ملاحق ضبان .. فيها الصغير وفيها ( السمان ) .. تعال بوهـ صور حصرية :)

[abo suliman]

ياناس ..
حامد مهوب صاحي .. ايه مهوب صاحي ..

هبلبنا .. طلعن ريحتنا .. كتربنا .. دوسلنا .. حاس مريرنا .

ياناس .. والله ياعليه صوت الله لايضرهـ .. (h)

يهبل .. والله أنه يهبل ( الهاء والباء مفتوحتين بدون تشديد الباء :f: )

قولو ماشاء الله ..

صراحة شريطه الجديد .. متوقعه ( ماهوب ذاك )

لكن صراحتن .. اناشيد روعة واداء رايع قوهـ واللحن .. خله لحاله هبال

أما الفواصل اللي قبل الأناشيد .. اشوا اني شارين سيدي ..

اناقز خرابطهم .. عطنا النشيدة وبس .. :d

خرفوشي ماقرقوشي .. سد خشمك واعبط براطمك . تطلع اطلق منوهـ :d

,,,

مالكم ومال ( تربي ) وتربات الزيران :d
خلونا لوهدنا نترب ... :d


القسم صراحة ولايزعلون الشباب ..
يحوم التسبد .. فاضي ولا ينزل موضوع زين إلا بالعن... واخته ..

ولا مواضيع النقل .. خذ رجال .

الغريب ان الشتاء مدزبل .. ولا حراك بهالقسم .

اقول ياعيال .. أن ماتداركنا الوضع يبي يلفظ القسم عبراته الأخيره :eek5

تسني اسمع شهاقه .. وعله كحة ( الرئتين ) يلسبن لسب :d

فأنا اقول عليكم بالأخلاق السعودية .. :d

لا الصدز .. ضروري نتفاعل وضروري نحط حيلنا .

مهيب معقولة .. قسم كامل .. انواع النطنطة بالمواضيع .

ذا منقول وذا مقفل وذا بدون صور ... ايه مشي


,,,

المهم من باب المشاركة لاغير ..

هاذي صور ( مهوب تصييد ) إلا قل وناسة وتطيح اللي بالراس ..

والله اني ناسي كم له .. لكن مبطيه شوي .. وتوي افرغلهن ..


عاد جازلكم ولا ماوقفت .. :d


ندعكم تبحرون مع الصور .. (h)


( أول الضحايا .. ضبن زعنون ماودك إلا تحسحسه بالشاخوف وتجرعه عدل :d.. )

( ياسمنوه ياعيال .. يالله يالله شلناو >>>> كلاك :d )

( هذا الضب الأم .. سبحان من خلق .. ابد كرشت الضب ماتفرقه عن خدود وحيد الخلان :d )

( مهبولة الرقبة السودا .. هذا اللي يتتن وهو منسدح :d )

( :eek5 )

( فترة راحة .. للأخوان .. تشمس :d )

( الضب الأم .. سوف يصلخ بعد قليل >>> والله ياعليه ريحة افف :S )

( صورة جماعية للأخوان ,, ويلاحظ ان الدب يحمي محلات :d )

( فسقنا :d )

وشكراً لكم ... (h)


خلونا لوهدنا نترب ...ooo1​

 

[عبدالرحمن الشايع]

.



وهـ بس يآبوسليمآن .. وووين الغيبآت .. ص1


سوعال ياخلفهم .. وينهوبه مكان الصيد ..

ثآنياً .. ورآكـ دآيم مقزز .. :d


متى نشوفك يابعدي وتطبخ لنآ المقلوبه .. << مشبه بـ أبو مصعب .. :d

 

[مغتربه ولكن]

"ههههههههههههههه
هذي وشسمه الام مهب سمينه !!!!!؟
الا مليانن بطنه اعيال ما شاء الله
ولوووووووود

 

[الـدعساوي]

هلا والله , وغلا
موضوع لكن يعالج خمسين قضية << الا يبي يمدح :d
فعلا القسم طافي , وبما انه مايطلع موضوع الا باللعنة واخته
فابشروا يافيدين الكشتات كل لفة بلفة يمين ولا يسار , راح انزله هووون
يعني كل خميس اذا بنزل تقرير , بس لاصرت فاضي , تقرير خفافي وسموه اللي تبون انتم << والله من الادعاء بعد :d
هاه وش رايكم نتفق كل واحد يلف يمين ويسار يلزخ لنا موضوع , نبي نستفيد من بعض
نبي نترك مكشات نبي المعلومات بذيا << ياشيني لاتحمست :d
شكرا ابوسليمان , موضوع اكة
ومااقول الا ياحبيل حامد وبس (h)

 

[GIVENCHY]

يـآآي إيش الحيوآنآت ذي

الجني متى نطلع بالفاخرية نآكل مضغوط بالجبن

الوعد متى

؟
<-- لسآن حآل بعض الشبآب هدآهم الله ,


<== :113:

 

[عبدالسلام بن خالد]

بعد الوشسمه ..

ياهلا والله ومسهلا بأبوسليمان ..

وين الناس .. والله يانت لك فقده ياغالي .. :eek5

ياخي ماتدري أن بوه ناس يحبونك ؟ :eek5

ياخي أرحمنا .. :eek5

مير خلنا نشوف لك ختات بالسوليف تكفى ..

< ملينا من قرق اللي أنت خابر .. :113:

أبوسليمان وش هالقطاعة الله يجعلك للصلاح < بغى يقول للقطع .. :113:

والله يانتم رايقيين بصيد هالضبان ..

مير صيد ثمين .. ولا علمتنا نذوق شي ..

والله الله بتفعيل هالقسم ..

أنا مستغرب بوه الخفاش والضمادا توهم ماسكين القسم .. ولا شفنا الطفه .. بالعادة الواحد يطف .. لكن ماشفنا شي. ..

أبو آدم ننتظر جديدك على أحر من الوشسمه ..

محبكم بعنف , (h)

 

[عبدالرحمن الشايع]

.



آنآ ودي آدري الزبيريه وش موقعه من الإعرآب ..

(F)

 

[.:القيصر:.]

نهآآية التدخين قآآسيه

حوسة مطبخكم ياخي

 

[A N A S]

الحين طعم لحم الضبان زين :09:



يا زين من ضبب متى وقت الضبان ؟!

 

[الخفاش]

ههههههه , أبو آدم و الضبااان :113:
يا خي عاد لمنكـ جيت تطلع تصيد ضبان تدق علي تراي فاضي :d <<--- إجحدة المشرف يلزي معكـ :113:


يا هلا و الله ببو سليمان توهـ ما ينور القسم :d
يا حبيل الضباآن اللي يخلنكـ تنزل مواضيع :d
يالله يألبي نبي مواضيع و تقارير بالشتوية ذي لأنه مثل ما قلت لكـ اليد الوحدة ما تصفق :eek5
لازم يصير فيه تفاعل من الأعضاء و رواد القسم لأن التفاعل هو اللي يعطينا داآفع للتجديد

الآن عندنا مسابقة و كل يوم أقدم خطوة و أرجع عشر خطوات خوفي ما يكون له قبول
أما المواضيع المنقولة فلازم تكون موجودة إذا غابت مواضيع الأعضاء و إبداعااتهم
فمحاربة المنقول تكون بكثرة مواضيع و تقارير الأعضاء أياً كانت لو حرفين و صورة

فابشروا يافيدين الكشتات كل لفة بلفة يمين ولا يسار , راح انزله هووون
يعني كل خميس اذا بنزل تقرير , بس لاصرت فاضي , تقرير خفافي وسموه اللي تبون انتم << والله من الادعاء بعد :d
هاه وش رايكم نتفق كل واحد يلف يمين ويسار يلزخ لنا موضوع , نبي نستفيد من بعض
نبي نترك مكشات نبي المعلومات بذيا << ياشيني لاتحمست :d

هذاآ الكلاآم السنع و حنا نبي زي تسذا :41
ياآخي والله يابه تقارير ما أدري معين تجي و مع ذلك يتحمس راعيه و ينزلة
و حناآ محنب بأقل منهم و رانا ما نشاركـ ولو بالقليل ؟!! ooo1


موضوع يستاهل الـ [ تميز ]
و لا تخلينا يابو سليمان ترا لكـ فقدة :080:

 

[خوي السرور]

أبو سليمان .. وشلون تحط الختم بالصور كلهن مرتن وحدهـ :09:


<<<< رد شاطح :يبجي1:

 

[الخفاش]

عبد السلام /

أنا مستغرب بوه الخفاش والضمادا توهم ماسكين القسم .. ولا شفنا الطفه .. بالعادة الواحد يطف .. لكن ماشفنا شي.

شوي شوي وخروا خلون أتفاهم مع هالليد :d
وش تقول هالحين أنت :09:

ما جازن لك هاللي مدبساات بالقسم :09:
أخس يهاللي مانب قايل


حنا المشكلة جينا و القسم أساسة منهد و يعذروننا المشرفين السابقين على هالكلمة :080:
يعني بدينا من جديد نأسس القسم و نزبطة تونا لا تستعجلون علينا

وترانا نستانس بالنقد البناء و الإقتراحات إعرف إن الضمادا توه جايب صندوق كبر الدولاب للإقتراحات و طاقة بجنب الباب :d <<--- وشلون تجي دولاب و يطق :d

 

[المركات]

ياخلفهم أنت يابوسليمان ..
ماخبرت لي ضبان بهالوقت ..
هههههههههههههههههههه ..
مداخيل العافيه يابعدي ..

 

[المستشار]

ههههههههههههههههههههههههههههههههه
أنواع الصرقعة ..
تعليقاااات وشوي ـ، تقرير .,,

 

[شخت البؤس]

ماشاء الله بس صراحة انت ما تعرف تصيد وراه ما اخذتن معك عشان اعلمك وش لون تصيد :d > وش يبي ذال ض

 

[.: أبو مصعب :.]

هلا والله بالجني ..

تقل أشم ريحة خيانة .. :d

 

[المميز نت]

والله إنك كفوو يالجني :d

لكن على فكرة وش طعم الضبان لأني ما تسذ ذقت لي واحد


ناقصكم الطباخ فوزي شمس الدين ( أبو مصعب ) :d


كثر لنا من ذولي يابو آدم


يالله مع السلامة : 12

 

[محمد الشقيران]

.
.
.
-- -- Buraydahcity -- --

س / وشلون تاكلون الضبان ؟

-- -- محمد الشقيران -- --
.
.
.​

 

[صرهجي]

.
.
.
-- -- buraydahcity -- --

س / وشلون تاكلون الضبان ؟

-- -- محمد الشقيران -- --
.
.
.​

يمضغون الضب جيدا في الفم بعد ذلك يذهب إلى البلعوم ومن هنا يستلم دورها المعدة
حيث ان المعدة تفرم الضب فرما جيدا لا يمكنني تقييمة
بعد ذلك يذهب إلى الامعاء منها ومن ثم يمتص منه الفوائد من الضب
والباقي بالزبالة

 

[بريدة العز]

يالبييييييييه .. تقل أنتشي ريحه حوض :080:

واضح إنكم طيور :09: .. هههههههههه

أما اللي حامي مكان هههههههههههههههههههههه بالصميم ..

خن نشوفك :09: