بريدة ستي

بريدة ستي (http://www.buraydahcity.net/vb/index.php)
-   |- Coffee Shop -| (http://www.buraydahcity.net/vb/forumdisplay.php?f=82)
-   -   اصبرن لاتركبن لين يدخل ابو الجيران .. غطن عيونكن .. قصرن حسكن .. (http://www.buraydahcity.net/vb/showthread.php?t=211126)

عآشقة قسمهآ .. 23-06-2010 06:49 PM

اصبرن لاتركبن لين يدخل ابو الجيران .. غطن عيونكن .. قصرن حسكن ..
 
اصبرن لاتنزلن لين يدخل ولد الإمام ..
غطن عيونكن ابو الجيران بالسيارة ..
قصرن حسكن الجماعة يتطآلعون ..
لاتركضن بالحوش جيرآننا الجدد قهوتهم بالحوش <<< وشلون شآيفينهم خخخخخخخ ..
طالعات والناس بيجون !! ,, اذا جيتن ادخلن مع الباب اللي وراء وافصخن إعبيّكن بالحوش لاينقدون
عليكن الضيوف .. << مخطط قصف ع غفلة :113: ..
لاتدري ام فهيد ان عندنا شغالة تراه نقّادة ..
لاتفرشون بالحوش جيراننا اللي وراءنا عيالهم مجتمعين اليوم ..
ماحنب رآيحين لخوالكم مع السواق نسيتوا ان خالكم مطوّع ..
لا تلبسين هالبنطلون للعزيمة مرة خالتس المطوع _( المذكور بالجملة السابقة :113: )_ بتجي ..
لايدرون عمومتكم ان الشغالة هي اللي مسوية الحلا اسكتن تسنه انتن ..
لايدرون حمولتس اني معاونتس بالعشاء ..
غبوا الرسيفر لايدرون بزران المذن (المؤذن) ان عندنا دش ..
لاتلبسين الفستان الزيتوني لابسته لحمولتي وأخاف يجون للعرس ..
لاتعلمن صديقآتكن اننآ سآفرنآ برى بآتسر تصير حتسيتنآ على كل لسآن ..
لايدري رجلتس انتس رحتي معنا للسوق , اهجدي تسنتس مسخنة ..
.
.
.
الخ ... ( كملوا انتو ) ..



هذة المقولات متدآولة بين بعض النآس وللأسف تكثر هنآ .. طبعآ ذكرت (البعض) وليس بالضرورة أن
تكون بهذة الصورة .. نعم ربمآ بآلغت في بعضهآ للمرح ليس إلا ..
وربمآ يتخلل بعضهآ الفكآهة وليس فيهآ مايعآرض الدين وإنمآ تحمل عنوآن (الجحآدة) التي تجري في دَمِ
البعض (عآفنآ الله وإيآكم) , وربمآ (عدم الثقة بالنفس) فلانقول أننآ فعلنآ كذآ وكذآ إلا عندمآ يقول ذلكـ فلآن ..
لكن البعض الآخر من تلكـ (المقولآت) تخآلف الدين وبصورة وآضحة ..
وكأننآ نعبد النآس ونخشى أن نسقط في ألسنتهم ونتجآهل غضب الله .. اذا كنت سأعصي سأعصي
وسأتحمل ذنبي فلمآذا أتحمل ذنب آخر فوق ذنبي بل شرك أصغر ألا وهو الرياء ..
غير الكذب والخدآع وإخفاء حقيقتنآ وإظهآر صآلحنآ وهذآ كمآ نعلم من صفآت النفآق والعيآذ بالله ..
وما يجعلني آسفة حزينة أكثر عندمآ تتصف بهذة الصفآت امرأة تقوم الليل وتصوم النهآر ولكنهآ
(وياللخيبة) تخشى النآس كخشيتهآ لله وربمآ أكثر ..
أو رجل يختم القرءآن كل ثلاث ليآلٍ ولكنه ينهى النآس عن المنكر وينسى نفسه ومن هم تحت يده ..





حقآ للأسف نراقب عيون الناس ونتنآسى عيون الرقيب ..
أسأل الله لنآ ولكم العآفية .. ربنآ لاتؤآخذنآ بمآ فعل السفهآء منآ ..

تباشير المطر ~ 23-06-2010 07:11 PM

ايييييه يا عاشقة قسمها ، تذكرت قول أحد الصحابة أو السلف :
أحب علي أن يعرف ذنبي عند الناس ، لاعملي الصالح .
اللهم لاتجعلنا نجعلك أهون الناظرين الينا ،
عاشقة قسمها (h) إفتقدنا طلتك ، وعدتي بموضوعك الرائع الواقعي (h)
أسعدك الله دنيا وآخره (f)
ليته في بنت بريدة ":f:"

برمائية 23-06-2010 07:11 PM




لا تحكون قدر الغداء عشان ما يسمعون الجيران<<مادري وش كبر أذانهم أنا:( ،،( هذا اسمع به على سبيل النكته بس)


لا ترفعون أصواتكم ترى الجيران يسمعونكم:049:،، << هذا عاااااااااد لازم كل يوم


لا تطلعون وقت الصلاة عشان ما يشوفونكم الجماعه:eek: ،،<< هذي شبه يومي


............... وغيرها الكثير والكثير ،،


أنا عن نفسي أكره هالنوع من الجمل كره إبليس للصلاة :096:<< هي تجي كذا :d


بس ما أعتقد إنو كلها جحاده أكيد جزء منها للجحاده،،


لكن الأغلب من أشوفه حولي اهتمآآآآآآآآآآآآآآآم فظييييييييع بكلام الناس،،


لا يقولون الناااس عنا شيء،،،


تقبلي مروري يا حلوه ،، إلك
(f)

نجود 23-06-2010 07:17 PM

فعلا الناس يجحدون كل شي عرس بنت خالتي كل درا الاحنا بالبطاقة

مو هذا يسمى جحادة

فلانة احملت ماندري الا اذا ولدت انه حامل

والله المستعان تغير الزمن

مشكورة خيتو عاشقة قسمها

ما تَهَاب 23-06-2010 07:40 PM



تصدقين ضحكت قووووة على العنوان حسيت إن واحد من اخواني كاتب الموضوع :113:
على طاري الطلعة من البيت أو النزول من السيارة وفيه رجل قريب من باب البيت أذكر مره جاية
من الجامعة على أيام الباص وكان فيه ولد عمي واقف عند بيته وأنا بنزل :eek5 وجوالي مفصول
وقسم ياأنا ماأنسى ذاك اليوم المشكلة ان اهلي مافتحوا الباب وهو بتل واقف :eek5
وآخر شي دق على خدامة اهله جت فتحت لي :eek5

أرجع للموضوع :p
الناس الآن مالهم هم إلا كلام الناس وحتى وإن قال الشخص أنا مايهموني الناس ولا أهتم لكلامهم لاااابد تلاقين
منه شي أو أشياااء تناقض قوله والأمثله كثيرة , ولاألومهم والله لأن في هالزمن الإنسان صار يفعل أفعال حتى يتحاشى
كلام بعض الناس مو خوف أو رياء ولكن شيء في النفس ..

* مع أني أعتقد أن بعض النقاط اللي ذكرتيهن مافيهن شي ويكون الدافع لفعلهن إما غيرة أو حياء أو أمور أخرى مباحة ولا شي في ذلك ..! (h)

عشوقة إلك :f::f:


..احساس.. 23-06-2010 07:42 PM

هههههههههههههههه
ههههههههههههههههههههه
من يوم شفت معرفتس مت من الضحك من قبل ما أقرأ موضوعتس

صدى الذكرى 23-06-2010 07:45 PM

بالسيـــــــارة >> اللحين عيونكن ما تنشاف من النقابات الواسعه لا وقفنا عند الإشارة ..؟؟

بالبيت >> قصرن حسكن لا يسمعونكن الرجـال .. ( أمي طبعاً ) >> هههههههههه الله يحفظها ..

..احساس.. 23-06-2010 07:47 PM

أجل فلانه تكلم تهاني وأنت جوعانه ههههههه
 


هههههههههههههههه
ههههههههههههههههههههه
من يوم شفت معرفتس مت من الضحك من قبل ما أقرأ موضوعتس بس جاء ببالي خشتس ههههههههه (h)

لي عودة < عودة ولا ضـ........ :d

لان مثلتس خابرة [ بسيّــم]
تكرمت اليوم وتبي تسير علي (h)

ولانب فاااضيتن لتس :(< خربت الأخلاق


عشوقة (h)

حبيبتس مديون سددي عنه قبل ماتسحب مكافأة الكلية مثلتس خابرة الضنى غااالي :113:

:f: لقلبك


مهاااااااااااوي 23-06-2010 10:24 PM

اعجبني ماطرحتي باالتوفيق اختي

عآشقة قسمهآ .. 23-06-2010 10:30 PM

اقتباس:

المشاركة الأساسية كتبها تباشير المطر ~ (المشاركة 2312097)
ايييييه يا عاشقة قسمها ، تذكرت قول أحد الصحابة أو السلف :
أحب علي أن يعرف ذنبي عند الناس ، لاعملي الصالح .
اللهم لاتجعلنا نجعلك أهون الناظرين الينا ،
عاشقة قسمها (h) إفتقدنا طلتك ، وعدتي بموضوعك الرائع الواقعي (h)
أسعدك الله دنيا وآخره (f)
ليته في بنت بريدة ":f:"

مقولة رآئعة وفي الصميم غاليتي تباشير (h)

من يفقد هو أمثآلكم , وتأكدي أن لكـ معزة خآصة في قلبي وربمآ لم أَبُحٌ بهآ سآبقآ :p ..

نآرت بكـ صفحتي ..

ام اشواق 23-06-2010 10:33 PM

عاشقه قسمها

كلام ماعليه غبااااااار

اهل بريدة مب كلهم بس الاغلبيه
غلب عليهم طبع الجحاده كلشن يغبى

على قولت نجودالعرس ماندري الابالبطاقه:(

لييييييييش الجحاده يعني هاذي اشياءرزقه الله لناااا

يسلمووو

عآشقة قسمهآ .. 23-06-2010 10:34 PM

برمآئية

صنفتي فأجدتي ..
بوركـ فيكـ أخية ..
وقد ذكرنآ سآبقآ أن هذة الحمل تصدر لثلاث أسبآب :
1- الجحآدة أو التكتم ..
2- انعدآم الثقة بالنفس ..
3- مرآقبة النآس وخشية الوقوع في ألسنتهم ..

عآشقة قسمهآ .. 23-06-2010 10:36 PM

أرجوآ من العضوآت الفآضلآت التركيز ..

فموضوعنآ الأسآسي ليس عن (الجحآدة) بقدر ماهو عن مرآقبة النآس والغفلة عن مرآقبة الله ..

يارب يسر امري 24-06-2010 12:28 AM

مشكوورة عااشقه قسمها
انا رااي انه مب جحااادة مرااعه لكلام الناااس يالله سترك واستااار من خلقك
لانه اللحين نعمل الف حسااااب لكلامه
موووضوعه جميل


الساعة الآن +4: 07:10 PM.

Powered by vBulletin® Version 3.8.6
Copyright ©2000 - 2018, Jelsoft Enterprises Ltd.