بريدة






عـودة للخلف بريدة ستي » بريدة ستي » نسمات برية و جولات سياحية » صور لحلتنا يوم العيد الموافق 1/10/1433هـ اكثر من 200 صور ويوجد فيديو .

نسمات برية و جولات سياحية كل ما يخص البر والقنص والرحلات

إضافة رد
 
أدوات الموضوع طريقة العرض
قديم(ـة) 31-08-2012, 02:46 AM   #1
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
صور لحلتنا يوم العيد الموافق 1/10/1433هـ اكثر من 200 صور ويوجد فيديو .

[CENTER][SIZE="5"]
لحلتنا العيد الموافق 1/10/1433هـ اكثر

السلام عليكم ورحمة الله وبركاته
حياكم الله يامشرفينا ويا أعضاءنا وزوارنا الغالين وكل عام وانتم بخير وسلامه وشلونكم عساكم بخير . حبيت أعرض عليكم رحلتي المتواضع يوم العيد الموافق 1/10/1433هـ مع رجال شرواكم ومافيهم الردي لان الروحه والجيه ودك تحرص مايكون الردي له معك مجلاس .وكانو أعضاء الرحلة راعي المجاهيم ابوعبدالله والشاعر ابونعيم وابوعبدالله خالد وابوسما عبدالكريم وابوفهد سليمان ومحدثكم الطرس ممدوح وفقدنا ابوبدر عبدالرحمن وابوعبدالله وليد كانو بيرحون لكن الظروف اجبرتهم بعدم الرحله معنا ونقولهم الجيات اكثر . وابذكر بعض الديار اللي مرينا بها ومابي احد يزعل من اللي لم نذكرها لأنها واجد ومن ضمنها مدن ومحافظات ومراكز وقرى وهجر وكانت بداية الانطلاقة من بريدة – عفيف –الطائف –الباحه –النماص –بالجرشي- ابها – رجال المع – محايل – متزه السود - السحاب السحاب - وغيرها لم يحظرني اسمائها. والمسافة التي مشينها تقريباً 3300 كم .


وهذي قصيدة شاعرنا ابونعيم بالرحله .
حب الخلا ومطارد الصيد ثنتين ... بين الضلوع العوج نعلن مقرها
أشفق وأطالع راعي الطيب بالعين ... وأخذ وصوف الجود ماحد احتكرها
ومرافق اللي لأظلم الليل يضوين ... يضفي على دنياي قولة قمرها
إحرص على الطيب ورافق هل اللين ... اللي على الرفقه يقوم بعبرها
رفقة هل المعروف دايم عناوين ... وإعرف ترى العنوان بان بسطرها
مقيولتن قبلي منول وهالحين ... مالك ومال اللي قليل ثمرها
رافق هل النخوات جلاية البين ... محزمك بالشدات حزت خطرها
اللي على درب المناعير ماشين ... اللي تقود الجيش لأظلم سفرها
وجنب دروب الشجر والثعابين ... أنصحك لاتمشي وجنب لأثرها
ماملك ومال اللي مسمين غاوين ... هذي نصيحة يالفتى وإعتبرها
ومن عقبها دوكم رسالة وتثمين ... الطرس ياهل العلم جايب صورها
بالتغطيه من بين ذيك الميادين ... دار الجنوب اللي طويلن عمرها
بين البراد وشوفة البرق بالعين ... وبين الربيع وظلعها مع سمرها
ناخذبها سجة من الوقت للحين ... نطردبها ظلم الليال وقهرها
مع ربعي اللي للمهمات ظارين ... ربعي بني عمي طويلن شبرها
أفخر بهم يوم أفتخر للميامين ... وأسعدبهم يوم اللقا وأعتبرها
وختامها صلوا على خاتم الدين ... الناصح اللي ماعتقد هو ذخرها


وآسف على الأطاله ياجماعة وعذروني على القصور . وهذي لحظة خروجنا من بريدة والتزود بالبانزين بسم الله توكلنا على الله

لحلتنا العيد الموافق 1/10/1433هـ اكثر

وبعدها انطلقنا إلى عفبف للعشاء ولله الحمد وصلناها وهذي مقتطفات من الجلسه والعشاء بس ياجماعه نبيكم معنا بالعشاء

لحلتنا العيد الموافق 1/10/1433هـ اكثر

زبطنا العشاء فراخه يحبهن قلبك منقيهن ابوسماء الله يعطيه العافية

لحلتنا العيد الموافق 1/10/1433هـ اكثر

لحلتنا العيد الموافق 1/10/1433هـ اكثر

وهذولا الشقردية يتشاورون هل نواصل او ننام في بالطائف وبعد التشاور مع اميرنا راعي المجاهيم تم الاتفاق بالأجماع على النوم بالطائف

لحلتنا العيد الموافق 1/10/1433هـ اكثر

خلصن الفراخه وقلنا خلنا نقعد الراس بكوب من مرقتهن بس انا خابر اللي يقعد الراس الشاهي شكل الجوع ذبحن

لحلتنا العيد الموافق 1/10/1433هـ اكثر

لحلتنا العيد الموافق 1/10/1433هـ اكثر

لحلتنا العيد الموافق 1/10/1433هـ اكثر

حطينا الفراخه بالصنيه حلوه والله لتحمير

لحلتنا العيد الموافق 1/10/1433هـ اكثر

كبينا الرز وابشركم خلص العشاء ويالربع تفضلو على المقسوم وعذرونا على القصور

لحلتنا العيد الموافق 1/10/1433هـ اكثر

لحلتنا العيد الموافق 1/10/1433هـ اكثر

وبعد العشاء صحصحنا وتوجهنا لطائف للنوم وبعد الوصول اخذنا فاكه

لحلتنا العيد الموافق 1/10/1433هـ اكثر

لحلتنا العيد الموافق 1/10/1433هـ اكثر

اصبح الطائف معتدل جوه قلنا خلنا ننام بالشفاء مشتهين البراد وهذي لحظة تزين الفرش

لحلتنا العيد الموافق 1/10/1433هـ اكثر

لطفاً عدم الرد حتى يكتمل الموضوع

المصدر: بريدة ستي


آخر من قام بالتعديل ممدوح الطرس; بتاريخ 31-08-2012 الساعة 02:52 AM.
ممدوح الطرس غير متصل   الرد باقتباس


قديم(ـة) 31-08-2012, 02:54 AM   #2
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
وبعد مصبحنا قام النشمي ابوعبدالله خالد بتزين القهوة والشاهي وجاب طحينه للتمر



ذبحتنا ياراعي المجاهيم بتواضعك ورفض إلا هو اللي يقهوينا وتذكر بيتين طرن على بالي

سوولي الكيف وارهو لي من الدله ... البن الأشقر يداوي الراس فنجالـه

كيف لنا نحرقـه بالنـار وانزلـه ... واليا انقطع لو ورى صنعاء عنيناله


تفضلو ياجماعه قهيوه وتميرات وطحينه دام الفطور يجهز





هذا ابوسماء وابوفهد والشاعر جهزو الفطورياجماعه تفضلو الله يحيكم



الحمدلله نعمه تبي شكر براد ورجالاً شرواكم وربيع



وبعدها قالو الربع فيه خط ودنا نلقي نظره عليه زي كرا يربط الشفاء بمكه والله اعلم لكن اول مادخلنا الخط طبعاً تحت الانشاء ونلاقي قلابي عدمانم ادري مدحدر وضارب حصاة ام ؟؟!!





تلاحظون الخط ماكمل





بعدها توجهنا للباحه مع الخط السياحي روعه مناظر حلوه مثلكم











وصلنا الباحة الحمدلله واتجهنا لحديقة رغدان الجو روعه جداً وتنقط خفيف وغيوم وحكرنا الشاهي ولزم الشاعر ابونعيم إلا يطبخ قلنا كثر خيرك والجلسه تذكرك بالجبل الأخضر اللي بندونيسيا ههههههه مثلاً







وهذي صورة للعقبه التي تطل عليها حديقة رغدان



هذا الشاعر ابونعيم ياطبخ متواضع




لطفاً عدم الرد حتى يكتمل الموضوع

آخر من قام بالتعديل ممدوح الطرس; بتاريخ 31-08-2012 الساعة 03:00 AM.
ممدوح الطرس غير متصل   الرد باقتباس
قديم(ـة) 31-08-2012, 03:04 AM   #3
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
جهز الغداء ياجماعه ترا يالله يمديكم المطر زاد بسرعه تفضلو خلونا نتغداء



يالله امدانا نضف العفش ماشاء الله اللهم اجعله صيباً نافعاً تحركنا بتجاه ابها









الصراحة طرق ممتع وجو روعة







ابشركم وصلنا الحمد لله ابهاء وتوجهنا لحديقة السوده طبعاً براد ويقال السودة هي أعلى قمة في المملكة العربية السعودية .
إرتفاعاها و حسب بعض المصادر أنه 3300 م ،
والأخرى تقول أن ارتفاعها 3250 م ،
ومصادر أخرى تقول 3015م .
أما بالقدم فتقدر المصادر ارتفاع قمة السودة بـ 9550 قدماً عن سطح البحر .
وكما تلاحظ أن الإرتفاع عموماً لا يقل عن 3000م عن سطح البحر


المهم صلحنا العشاء والذي جهزه الشاعر جزاه الله خير الجزاء تفضلو يالربع قهوه وشاهي واللي مشتهي فاكه ياكل الله يحيكم دام العشاء يجهز





تفضلو يالربع العشاء جهز مع مرقة فراخه حبها قلبك من ادين الشاعر ياسلام ولا يهنون الربع



يوم صار الصباح تقهوينا وتوجهنا إلى المطل اللي في السوده وهو يطل على رجال المع وقلنا خل الفطور منتزه السحاب





هذي صوره لرجال المع



توجهنا إلى متنزه السحاب وهي منطقة جميل الأرض ممطوره وربيع





وهذا مفرقها



ربيع وبراد الصراحه الجو عليل





لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:08 AM   #4
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
احد البنايات القديمة حلوة صفة الحصاء











وصلنا متنزه السحاب



طرق وعره وهذه قرية تحت منظر المزارع جميل







وهذي الورود لعيونكم يالغالين



اخترنا المكان هذا للفطور وهو يطل على جبال خضراء جميله





وهذي القميريه لعيونكم وعلى معتقد ان القميري عندهم مستوطن وشاهتها في اكثر من موقع



وتم تحميل العفش بعد الفطور والتوجه للحبله





وبعد مانزلنا من السحاب قال الشاعر خابر مسجد قديم جداً خلونا ناقف عنده طبعا المسجد مجدد وباقي بعض الأثار وعلى معتقد ان من ضمنهن المحراب والله يكرمكم المواضي



والمحراب مكتوب فيه التاريخ قربوا لصوره وتشوفونه





هذا الموقع ليفوتكم للي يبي يروح ربيع يفتح النفس بين ابها والسوده



وبعد ماوصلنا الحبله مافقنا يماني من المتسللين الصراحه وضعه يضيق الصدر واقف يشحد واول ماوقفنا لننظر ماذا يريد لانه رافع يده واول ماطاحت عيوننا عليه كيس يحمله على جنبه الايسر وخروج منه رجلين طفل وفي خصره حليب قلنا له وشو اللي بالكيس قال هذي بنتي تعيبت امها قبل فتره قصيره وماتت وانا الان اتنقل بها لي اترزق الله ولا استطيع تركها .



لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:12 AM   #5
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
وهذي الحبله حلوه جبالها







جازلي صفة الحصاء حلوه واشكال احلا



وهذي صوره للمطعم الذي ينزل فيه التلفريك





بعدها اتجهنا للسوده اشتقنا للبراد وبين ابها والحبله وقوفنا نصلح القهوه والشاهي






مسكت الشباب إلا نأخذ برشومي







بالعافيه ياشباب



وعقب تبهير الدله بالهيل والزعفران تذكر كلام الشاعر الله يرحمه محمد القاضي

كبه بنجر يسمعه كل مشتاق = راع الهوى يطرب إلى دق بخفوق
واحشه بدلة مولع كنّها ساق = بلورة مربوبة تقل غرنوق
خله تفوح وراعي الكيف يشتاق = إلى طفح له جوهر صح له لوق
أصغر قموره كالزمرد بالاشعاق = واكباره الطافح كما صافي الموق
زله على وضحا بها خمسة أرناق = هيل ومسمار بالأسباب مسحوق
مع زعفران والشمطري إلى انساق = والعنبر الغالي على الطاق مطبوق
إلى اجتمع هذا وهذا بتيفاق = صبه كفيت العوق عن كل مخلوق
بفنجال صين صافي عنه الارماق = تغضي وكرسيه غدان لمعشوق








تفضلو يالربع ترا القهوه جاهزه الله يحيكم كل اللي تبيه موجود اللي يبي تمر واللي كوكاو واللي يبي طحينه طب وتخير ماشاء الله هذي بقاله ياشباب ههههههههه وهذا ابوفهد الله يجزاه بالخير متواضع يقهوينا









لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:16 AM   #6
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
وبعدها كملنا المسير لسوده ولزم ابوعبدالله خالد العشاء علي تصليحه على لحيمة حاشي وهذا من تواضعه







تفضلو الله يحيكم يالربع العشاء جهز مع فلفل الجو بارد لان درجة الحراره بالليل 18



وفي الصباح حكر ابوعبدالله خالد القهوه والله كفو فنجال يحبه قلبك مع التمر العضوي من راعي المجاهيم الله يخلف عليه تفضلو يالربع وتشاورو الشباب لذهاب لرجال المع وتمت الانطلاقه لكن مع طريق غير اللي تحت السوده مع محايل قلنا نخلون نفطر ونكمل المسير







هذا ابوسما جزاه الله خير شاري عسل وقال ابذوقكم منه



وبعدها رجعنا لسوده علشان السحاب ضربها والمطر كذلك المظر لايوصف يدخل عليك السحاب بالسيارة وغطاء متزه السحاب








قرب لنا السحاب والناس مستانسه سحاب ومطر نعمه الحمدلله











وصلنا السوده ونسو يأخذون شمع نحل







سمن وعسل





الشباب يعاينون الشمع قبل الشراء




لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:22 AM   #7
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
بعدها توجهنا لرجال المع مع محايل عن طريق العقبه









وصلنا العقبه الصراحه منظرها روعه







هذولا يبردون تريلاتهم عقب صعودهم







منظر جميل للأنفاق



وصلنا الحمدلله محايل وتوجهنا لرجال المع وهذي لحظة وصولنا







وهذا مدخل رجال المع ومنازلهم الجديده









وصلنا المتحف





من هنا قصينا التذاكر





واجهنا حاجه غريبه وصدق المثل الحاج هام الأختراع وهي لجاء حرامي وشلون يحرسون بيتهم شوفو النافذه اللي يمن فوق وعددها الثالثه فيها سلسله وفي اخرها كورة من حديد يحذفونها على الحرامي من فوق يعني اللي بتطيح لعليه يروح بخبر كانا





لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:24 AM   #8
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
لحظة دخولنا للمتحف



















وهذي مخطوطات لكن منسوخه والاصل يمكن محفوظه



جازلي محتوي الرساله هذي






بعدها انطلقنا لسوده مع العقبه حقت رجال المع وهي قريبه من لسوده وتم تصويرها بالليل



ولزم علينا ابوسما انه هو اللي يسوي العشاء مع طبخه غريبه وهذا من تواضعه وجهزنا القهوه والشاهي





هذا النشمي ابوسما



تفضلو يالربع القهوه والشاهي جاهزات



هلا والله يابوسما ماتلعب ربيان مع لحمة الحاشي والله كفو



تفضلو على الميسور ياجماعه الله يحيكم



وفي الصباح قررنا ان نذهب لنماص من عند رجال المع نبي العقبه وهذي لحظة نزولنا من السوده لرجال المع والله خطره





لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:30 AM   #9
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
اتجهنا لنماص



وصلنا لعقبه توصلنا لنماص اليمين جديدة واليسار قديمه قلنا خلنا نروح مع الجديدة بسم الله توكلنا علي الله



لقينا الحصاء وركام من الرمل منهد على الطريق





تفجأنا انها لم تنتهي قلنا مالنا غير القديمة اليسرى







شوفو من وعورتها كيف تلف السيارة



وهذي صوره للمعدات التي تعمل بالطريق الجديد









الحمدلله أبشركم وصلنا للقمع وهي أعلا مكان في جبال السروات وهذه قرية القر التراثية متربع فوق جبال السروات ومطل على العقبه وتحتوي على موقع فلكي شمسي وفلكي قمري ويوجد فيه 360 عمود تمثل أيام السنه وزين بأكثر من 3مليون زخرفة اسلامية و2 مليون حجر ويوجد على سقفه 7 قبب تمثل قارات العالم كم يوجد على سقفه 3 ابراج فلكية وهذه لحظة التوجه لها











لحظة دخولنا للقصر وهو يتكون إلى ثلاثة ادوار الاول اثار والثاني كذلك اثار والثالث مخطوطات





وشوفو اللي المخطوطه الحجرية التي على العمود عمرها 1400 سنه على مقرأنا والله اعلم





لطفاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:34 AM   #10
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174

وبعض السيوف قديمة جداً وهذه خيمة من سعف













جازتلي هذي الدله شوفو الممساك حقها من جلد الله واعلم حق غنم فيه شعر









عاد وصلنا لدور الثالث وهو القسم الاهم ويوجد فيه مخطوطات قديمه وكل غرفه فيها نقوش أندليسية قديمة وتختلف عن الاخرى





الغرفة اللي واضح بابها بين المخطوطات هذي يقول ثاني ناس يدخلونها لان فيها مخطوطات قديمه وثمينة من ظمنها صحيح البخاري وهذا الشاعر يتصفه ويوجد كذلك بلوغ المرام





وهذي مخطوطه موضوع فيها شعوذه





وهذا مصحف جميل شكله ومحكم ليفوتكم شكله وكم طبقه علشان تاصل له وهو يعتبر من مخطوطات أندلسية عمره 1200 سنه والله اعلم




ويقول هذا علم الأبعاد الغرب وصلو فيه البعد الثالث والمسلمين وصلو السابع صحن فيه آيات



لطقاً عدم الرد حتى يكتمل الموضوع
ممدوح الطرس غير متصل   الرد باقتباس
قديم(ـة) 31-08-2012, 03:44 AM   #11
ممدوح الطرس
عـضـو
 
صورة ممدوح الطرس الرمزية
 
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,174
وشوفو تسجيل زيارة للشخ العلامة ابن جبرين رحمة الله عليه



وتم تسجيل زيارتنا



وبعد ذلك خرجنا لننظر للملحقات لقينا يوجد شقق ومطعم مطل على العقبه لكن المطعم تحت الانشار






وجزاه الله خير صاحب قرية المقر وهو محمد بن المقر الشهري على تواضعه وشرحه الوافي
بعدها انطلقنا للباحة للمبيت وفي الصباح تقهوينا وافطرنا وتوجهنا إلى الشفاء للغداء لنأخذ حقنا من البراد لان ديارنا حر وابشركم وصلنا وثر الجو صحو الشمس حاره قلنا خل نأخذ شليه نريح ونتغداء وهذي لحظة خروجنا من النماص



وهذي العقبه التي تطل عليها حديقة رغدان










لزم ابوسما الله يجزاه خير انا اللي يبي يزين الغداء لكم تفضلو يالربع الله يحيكم وهي الكبسه الختاميه




وبعد الغداء تم الانطلاق مدينة بريدة وهذ لحظة نزولنا من الشفاء



مسكنا طريق الطايف راجعين



وصلنا مدينة بريدة الحمدلله على السلامه واشكر كل من تابعنا بالرحله عبر الصور والقرأه ولكم تحياتي وتقديري



وهذي مقاطع الفيديو الأول قصيدة من الشاعر ابونعيم وحنى بالاتجاه للباحه والثاني لحظة مرور السحاب بنا









اكتمال الموضوع وآسف على الإطالة

آخر من قام بالتعديل ممدوح الطرس; بتاريخ 31-08-2012 الساعة 04:20 AM.
ممدوح الطرس غير متصل   الرد باقتباس
قديم(ـة) 31-08-2012, 06:12 PM   #12
نورالايمان
عـضـو
 
صورة نورالايمان الرمزية
 
تاريخ التسجيل: Jan 2012
البلد: بريدة
المشاركات: 269
ماشاءالله رحله حلوه الله يديمها عليكم
__________________
يآبخت مَنِ يگسِب»غِـَلآ النآسَ .. بآخْلآقـِّھُ

الوجه إذا ما نوره نور الإيمان .. ما نوره نور الميك اب ولا الحلاقة
نورالايمان غير متصل   الرد باقتباس
قديم(ـة) 31-08-2012, 08:24 PM   #13
عبدالله98
عـضـو
 
تاريخ التسجيل: Jan 2012
البلد: بريدة
المشاركات: 435
ما شاء الله

جزاك الله خير
و يعطيك الف الف عافية
على هالمجهود
عبدالله98 غير متصل   الرد باقتباس
قديم(ـة) 01-09-2012, 04:38 PM   #14
أبو رُبـــــى
مراقب عــام
 
صورة أبو رُبـــــى الرمزية
 
تاريخ التسجيل: Feb 2008
البلد: بريدة ستي
المشاركات: 17,664
إبداااااع ..


[ تميــــــز]
__________________
راح الزعيم اللي علينا خسارة .. اللي بحكم الله يمشي القوانين

Sense Designs شكراً
أبو رُبـــــى غير متصل   الرد باقتباس
إضافة رد

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 07:59 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)