حراج المكائن وكذبت ابريل كمايقال. مع الصور !!

الحالة
مغلق و غير مفتوح للمزيد من الردود.


انا الي قاهرني هالي جايب مكينته وعليها آآآآلاف الشحنات الترابية
وراوه ما غسلها ولمعها قبل يجيبها

تدرون قلتها امس وبكررها اليوم
هي كذبة كسب فيها من كسب وبس

 
لآحول ولاقوة إلا بالله


فعلاً شر البليه ما يضحك ..!

والله انا ما أدري الحين كل اللي اعرفهم راحوا ما باعواً شي

والهرجه يقولون فلان ولد عمي باع بـ 10000وما شفنا شي


وما يقول انا بعت بـ كذا .. ما غير توليف ..!

لكن الله يرحم الحال


السـؤال .. / من اللذي يريد المكائن ومن المستفيد ..


وليش الحين ..، اردوا الشراء ..

يناس لا تصيرون الطرشاء بالزفه ..!

شراء شراء بيع بيع


ادروا طيب ليش

ولما يشترون بسعار مغريه فكروا انتم ليش ..!​
​
 
الحقيقة مأساة اللهم لك الحمد . والله مأساة إذا كذبة ما تدخل المخ اتبعوها الناس وصدقوها .. أجل لو يأتي المسيح الدجال وش يسوون كان ما يبقى أحد ما يتبعة خصوصاً أنه عنده آيات .. كذبه كذبها واحد ما يسوى شي يقولون أنه الماني حاول ينفذ عملية النصب بطريقة غبية ولكن نجحت الحقيقة انها نجحت ( مكينة خياطة ) ( مكينة خياطة ) الي يقول اكتشفو انها فيها ذهب والآخر يقول ان فيها زئبق أحمر والأخر يقول أنه يوجد فيها لورانيم يصنع منها قنبلة ذرية .. اوه بس أويل سبدك بس يا عربي أصيل
كيف نبي نطور بلدنا ونطور أنفسنا ياجماعة والله قهر .. الهم لك الحمد الصراحة حكومتنا متحملتنا فوق اللازم الله يحفظها من كيد أعدائها ومن الحاسدين والمفسدين ..

شكراً أخوي ابوخريف ... على التغطية ؛؛؛

عربـــــــــــــــــــــــــــــــــــــــي أصيــــــــــــــــــــــــــــــــــــــل
 
بولوهي قال:
الغريب اذا هو تسذب وين الحكومة عنه هههههه
قسم بالله انهم مافيه موخ << زي مايقول باكستاني هناك

والاغرب منهو اللي ما يملك عقل ويشري هالنوع من هالتوليف .

بكرا ابروح اطلع اشاعة ابقول ان صاجات القرصان القديمة غلن ( بهن زئبق لونه اخضر هههه)
عوافي على الصور
أنقر للتوسيع...

منهو الي يقول انه ستذب اولا انتشرت بشمال السعوديه والاردن وجنوب السعوديه والكويت وجميع الخليج وتقول اشاعه وشي الاشاعه الي تكون تسذا والي يبيع ماايعلم لانه يخاف يسجن او يبتلش بالعالم والي يشتري مايشتري عند العالم وفيه قطري يشتري من الرس اشترى كذا وحده والحين لو تجيب 200 ريال مكسب اول ماطاحوا فيهن كان اسعارهم مرتفعه وهي عجيبه مااتدرون يمكن تكون فيها شي من الصحه وانا اتوقع الي اصدر الاشاعه الالماني والاردني لانهم مقصدهم استهتار بالعرب اشترى كم وحده وطلع وانتشرت بين الناس....

والي يزيد الطين باله انهم يقولون اذا حطيت الجوال تختفي الابراج من الزيبق وهذا الي عرفت انه استخفاف بعقولنا لان المكينه يكون فيها ماص والماص يبعد ابراج الجوال واذا جبت اي دنمو وحطيت الجوال تختفي الابراج وهذا يدل على جهل السعودين وغبائهم والبعض يصدق من الفقر
 
اخرالاخبار فيه كذبه كبيييييييييييييييييييييييييييييييييييره
ان اسعارها وصلت الى 150 الف ريال الله المستعان
ويقولون ان فيه امرأة اوصلو قيمة مكينتها 100 الف
ريال ورفضة السعر هل هذا يعقل لو قالولها 1000 ريال
لشهقة من الفرح يااااااااااااااااااااااااااااااااللعقل وبس​
 
الله اكبر على هذا الزمن زمن الغرائب والعجائب
هذا زمن امش واحنا معاك
الحمدلله على كل حال


ياكورة يامكائن
ماعندهم
شي اخر​
 
هلئ هلئ هلئ هلئ

انا ضفيت كل مكاين اهلي وعجزنا و وجهت للجردة وشف هناك الحراج

اللي يقول الحمد لله على نعمة العقل انا اقول ميخالف يازين مثل هالاشياء تكسبك 80 الف هلا هلئ وانت شاريه ب 200 ريال هههههههههههه
 
انا سمعت ان ولد جيراننا يقول ان ولد خالة عم ام صديقه يقول انه سامع انه ناس باعوه بـ 70000 ريال هههههههههه
 
امس بيعة امامي مكينة ام اسد بي 6500 في حراج المقاقيص الصراحه الي مشتريه ماعنده عقل مهبول انا اشري قشاش حديد مصدي بهلالقيمه​
 
الحالة
مغلق و غير مفتوح للمزيد من الردود.
عودة
أعلى