بريدة






عـودة للخلف بريدة ستي » بريدة ستي » أفـــراح و احــتــفــالات » خيالات الشيخه

أفـــراح و احــتــفــالات المناسبات العامة في بريدة و الاجتماعات وحفلات الزواج والترحيب بالأعضاء

إضافة رد
 
أدوات الموضوع طريقة العرض
قديم(ـة) 22-08-2013, 11:23 PM   #1
امبرطورةّ الانوثهّ
عـضـو
 
تاريخ التسجيل: Aug 2013
البلد: القصيم
المشاركات: 10
خيالات الشيخه

سلامن عليكم ي زلمات وي زليمات>يعني مونث

من اليوم احوص بالمنتدى ومحتاره من وين ابداء اشارك بما اني جديده فيذا وبقراطيسي
قلت اخش على هالموضوع اعطيكم من سوالفي الزينه اللي كلها تسذب
ويصير بينا الفه ومحبه وعيش وملح

وببداء من هذا المنبر المبارك وابداء شطحاتي


انا انسانه احب الخيال واحب اسوي اكشن بخيال واونس روحي

احيانن تخمني خمات رومنصيه ويهفني ذاك الجو الرومنصي واقوم اخذ فرشتي وانسدح بالحوش واقعد اطالع بالنججججوم واعدهم وثمن اشغل خيالي


ودي يجي يوم اطلع للبر انا واهلي بالليل وينسوني بالبر ويرحون ويخلوني وانا اقعد امششي وخايفه وادروهم ماللقاهم والقى عاد ذيك الخيمه وانا اروح لها ركض
ابيهم يساعدوني
واول ماادخل الخيمه الا كلها ششباب يضحكون ويلعبون ويومن شافوني سكتو
وانا انخرش واقمط العافيه وهي تجيني ام الركب
وهو يقوم واحد ويقول تعالي ي حلوه
والا يجي فارسن اطخم ويوقف قدامي ومعاه المسدس
ويقول ي ويل واحد يقرب لها لااثور فيه
>>ي ويطططططططططططططططططي
وهو يعصصب عليه ويقول ي الله على السسياره
ثمن اركككض على السسياره واركبها وهو يجي يركب
ويقط عليها الشماغ ويقول تغطي
وانا خاقتن معاه هالفارس المغوار
ويقول لي من اي العرب ي بنت الاجواد>>قلبت مسلسل بدوي
اقوله انا بنت فلان
وهو يقول دليني بيتكم وادليه بيتنا
واروح لااهلي سالمتن غانمه

ثمن مرت الايام وهو يجي يخطبن من اهلي ووافقت عليه
وليله العرس يقولي ي بنت الاجواد من شفتك حبيتس ودخلتي قلبي عشان تسذا بغيتس حليلتن لي ومن نصيبي

عاد انا اخق
ثمن اخق
ثمن اخق

ثمن تجيني رفسسسه من اختي تصحيني من خيالي
وتقول قومي غسلي الحوش بدال تبطحتس اللي ماله سنع
وانا اقوم اغسسل الحوش واتعوذ من ابليس من هالخيال المارج اللي ماله سسنع

>>محدثتكم الششيخه /زقحا اللي عن الحكم عيت
المصدر: بريدة ستي

امبرطورةّ الانوثهّ غير متصل   الرد باقتباس


قديم(ـة) 25-08-2013, 04:30 AM   #2
فوفتي
عـضـو
 
صورة فوفتي الرمزية
 
تاريخ التسجيل: Jun 2011
البلد: بريده
المشاركات: 589
عفوا
ياليت تروحين تفسرين كلمة خاقه وخقيت وخقق قبل لاتجين تكتبينها مشكلتنا نكتب كلمات بدون لانعرف المعنى..

وموضوعك مع احترامي لك يا اموره في غير محله وماله اي معنى ياليته ينحذف ..
__________________
احذر تميل وتنكسر حاول تقاوم هالزحام,,وان جاك طعنه فالظهر تأكد انك بالأمام..
فوفتي غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:20 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)