بريدة






عـودة للخلف بريدة ستي » بريدة ستي » بــنــت بــريــدة » |- Coffee Shop -| » قَــديمك نَديمك لو جديدٍ أغْناك ㋡ ,,

إضافة رد
 
أدوات الموضوع طريقة العرض
قديم(ـة) 28-05-2010, 05:12 PM   #43
به ميرنيم
Registered User
 
تاريخ التسجيل: May 2010
البلد: بوسط بيت من بيوت بريــــــــــــــــــــــــــــده
المشاركات: 295
قديمك نديك سلمتي
به ميرنيم غير متصل   الرد باقتباس
قديم(ـة) 28-05-2010, 05:12 PM   #44
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
..

(الشيخة فلوة) , (جاردينيا ) , ( ملامح حالمة ) ~ < وش بعد (:


اقتباس
رورو حبي خشم جدتك وه ياملحه

اقتباس
عرعور انتي وموزوعك فله

أنتِ الفلّه ياعمري
أبشري بحب خشيمه



..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 28-05-2010, 05:39 PM   #45
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
..


تبآشير المطر ~

اقتباس
وعليكم السلام ورحمة الله وبركاته
أتعبني طموحي كلتس على بعضتس تجوزين لي ياحبيلتس ياخيتي
ونااااااااسه يازين الأمثال والحكم يختصرن سالفة طويلة ويقولن الي بقلبتس .
وضحكت من قلب يوم قلتي : عندكم حكم زينات مثلي خخخ وه بس ياطعمتس
وعندي مشكلتن كبييرة اانتي قلتيه وهي التناقض بـ أمثال
وكلهن يهبلن وواقعيات مثل الي قالت جدتك .

يآآآآآحوبي لتس بس


على قولتس أنا فاقعتن راسي هالأمثال أحياناً يتعارضن
همن أبلش ماادري من أصدق

اقتباس
وشلون تجمعين بين

( إن الله يحب أن يرى أثر نعمته على العبد )
( أقضوا حوائجكم بالكتمان )
وووو ياكثرهن ، بس تبي واحدن فهيم ويعطي كلن مقامه ومناسبته .

تبآشير أتوقع ذولي أحاديث مب أمثآل وإلا ؟
بس أحس مابهن تعارض الأول يعني :
إن الله إذا أنعم على أحد نعمه يحب يشوف آثرها عليه
مثل قوله تعالى : (وَأَمَّا بِنِعْمَةِ رَبِّكَ فَحَدِّثْ )

أمّا الثاني يعني :
مب كل روحة تروحينه وكل شيء تسوينه تروحين تعلمين به خلق الله
خلاص اسكتي واقضي حاجتتس بالكتمان ,,

تهقين صح علي ؟


اقتباس
نرجع لموضوع طموحي
ابقول موقف هدية مع المثل ذذ
خالاتي هاك اليوم يسولفن ، قالت خالتي لخالته ( فهمتي هههه )
المهم قالت : وراه ماعزمتنا فلانة ياخاله وعازمتن فلانة
قالت خالتي : عازمته لأن ذيك ماتنساه بمناسباتهم
وعلى ماقال الدنيا لدنيا والأخره مستاخره » هذا المثل » توه تجيب الزبدة خخ
يعني ان الناس يعزمون الي يعزمهم ويقدرون الي يقدرهم
ولا ماهنا شي للأخره ( طبعًا إلا من رحم ربي ) يارب الشرح صح علي
وبسس ياطموحي كثثثثري لنا من تسذا وه بس

وه يجنن شرحتس أحسن من على الأقل
مثل جديد أبضيفه عندي


تباشيـــر ياأختي قد أحد قالتس انتس تهبلين


..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 28-05-2010, 05:42 PM   #46
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
اقتباس
المشاركة الأساسية كتبها طيب شمر
ياحوبي لك انت وجدتك وسواليفك وه بس <<جمعت الأخت
عندي مثل <<<أوب مودبه عاد
اللي على رأسه ريشه يتحسس منها <<يقال إذا كنت تتكلمين عن موضوع ولم تقصدين أحد وتجيك وحده من البنات وتنط عليك تحسبك تقصدينها وانت نيتك بيضاء <<<اوب شرحي احسن من شرحك<<<واضح
هذا مثل مصري
ذكرنا( الأط أم بينط)ذكرنا القط قام ينط <<<<عندما تتكلمين عن أحد غائب وبعدما تنتهين من كلامك صار قدام وجهك



..

شكراً شكراً يا أم الطيب

يعطيكِ العافيه بس شرحي أزين


لا أمزح كلنا حلوين

..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 28-05-2010, 05:58 PM   #47
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
..


القلب ~

اقتباس
يه يه
موضوعك رهيب ياعسى طموحاتك كلها حقيقة
وأهم شيء به شرحك السهل الممتنع


آمين يآآآرب
أجل شرحي سهل ممتنع ايه هيّن بس سلكي لي

اقتباس
حبي له جدتك .. ترى فيه فرق بين المثلين [ اللي مايعرفك مايثمنك , من عرفك حقرك ] الأول يقصد مممم << بلشت مثلاً طالبة متفوقة بدارسته وذكية وتقريباً هي الأشطر على مستوى الفصل أو القاعة جت أستاذة جديدة ووافق ذاك اليوم البنت ماذاكرت زين واتهتمه الأستاذة بالكسل والتبلد , هنا نقول [ اللي ما يعرفك مايثمنك ] .
المثل الثاني وأصله [ من عرفك صغير حقرك كبير ] وهذا يبين قوة التشجيع والاهتمام بالمواهب والطموحات من قبل مجتمعنا السعيد << العكس طبعاً يعني مهما الشخص كبر بدراسته ووظيفته وعلمه مايلقى من مجتمعه القريب منه سوى الحقران وكلمة [ إيييه فلانة يوم كانت بزر مافيه أغبى منه , فلانة بالإبتدائي ما تنجح إلا بالدف , أخبره ذيك كانت ما تعرف تفرق بين الألف والباء ] والحمدلله إنهم قليل اللي بهالشكل

ههههههههههههههههههه صدز عاد بديت أقتنع
صح عليتس وشلون مافكرت به ذي ,,
شرح رائع تقول جدتي ذي اللي رشحت زين حطوا له نجمة بــ لوحة الشرف


اقتباس
ومثل متفائلة .. ليت بنتي رفلا ولاهيب مهينة
صححي معلومتك يا ستّي
وتعريف المثل على لسان أمي الرفلا يطلع منه حاجة بعكس المهينة اللي يروح يومه وهي تقول هه هذاي قمت

خخخخخخخخ متفائلة ذي حآآآقت الدعوى كله
ومن زين العذر تقول ان امي .... الخ (راجعي ردّه ) ذذ



اقتباس
راجعة بكومة أمثال بإذن الله

يآآآربي لاتخلينا صادزه جدتي يوم تقول حطوا له نجمه
أثرتس تستاهلين



..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 28-05-2010, 06:03 PM   #48
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
اقتباس
المشاركة الأساسية كتبها 乂♥ متفائلة ♥乂

ـهههههههههههههههههـ واللي حاقت آبو المثل

آصلاً أنتم مافهمتوا

دايم آسمعه من آمي كذا ليت بنيتي رفلة ولاهي بمهين
عاد أنا أعكسه وأقول لا يمه الرفالة موب زينه كان أكسر لتس كل صحونتس
قالت أحب لي من المهانة
وبتلت حافظته كذا

طيب وش رأيك باللي يقولون ( لابغيت تضمه إسآل عن أمه )
وإشرحي لنا < مطولة



..

صدز عآآآآد

ايـه وش لونتس

( لابغيت تضمه إسآل عن أمه )
ذا عاد أنا أؤمن به وبــ قوووه ,,
والله العظيم دائماً دائماً البنت تطلع على آمه بكل شيء
المفروض لاجاء الواحد يخطب يسأل عن الأم قبل البنت

وعند الشوام مثله يقولون :
كبّ الجره على ثمّها تطلع البنت ع أمّها


ميتووو


..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 28-05-2010, 07:00 PM   #49
الماسة ستي
عـضـو
 
تاريخ التسجيل: Jan 2008
المشاركات: 129
يسلمو ع الموضوع انا ابشارك بكم مثل وانتم فسروهن......................

مت يا حمار لما يجيك الشعير ................

الزعابه ولا العابه ........اول ما سمعته قعدت اسبوع يالله حفظته...........

كن نسيبا ولا تكن ابن عم...........................

انا واخوي على ابن عمي وانا وابن عمي ع الغريب.................

شلق جح................مادري اذا مثل صحيح بس دائما اسمعه ..............

قال خذ خير قال: مامعي ماعون.............

مال البخيل ياكله العيار.............

تجيك التهايم وانت نايم................

الي ماله السان ياكله الخنفسان...........

مالك الى خشمك لو هو عوج...............

مادون الحلق الى اليدين...............

من تغلى يتخلى..................هذي كثير اقوله..............

اذا اكرمت الكريم ملكته واذا اكرمت الئيم تمردى............

ياجبل ما يهزك ريح..............

كلام بالفايت نقصان بالعقل............هذي من جدتي............

البيت بيت ابونا والقوم طردونا.............

قابل الصياح بالصياح تسلم.................

المؤمن لا يلدغ من الجحر مرتين......................

من برى الله الله ومن جو يعلم الله............

لابس خلاخل والبلا من داخل.............

اسد علي وفي الحروب حمامه..................

عصفور في اليد ولا عشره على الشجره................

شر لبليه ما يضحك...................

الشق اكبر من الرقعه...............

القرعه تتباهى بشعر بنت اخته...............

ماعنده ما عند جدتي.................

يعطي الحلق للي ماله اذان............

باب النجار مخلوع..............

الاسكافي حافي................

الي عنده فلس محيره يشتري حمام ويطيره.............

اسفه طولت عليكم .........هذا مو مثل هههههههههههه
الماسة ستي غير متصل   الرد باقتباس
قديم(ـة) 28-05-2010, 11:19 PM   #50
فتاة الورد
عـضـو
 
تاريخ التسجيل: Oct 2008
البلد: - ... ṞềłสẋλŧĪ๑ŋ ~
المشاركات: 2,089
رجعت بكم مثل أحبهن حييل

شبكت عين المنخل ‘
أقوله تيس يقول إحلبه ’ <- تنسييم ذا
وبسس ..

وآحبيلتس
__________________
.


. . ولي لغتي الخاصّة *





فتاة الورد غير متصل   الرد باقتباس
قديم(ـة) 31-05-2010, 04:19 AM   #51
القلب الوردي
فقدك موجع أبي =(
 
صورة القلب الوردي الرمزية
 
تاريخ التسجيل: Jun 2007
البلد: تَحْتَ أجْنِحَتَهُم [ مُنَعَّمَةْ ] .!
المشاركات: 4,768







جيت

استلموا : ( ولاتنسين تورينهن جدتك )
  • أذهن من إبليس << هذا المثل دايم نقوله للبزر اللي يسوي نفسه بريء ولا يفهم وش أنتِ تقولين وهو الله أعلم
  • ماسويت سوّي بك << هذا مثل البر سلف .. معناهن إن اللي يسوي خير بحياته بيلقاه واللي يسوي شر برضوه بيلقاه
  • ياخال ابوي حك ظهري << هذي لاجت وحدة بتثبت لك إنه تعرف فلانة ( بنت أخو جد ولد عم أمي ) << هنا قولي له ياخال أبوي حك ظهري .
  • ماله خوي << تقال للشخص اللي يواعد ولا جاه شيء أزين سحب على العالم
  • نفس شينة وجلد مروح << وهـ
  • مابقى بالعمر كثر مامضى << كانت تردده جدتي كثيييير الله يغفر له ويرحمه يارب .
  • صبه واحقنه لبن << واضح الظاهر مابحلت بشرحه أبد
  • المهتوي يقطع المستوي << هذي تقال للعجاز لا اهتوى يسوي شيء
  • خذ علوم القوم من سفهاه << دايم البزران هم اللي يجيبون لك العلم الوكاد
  • شف وجه العنز واحلب لبن << يسب هو بس مادري وش معناه بالضبط
  • لا ينبلع ولا ينجرع << تقريباً ذا مثل حرك تبلش
  • خم بط أو خمبط << مادري إذا هو مثل أو لا بس أمي دايم تقوله إذا مثلاً أحد أخواني ما أمداه يطلع إلا هو راجع أو كذا
  • جاك الذيب جاك وليده << ماعرف أشرحه :/
  • صوعّ و روعّ << يصلح للي عندهم امتحانات
  • الذيب بالقليب << مادري وش معناه .


طموحي






__________________
...

حيْنَ يُسكِنُ اللهُ الَرضَى دَاخلَ قُلوبِنا ..

يُصبِحُ لونُ الوَاقعَ ... ورديَاً !

..
القلب الوردي غير متصل   الرد باقتباس
قديم(ـة) 31-05-2010, 09:02 PM   #52
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
اقتباس
المشاركة الأساسية كتبها به ميرنيم
قديمك نديك سلمتي


..



الله يسلّمك




..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 31-05-2010, 09:26 PM   #53
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
..

ألماسة ستي ~

والله انتس صدز ألمآسة
وش هالزين والأمثآل الحلوة
بس لوأنتِ شارحتهن تصيرن
أزين شيء

ترى كلّهن عارفة معناتهن بس
للإختصار أبشرح بعضهن < الله من الصدز

تجيك التهايم وانت نايم ~
يعني مثلاً تقومين من النوم تطب عليتس أختتس
إلا أنتِ اللي مضيعة روجي الله يقلع العدو مير مادريتِ انتس شارية
روج جديد عشان أضيعه

القرعه تتباهى بشعر بنت اخته ~
ذكّرتي بوحده كانت معنا بالإبتدائي
أبو جيرانهم دكتور ومبلشتنا بوه

الي عنده فلس محيره يشتري حمام ويطيره

زي الطرطعآن الحين مغير خساير فلوس
على غير فايده



شكراً ياألماستنا
من جد حضور كريــــم

..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
قديم(ـة) 02-06-2010, 07:47 AM   #54
تباشير المطر ~
كاتبة متميّزة
 
صورة تباشير المطر ~ الرمزية
 
تاريخ التسجيل: Dec 2007
البلد: بين النبلاء .
المشاركات: 8,293
اقتباس
تبآشير أتوقع ذولي أحاديث مب أمثآل وإلا ؟

وه ياحبيلتس الا
بس أقصد الأمثال مثل تسذا يتعارضن بالمعنى وكلهن مقنعات .

اقتباس
بس أحس مابهن تعارض الأول يعني :
إن الله إذا أنعم على أحد نعمه يحب يشوف آثرها عليه
مثل قوله تعالى : (وَأَمَّا بِنِعْمَةِ رَبِّكَ فَحَدِّثْ )

أمّا الثاني يعني :
مب كل روحة تروحينه وكل شيء تسوينه تروحين تعلمين به خلق الله
خلاص اسكتي واقضي حاجتتس بالكتمان ,,

تهقين صح علي ؟

وه ١٠٠ صح

اقتباس
تباشيـــر ياأختي قد أحد قالتس انتس تهبلين

وه بس ياااحبيل عمرتسس انا الي أسألتس السؤال
__________________


عندما نحسن إلى الآخرين فإنَّا نملك قابلية كبيرة لـ " التأثير عليهم " !
تباشير المطر ~ غير متصل   الرد باقتباس
قديم(ـة) 02-06-2010, 03:07 PM   #55
أتعبني طموحي
عـضـو
 
صورة أتعبني طموحي الرمزية
 
تاريخ التسجيل: Dec 2009
البلد: الرياض
المشاركات: 1,199
اقتباس
المشاركة الأساسية كتبها فتاة الورد
رجعت بكم مثل أحبهن حييل

شبكت عين المنخل ‘
أقوله تيس يقول إحلبه ’ <- تنسييم ذا
وبسس ..

وآحبيلتس


..

هلا هلا فتّووو


حبي لتس اشرحي الأول ترى عجزه اشرح < جدته مسافرة
لا جد بس خابره المثل تسذا ( شبكة تعاير منخل ) ماادري وراه إقتلب
لازم ترجعين تشرحينه همآآآه

أمّا الثاني هو مثل أبووووي المفضّل إذا قاله أعرف إنه باقي حبتين و يعصب قوووه
يعني مثلاً يقول لأختي حطي ذا بالثلاجة تقول سم بس وين أحطه بالفريزر وإلا الثلاجة
همن عاد يحمق ويقوله بعذره به هالتنكه



فتّوووو أحوووبك مره مره




..
__________________
.

لا مَرْحَباً بــ سُرورٍ عاد بالضَرَرِ !
أتعبني طموحي غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 03:24 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)