كشته مع حظور اجتماع ملاك السيارات القديمة بمركز قبه.

[ممدوح الطرس]

حياكم الله يا أعضاء وزوار بريدة ستى الغالين وشلونكم عساكم طيبين واسمحوا لي اعرض عليكم رحلتي المتواضعة يوم الخميس 20/1/1433 هــ لمركز قبة وهي تقع شرق مدينة بريدة وكانت الأنطلاقه من مدينة بريدة لأجل دعوه الأخ الفاضل راشد بن دهيس محمد العلوي الحربي ابو بسام الذي استضاف فريق السيارات التراثية والكلاسيكسيه وكانو من كل ديره واحسن استضافتنا الله يجزاه عنا كل خير

وكان رئيس الفريق خالي عبدالله السلامة

ومنسق رحلتنا المصغره ابووديان لان ودنا نأخذ راحتنا وهو الذي ينسق السيارات علشان التصوير

وكانوا أعضاء الرحلة
الشاعر ابو نعيم وابو وديان وابوعبدالله خالد وابوسما وابوفهد وابوعبدالله وليد ومحدثكم الطرس ممدوح
وكانت الرحلة منسقه ونقوه من الرجال اللي شرواكم ويوم يقول الشاعر محمد الخضير ابونعيم

أفخر بعشقي وأزعج الصوت وانساق ... مع رفقة تشبه صويب الشلقــــــيا

خــــــوة نشاما للكرم دوم تشتــــــــاق ... نسل الحرار اطبوعه اللي فرقـــــيا


(شرواكم الأبيات اللي فوق)


مـــــافيهم الكاذب ولافيــــهم العــــــاق ... ولافيهـــم النمــــام واللي نعقيــــــا

نأخـــــذ فجوج الخلا درب الأشــــواق ... نطرد هموم القلب لو هو غرقيــــــا


وآسف على الإطالة وأعذرونا على القصور
وهذي لحظة وصولنا لنفود المظهور قلنا خلنا نتغداء ونتوجه للربع تفضلوا يالربع القهوه جاهزه









قمنا بتجهيز الغداء على لحيمة حاشي











خلصت اللحمة وكبينا الرز لحد يباعد يالربع







بعد ماحطينا الرز بدئنا نرقب من فوق النفود علشان اذا وصلن السيارات القديمة قبه نمشي وثر الربع وصلو واول الغيث قطره





لطفاً الرجاء عدم الرد حتى يكتمل الموضوع​

​

​

 

[ممدوح الطرس]

الغداء ياجماعة تفضلو الله يحيكم على الميسور واعذرونا على القصور



وبعد الغداء اتجهنا إلى قصر قبه التاريخي لتواجد الفريق هناك











وهذا القصر وصلنا لمه الحمدلله








وهذا ولد الخال محمد عبدالله السلامة عمدة الفريق صاحب الفورت الأيسر واعذروني على عدم ذكر بعض الاسماء لاني ما اعرفها



وهذا كذالك ولد الخال محمد ابراهيم السلامه اصغر هاوي للسيارات القديمه صاحب الجيب الاحمر





وهذا خالي عبدالله السلامه رئيس الفريق وشوفو تواضعه ماصار قدام
هههههههههههه













لطفاً الرجاء عدم الرد حتى يكتمل الموضوع​

​

 

[ممدوح الطرس]

ونحنا نمشي وقفنا الأخ الفاضل مقبل البلاّج الحربي ابو فيصل هو راعي الجيب الكزس ولزم على الفريق بالقهوه وبعدها اتجه الفريق للتزود بالوقود وبلحظه امتلأت المحطة ماشاء الله







وهذا خالي ابراهيم السلامة







وبعد التزود بالوقود اتجهنا إلى ابوفيصل البلاج









لطفاً عدم الرد حتى يكتمل الموضوع​

 

[ممدوح الطرس]

وصلنا للقصر اللي فيه ابوفيصل البلاج الحربي وتقهوينا عندهم الله يكثر خيره على الحجاج الزين





وبعدها انطلقنا لمزرعة ابوبسام وهذا موتره الفورت



































ودخلنا رادميت البعيثه ومرينا على مخيم والله مادري منهوله بس شكله ملزم عليهم بالقهوه الله يكثر خيره









وبعدها توجهنا للمزرعه



وصلنا الحمدلله












لطفاً عدم الرد حتى يكتمل الموضوع​

 

[ممدوح الطرس]

الله يجزاك كل خير انت واخوانك يابوبسام على الكرم وتصدقون يالربع اربع مشبات ارطا









وبعد غروب الشمس قلنا نكملها بالمظهور نتعشاء وننام والحين القهوه يالربع جاهزه والخادر والزنجبيل عقب الجولي تفضلو الله يحيكم











الشقردي ابوفهد يقهوي الربع



تخيرو يالربع اللي يبي زنجبيل او شاهي يعلم ابوفهد





ذبحتنا يابوعبدالله على المجروش





وليد يهوجس شكله يكتبله كم بيت



وهذا شاعرنا ابونعيم



والعشاء زبطه ابوعبدالله خالد حراق مقلقل وابوسما يشوي














لطفاً عدم الرد حتى يكتمل الموضوع​

 

[ممدوح الطرس]

ابو سما يشوي





والصبح قمنا على الجو اللي يذهب الهموم



















وبعدها اتجهنا لهجرة النقع والحموديه والعفريه وتجاه الاسياح





هذي هجرة النقع





فرقنا يمن بتجاه الحموديه





وهذي الحموديه وقلنا خلنا نتغداء حولها لان الجو كل ماله ينحاس





يالله امدانا نتقهو من الخادر اللي يصبه ابوعبدالله خالد والحين تحرك الهواء بزود وطقينا الخيام







قام ابوعبدالله يحكرلنا الغداء الله يجزاه خير









وابشركم خلص الغداء يالله يمديكم تغدون تفضلو قبل العجاج





وبعد الغداء اتجهنا إلى العفيريه بتجاه الاسياح



وهذي العفريه

الحمدلله اكتمل الموضوع وشكلي كثرت عليكم القرقر

دمتم في رعاية الله​

​

​

 

[روقــآن]

أتعبت من بعدك يا ممدوح

الحمد لله على سلامتكم

جاز لي :113:

+تميز

 

[ونـاسه]

مآشاء الله عليك أخوي ممدوح,..
فريق هوىة هذولى قلطنآ عندهم بالنبقية .. بصرآحة مبدعين ,..

تصوير جميل جداً ويستحق مآبعد التميز

كل الشكر(f)

 

[ممدوح الطرس]

أتعبت من بعدك يا ممدوح

الحمد لله على سلامتكم

جاز لي :113:

+تميز

حي الله اخوي روقآن وشلونك عساك طيب
والله يسلمك من كل شر
وبيض الله وجهك بالطاعه على المرور
وماسوينا شيء وتقاريري الحمدلله ماهي ازين الناس ولا ارداهم يعني مش حالك
وكل هذا على شان تستانس انت والوجيه الطيبه اللي شرواك وشروا الاعضاء والزوار اللي نحبهم في الله​

 

[ممدوح الطرس]

مآشاء الله عليك أخوي ممدوح,..
فريق هوىة هذولى قلطنآ عندهم بالنبقية .. بصرآحة مبدعين ,..

تصوير جميل جداً ويستحق مآبعد التميز

كل الشكر(f)

حي الله اخوي وناسه
وشلونك عساك طيب
وبيض الله وجهك بالطاعه على المرور
المميزالمعطر بالطيب
ومعليك زود ياولد الاجواد​

 

[ممدوح الطرس]

مآشاء الله عليك أخوي ممدوح,..
فريق هوىة هذولى قلطنآ عندهم بالنبقية .. بصرآحة مبدعين ,..

تصوير جميل جداً ويستحق مآبعد التميز

كل الشكر(f)

حي الله اخوي وناسه
وشلونك عساك طيب
وبيض الله وجهك بالطاعه على المرور
المميزالمعطر بالطيب
ومعليك زود ياولد الاجواد
​

​

 

[trke]

ماشاءلله اهنيكم الله لايضركم لا من تصوير ولا من طلعه الله لايغير عليكم و يديم هالوناسه ماشاءلله
تقبل مروري

 

[ممدوح الطرس]

ماشاءلله اهنيكم الله لايضركم لا من تصوير ولا من طلعه الله لايغير عليكم و يديم هالوناسه ماشاءلله
تقبل مروري

حي الله اخوي الغالي
trke
بيض الله وجهك بالطاعة على المرور
المعطر بالطيب
اللهم آمين​

 

[ممدوح الطرس]

ماشاءلله اهنيكم الله لايضركم لا من تصوير ولا من طلعه الله لايغير عليكم و يديم هالوناسه ماشاءلله
تقبل مروري

حي الله اخوي trke
وبيض الله وجهك بالطاعه على المرور
المعطر بالطيب
ومعليك زود ياولد الاجواد ​

 

[فداك]

عوافي على هذه المشاركة الجميلة

 

[ممدوح الطرس]

عوافي على هذه المشاركة الجميلة

حي الله اخوي فداك
وبيض الله وجهك بالطاعه على المرور
المعطر بالطيب
ومعليك زود ياولد الاجواد ​