بريدة






عـودة للخلف بريدة ستي » بريدة ستي » سـوالـيـف كـشكـولـيـة » == هذي سالفة الكيبل البحري المنقطع هالايام // ياحلالي انتم ==

سـوالـيـف كـشكـولـيـة الطرائف و الألغاز - يمنع مشاركة النساء

إضافة رد
 
أدوات الموضوع طريقة العرض
قديم(ـة) 22-12-2008, 02:43 PM   #1
سعفة
عـضـو
 
صورة سعفة الرمزية
 
تاريخ التسجيل: Sep 2001
البلد: &^ ضراس المحتلة ^&
المشاركات: 3,493
== هذي سالفة الكيبل البحري المنقطع هالايام // ياحلالي انتم ==

الــــ_-_-_ــــــــلام عليـــ^ــم

يابعد تسبدي وهـ ،، هالانترتتن يحبي ياحلالي
اشوفكم منبطتن تسبودكم يالله يفتح معكم
صايرن يكافي نهابة هالنت والله اني راحمكم
يدافع البلا وش لو ينقطع الانترنت شهر
بس بعض النوبات اقول هالانترنت ياملحه
ضافن خيركم وشركم وكل واحد مبحلدزن بهالشاشة

اقول بلاكم ماتدرون وش سالفة هالمكرات الي منقطعه
أو ما ادري الكيابل البحرية ترى له سالفة ما احد يدريبيه
تصدقون عاد ان السالفة مايعرفه أحد غيري أنا وواحد بس

هي سالفة الصراحة انه ماتقال بس عاد ابقوله ولا تقولون لأحد
وأنا أقول سالفة وخويي يقول سالفة ولا يندرى وشو الصدز
وخبركم سواليف مصيفين وتوقعات وتحليلات
وش الي يصير بالكيبل الله يدفع البلاا مايندرى بس هذي التحليلات

يقول خويي الحروة ان به سمكة قرش كبيرة قاعدتن تشوي له كم حبة سمك صغيرة
على الفحم ويوم قضو بالعين أمر يمكعون هالكيبل علشان يتنقشون به


ومن حدى هالتوقعات يقولون ان السمكة أم سكين تلعب سرك (العاب بهلاونية)
وخبركم منزرقه قدام هالسمك البلوطي والشمعدان أمر تمسط هالدبشة
عاد وهي ماسطة زقمه هالسكين ضرب الكيبل وانقطع


ومع السواليف قال خويي يمكن القرش زعيم البحر مسوي تلفريك وقال أغدين
أعلق الجلسات على هالكيبل وأثر هكاليلة صايرتن ليلة خميس وكل السمك بإجازة
وكلن جايبن عياله ومركبهم أثر الحمولة زادت وانقطع الكيبل


ومع السواليف قال خويي الذكي انه يوم الجمعة بليل خبركم وقت المصارعة
وجاء بطل سمك الكنعد وقابل بطل سمك البلوطي وقالوا مالنا حلبة غير هالكيبل
عاد كل واحد يجدع خويه يبيه هجمة مرتدة علشان يدبجه بخياشيمه ومع الحماس
وكل واحد يبي الفوز أثر أبوكنعد طلعت شوكه من ضلوعه وبطت الكيبل وانقطع


ومع التفكير تقل توقعنا ان ولد الحوت هذا أكبر حوت بالبحر وخبركم ولده ماتم سنة
ويبي يطلعن سنونه وقرب للكيبل يبي يحك لثته علشان يطلعن سنونه وما أدراكم
ولا هالكيبل ينزف رايحن طقوق


بس ما أدراكم أنا أشك انه بنقالي يبي يضف الكيبل هذي الي أقرب شيء

عاد باقي توقعاتكم الي كله ملح وش تقولون انتمـــــ@@

وسلامتكم وانتم سالمين يا ألبي انتم

من خلف الكيبل
(((ــــــــعــفــة
__________________
سعفة غير متصل   الرد باقتباس


قديم(ـة) 22-12-2008, 02:52 PM   #2
اللهذام
عـضـو
 
صورة اللهذام الرمزية
 
تاريخ التسجيل: Sep 2007
البلد: AL MADINAH
المشاركات: 2,916
ههههااااي


ياحبيل سواليفك أبو سعّوف

أموت عليهن

..

بالنسبة للتوقعات أتوقع إنه تمساح توه طالعن من بطن أمه ومايفرق بين الطين والعجين وقال خل نجرب هالكيابل وراحن دهنة محالة << لاعمرك تنكت

عاد انتم خبركم التمساح عليه شظاف مادري شلون قايلات - الله يكفينا شره بس -

هذا الرد ضمن مسابقة ملوك الصرعة
__________________
.
.
هي موتة واحدة .. فاجعلها في سبيل الله

آخر من قام بالتعديل اللهذام; بتاريخ 22-12-2008 الساعة 03:10 PM.
اللهذام غير متصل   الرد باقتباس
قديم(ـة) 22-12-2008, 02:52 PM   #3
سعداف
عـضـو
 
صورة سعداف الرمزية
 
تاريخ التسجيل: Mar 2006
البلد: !! ~ أبو ياسر ~ !!
المشاركات: 1,696
اقتباس
ان به سمكة قرش كبيرة قاعدتن تشوي له كم حبة سمك صغيرة
على الفحم ويوم قضو بالعين أمر يمكعون هالكيبل علشان يتنقشون به

هههههههههههه


اقتباس
بس ما أدراكم أنا أشك انه بنقالي يبي يضف الكيبل هذي الي أقرب شيء

خلصوا الكيابل اللي على الارض راحوا للي بالبحر

يقولون عاد ان القراصنة الصوماليين لهم شأن بالحادثة

يمكنهم هم اللي ضافينهن

أشكرك عزيزي سعفه على الموضوع

تقبل مروري


ضمن مسابقة ملوك السرعة ~
__________________


ماتوا الرجال :/

عجيب أمرهم !
سعداف غير متصل   الرد باقتباس
قديم(ـة) 22-12-2008, 02:57 PM   #4
ريكي
عـضـو
 
صورة ريكي الرمزية
 
تاريخ التسجيل: Mar 2007
البلد: ric.ky@hotmail.com
المشاركات: 864
هههههههههههههههههههههههههههههههههههههههه
هههههههههههههههههههههههههههههههه
ههههههههههههههههههههههه

سعفه الله يقطع شيطانك

تنسييييييييييييم وبس
__________________
.. ..
..

..
.. ..
ريكي غير متصل   الرد باقتباس
قديم(ـة) 22-12-2008, 03:27 PM   #5
دريم
عـضـو
 
صورة دريم الرمزية
 
تاريخ التسجيل: Sep 2007
البلد: في الأحلاآآآآآمـ
المشاركات: 1,057
هههههههههههههههههههههههههههههههههههه
الله يقطع سواليفك يا سعف عف
اقتباس
ومع السواليف قال خويي الذكي انه يوم الجمعة بليل خبركم وقت المصارعة

بالقناة الثانية أو لا !

أنا أتوقع إنه بنات الحوت البزارين يلعبن به شبرا أمرا شمس نجوم
الشاهد إنه خطرف له الكيبل و مير تمسط عليه ..
__________________
~ أصعب ( حـُلم ) ذلك الذي يبدأ دون أن نعرف لـه نهايـة .؟!
موضوعي قبل الآخير ذذ ..
【ツ】●• النظرهـ الآلآلآولى لك حلآآآآل عليك .. والثآآآنية لـ إبليس انتبه يلعب عليك •●【ツ】
موآآآضيعي ذذ الآخيرات في ..
【ツ】●• دروميآآآآآآآآآآآآآت •●【ツ】تمت اضافة 5-5 بموضوع مستقل
<<- موب معقول كلش ممنوع .. ايميل روابط .؟! مير راجع الملف الشخصي
دريم غير متصل   الرد باقتباس
قديم(ـة) 22-12-2008, 03:32 PM   #6
رئيس التميز
عـضـو
 
صورة رئيس التميز الرمزية
 
تاريخ التسجيل: Dec 2006
البلد: ديار العقيلات .. بريدة ..~
المشاركات: 1,406
هاااااااااااااااااااااااااهـ

عندي الانتر نت ازين من الزين

على العموم : الرد تبع مسابقة ملوك السرعة

^^ لا تنسون ،، اخوكم صعلوك هع
__________________


رئيس التميز غير متصل   الرد باقتباس
قديم(ـة) 22-12-2008, 04:08 PM   #7
بدر بن عبدالله
نسألك يارب غيثاً مغيثاً
 
صورة بدر بن عبدالله الرمزية
 
تاريخ التسجيل: Apr 2008
البلد: الرياض.
المشاركات: 7,029
ههههههههههههه، أضحكتني يا سعوفي أضحك الله سنك وسرك،
تصدق عاد مثل ما قلت ومثل ما قال أحد الأعضاء يمكنه بنقالي خلصن الكيابل اللي
على الأرض، ويحول ما يدري وش يزين ولا لقى له شغله، ومير يفكر شوي ومير
يجي على باله كيابل البحر وقال يالله خلنا نروح نضفه وتعرف البنقالي ماشاء الله
عليه أي شيء يزينه لو إنك حاطه تحت الأرض، لو يستغلون ذهانتهم بشيء ينفعهم
كان أزين لنا ولهم لكن الشكوى لله، وإلا مثل ما قلت يمكن أحد أسماك القرش مسجل
بأحد الأندية الرياضية البحرية ولعله هاك اليوم قال منب فاضي أروح للنادي وقال خلن
أتمرن على هالكيبل حمل أثقال ومع الرفع والتنزيل انقطع الكيبل الله يخلف.

* أشكرك سعوفي على مثل هيك موضوع، وأشكرك على رسالتك على الخاص،
وعلى أسلوبك المحترم.

* وتقبل مروري.

* ودمت بود.
__________________
.
.

(( مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا ))
بدر بن عبدالله غير متصل   الرد باقتباس
قديم(ـة) 22-12-2008, 08:39 PM   #8
(أبوبدر)
عـضـو
 
صورة (أبوبدر) الرمزية
 
تاريخ التسجيل: Oct 2002
البلد: القصيم (بريدة)
المشاركات: 328
ايييييه اثر السالفة تسذا ؟؟
تدري ياسعفة اني ماطلعت من وسط المودم الا يوم اني تقل
سمعتك تهمق عن هاالواير اللي ممصع ,,, والا منذو كمين يوم وانا
تقشيع بسبيد تاتش ومهاوش انا وياه لدرجة اني طاقا خيمتي بين لمبة الوايرلس
ولمبة الانترنت وتمصيع من هالارقام وتلصيق وكل ما اقضب لي سلك ادعي على شركة الاتصالات
لا عاد من زين الامور متسلف من واحد من الربع اشتراك رابد شير واقولة ترى اشتراكك
منتهي يالحبيب ... مسوي نفسي ابو بدر بن غيتس او قيتس ؟؟ ماعرفه المهم هذاك راعي الانترنت
وصار البلاء من عصابة هالماكولات البحرية والله قهر
هم مايدرون اننا نطلبهم على العشاء بدون عظم .. واخرته يتمرجحون بحبال الانترنت
على العموم وش رايك ياسعفة تعرض عليهم خدماتك لاني خابرن انك اخذ دورة في
تلحيم اسلاك الكهرب خاصة في اعماق المحيط المتجمد اللي شرق واذا تبي فزعة
ابشر اجيب معي صمغ ( ابوجن ) لكن اتوقع انه مهوب سمكة قرش اتوقع انه هامور
مل من سوق الاسهم قال خل نحسر براعين الانترنت هاالضعيفين ومالقى الا يعرمش هالسلك
عساه لمرة ليته قاضبه الكهرب ماله دخل
سعفة تراي قاعدن بالعتبه ومعي البيجر احتريك تدق علي نطمر لمهم .. هماه ...

آخر من قام بالتعديل (أبوبدر); بتاريخ 22-12-2008 الساعة 08:48 PM.
(أبوبدر) غير متصل   الرد باقتباس
قديم(ـة) 22-12-2008, 08:49 PM   #9
عربجي قاااضي
Registered User
 
تاريخ التسجيل: Oct 2007
البلد: سآآعوودي آآريبيآآآآ ..
المشاركات: 856
306



خخخخخخخخخخخخخخ الله يقلطع بليسك .. وينك ووين أيامك ياسعفه

ياااامطوّل الغيبات وين الغنااايم

** أنا قالي واااحد من العياال ان اللي قطع الكيبل هو الخفاااش والجني العبد .. خلفهم الخفااش خبرك راعي معنَا وطير بر

وبه واااحد الله لايوفدزهــ قاال للخفااش ان به مكشااات زين قال الخفااش وينهووبه ؟!! قاله هناااك

عااد أبو خفااش والجني معمجين على الاحداثية اللي عطاهـم اياه خويّ الخفاااش .. مادري إلاّ انهم بوسط البحر

وأثر كل وااحد منهم جاي على موترهــ .. عشان لاتعطل أحد ولاّ شي يصير به موتر ثاني ..

المرااد انهم يوم طبّو بالبحر حداهم غرز أو مادري تعلّق .. ومن زين الأمور رايحين بسيارتين ولامعهم وااير

جااك أبو خفش ولقى الكيبل وقعد يقلبه وجازله وخطط علييه .. وقعد يحك راااسه لفتره طويله قاال تدري مامثل قطعته

قطعه ولايدري وشوو .. أول ماقطعه على طوول طفااا النت فجأهــ ..

** وفي روايه أخرى انهم لقوو جذع بالبحر وثولثو عليييه ولامعهم واير وقطعو هذاا عشان الجذع



عاااد الحين لو ترفع مرتبة موتر الخفاااش تلقى الكيبل مرهم له شناكير واير


وهـــ بس ياااحبي لبو خفش


306

آخر من قام بالتعديل عربجي قاااضي; بتاريخ 22-12-2008 الساعة 08:53 PM.
عربجي قاااضي غير متصل   الرد باقتباس
قديم(ـة) 22-12-2008, 09:07 PM   #10
وثــاق
عـضـو
 
صورة وثــاق الرمزية
 
تاريخ التسجيل: Mar 2007
البلد: الريَــاض ~
المشاركات: 895
هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه هههههههه

الله يقلع بلييييييييييسك
بس خوّيك الي يفكّر ينافس نيوتن الصراحة !
وثــاق غير متصل   الرد باقتباس
قديم(ـة) 22-12-2008, 10:29 PM   #11
<..الحكيم..>
عـضـو
 
صورة <..الحكيم..> الرمزية
 
تاريخ التسجيل: Apr 2008
البلد: دوٌر بيت به باب هذا هو بيتنا ..
المشاركات: 374
هلا بابو سعفة هلا بك وش اخبارك وش علومك عساك بخير ؟؟..


أعلمك والله ياخويك ذا ياشيخ عقلة ولا عقل نيوتن على ماقال خوينا وثاق .. الله يستر لا يسير ذا خويك طويل همن ينطبق عليه المثل (الطول طول نخلة والعقل عقل صخلة) .. الله يستر ..

عاد اقولك الكيبل .. يقولون ان القراصنة الصوماليين(ان تسانكم سمعتوبهم) اللي صرقوا ناقلة النفط حقت السعودية هم قاطعين الكيبل هم وخششهم .. يمونون قوووووة يصرقون ناقلة نفط ويقطعون الكيبل .. الله مير يدمرهم ..


شكراً سعفة على الطرح الجيد والمفيد والتوقعات الممتازة ..

سلام عليكم ..
__________________
وداعا حبيبي لالقاء الى الحشر :: وان كان في قلبي عليك لظى الجمر

صبرت لاني لم اجد لي مخلصا :: اليك وما من حيلة لي سوى الصبر
<..الحكيم..> غير متصل   الرد باقتباس
قديم(ـة) 22-12-2008, 10:59 PM   #12
الضَمَـادَا ®
صورة عـابرة ~ ذذ
 
صورة الضَمَـادَا ® الرمزية
 
تاريخ التسجيل: Jun 2008
البلد: ~ Buraydah City
المشاركات: 4,563
أقول يا سعفة من زمان ما شفناكـ ..

المشكلة أن القرش بعد طاح بالأنترنت ..

ضمن مسابقة ملوك السرعة ~
__________________

صوت ليس فيه كلفة + كلمات صادقـة = :eek5



الضَمَـادَا ® غير متصل   الرد باقتباس
قديم(ـة) 23-12-2008, 12:34 AM   #13
المنخرش
عـضـو
 
تاريخ التسجيل: Mar 2003
البلد: بريده (رضي الله عنه)
المشاركات: 13,106
اقتباس
المشاركة الأساسية كتبها سعفة
الــــ_-_-_ــــــــلام عليـــ^ــم


يقول خويي الحروة ان به سمكة قرش كبيرة قاعدتن تشوي له كم حبة سمك صغيرة
على الفحم ويوم قضو بالعين أمر يمكعون هالكيبل علشان يتنقشون به


ومن حدى هالتوقعات يقولون ان السمكة أم سكين تلعب سرك (العاب بهلاونية)
وخبركم منزرقه قدام هالسمك البلوطي والشمعدان أمر تمسط هالدبشة
عاد وهي ماسطة زقمه هالسكين ضرب الكيبل وانقطع


ومع السواليف قال خويي يمكن القرش زعيم البحر مسوي تلفريك وقال أغدين
أعلق الجلسات على هالكيبل وأثر هكاليلة صايرتن ليلة خميس وكل السمك بإجازة
وكلن جايبن عياله ومركبهم أثر الحمولة زادت وانقطع الكيبل


ومع السواليف قال خويي الذكي انه يوم الجمعة بليل خبركم وقت المصارعة
وجاء بطل سمك الكنعد وقابل بطل سمك البلوطي وقالوا مالنا حلبة غير هالكيبل
عاد كل واحد يجدع خويه يبيه هجمة مرتدة علشان يدبجه بخياشيمه ومع الحماس
وكل واحد يبي الفوز أثر أبوكنعد طلعت شوكه من ضلوعه وبطت الكيبل وانقطع


ومع التفكير تقل توقعنا ان ولد الحوت هذا أكبر حوت بالبحر وخبركم ولده ماتم سنة
ويبي يطلعن سنونه وقرب للكيبل يبي يحك لثته علشان يطلعن سنونه وما أدراكم
ولا هالكيبل ينزف رايحن طقوق



يعني كل الطرق تؤدي إلا الأنقطاع
ياليت يمسكون هالسمك الأرهابي ويحطونه بجسن انفرادي
__________________
المنخرش غير متصل   الرد باقتباس
قديم(ـة) 23-12-2008, 12:44 AM   #14
الـدعساوي
أبتاه ، فقدك آلمني ..!
 
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,960
ههههههههههههههههه

أبتل وانا اقول تنسيم الولد

ياخلفهم أنت وراه تقل مقروص بالمنتدى تدخل وعلى طول تهج مانلقاك الا بعد أيام تثيرة ياخي لاتقطع بنا

ولا تراي أرسلت قواتي من الدعيسة لضراس يون اللي ماينتسوى انتبه <<وش يبي ذا


بمان الله ولاتبطي علينا

أقول دريم به مكان بالجمس ودنا ندخل واحد يحبه قلبك تراوه مب سعفة <<<لزقه
الـدعساوي غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 08:40 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)