مقلوبة حمام طبقات بالخضار بالصور ( رائعة من يديات أبو إبراهيم )

[دهران]

أيها الإخوة والاخوات الاعزاء .....

هذي مقلوبة غير شكل ..... مقلوبة حمام طبقات بالخضار ( وبدون ماء ) من يديات أبو إبراهيم جعلها تحرم عن النار

وقلنا طبقات لان الحمام فيها على شكل طبقات مع الخضار

تعالو نشوف الطريقة مفصلة تفصيل ممل ودقيق


أول شي نعرض عليكم المقادير :

الخضار مقطعة حسب النوع (شرائح و طويلة)
( بصل طماطم جزر فلفل رومي باذنجان قرع امريكي ثوم فلفل حار كوسة بطاطس )

التبهير
( بهارات كركم هيل قرنفل ملح ماجي ليمون اسود دارسين )

حمام زاجل ( من عند أبو عبد الله )

رز أبو كاس منقوع , وترانا بنسلق الرز نصف سلق قبل نكبه على الشغل هذا كله

بصل مكشّن بزيت زيتون

منظر علوي للمقادير





نشوف الطريقة

نصف حلقات البطاطس كطبقة أولى فوق البصل المكشن

ثم أصابع الجزر

ثم حلقات البصل

ثم قرنين فلفل حار

ثم الطبقة الاولى من الحمام

نحط طبقة من البهارات كما في الصورة

طبقة القرع الامريكي

ثم الطماطم




يتبع ...... يتبع




​

 

[دهران]

ثم الباذنجان

ثم الفلفل الرومي

ثم طبقة حمام ثانية

ثم اصابع الكوسة والثوم

ثم حلقات البصل والفلف الأخضر الحار

ثم الفلفل الرومي وطبقة بهارات أخيرة ونحط معها الملح والماجي والباقي من كل البهارات

وهذي طبقة الحمام الأخيرة

نغطيها ونكتمها لمدة 30 دقيقة على نار متوسطة

نفتح القدر علشان نكب عليه الرز ( شوفو كمية الماء اللي في القدر )

نبدأ في كب الرز على المكونات ( وترى الرز تم سلقه نصف سلق )

نغطي كل المكونات بالرز

ونرجع نكتم المقلوبة لمدة 30 دقيقة على نار هادئة طبعاً نحسب بعد ما نسمع ضغط الهواء


V

V

V

V

V

V

V

V

V

ونفتح القدر بعد انتهاء المدة

أقلب المقلوبة ياولد

بسم الله

ماشاء الله

لا قوة إلا بالله

أحلى حاجة في الطبخة قاعة هالقدر ..... خخخخخ

سموا الله يحييكم على قل الكلافة ....



وتقبلوا اعذب وارق تحية


أخوكم ( أبو فارس )


​

 

[Bleeder]

كفو والله ، شغل عدل :41 ..
ومقلوبه ولا أروع ..
متى تعزمن

 

[روقــآن]

أولاه يا عيال وقفو هالمجرم

قسم بالله أنك فخم وتستاهل كل خير

 

[إبراهيم الضبيعي]

:i125:i125:i125
رحنا وطي
شغل ولا اروع
والتصوير يخلي السعابيل تقوطر

 

[على طريق الأمل]

بدأت المواهب تطلع
دهران
ألف شكرلك

 

[المستشار]

خطييييييرة ..
لكن ما تقول فيمن دخل الموضوع وهو جاااااااااااائع ..
و بطنه يقرقر ،، !!



بطني بدا يرقى و ينزل ما شاء الله تبارك الله ..
جان حالة هستيرية .. من أثر الجوع ..


عليكم بالعافية يا ألبي ..

 

[الإعصار]

عاااااااااااااااافية وكثر الله خيرك ​

 

[الخفاش]

أبو فآآرس و الله إنك بطل
قسم بالله شغل متكتك و نظيف


بس مآ يضر الكآتم لمنه إمتلئ من المكونآت ؟! :09:
ألف شكر مبدعنآ , ومزيداً من الإبدآعآت



+ تميز / لعشرة أيآم

 

[محمد الشقيران]

ماشاء الله عليك يابو فاااارس ..

 

[مخاوي الصمت]

ماشاء الله لا قوة لا بالله

والله يا الحكاكة محكحكة :41

 

[أبو رزان]

أشوني متعشي قبل لا أشوف هالوتسبه ولا تسان أعاف العشا :113:

يسلو هالديات أخوي دهران ,, يم يم

 

[طالب طب]

ما شاء الله , تبارك الله
الله يسلّم هاليديّات (h)

شكرًا عزيزي ع المتعة البصريّة والحُرقة القلبيّة (f) :113:

 

[الـدعساوي]

ترفق بنا يآخيي , وقسم انه مب معقولة

 

[(((abo saleh)))]

والله روعة مشاء الله عليكم بالعافية

 

[دهران]

 

[كلمنتان]

ماشـــاء اللــــــــــه شغل عدل

 

[سفانه]

تسلم الآيادي ياخوي ابو ابراهيم والنقال ابو فارس
الطبخ اليم والمقلوبة بجميع حالاتها لاتقاوم (h):eek5

>>> انت معي ان الطبخ بالقدر العادي يعطي نكهة اطعم من الكاتم ؟!


​

 

[عزتي في عفتي]

رائع جداً..
مشاء الله تبارك الله ..​

 

[@سموالذوق@]

​

طيب واللي ماعنده مطعم قريب ومفاتيح سيارته ضاعن والثلاجه مابه الا جحة مشلوقة وخايف انه متسممه

وعقب هالمنظر جااااااااااااااااع وش يسوي

​

تسلم ايدينك اخوي دهراااان

وياليت تتدهر على بهالمواضيع والطبخات السنعه