بريدة ستي

بريدة ستي (http://www.buraydahcity.net/vb/index.php)
-   استعلامات بريدة (http://www.buraydahcity.net/vb/forumdisplay.php?f=95)
-   -   ريحووووني ياللي عملتوا تصحيح النظر (http://www.buraydahcity.net/vb/showthread.php?t=248489)

الأرياف 16-02-2011 05:59 PM

ريحووووني ياللي عملتوا تصحيح النظر
 
السلام عليكم ....
حجزت موعد تصحيح النظر :eek: عند الدكتور عبدالله الطرباق بمستشفى الحبيب ببريده
وإن شاء الله موعدي بعد إسبوعين تقريبا .... طمنوني ياللي عملتوا العمليه إن شاءالله وضعكم تمام
اللي مخوفني إنه ماتنجح أو يصير مضاعفات لاسمح الله خصوصا إنه عيني محمررررره من العدسات وتركتهن لي 4 أيام بس للحين فيه إلتهاب بسيط ... وبسألكم هل النظارات :41أتركهن لأني أستخدمهن ...
دعوااااااااتكم إن أموري تتسهل يارب ياكريم .. تعبت من ضعف النظر

حروف آبجديه 16-02-2011 06:34 PM

الله يوفقك وتم العملبه بنجاح ولاتحتاجين نظارة

خمائل مختاله 16-02-2011 08:07 PM

اذكر واحد يقول رحت ابسوي عملية تصحيح..

وقال لي الدكتور ..لازم تكون شايل النظاره قبل العمليه بأسبوعين..

هالكلام من سنتين تقريبا..مدري تطور الطب الان عن هالنظريه او لا..

عموما ..تفائلي خير..ان شاءالله راح تنجح بأذن الله..

كثير سووها ..وحسوا بطعم الحياة.. فعلا..

سؤال على الطاير..<<كم رح تكلفك العمليه عند الحبيب..
وايش نوع العمليه ليزر او ليزك؟؟

عقبال نظر 6 على 6

الأرياف 16-02-2011 09:47 PM

اقتباس:

المشاركة الأساسية كتبها حروف آبجديه (المشاركة 2806372)
الله يوفقك وتم العملبه بنجاح ولاتحتاجين نظارة

الله يسمع منك.. شكرا ع المرور

ابو شباشب 16-02-2011 09:51 PM

ي أختي أنا سويتها من 4 سنوات عند دكتور أمريكي بمستشفى مغربي بالمدينة النبويه
وللحين تمام الحمدلله

وكان يقول لازم تكون شايل العدسات من 4أيام والنظارات يوم واحد

وتقومين بالسلامة ..

الأرياف 16-02-2011 09:53 PM

اقتباس:

المشاركة الأساسية كتبها خمائل مختاله (المشاركة 2806524)
اذكر واحد يقول رحت ابسوي عملية تصحيح..

وقال لي الدكتور ..لازم تكون شايل النظاره قبل العمليه بأسبوعين..

هالكلام من سنتين تقريبا..مدري تطور الطب الان عن هالنظريه او لا..

عموما ..تفائلي خير..ان شاءالله راح تنجح بأذن الله..

كثير سووها ..وحسوا بطعم الحياة.. فعلا..

سؤال على الطاير..<<كم رح تكلفك العمليه عند الحبيب..
وايش نوع العمليه ليزر او ليزك؟؟

عقبال نظر 6 على 6

مشكووووووووره ..وبالنسبه للتكاليف كلمتهم على ماأعتقد قال الليزر 7020 والليزك 8000 وعليه زياده
هذا غير تكاليف الكشف وفحص القرنيه أعتقد بـ500 يعني تكلف تقريباً من 8 آلاف وفوق الله يكون بالعوووون سعره غالي بس ماباليد حيله .. فكرت بالأردن :confused: بس ماأدري محتااااااره..

كلي تفائل 16-02-2011 11:50 PM

والله انا صلحته عند الدكتور وليد الطويرقي بمستشفى النخبه بالرياض
والحمدلله تمام
يالله من فضلك

كفايه جروح 16-02-2011 11:56 PM

سويه بالرياااض بـ 5000 بسسسسس
وأطباء ممتازين إذا تبين قوليلي وأرسلك التفاصيل ع الخااص لأني بأسويها بعد شهر تقريباً
والأردن صحيح العمليه بـ 3000 بس لكن مع تكاليف السفر والفندق راح توصلين أسعار المملكة
أما بالنسبة للعدسات لازم تشيلينهم قبل العمليه بأسبوع أقل شي والنظارت ماسمعت إلا منك نبهتيني أستفسر
وإن شاء الله مايجي الشهر الجاي إلا وأنا وياك 6 على 6 :)
الله يدلك على اللي فيه الخير يارب

فخر أهلي 17-02-2011 12:22 AM

الله يتمم عليك أختي ويسهل أمرك
وإسمحي لي أبسال معك عن طب عيوني ببريده وش رايكم فيه أذا أحد مصلح عنهم؟

@سموالذوق@ 17-02-2011 12:32 AM

انا وحدة قريبتي قبل تقريبا 7 سنوات سوتها بالحبيب بالرياض
وبعد فتره تقريبا السنة بعد العملية صارت تشوف بقعة سوداء بالعين وجالسه معاها لحد الان البقعة
اتاقلمت معاها
ماحبيت اخوفك ابدا لا ن هذي حالة وحدة
من 10000 نجحت معاهم وارتاحو فيها
نصيحة مني
استخيري الله قبل كل شي وان شاء الله بيخيرك الخيره الزينة


ومن ناحيتي انصحك انك تسوينها
وتخلين الباقي على الله
موفقة ان شاء الله

صاحبة الامتياز 17-02-2011 01:46 AM

توكلي على الله حبيبتي وسويها

الله يشفيك ويعافيك يارب يكون بعونك

تحياتي

صاحبة الأمتيـــــاز

جورين 17-02-2011 04:21 AM

أخوي مسويها بالرياض قبل كم شهر وممتاز مرة يمدحه

وصديقتي مسويتها بالحبيب هنا والحمدلله تقول زين

بس نصيحتي لك سويها بالرياض ولو تبين أسم الدكتور ورقمه أجيبه لك من أخوي لأني ناويه بإذن الله أسويها عنده

وكلفت على أخوي 8000 ريال

الله يسهل أمورك ويكتب لك اللي فيه خير بأي مكان وتنجح عمليتك وعقبالي ياااارب

فيتـامين 17-02-2011 04:55 AM

انا تقريباً مسويهن قبل سنتين بمستشفى الاستشاريون لطب العيون بالرياض .

العملية تمت بنجاح ولله الحمد ، لكن الدكتور قالي قبل ما اسوي العملية ترا ممكن
بالليل تشوف حول النور كأنه هالة ، يعني تشوف شعاع عند الانوار .
وهذا طلع صحيح .

لكن بشكل عام العملية نجحت نجاح جميل جداً ولله الحمد والمنة .

واحلى موقف طحت فيه ، وقبل ما اقول الموقف اقولكم اني قبل ما اسويه
كنت شبه اعمى ، لإن النظر رايح فيها .

طبعاً سويت العملية اللي ما استغرقت الا خمس دقايق وطلعت من غرفة العمليات
وانا ماني مصدق نفسي اني اشوف ، الا اشوف كل اللي حولي بوضوح
ونسيت نفسي وفتحت فمي اضحك :d

واللي حولي كلهم يطالعون بي ، ولسان حالهم يقولون هذا وش جاه :confused:

الأرياف 18-02-2011 04:23 AM

مشكووووووووورين جميعاً ع الردود..... الله يجزاكم كل خير

أختي كفايه جروح
ياليت توضحين لي أكثر عند مين بتسوين العمليه.... أسم المستشفى...؟ ومين الدكتور...؟
وهل هو معروف...؟ وفيه أحد جربه...؟
ياليت تجاوبين علي مشاركاتي ماتسمح أرسل ع الخاااااص ....

أختي .. جورين..
ياليت تكتبين أسم الدكتور اللي أخوك سوى عنده العمليه ووين سواها عند أي مستشفى مع الرقم ..

بإنتظـــــــــــــــــــــــــــــــــــــــاااااا ااااااااااااركم


الساعة الآن +4: 11:29 PM.

Powered by vBulletin® Version 3.8.6
Copyright ©2000 - 2022, Jelsoft Enterprises Ltd.