بريدة






عـودة للخلف بريدة ستي » بريدة ستي » سـوالـيـف كـشكـولـيـة » حالة سطو خطيره .....تعالوشوفو الاخبار

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 06-01-2002, 02:06 AM   #1
السمسار
عـضـو
 
تاريخ التسجيل: Sep 2001
البلد: بريده
المشاركات: 7
حالة سطو خطيره .....تعالوشوفو الاخبار

ســـطـــو....

اهلا وسهلا بك عزيز قارئ الموضوع لك تحية ،تقوم بمداعبة خشتك الجميلة ،وتتراقص امامك كاربعه يستنزلون في سامري

اوثلاثه صعايدة يرقصون راب على صوت الماطور ((ياقدمك يا شيخ راب))

اسمحو لي في هذه الا مسية الا نخراشيه ،اخرش لكم موضوعي الانخراشي ((خرشك جني يا شيخ))هو اني ذاهب ذات مرة للبنك ، لاقوم بتخشيش مبلغ بحسابي ، لاني كنت توني فاتح لي حساب عندهم وتوني مطلع بطاقةسحب ، المهم دخلت البنك الاوفي استقبالي الشاب اللطيف السكرتي مفتول العضلات و لايعرف اي ملا مح من ملا مح الوسامة بس شكله يسمع بو سيم بس ما قط جرب في يوم من الايام هالشي، ومعه عصا لو يطق فيها الكافر صار مسلم واقز اسمه والا اسمه لؤي وانا الي تاخذني الضحكة غصبن عني واقول كالهكبر ولؤي وكل هالكرشة الكبيرة الي الحزام متعذب مسكين الي قدر يصك ولؤي ماعلينا مانبي نحش بخلق الله ((وشو بعده )) المهم لقيت سرى وانا الي اصف معهم وبعد ربع ساعه جا اني الدور ، وانا الي اناظر الموظف بعد غيبة طويلة ،قال لي

بكل ادب دورك يا سيد قلت له اشكرك قال لي: امرني اتفضل

قلت له : ابد عندي مبلغ ابي اخششه في الحساب ولا عليك امر

قال يعني عملية ايداع قلت له : لا والله عملية تخشيش

قال: ايه يعني ايداع

قلت له: ليس لك لواء عملية تخشيش

قال : ايداع تخشيش عطنا المبلغ والفورم الا بليكيشن

قلت له : وش فورمه ياخوي

قال: رح تلاقي نموذج عبه وعط غيرك فرصة

والله فعلا دورت استمارة التخشيش ولا حصلت الا بعد ربع ساعه جزاه الله خير واحد من الاخوان عطاني الا ستمارة والله واروح وامسك سرى المهم ويوم وصل سراي الا وذالي دخلوا علينا

لحد يتحرك كل واحد يسكت ويبلع لسانه لا اتوطى في بطونكم ((وشذا الحرامية العرابجة )) شكلها عملية سطو الي يقول عنها كونان

المهم انا قلت اكيد ان لؤي مايدري عنهم والا والله انه ياكلهم ياشيخ

ويوم التفت ناحية الباب الا ذالي طا قينه ومصفقينه افااا

وين الجسم والحركات والعصا واخرتها طاقيينك ،زاد من يوم شفتك كاد الشعر على جنب وانا غاسل يدي

المهم اخذو افلووس البنك وانا ساكت وقالوا اي واحد معه مبلغ يعطنيا اياه ولا ترى بنلعب بلنتيات في كرشته ،والي يبي يسوي بطل ترى مناب قا يلين له ليش تسوي كذا يا بابا نبي نوريه العين الحمرا،المهم والله وافزع لهم بالخمسين حقتي((لا ومن زين الطبايع صارفها خمسات عل بالي اكثر ،لاوفيه خمسة منشق الرقم حقها)) الي بخششها بالحساب وابشركم قاللوا لي انت احسن واحد انت نعتبرك المتعاون الزين فيهم والله يوم جمعوا الدراهم ،المهم وانا اقول لنفسي وش الدبرة الحين يا ابو حمد لا زم انقذ الخمسين حقتي

وانقذ اموال البنك ((والله بيني وبينكم ماهمتني الا الخمسين))

واحاول استجمع شجاعتي المتفرقة الي كنها مصاقيل بزر وقد سقطت منه فيالسور حقهم ، ومثل ما تعرفون او ما تعرفون بصركم انا اقوى واحد بالكيرم في وزن الريشة ،يعني ما ينخاف علي

والله وانا الي اطلع السلسلة السحرية من جيبي سلسلة القز وبالتحديد جيبي الا يمن الي فيه ما لا يقل عن كيسين حب مصري

والله ومسوي على بالي مادريت وانا الي اتغافل رئيسهم والزخ والديه بوجهه بالسلسلة ،المهم اهو من قوة الصقعه وتصك في جبهة لؤي لانه كان مربط تحت المهم طاح من قوة الصقعه واخذ الرشاش وهو روسي من نوع ابي عطفة وناس يسمونه ابو عكفة واقول لاخوياه الثنين نزلوا رشاشاتكم ولا اقتله ما فيه فايدة من الانكار ((وش انكاره اناووجهي بعد)) قصدي لاني تراي بلغت الدوريات وويبي يجون هالحين احسن لكم نزلوا رشاشاتكم والا قسم بالله لا قتله

المهم شافوني جازم والله مير ينزلون اسلحتهم وقام احد المواطنين جزاوالله خير ((على بالي قصيمي ))ومير ياخذ الا سلحة وويجمعهاا وقمت انا للؤي وقومته وقلت له ربط هالمبزرة، والله مير يقوم لؤي ويقول :اوريك تضربني بالسلسلة على وشي ،قلت له وشي وش الي وشي منين طلعت لنا ذي بعد وشي

قال :طيب

المهم والله وتجي الشرطة ويجي المدير ويقول تعال نبيك فوق عندي والله ((قلت في قلبي وش يبي ذا بعد لا يكون يبي سلف))واروح عنده فوق ويقول وش تشرب شاهي كا بتشينو اي شي اطلب تجد ((بديت اشك انه مدير البنك احس انه مدير بوفيه،بغيت اقوله عندكم سندوشت شكشوكةبس استحيت بعدين يقول وش هالبطل المشفوح))

قلت له: برندةفراولة ولا عليك امر ((والله مير يجيبون هذيك البرندة الباردة وانا الي افصفص واعطيه فصفص وسوالف انا واياه))

المهم رجعولي الخمسين ((قلت الحمدلله اهم شي رجعت لي الخمسين))ويقولون نبي نكافك اطلب وش تبي ،شبح فياقرا اودي وش تبي بس انت تامر والبنك برمته يطاامر

قلت له ابد والله مشكورين عندي هنادي لا خلا ولا اعدم، مشكورين

والله ويكتبون خطاب شكر لي ويعلقون صورتي بالبنك حقهم الي مهب مصدق يبي يشوفها يلاقيه بفرعهم


والله وارجع مسرع للبيت واشغل التلفزيون واناظر المحقق كونان

الحلقة ستطعش

وهذي السالفة


( السمسار )












ملاحظه:نقلته من احد المواقع
المصدر: بريدة ستي

السمسار غير متصل   الرد باقتباس


قديم(ـة) 06-01-2002, 09:34 AM   #2
راشد الراشد
عـضـو
 
صورة راشد الراشد الرمزية
 
تاريخ التسجيل: Nov 2001
البلد: الدمــــ AL-DAMMAM ـــام
المشاركات: 3,317
مشكور على هذا السالفه
وننتظر المزيد
وشكرا
__________________

من الدنيـا أنـا مابـي سوى عـفـو العلي التـواب
ويحسـن خـاتمـة فعـلي ويغـفـر لـي ضـلالاتـي

أبمـلا العمر "بالتوبة" و "نوح" و "هود" و"الأحـزاب
متى كـانت سنيـني عمـر انـا عمري في ركعاتـي

راشد الراشد غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:32 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)