مستوصف الفليو إلى أين تريد ان تذهب بأهالي بريدة!!!!!

[naelh]

ذهبت للمستوصف لاحظت عدة نقاط ارجو من المسئولين اعادة النظر فيها
1_قمة الاختلاط العشوائي كأنك في شارع الصناعة مافي اي خصوصية للنساء
2_طبيبة الباطنية للجميع انا رقمي 3 وفيه عاملين بعدين ارقامهم 4و5 يعني السرير اللي تنام فيه المرأة هو السرير اللي كشفت الدكتورة على العامل فيه قمة الاستهتار والقذارة
3_الممرضات الفلبينات قمة التبرج وسرداحي مرداحي بين هالعمال والدكتورات مافي غطاء على الوجه
4_دورة مياه النساء امام البوابة الخارجية وقدام استقبال اوراق العمال.....!!!!!
يعني بالعربي انا علشان ادخل على الدكتورة لازم امر على الاسياب اللي كل سيب فيه 10رجال واجلس مع العمال ولاأظن اني ادخله مرة ثانية والله لايحيجنا له ولاغيره واللي ماصدق يروح يشوف بعينه

 

[شـآآدن ^_^]

الحق يقال نعم هذا ماشاهدته وهذا الواقع
والله تحتمي تسبدي اذا رحت
لكن عسى الله يشفين ويعافين ولا يردن لهم
امين
شكرا لك اختي لاعدمنا الغيورين امثالك

 

[أعتز بعقيدتي]

لاحول ولاقوة إلا بالله

كثر الله أمثالك من الغيورين

 

[يربش بريده]

عسى الله يشفينا ويعافينا ولا يردن لهم

 

[بريداوي غيور]

بارك الله فيك


وياليت لو تزودوننا برقم جوال صاحب المستوصف أو المسؤول عنه


ليتم تبليغه بذلك بالأسلوب المناسب لتتحقق الفائدة المرجوة ويزال الخطأ


وهكذا يجب أن يكون المسلم ....
فالسكوت عن المنكر مع رؤيته إقرار له ؟


ووسائل الإنكار متاحة .

والإنسان في بيته يستطيع إيصال الرسالة للمسؤول


.​

 

[كبرياء انثى...]

والله انك صادقة
انا رحت للجلديه ودخلت عنده وصرفت لي العلاج بس يوم خلصت
رفضت اطلع تقول الى الحين ما وصل ملفي من تحت
لي ساعه عنده ولا جاء الملف ...مههههزله:i121

حتى حقت الاسنان تكشف على المراءه والرجل والهندي على سرير واحد..
أنواع القذارةo

....

 

[كلاسيكي بريدة]

لاحول ولاقوة إلا بالله...

 

[رذر فورد]

تبي أقولك شيء

أنا أعرف الشرارات زنقة زنقة شارع شارع .. هههههههههه


الفليو هذي عائلة من عوايل الشرارات . على ما اعتقد يكثرووون بالقريات ..

لكن من متى عرفنا إن الفليو يحطون مستوصف ووش عرفهم للطب ..

رح بس لم جامعة الجوف وشف وشلون الواحد ينجح والله لو انت طبيب .

أجل بالجامعة ملخصات و20 ورقة . هذا وشلون يبي يعالج إعيال الناس . بعدين

لكن الشره على اللي يروح لم هالمستوصف . والله من يوم شفت محله وأدري إن ماعنده سالفه ..​

 

[هاجس الود]

الحمد اللة ماعمري دخلتة
وان شاء اللة ما اطبة

 

[إليـن اليـوم..!]

يكفي مبناه تقل بقاله


لآ تتعدى الي يجيك كبير ومسسستقل

 

[تربية وطنية]

مستوصف غريب انفتاحية واضحة واختلاط عجيب والمشرف عليه حضرمي مجمع هاليمانيات والعمال وبكل جخر تلقاه !!! وعادي وانا جالسة على الكرسي انتظر دوري بالصالة اللي امام الباطنية النساء يجي البنغالي يترززوينظف والله لايحجنا لهم ولعلمك صاحبه من اهل عنيزة

 

[manedl]

شلة يمنيه كلهم من راسهم لساسهم وشترجي منهم ؟!!
دخلته مره وشفت الاستقبال كيف مسويات بأنفسهن الله يدفع البلا
الله يعدلها عن الميل

 

[manedl]

تبي أقولك شيء

أنا أعرف الشرارات زنقة زنقة شارع شارع .. هههههههههه


الفليو هذي عائلة من عوايل الشرارات . على ما اعتقد يكثرووون بالقريات ..

لكن من متى عرفنا إن الفليو يحطون مستوصف ووش عرفهم للطب ..

رح بس لم جامعة الجوف وشف وشلون الواحد ينجح والله لو انت طبيب .

أجل بالجامعة ملخصات و20 ورقة . هذا وشلون يبي يعالج إعيال الناس . بعدين

لكن الشره على اللي يروح لم هالمستوصف . والله من يوم شفت محله وأدري إن ماعنده سالفه ..​

عفوا حبيب قلبي انت خطلت بين الأسماء صاحب المستوصف يماني من عدن!!!!

 

[أبورامي]

لاحول ولا قوة إلا بالله العلي العظيم
دبروه شراري يماني جني أزرق وصلوا له الرسالة لعله ينظر للمخالفات

 

[الحمد لله]

وش الله حادك على هالمستوصف والله ما هو من زينه عاد وانه مزبله

انا من شفت صاحبه وانا غاسل يدي

اخيس اطباء فيه

 

[البقاء لله]

يييييييييييييييييييييييييع انا رحت لمه يوم الاحد

وكل الي قلتي صحيح00

:037::076::097:المشكله ادوات الاسنان عقب الرجال والهنود احس حامت كبدي 00

 

[الشماليه]

السلام عليكم :
اشكر صاحب الموضوع,ولاانسى من قام بالرد وجميع من ادلى باقتراح ...لكن عتبي على العضو رذر فورد على المداخله التي في نهايتها كلام لاينبغي ان يصدر من شخص عاقل
تقبلوا تحياتي

 

[رذر فورد]

عفوا حبيب قلبي انت خطلت بين الأسماء صاحب المستوصف يماني من عدن!!!!

ماعلي أنا منهو له ...

على من اللي هو بإسمه

ولايمكن أن يكون باسم يماني .​

 

[رذر فورد]

السلام عليكم :
اشكر صاحب الموضوع,ولاانسى من قام بالرد وجميع من ادلى باقتراح ...لكن عتبي على العضو رذر فورد على المداخله التي في نهايتها كلام لاينبغي ان يصدر من شخص عاقل
تقبلوا تحياتي

والله ما قلت خطأ

أنا عاشرتهم وقت طويل .

ثانيا نهاية تعقيبي

كان على جامعة الجوف


وهذا معروووف عند الجميع . إلا إذا كانت كليات البنات تختلف فهذا شيء لا اعلم عنه .​

 

[$ابوياسر$]

أنآ كم مرره أرآجع عندهم وكل مره يقولون مآعندك ملللفْ..؟!
<يوم هشت اللي بَ الإستقبآل وقلتله أنآ كذآ مره رآجعت عندكمْ لِ أسباب مختلفه
وكل شوي تقوولوون مآ عندك ملف مآصآرت ذي؟.
يوم تأكدوآ...طلعو ملخبطين بَ رقم الجوآل..<مدري وش يحسوون فيه..!
:
والموقف الثآني ..كانت أختي تبي عيآدة الأنف وسألت اللي بَ الأستقبال إذآ فيه
دكتوره ولآ لآ...قالو له إيه..وعطوهآ رقم..يوم رآحت لِ الإستقبال اللي فووق قآلوآ مآفيه إلآ دكتووور
...
يعني ب ِ العربي يسلكوون لنآ...
:
الله يخلفْ بسْ..