بريدة ستي

بريدة ستي (http://www.buraydahcity.net/vb/index.php)
-   أخـــبـــار بــريــــدة (http://www.buraydahcity.net/vb/forumdisplay.php?f=66)
-   -   يــاويــــلي ويـــــــــلاه من ســــاهر !!!!!! يانـــاس وش الحل بالهــايلــوكســات (http://www.buraydahcity.net/vb/showthread.php?t=220486)

أهواك يابريده 20-08-2010 08:03 AM

يــاويــــلي ويـــــــــلاه من ســــاهر !!!!!! يانـــاس وش الحل بالهــايلــوكســات
 
.


السلام عليكم ورحمة الله وبركاته


قد تستغربون من عنواني أحبتي الكرام

ولكن مادعاني لكتابة هذه هو موقف صديق لي

حبث أن صاحبي يعمل بشركه وصرفو له الشركه

هايلوكس 2010 غماره

ومرت الأيام وبالأمس أخبرني بأن لوحة السياره قد سرقت

فقلت بلغ فقال بلغت وكتب بلاغ وقالو راجع المرور يوم السبت

قلت له لوحة السياره غيره بالكامل هي ورقمه

قال لي ليه

قلت جاك الموت ياتارك الصلاة

إذا طبق ساهر أول ماياكله أنت

استغرب وقال لي وش تقول أنت

قلت السارق ماسرقها عبث إذا طبق ساهر تلقاه يطاير بين العالم ومركب اللوحه والضحيه أنت

رح بدل الموتر عند الشركه أو رجعه أزين لك


تصدقون ياشباب ياأنا رحمته

أبغى أشوف رايكم بالموضوع هذا
وهل بالفعل سيتورط باللوحه هذي إذا التقطها ساهر


بانتظار ردودكم

عصير مشوي 20-08-2010 08:21 AM

يابن الحلال هذي من مشاكل ساهر طيب عندي سوال محيرن اللوحه مميزة؟؟؟؟؟؟؟؟؟؟؟؟؟؟؟؟؟؟؟؟؟

سطوت ملوك 20-08-2010 08:24 AM

ههههههههههههههه


مـن جـدكـ انـت ..؟


اصــلا المفروض يدعـي للي سـرقـه .. لاـنه بينكشـف ..


بتقـول .. كيف ..


انـآ اجـآوبكـ .. يـآطويل العمـر اول مـآتجيه مخـآلفة برقم اللوحـه المسروقـه .. يقدم اعـترآض الي هو ان اللوحه مسروقه بتـآريخ كذآ وكذآ ..


هــم بدورهـم يبحثـون عن الصـورة حقت المخـآلفه .. وبيلقـون شكـل السيـآره وصـآحبهـآ وكل ابو شي وبسـآعتين وهـم صـآيدينـه ..


هــذآ اذآ كـآنت مسروقـه للأمر ذآ من الاســآس .. اظـن احـد بزآرين الحـآره شـآطفهـآ :cool:


مير لاتخـوف خويكـ .. وخلـه يفـآحط بالهلي ويستـآنس :d


إن الله يراك 20-08-2010 08:26 AM

الله يسهل عليه
ناس ما تخاف الله تسرق

يوسف 2000 20-08-2010 08:29 AM

بالعكس ساهر سيساعد في القبض على السيارة بأسرع وقت من خلال الكاميرات سيعرفون مكانه والمنطقة التي هو فيها الأن وسيمسكونه بسهوله وبساطة والمخالفات لن تسجل عليك أذا بلغت بسرقتها ونظام ساهر في صالح المواطن ميه بالمية ولم يتجرأ على سرقة اللوحه الأ لأنه يعرف ان نظام ساهر لم يشتغل بالقصيم .
حيث النظام هناك خبز , وحيث الفوضى هناك جوع
مثل أيطالي

إن الله يراك 20-08-2010 08:47 AM

حيث النظام هناك خبز , وحيث الفوضى هناك جوع

مثل رائع

مهندس دايخ 20-08-2010 08:55 AM

معلومه بسيطه لنظام ساهر وهو في خلال ضبط مخالفه تلقائيا يرجع الحاسب الآلي لرقم السياره ورقم الهيكل اذا توافق فسوف تحسب المخالفه واذا اختلف فشلق بصل ياسارق اللوحه يعني الحاسب يعطي اشاره بأن اللوحه تختلف عن رقم هيكل السياره وبالتالي يتم القبض على سارق اللوحه

hsdt 20-08-2010 11:16 AM

اقتباس:

المشاركة الأساسية كتبها مهندس دايخ (المشاركة 2442574)
معلومه بسيطه لنظام ساهر وهو في خلال ضبط مخالفه تلقائيا يرجع الحاسب الآلي لرقم السياره ورقم الهيكل اذا توافق فسوف تحسب المخالفه واذا اختلف فشلق بصل ياسارق اللوحه يعني الحاسب يعطي اشاره بأن اللوحه تختلف عن رقم هيكل السياره وبالتالي يتم القبض على سارق اللوحه


طيب ياذكي كيف يعرف رقم الهيكل في السيارة المخالفة

مهندس دايخ 20-08-2010 12:50 PM

اقتباس:

المشاركة الأساسية كتبها hsdt (المشاركة 2442675)
طيب ياذكي كيف يعرف رقم الهيكل في السيارة المخالفة

يا ذهين مجرد ما يطلع بالحاسب ان رقم اللوحه المسروقه غير متوافق مع رقم الهيكل فالنظام تلقائيا لا يحسب المخالفه وهذا اهم شي بالنسبه للي مسروقه لوحة سيارته ويكفي ان المسكين اللي مسروقه لوحة سيارته لا يتحمل مخالفه عرفت ولا اجيب سبوره

ملاحظه / رقم لوحة السياره ورقم الهيكل ونوع السياره ورقم الهويه الوطنيه جميعها محفوظه بحاسب المرور واستمارة السياره

ابو خرخير 20-08-2010 02:01 PM

والله هزولت ينطلون حتا برمضان

sg'hk 20-08-2010 02:09 PM

اقتباس:

المشاركة الأساسية كتبها مهندس دايخ (المشاركة 2442702)
يا ذهين مجرد ما يطلع بالحاسب ان رقم اللوحه المسروقه غير متوافق مع رقم الهيكل فالنظام تلقائيا لا يحسب المخالفه وهذا اهم شي بالنسبه للي مسروقه لوحة سيارته ويكفي ان المسكين اللي مسروقه لوحة سيارته لا يتحمل مخالفه عرفت ولا اجيب سبوره

ملاحظه / رقم لوحة السياره ورقم الهيكل ونوع السياره ورقم الهويه الوطنيه جميعها محفوظه بحاسب المرور واستمارة السياره


انا برضه مافهمت اللي سرق اللوحات اكيد بيركبها على هايلوكس نفس الموديل وغماره وحده ونفس اللون وش يدري النظام إنه فعلا اللوحه للسيارة ذي ولا لا والله شي غريب
يعني كلا الأمرين محير إذا صاحب اللوحه الأصلي قطع إشاره ومعه البلاغ ويرسل مندوب الشركه ويقول هذا اللي سارق اللوحات مهب سيارتنا وشلون بيثبتون المرور إن كلامه غير صحيح :d
وإذا اللي قطع إشاره السارق وراجع مندوب الشركه وشلون يثبت إنه السارق وشلون بيصدق المرور :eek5
اتوقع ان النظام عنده خبره تكمن الخبره بمجرد مشاهدة وجه السائق ويقرر هو سارق ولا لا هههههههههههههه

والله مفهين كلكم فعلا هذي مشكله .

عبد العزيز2007 20-08-2010 03:03 PM

اقتباس:

المشاركة الأساسية كتبها مهندس دايخ (المشاركة 2442702)
يا ذهين مجرد ما يطلع بالحاسب ان رقم اللوحه المسروقه غير متوافق مع رقم الهيكل فالنظام تلقائيا لا يحسب المخالفه وهذا اهم شي بالنسبه للي مسروقه لوحة سيارته ويكفي ان المسكين اللي مسروقه لوحة سيارته لا يتحمل مخالفه عرفت ولا اجيب سبوره

ملاحظه / رقم لوحة السياره ورقم الهيكل ونوع السياره ورقم الهويه الوطنيه جميعها محفوظه بحاسب المرور واستمارة السياره

يبقى السؤال كيف يعرف ساهر رقم هيكل السيارة؟؟

رذر فورد 20-08-2010 03:22 PM

اقتباس:

المشاركة الأساسية كتبها عبد العزيز2007 (المشاركة 2442854)
يبقى السؤال كيف يعرف ساهر رقم هيكل السيارة؟؟

أستغرب إن فيه ناس تسأل مثل هالسؤال

سهلاوي 20-08-2010 03:29 PM

ياشباب نظام ساهر يكشف المخالفات فقط على رقم اللوحة أما رقم الهيكل فهذا غير صحيح

وأما عن صاحب اللوحة المسروقة يسجل بلاغ ويحمل ورقة البلاغ للمعارضة عليها إذا وسجل ضده قسيمة

وللتنبيه...نظام ساهر لما يسجل مخالفه على سيارة فهو يصور حتى اللي بداخل السيارة...


الساعة الآن +4: 11:27 AM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.