
__________________
ظِلّ مَكْسُور وكِسِير لِليتَآمَى وَالفَقِيرْ
ظِلّ ظِّلهْ كَمْ مَلآيين ورَفَآهِية رَغِيدَة
ظَلّ طِفْلِ فِي بَرَآءَة حَآكه فِي ظِلّ الكِبيرْ
ظِلّ عَآدَآت وتَقَآلِيد جَثتْ فُوقَ
العَقِيدَة
ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة
ظِلّنآ هُو عَرْش رَبّي خَآِلق وآحنَآ عَبِيدَه
ظِلّ جَآمِعْ
لِلمَحَبّة وَالوَلأء يَجْمَعْ جِمِيعَهْ
ظِلّهَآ ظِلّ الجزِيرَة شَآمِل ظِلآلِ عَدِيدَة
كنز الألوان غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 08:52 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)