أمانة القصيم تدعو 1000 متقدم لمنح الأراضي بمدينة بريدة .. الأسماء

الحالة
مغلق و غير مفتوح للمزيد من الردود.
أبونوافـ

أبونوافـ

New Member
عاجل(سلطان المحيطب)-
أعلنت أمانة منطقة القصيم عن 1000 أسم من المتقدمين لطلبات المنح بمدينة بريدة ، و ذلك لتحديث بياناتهم الرسمية، و طالب الأستاذ عمر العمر مدير إدارة المنح بالأمانة جميع المواطنين الواردة أسمائهم بسرعة مراجعة إدارة المنح بمبنى وكالة الخدمات و اصطحاب صورة واضحة من الهوية الوطنية و أصل و صورة ما يثبت الحالة الاجتماعية أو الصحية لذوي الاحتياجات الخاصة.

تجدر الإشارة إلى أن الأسماء المعلنة تتراوح أرقام طلباتهم ما بين 13158 و حتى 14358

ألف مبروك

الأسماء
http://burnews.com/news-action-show-id-38414.htm

 
(h) السلام عليكم يا بلدية بريدة نحن قدمنا عام 1412 هـ والى الان ما شفنا شي عسى ماشر عسى المانع يكون خير تكفون حنا اهل الديرة ولا نملك فيها شي هل يعقل وقد شابت رؤوسنا وكبر اولادنا وليس لنا ملك في بلدنا ونحن اغنى بلد في العالم ويوجد مساحات هائلة فارغة ولا نملك في هذا الوطن شي نبي الفزعة يا حكامنا وياولاة امرنا فشلنا عند الاجانب ارحموا شيبتنا وقدروا خدمتنا للوطن عطونا ارض نسكن فيها حنا واولادنا الى الله المشتكى من كل ظالم :eek:
 
مآذنكم علت بكل حيٍّ ... ومسجدكم من العباد خالي

الأهم وقبل هذا التطوير أو جزءا من الخدمات

يا سادة ...

هناك مخطط البريكة .. و مخطط النقيب

لم يتم البناء ..لسبب واحد

لا يوجد سفلتة .. كهرباء .. ماء

فقط ... 3 خدمات مطلوبة

الأمانة عند التخطيط تطلب 8 خدمات

ولا توفر

3 خدمات أساسية

أليست المسألة فيها تطفيفاً ..!؟

....​
 
راحت علينا الله يخلف ومبروك للي طلع إسمه عساها فال خير عليه
 
صقر القصيعة قال:
(h) السلام عليكم يا بلدية بريدة نحن قدمنا عام 1412 هـ والى الان ما شفنا شي عسى ماشر عسى المانع يكون خير تكفون حنا اهل الديرة ولا نملك فيها شي هل يعقل وقد شابت رؤوسنا وكبر اولادنا وليس لنا ملك في بلدنا ونحن اغنى بلد في العالم ويوجد مساحات هائلة فارغة ولا نملك في هذا الوطن شي نبي الفزعة يا حكامنا وياولاة امرنا فشلنا عند الاجانب ارحموا شيبتنا وقدروا خدمتنا للوطن عطونا ارض نسكن فيها حنا واولادنا الى الله المشتكى من كل ظالم :eek:
أنقر للتوسيع...

و والله اني مثلك ورقم التقديم محتفظ فيه منذو عام 1412هجري وحتى الان ما شفنا شي مع العلم ان طلب كان على امير المنطقه وتم تحويلها معامله هاذا كبرها ومتاكد انها موجوده بدروجهم ولاكن........

الله يزيل الفساد واهل الفساد
 
امانه خانت الامانه
حسبنا الله على من تلاعب وخان لاحظو الاسما اربع وخمس اخوان وقرايب يامحاسن الصدف
لا ....!!!وحاطينهم ورا بعض!!!!! كانهم يقولون ما يقدر احد يسوي لنا شي وما هميتونا

ابي افهم وين دور مكافحة الفساد ؟!؟!
للمعلوميه الي يتقدم وما عنده واسطه اوراقه دايركت عالزباله اعزكم الله يعني لا تتعبون انفسكم. الا اذا صلحت البطانه  
 
انا راجعتهم امس مقدم من عام 1416 وطلع الرقم اللي قبلي واللي بعدي وانا جحدوني رحت اسأل قالو عطنا صورة البطاقه ونتصل عليك 000 وعلى فكره جاء واحد يسأل قال انا مالقيت اسمي قال له الموضف كم عمرك وقت التقديم قال17 قال الله يخلف عليك اي واحد طلع اسمه وما كان عنده بطاقه وقت التقديم رح يستبعد في الفرز النهائي0000 ولكن صبر جميل والله المستعان على ما تصفوت
 
يالي تقول بلدية حرب ..

الحروب ذولي ماطلعت اسمائهم عشان واسطه ابدا لان الحروب كثاااااااربالقصيم فشي ذا طبيعي ..

.""على ما اظن كلنا عارفين مين راعين الواسطات بالقصيم"".

وبعدين الي يقول اسماء اخوان ورابعض .. ترا الي جاء وقتها سجل هو واخوانه مع بعض بنفس الوقت ... اكيييد بيطلع اسمه واخوانه مع بعض ..

الله يعينكم بس
 


الف الف الف مبروووووك ، لكن غيرهم ملايين ماجاهم شي بمناطق أخرى .

صبر جميل وبالله المستعان .​
 
حسبي الله ونعم الوكيل واللي مقدم من عام 1416هـ ولا نزل اسمه معهم من نشتكي ونشتكي من على من اذا كانت الامانة كله بكبره ضايعه بالواسطات والمحسوبيات وناس ما تخاف الله ودي اعرف كيف تسمح لهم انفسهم يستبدلون اسماء مكان اسماء واذا كانت الدنيا اكبر همكم وهي جنتكم اسال الله العزيز الجبار ان يجعل هذه الاراضي قبور لكم واموالها نار تصلي جلودكم يامن اخذتموها من اصحابها بغير وجه حق او سعيتم بذلك .
 
الحالة
مغلق و غير مفتوح للمزيد من الردود.
عودة
أعلى