من ينصفنا يامرور بريده ؟؟؟؟ قمة الوقاحه .. شاركوني لاهنتو

[روسانا]

أخي الكريم حتى لو حضر المرور اصلا لا يوجد الا نسبة معروفة 75% أو 25% وعلى السائقين اختيار النسبة المناسبة ونحن نريد ان يكون هناك محاكم ادارية تحكم بنظام المرور وتحدد النسب بشكل دقيق ويكون هناك افراد متخصصين في تقدير نسبة الحوادث والاخطاء ولا يترع الامر عشوائي أو ما جرت عليه العادة ؟؟؟ يا اخي الكريم الناس في النهاية دافعة فلوس ( التامين مستثني )

 

[الشعبي]

شكلك موقف بوسط الشارع غلط أكيد.... ولا ماكان سوى معك هالتصرف

هذا ما أضح لي من سرد قصتك

 

[rahal]

أقول وأنا أخوك نصيحة طقطق نعيلتك وخلهم تراهم يبي يذلونك ويوميا تبي تداوم عندهم ... ولا تستفيد ...

تراهم في الاجازة الصيفية صدموني والخطأ باين عليهم 100 % وعندي شهود بنفس الموقع ولوجود عدة عساكر بالموقع تم جعفها علي ..

وما أقول الا اللي قاله أخونا اذا صار خصمك القاضي من تقاضي ..

واذا تدفعت لهم قل للي حدد نسبة الخطأ قله( الله لا يحللك بالدنيا والاخرة ويجعل دنياك وبال عليك)) وامش وخله ...
وان كان فيه دين يمكن تحز بنفسه ويحس ان دعوتك من قلب ..


(والله يخلف عليك في مصيبتك )




إلى اللقاء ...

 

[السيد جبنه]

ردي لمن قال ان احمد الفايز اكيد مخطي ؟؟؟ ياخي حتى لو مخطي مايكلمه بهالطريقه وينفخ عليه او عشان ابو علي الهباش مريض اللله يقومه بالسلامه
اقووووووووووووول يااحمد ادخل على مدير الشرطه اللواء طلحه وربي انه رجل فاهم وخلوق وحقك تبي تاخذه
قال ايش قال اكيد انت مخطي ؟ مخطي يهينونه ؟ الواجب عليهم دامهم صدموووه ينزل العسكري ويتأسف من الرجال ويقوله انا كنت ساهي وصدمتك واللي تبيه يصير هذا العقل وترى
صاحب السمو الملكي الامير نايف بن عبدالعزيز وسمو الامير محمد بن نايف رجال الامن الاوائل ماعطوا هالعسكري البدله الا عشان يحترم الناس ويخدم الوطن ولو يدري سمو سيدي بالموضوع كان تشوف وش يسوي الله يطول بعمره

 

[آلتفآءل بلخير تجدة]

اللة لايجدعنا للمرور امس سرقت استراحة لنا ولا بلغنا خوفا ان ندخل في سين وجيم ونطلع مثل المولد بلا حمص

 

[ولد الذيب]

ياخي الايام هذي طلعوا علينا
العسااكره مبزره تلقااه ماطق عمره الـ 22 ويجي ينفخ عليك

مبززره اخر زمن

أشتغل بدالهم

 

[غندر]

الحمد لله على السلامة عمرك ياخوي

الحديد بداله حديد

طيب أنت مارضيت الحين بالنسبة 75%

الله يخلف عليك

وسؤلي هل المرور يقدر يعطيك الآن 25%
​

 

[بريدة دانة العرب]

انا من رأيي تطالبهم وماتتخليهم واذا تعرف احد له مكانته قله السالفه ولا كان قلت للمرور على ذمتكم تراهم يخافون لاقلت بدعي عليك ان كنت ظالمن والله يعينك

 

[عمر اليحيى]

اخوي الغالي

أمير القصيم فاتح بابه للجميع لاخذ الحق من الظالم للمظلوم ارفع له خطاب وراح يفيدك

دمتم​

 

[الإخطبوط المرعب]

أشتغل بدالهم

شكلك واحد منهم​

 

[أبوصالح 666]

الشكوى لله .. الحديد بداله حديد , بس الروح ما بعدها روح ,,,,,,,,,,,,,,,,,,,,,,,,,,,,,,,,,,,,,..,,,,

 

[العقرب 11]

انا صارلي نفس موقفك هذا
انا كنت جاي من الضاحي ولفيت بعد مصنع الببس وبعدها لفيت يمين مااادريت الا السياره وقفت من قوت الصدمه لمينا واقفه مسوين كمين لواحد ومطفي النور باليل والشارع اضلم ونزلت لمه ودي اضربه لان السياره جديده وانا وياهم وطلع علي الخطاء ميه بالميه وتقرير الحادث غيروه لانه هو الي خطط وانا عارضت بالقسم قالي لايبهذلونك وماجاء سيارته الا شي بسيط وعطوني سعر خيالي من اشتكي

 

[أبو رُبـــــى]

مدير الشرطة ( طلحة ) يأخذ لك الحق بإذن الله ... إذهب وارفع خطابك له ... وستجد ما يسرك إن شاء الله ...

تحياتي للعقلاء ....

 

[أبوراشد]

يا أخي لو أنت موقف غلط ماله حق
واللي يقولك إذا عندك واسطه ولا منتب آخذ حقك هذا ما عنده سالفه لا يهمك
رح للمرور وللظابط المسؤول وشف وضعك إذا عدّل الوضع كان بها وإلا إشتك لمدير المرور وإذا مانفع إطلب التحويل للمحكمه
وأتوقع أنها بتنحل عند الظابط المسؤول عن الحادث يجاب سواق الدوريه ويدفع التعويض والتعويض يكون 100% لأنه صادمك وأنت واقف وإذا وقوفك غلط تقول علي مخالفه 100 ريال على الوقوف وعليه التعويض عن الأضرار

والله يخلف عليك

,,,

 

[الفتى البرتغالي]

والله بعذرك معصب
المرور يطبق المقولة
ضربني وبكى وسبقني واشتكى

 

[شيبة الهلال]

تدري انك حظيظ
عطوك 25%
وزين ماقالو عليك 100%

هذي الواسطات

 

[في داخلي قلب طفلة]

استغفر اللله واتوب اليه

 

[نهرالامل]

اذا اصابك مصيبه فقل لاحول ولا قوة الا بالله هذا شكله عليمي وعنده واو لاكن وش تسوي هذي حكومه ياحبيبي ماتقدر تقول شئ زين ماغرموك تصلح سيارتهم