كبسة الحمام في القصدير على الجمر بالصور - الجايع لا يدخل

[دهران]

أيها الإخوة والاخوات الاعزاء .....

الشيف ( أبو عبد الله العريني ) يهديكم هذه الطبخة البرية المدمرة

تفضلوا الموضوع مع تمنياتنا لكم بحسن المشاهدة

الزمان قبل إسبوع في نفود الغضى بعنيزة , أبو عبد الله العريني , فايز الباني , أحمد الشبعان , فراس الشبعان , ومحاكيكم

هذا أبو عبد الله أول ما وصل يقول وش تبون بس ؟ وش ناقصٍ عليكم في عزبتكم نكمله لكم

وهذي عزبتنا والقهوة والشاهي يطبخن

رطيباتٍ يجيبن العافية

فنجال وعلوم رجال





عاد هنا يبدا الشغل المزبوط

ماهناك مقادير معقدة كالعادة هالمرة المقادير بسيطة
( قصدير لف , صحون قصدير , حمام زاجل , فلفل أحمر حار , ملح , بهارات , رز أبو كاس منقوع , صوص الطماطم ( طماطم مطحون مع ثوم ومعجون طماطم وبهارات وماجي وملح )

أول شي نجهز الطبقة السفلى وهي 3 طبقان من ورق القصدير
ثم نحط فوقها صحون القصدير

نبدأ في وضع صوص الطماطم في أسفل صحون القصدير ونخليها على شكل طبقة

نقوم بسكب الرز المنقوع ليشكل الطبقة الثانية في صحون القصدير

ثم نبدأ بوضع الحمام كاملاً فوق طبقة الرز وبالترتيب كما هو ظاهر

يتبع ..... يتبع



​

 

[دهران]

نضع المقدار المناسب من البهارات

ثم المقدار المناسب من الملح

ثم نصب الماء المغلي

نغطيصحن القصدير ب 3 لفات قصدير , يعني يصير ثلاث لفات من فوق وثلاث لفات من تحت

هنا الخطوة المهمة جداً وهي ( جبك ) ورق القصدير بعناية حول صحن القصدير مع الحذر من عدم قص أو خدش القصدير أثناء الحبك لكي لا يكون هناك تنسيم في القصديرة عند وضعها على الجمر
( وفي النهاية تكون الصديرة كما في الشكل اعلاه )

نكرر العملية مع كل صحن قصدير لدينا




في هذه الاثناء نكون قد جهزنا الجمر وفرشناه علشان نحط القصديرات عليه

نفرش الجمر

ونبدأ نحط القصديرات بعناية

نحط فوق كل قصديرة جميرات علشان نظمن إن الحمام يتحمر شوي من فوق
ونخليهن لمدة ساعة وعشر دقايق ( حسب قوة الجمر وكميته )



يتبع ..... يتبع

​

 

[دهران]

هنا نترك الصور تتكلم

هذه الصورة غير قابلة للنشر لذلك خليناها على شكل رابط

http://i247.photobucket.com/albums/gg130/dehraan/tabkhaat/gessderah/51.jpg


وتقبلوا أعذب وارق تحية


أخوكم أبو فارس والشيف أبو عبد الله

​

 

[الصمت الهادئ]

ماشاء الله شغل نظيف ومرتب
الله يعطيكم العافيه

 

[عبدالعزيز الفريج]

بالعافية
خوووووش طريقة وسهلة
ومشكوووور

 

[قليبي]

عوآآفــي

بس ليتكم ماحطيتو حمـام !

 

[xX DUNHILL xX]

مشاء الله
شغل سنع ..
جعله مداخيل العافيه .,

xX DUNHILL xX​

 

[برفسور ملتمس]

بيبسي دايت عشان الحميـة :41

 

[كآيدهمـ]

ما شاء الله وش ذا الزين كلة
عسلة مداخيل العافية

 

[نالا]

ماشاء الله تبار ك الرحمن
الله شغل نظيف ومرتب والعزبه جديده والمواعين جديده وكلش ظبط ايه هذا الشغل الزين
مو مثل بعضهم يجيك يخلط الدنيا كله وتغدي دردبيس
ماشاء الله عليه دقيق ومرتب بالتصفيف ونظيف
هذا تشتهي تاكله
الله يهنيكم وبالعافيه عليكم والله يخلي لكم خويكم السنع

الله شكله لذييييييييييييييييييييذ يممممممممم
هذا وانا ماحب الحمام بس الحين جعت ابي مثله

دمتم سالمين

 

[مهندس دايخ]

اعلمك والله يا انا تعبت يا رجل بدت تغرد بلابل بطني ​

 

[رجال الاعمال]

مشكوراا اخوي الله يعطيك العافية بس لو به دايو ازين صح

 

[مطرق الريحان]

ماشاء شغل عدل بالعافيه عاد الناس ما يخلون اللقافه والله أني أكرة شكل الحمام مدري ليش

 

[حلا...]

مشاءالله والله شهيتونا

 

[وردالعشاق]

وش هذا الزين

 

[حنونه في زمن قاسي]

روووووعه

يلا عاد من بيجيبل لي حمام بهالوقت جا فبالي ازينه هع

 

[المحرومه]

ما شا الله شغل نضيف

 

[كلاسيكي بريدة]

الله يعطيكم العافيه​

 

[منورنا]

ماشاء الله شغل نظيف ومرتب

 

[اكوسـ بنتـ]

ماشاء اللـــــــــــــــــــــه الله يحفظ الطباخ