بريدة






عـودة للخلف بريدة ستي » بريدة ستي » ســاحـة مــفــتــوحـــة » آخر اخبار مقاطعة شركة الجشع المراعي مجمعة بالصور

ســاحـة مــفــتــوحـــة المواضيع الجادة ، والنقاشات الهادفة -- يمنع المنقول

موضوع مغلق
 
أدوات الموضوع طريقة العرض
قديم(ـة) 07-08-2011, 10:39 PM   #1
مسكين
عـضـو
 
تاريخ التسجيل: Jan 2008
البلد: بريدة
المشاركات: 407
آخر اخبار مقاطعة شركة الجشع المراعي مجمعة بالصور

السلام عليكم

ألف حمد لله أن جمع قلوب السعوديين على مكافحة ومحاربة الجشع

ولله الحمد نتائج المقاطعة مشرفة و لا يختلف عليها الا كاذب أو أعمى
-----------------------

أمس ولله الحمد بسوبرماركت ( أسواق الفايزيه ) زي ما تعرفون انهم يملكون ثلاجة خاصة بالمحل حتى قبل أسبوع كان نصف هذي الثلاجة لمنتجات المراعي أما من أمس صار لنادك أكثر من نصف الثلاجة أما المراعي لهم أقل من ربع متر بالثلاجة .... هذا وان دل دل على عزوف الشعب عن منتجات المراعي ولله الحمد

------------------------

أكبر دليل على قوة المقاطعة هو التخفيضات التي تقدمها الشركة الان لكسر شوكة المقاطعة

من متى والمراعي تسوي تخفيضات ؟؟!!

على مدى السنوات الاخيره لم تقم المراعي بعمل أي تخفيض بل تكافأنا برفع الاسعار و خفض الأوزان

و هذه التخفيضات إن دلت تدل على جشعهم ! و انهم يبيعون منتجاتهم بسعر مبالغ فيه !

لو تلاحظون ان المنتجات المخفضة تم تخفيضها وارجاعها لسعرها الاصلي قبل الرفع

الشئ الاخر بكل تأكيد فهي تبيع هذه المنتجات وبهذا التخفيض وبدون خسارة لها !!

فـ ليش ترفع الاسعار زود ؟ يعني لازم يكون ربحهم سنويا 200% ؟؟!! وخسارتنا 200% ؟؟!!

تابعوا التخفيضات :

من متى المراعي تراعي الشعب ؟



تخفيض بقدر 4 ريال !!



شوفوا كيف يستغفلوننا !!

يكتبون على العلبة ان التخفيض قيمته 6 ريالات !!

ومن المعروف ان العلبة الواحده قيمتها 14 ريال

يعني التخفيض مثل ما كتب بالسعر من بنده مقداره 8 ريالات

يعني الواحد قيمته 10 ريالات !! وهذي هي قيمته الاصلية !! فهل من المعقول انهم يبيعون بخسارة ؟!



ههههههههههههههههههههههههههههههههههههههه

أمرهم مضحك جداً

يتحججون بأن هذا التخفيض من أجل رمضان !!

30 رمضان مر على تاريخ المراعي ولم نشاهد اي تخفيض !!

فـ ايش معنى انها تحبك معهم الحين ؟

عروضهم كثيرة و امتلات منها الاسواق

لكن رجاااااءاً لا تخضعون لهذه العروض المؤقتة اللي هدفها الأول والاخير هو كسر شوكة المقاطعة !

-----------------------
تكدس الاجبان بالعثيم



-----------------------

أما ببعض البقالات ولله الحمد استغنت عن منتجاتهم وحولت ثلاجاتهم لشركات ثانيه







--------------------

الرجيع :

شاهدوا هذي الصورة اللي تخشى المراعي من ان نطلع عليها

مغطين الرجيع



وهذي صورة لرجيع أمس



-----------------------

حتى الجماد نطق بـ لا .... للمراعي



----------------------

اللهم لك الحمد أن جمعتنا على كلمة واحده و وحدت صفوفنا ضد الجشع

استمروووووا ولا تلتفتوا للمثبطين و لا للتخفيضات المؤقتة
__________________
فيديو يوضح جرائم المراعي (بقيادة) ارتفاع الأسعار


آخر من قام بالتعديل مسكين; بتاريخ 07-08-2011 الساعة 10:44 PM.
مسكين غير متصل  


قديم(ـة) 07-08-2011, 11:02 PM   #2
{ صوت بريدة }
Registered User
 
تاريخ التسجيل: Jul 2008
المشاركات: 318
ليتهم رقدوو
{ صوت بريدة } غير متصل  
قديم(ـة) 07-08-2011, 11:43 PM   #3
crcr
عـضـو
 
تاريخ التسجيل: Jan 2011
البلد: في قلوب أحبتي
المشاركات: 339
موضوع قيم

وعساه من ذا وأردى

شكرا لك
__________________
crcr غير متصل  
قديم(ـة) 07-08-2011, 11:50 PM   #4
aksm
عـضـو
 
تاريخ التسجيل: Jan 2010
البلد: بريدة
المشاركات: 13
اقول اليوم رحت لبندة ابشتري لبن دورة كل المنتجات ما لقيت إلا المراعي واخذته

ولله تبون الصراحه من يوم جت المقاطعه والشركات الثانيه اختفت شكله ملعوبه
aksm غير متصل  
قديم(ـة) 08-08-2011, 12:43 AM   #5
مزارع بشري
عـضـو
 
صورة مزارع بشري الرمزية
 
تاريخ التسجيل: Aug 2010
البلد: تحت الكينه
المشاركات: 109
نعم للمقاطعه بس لاتنسون تقاطعون المنتجات الدنمركيه ومنها شركة سدافكو الي تصنع حليب السعوديه والايسكريم ومكدونالديز وبوك هذا الي يحضرني هل حين وانتم ابحثو عنها وتجدونها تراها اهم من مقاطعة المراعي لنصرة نبينا محمد صلى الله عليه وسلم
__________________
أحبابي هكذا تكتب كلمة
إن شاء الله
سبحان الله وبحمده , سبحان الله العظيم
عدد خلقه ورضا نفسه وزنة عرشه ومداد كلماته
مزارع بشري غير متصل  
قديم(ـة) 08-08-2011, 01:50 AM   #6
صحاري نجد
عـضـو
 
تاريخ التسجيل: Apr 2011
البلد: بلاد الحرمين
المشاركات: 102



المراعي لا عبين علينا أول العصير 2 لتر صافي أما الآن 1.75 لا ماحنا شارين أبد لو نقصوا السعر

يداً بيد لمقاطعة المراعي
صحاري نجد غير متصل  
قديم(ـة) 08-08-2011, 02:12 AM   #7
شوكولاتهw
عـضـو
 
تاريخ التسجيل: Jul 2011
البلد: بريده
المشاركات: 203
انا مليت من المقاطعه ورحت اشتريت لبن+جبن المراعي
سامحوني ياخوان
شوكولاتهw غير متصل  
قديم(ـة) 08-08-2011, 02:48 AM   #8
سلطانيز
عـضـو
 
تاريخ التسجيل: Jan 2008
البلد: بريدة
المشاركات: 169
روح يا مسكين يا ولد أبو مسكين ربي يسكنك الجنة
والله أنت كذا
استمر وحنا معك

اقتباس
المشاركة الأساسية كتبها aksm
اقول اليوم رحت لبندة ابشتري لبن دورة كل المنتجات ما لقيت إلا المراعي واخذته

ولله تبون الصراحه من يوم جت المقاطعه والشركات الثانيه اختفت شكله ملعوبه

لا ملعوبه ولا شئ
اللي صاير ان الناس اتجهت للبديل والبديل ما يغطي السوق خصوصا اننا برمضان اللي يكثر بوه الطلب
وبعدين تراه ما راح تموت أو تمرض اذا رحت لبقاله ثانيه وشريت غير المراعي

اقتباس
المشاركة الأساسية كتبها شوكولاتهw
انا مليت من المقاطعه ورحت اشتريت لبن+جبن المراعي
سامحوني ياخوان

يا شيخ لا تطلب السماح من احد
ما فيه أحد له دخل انك تشري والا لا
بس حيبت اقول لك كلمة واعتبرها نصيحه محب: يوم إنك مليت وشريت المراعي ما تذكرت حال الفقراء؟ اللي ارتفعت عليهم الاسعار وتدبلت ؟ كلنا حالتنا مستوره ونقدر نشري كراتين من المراعي بس قاطعناهم موب لنا بس قاطعناهم من أجل الفقراء بعد
ولا تنسى قول أشرف الخلق صلى الله عليه وسلم ( من لم يهتم بأمر المسلمين فليس منهم )
وقوله ( " عليكم بالجماعة فإن يد الله مع الجماعة " )

وجملة ( انا ابشري ما راح يضر المقاطعة اذا شريت بريال والا عشرة ريالات ) احذفوووووووه من قاموسكم كل واحد يقاطع و يخلي برأسه إيمان قوي بأنه مقاطعته لحاله راح تخسر الشركة ملايين

آخر من قام بالتعديل سلطانيز; بتاريخ 08-08-2011 الساعة 02:59 AM.
سلطانيز غير متصل  
قديم(ـة) 08-08-2011, 03:04 AM   #9
برفسور ملتمس
عـضـو
 
صورة برفسور ملتمس الرمزية
 
تاريخ التسجيل: Sep 2010
البلد: لازلت برحلة رعب ..!
المشاركات: 1,186
اقتباس
يا شيخ لا تطلب السماح من احد
ما فيه أحد له دخل انك تشري والا لا
بس نصيحة : يوم إنك مليت وشريت المراعي ما تذكرت حال الفقراء؟ اللي ارتفعت عليهم الاسعار وتدبلت ؟ كلنا حالتنا مستوره ونقدر نشري كراتين من المراعي بس قاطعناهم موب لنا بس قاطعناهم من أجل الفقراء بعد
ولا تنسى قول أشرف الخلق صلى الله عليه وسلم ( من لم يهتم بأمر المسلمين فليس منهم )
وقوله ( " عليكم بالجماعة فإن يد الله مع الجماعة " )

^^

يبدو أن صاحب هذا الرد داخل [ حرب ] وجالس ينسخ ويلصق من الاحاديث ويمشيها على كيفه ..!

أنا مستغرب من المشاهدين كيف راضين [ يشوفون مثل هالأحمق ] الي يلف ويدور ويحاول يقنع على كيفه ..!

أجل المسلمين .. ليش جميع موظفين شركة المراعي كفاار ؟؟!

لاوبعد اطلع لي بفتوى وقل من لم يقاطع المراعي فهو كافر ..!

ههههههه المشكلة تلقى هالي جالس يسوي مقاطعه بهالمواضيع تلقاه [ شابك من ايفون ] لاوبعد يمدح فيه .!.

ويحث على شرائه وهو صناعة يهودية - الحمدلله بس ..!


ملاحظة :

أنا مايضحكني الا التناقض :

يتكلم عن المسلمين وعن غيرته وينزل مقاطعه من اليوتيوب - والمشكلة أن اصحاب مواقع هاليوتيوب يهود..!


تشااو يامتناقضين ..
__________________
أستعملت جميع الأسلحة معكـ من الخنجر ، إلى صاروخ عابر القآرآت ، أستعملت حتى أظافري لكسر جدرآن كبريائكـ ..!
وَبعدمآ خَسرتُ جَميع أوسمتي وَجنودي ، [ بَكيت ] لآنني أكتشفت أن أشجع رِجآلي تَركوني وَذهبو آليكـ ..!

آخر من قام بالتعديل برفسور ملتمس; بتاريخ 08-08-2011 الساعة 03:09 AM.
برفسور ملتمس غير متصل  
قديم(ـة) 08-08-2011, 03:19 AM   #10
C R Λ S H
عـضـو
 
صورة C R Λ S H الرمزية
 
تاريخ التسجيل: Jan 2010
البلد: بريدة
المشاركات: 773
الحمد لله انا مقاطع المراعي من زمان

دخلت بقالة قبل امس ادور لبن

ما لقيت إلا المراعي ثم رحت لغيره

وجلست افرفر4 بقالات ما حصلت إلا المراعي كبير

قلت والله ما اشريه لو ما اشرب

وامر بقالة غيره امر القى ولله الحمد نجدية ونادك
C R Λ S H غير متصل  
قديم(ـة) 08-08-2011, 03:35 AM   #11
((ابوعبدالله))
عـضـو
 
صورة ((ابوعبدالله)) الرمزية
 
تاريخ التسجيل: Jul 2010
البلد: في بيتنا
المشاركات: 734
ياجمعه الى متى وانتم محجرين تفكيركم
المراعي سعره نفس سعر المنتاجات الثاني

وش فرق رفع وخسر
ونزل يبي العالم تجي لمه

بعدين ما نقصوا بالحليب ولا بالعصر

هي هي

ولو انكم جادين بالمقاطعه قاطعوا شكرة الصافي

المراعي 6 زبادي بـ5
الصافي 6 زبادي بـ6

ورونا مقاطعتكم

لبن المراعي بـ7
اكتيفيا الصافي بـ8
__________________
عدد زوار مواضيعي وردودي
من تاريخ
13\5\1432هـ

((ابوعبدالله)) غير متصل  
قديم(ـة) 08-08-2011, 03:42 AM   #12
سوسوالحلوة
عـضـو
 
تاريخ التسجيل: Jun 2011
البلد: بريدة
المشاركات: 322
موضوع جيد...

ماعلينا ..المقاطعه مستمرة
سوسوالحلوة غير متصل  
قديم(ـة) 08-08-2011, 03:54 AM   #13
aksm
عـضـو
 
تاريخ التسجيل: Jan 2010
البلد: بريدة
المشاركات: 13
اقتباس
لا ملعوبه ولا شئ
اللي صاير ان الناس اتجهت للبديل والبديل ما يغطي السوق خصوصا اننا برمضان اللي يكثر بوه الطلب
وبعدين تراه ما راح تموت أو تمرض اذا رحت لبقاله ثانيه وشريت غير المراعي

ولله ليش ادور و اتعب نفسي مثل المهبول عشان المراعي او مقاطعة المراعي انا اصراحه

مع المراعي الحين كل المنتجات رفعت وما تسلطتوا إلا على المراعي

يا قاطعوا كل المنتجات او لاتقاطعون ابد

بعدين انا مع الي يوفر لزبون لبن او اي صنف ولا يخلي زبونه يروح يدور على البقالات تقل مهبول
aksm غير متصل  
قديم(ـة) 08-08-2011, 03:58 AM   #14
aksm
عـضـو
 
تاريخ التسجيل: Jan 2010
البلد: بريدة
المشاركات: 13
اقتباس
المشاركة الأساسية كتبها ((ابوعبدالله))
ياجمعه الى متى وانتم محجرين تفكيركم
المراعي سعره نفس سعر المنتاجات الثاني

وش فرق رفع وخسر
ونزل يبي العالم تجي لمه

بعدين ما نقصوا بالحليب ولا بالعصر

هي هي

ولو انكم جادين بالمقاطعه قاطعوا شكرة الصافي

المراعي 6 زبادي بـ5
الصافي 6 زبادي بـ6

ورونا مقاطعتكم

لبن المراعي بـ7
اكتيفيا الصافي بـ8

اقول لاتحول الصراحه الاوادم ذولا ما فهمتلهم

وخلاص المياه رجعت لمجاريها البن صار بـ 7 تبي ولا لاتشري
aksm غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 03:02 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)