يكفي كلام الأمير سلطان لنا يقول :القصمان هم من أسسو المملكه العربيه السعوديه وهم قلب المملكة النابض
ونعم بالقصمان ..
بس انتبهِ لم يذكر أن من أسس المملكة هما القصمان ..!
1- من يصيحكم بختمة الحرم غير السديس
السديس من المجمعة ..
2- من يجهل فتاوى ابن عثيمين رحمه الله.. ولا يهونون اللحيدان والفوزان وبن جبرين وغيرهم
رحم الله العلامة شيخنا وحبيبنا ابن اعثيمين وإبن باز .
. لكن لا نقلل من وجود بعض المشائخ الكبار مثل سفر الحوالي وعايض القرني وغيرهم الكثير ..
الجميع فيهم الخير والبركة ..
3-من ركبكم مرسدسات بنوز وفياقرات وبنوراما الا الجفالي
فيه ابوجميل ركبنا احسن من هالسيارات ..!
4- من يجمع قروشكم غير الراجحي
انا ما اعرف الراجحي ..غير الفرنسي وسامبا ما اعرف ..
على فكرة الراجحي اكبر حرامي ..
هو المصرف الوحيد بالمملكة بل بالعالم الذي يأخذ 5 ريال على خدمة البطاقة و2.50 رصيد متدني ..!!
يعني الرصيد إذا قل عن 1000 ريال يلهط من كل عميل 7.50 .. !!
والله هذهِ العملية بقمة السرقة .. ولا نتشرف به ..!
5- من يوفر الكليجا الحلوه غير القصيم
بنسبه لي الأندومي بنكة الدجاج أفضل منها ..!
الكليجاء كان أفضل مأكول بهذا البلد ..
لكن مع مطرسة الشغالات والبنغاليه وكل من هب ودم رمي وساخته هلى هذا المنتج ..
سقط من عيني وعين غيري ..!
6- وين تلقون افخر التمور الا في ارضنا الطيبه
فيه الحساء ..
على فكرة الحساء أول مدينة تنتج التمور بالمملكة وكانت تمد أرجاء المملكة والخليج بأفخر التمور ..
7- كيف تبردون الا بمكيفات الزامل
فيه مستوبيشي أفضل منه وارخص ولا صوت ولا شي .. ويابني الصنع ..
ابو زامل غالي ومكيفاته كل صوت ورجه ..!
8-من يفتى لكم بالاسهم غير الشبيلي
فيه العصيمي أفضل منه .. بس مادري منين ..!
9-وين تعالجون غير عند مستشفى الحبيب
فيه المستشفى الالماني أفضل منه بكثير ..!
10-من مستشاركم النفسي الا طارق الحبيب
فيه ميسره أفضل منه ..
11-وين تكشتون الا بنفود عنيزه و بريده
النفود بكل مكان ..
حتى تبوك فيها نفد على الجبال ^_^
12-وين تلقون بحيره بالبر الا بالعوشزيه بعنيزه
إيش بحيرة الله يصلحك ..
كلها مخلفات مجاري +ملح + بعوض + ورائحة عفن ..!
13-من وين تشترون مقاضيكم الا من التميمي والعثيم
وحبيبت قلبي وسيدة الأسواق
بنده وين راحت ..؟؟!
14 -من وين خيامكم لا بغيتو تكشتون غير خيام القاضي
أقول الله يخليلنا الباكستاني ام غاطين وخلك من القاضي وغيره ..!
15- من ينافس العربيه للعود للجاســر و الدخيل
هذا اعتراف ان العربية للعود أفضل من الجاسر والدخيل ..
شكراً لك ..
16-من ربط طريق الرياض بمكه الا العويضه
ياليت خدم ديرته وجعل الطريق من بريدة إلى مكة ..!
كان فعلاً نفتخر به ..!!
خيره لغيره ..!
17-من وين تشترون ماركات الا من القرعاوي غاليري
الله يخليلنا ستي ماكس وبربي وجفنشي .. وغيرها خرطي ..
18-من كشخ مطابخكم ومواعينكم وفناجيلكم غير الســــــــيف غاليري
وبادريق وين راح ..؟؟!!
19- من طفى حرايقكم غير العطيشـان للسلامه
فيه الدفاع المدني ..
20 -من وين تشترون لزوم الرحلات البريه ألا من السنيـــدي
والسنيدي من وين بضاعته ..؟؟ كلها من الصين ..
الله يخليلنا الفنس ^^
21- من فتح لكم ايكيا الا السليمـــــان
ما اشوف إيكيا بالقصيم ..
22-من ربط طريق الرياض للقصيم الا الفــــهــد
قصدك رجل الاعمال ::. عبدالله الاسود ..!
23-من يخفف كروشكم الا دايت سنتر المنجم
الدايت تراه يسمن لا يضحكمون عليكم ..
الله يخليلنا المضامير ^_^
24-وين تلعبون عيالكم الا بالحكير
الله يخليلنا ملاهي الشلال بجدة وملاهي الخيمة وجوان بالرياض وهبي لاند والدلافين بالشرقية ..
25-ما روق مزاج السعوديين. إلا العذل. دانكن دونات
مافيه احسن من بايسون ^^
26- ومن كبر شدوق عيالكم الا حلويات العليان
هذا الي يسوي عروضات كلها منتهية ورائحتها خايسه ..!
الله يخليلنا حلاو البقر البولندي ^^ و روز ..
وش نكتب وش نخلي .. هالاشياء نقطة في بحر
أقول لا تعوديلها مره ثانية ..
والله ياحنا القصمان شايفين بأنفسنا شوفه ..
صحيح ونعم فينا ..
ولنا فضل كبير على أرجاء المملكة ..
لكن يجب الا نكتب كل شي ونفتخر به امام الجميع ..
لو لموضوع هذا قرائه جيزاني او حساوي او اي شخص من خارج القصيم ..
راح يحقد اكثر لأنهم من خلال الموضوع يرى تفاخر وتعالي عليهم ..!!
جميع المملكة من شمالها الي جنوبها
ومن شرقها الى غربها نقول لا إله إلا الله محمداً عبده ورسوله ..
فلنكن كذلك .. أخوة متحابين لا يفرقنا صناعة ولا تجارة ولا غيرها ..
اللهم أجمع بين قلوب المسملين بكل مكان والف بين قلوبهم ..
