أتعبوني موظفي موبايلي ...

الجدعان

الجدعان

New Member
السلام عليكم ورحمة الله وبركاته
بما إني أحد مشتركي شركة موبايلي القدامى ومعي شريحة مفوترة
لكني لاحظت في الآونة الأخيرة أن الاتصال على 1100 متعب وأصبح من المستحيل أن تسمع صوت الموظف إذا طلبته ليخدمك تصدقون اتصلت عدة مرات ولي كم يوم أحاول وأنتظر مرة أكثر من نصف ساعة ومرة 15 دقيقة ومرة أقل ومرة أكثر ومع ذلك مايردون ولا استفدت من وقتي الضايع معهم ..
مع إنهم اول كانو وش حليلهم ماأقعد نصف دقيقة إلا رادين بس مادري وش فيهم الحين .. هل انقرضوا أو صار فيهم وباء أفناهم وماتلقى أحد بالمكتب يرد عليك !!
واخترت عدة طرق للتحدث مع موظف موبايلي ..
1100 بعدين 11*10
100 بعدين 11*30
100 بعيدن 11*20

أحيانا إذا قال سيتم تسجيل مكالمتك ينقطع الخط
وأحيانا يجيك يقول سنجري تقييم أثناء انتظارك إن كنت تريد اضغط 1 وإن كنت لاتريد اضغط 2
إذا ضغطت 2 قفل الخط وإن اخترت 1 سوو التقييم وبعدها يقفلون الخط !! يعني قافلين قافلين الله لايعوق ..
وأحيانا تجلس لك وقت وتضيع وقتك حتى تزهق وتسكر الخط أنت ..

نبي اللي عنده حل لهالموضوع ..
أو أغدي أحد موظفي موبايلي يطل على الموضوع ويعدلون من تعاملهم مع المشتركين​
 
وعليكم السلام ورحمة الله وبركآته

نفس المشكله نعآني منهآ
أمس جلست على الخط 55 دقيقه وبعده قطعوآ الخط :eek:o
أيضاً لاحظت عليه خلال الشهرين المآضيين لعب بالفوآتير " دآء stc " جآء لهم
طلعنآ رقم جديد يعتبرونه مييز بعد إنتهآء الشهر الأول تفآجئنآ بأن الفآتوره 104 مع أنه هذآ الجوآل مع طفل يعني الرقم مجرد أنه يكون معآه لنطمئن عليه " بإختصآر لا يكلم و لا يرسل " ولمآ رحنآ للفرع قآلوآ لنآ أنه عنده خدمة " البلاك بيري " وهي تتفعل تلقآئياً للأرقآم المميزه < وطبعاً مآعطونآ خبر أن الخدمه مفعله له :42
مشينآه لهم وسددنآ 130 حتى تحتسب للشهر الجآي ، ومن قلة الأدب الزآيده مآ تم اسبوعين إلا هم مطلعين فآتوره جديده بـ " 44 "
* مع العلم أن الجوآل عليه رقآبه يعني ضآمنين أنه مآ فيه أحد لاعب بالجوآل ! ​
 
سبحان الله
مع إنه المفروض لما يكون فيه منافسين تكون الخدمات أفضل ..
بس أشوف العكس الوضع يزداد سووووء

شكرا لك أختي
 
طيب خدمات موبايلي فيه طريقه ثانيه حلوه

اضغط #1100* وزر الاتصصال وراح تجيك قائمة يخدماتهم كامله
ماعليك الا تختار رقم وتضغط هالخضراء واستمتع :d

<<وين موبايلي عنوه يعطونه جايزه خخخخ
 
انا اكثر من اسبوع دقيت عليهم ابغا افعّل خدمه النت
وماردوا يسكرون بوجهي وانهبلت ادق ويسكرون بوجهي جننوني
آخر شي مشيت عالرد الآلي وفعلتها بالرد الآلي عيوا يردون
لاني كنت بستفسر عن شغلات بالفاتوره
الله يعين شكل فاتورتي بتتعدى الالف بشهر
 
اخوي جرب هذه الطريقة وان شاء الله تدعيلي


الطريقه أتصل 1100

أذا تكلم حق موبايلي

أظغط على هذي الأرقام

بالترتيب وبسرعه

1 ثم ** ثم 3 ثم 0

واحد نجمه نجمه ثلاثه صفر
 
^

يبدو لي عندهم أرقام معينة ما يردون عليهم ..
أنا معي شريحة ثانية يردون بسرعة والشريحة الأولى ما يردون أبد !

إذا لقيتوا أحد معه شريحة يردون بسرعة خلوكم حولهم واتصلوا ههههههههههه
 
وش السالفه !
جربت مره ثانيه وسكروها بوجهي
المشكله رقمي من زمان وانا عندهم , ساحبين مني بالفواتير لين قالوا آآمين ,

لماح رقمك مفوتر والا شحن ؟
 
الله يقلعهم هالموبايلي والله ماحللهم :(
شحنت بــ 99 وشفطووه ولا فعلو الخدمه حقت البلاك ولاشي تخيلو 99 راحت علي:eek5 :eek5
ونفس الشي مع بنت اختي ونتصل عليهم مايردون تخيلوا ساعتين متوصلات وانا احتريهم يردون واخر شي يسكرونه بوجهي:eek5
الله لايوفـــقهم ينهبوون قروش الناس بالفاضي:eek:o
وه بس ي حبيل الاتصالات(h)(h)(f)​
 
الحمدلله في أحد يعاني مثلي

من جوالي مستحيل يردون لكن صرت أكلمهم من جوال أختي والحمدلله يردون

وقبل يومين الحمدلله ردوا علي من جوالي لكن بعد إنتظاااار طويل ..
 
موبايلي لهم ثلاث ايام والعالم هواش وشيل وحط مع هالشركه

STC طال الزمن ولا قصر ستبقى في المقدمه
بس لو الله يفكهم من هالنصب تسان نعيش :d
 
انا يسكرونها بوجهي عيني عينك
ليتهم يتجملون ويماطلون فيني
جربت اكثر من مره ومايردون , يقفلونها
ماغير اسمع المبلغ المستحق دفعه ويجيني غامت : (
 
بعد سآلفة اللعب بالفوآتير اللي صآرت لنآ رحنآ للفرع وقعد الموظف يتفلسف علينآ ويلف و يدور
بعد كذآ رحنآ لـ stc علشآن مشآكل الدي آس ال وجآء الطآري وقآل لنآ موظفهم أنهم مغيرين نظآمهم علشآن كذآ صآير فيه لخبطه بالفوآتير ونهب من خلق الله :eek:o
ويقول النآصح موظف stc لا تخلونهم طآلبوآ بحقوقكم حنآ اللي طآلبوآ رجعنآ لنآ فلوسهم < خبيير باللعبه العم :bad
عآد أغدينآ نرجع لـ stc يوم عقلوآ وإذآ رآح دآء النصب عن موبآيلي رجعنآ لهم :bad​
 











\
آممم عن نفسسي مآفي آحلى من موبآيلي (h)
آحسسن شركة آتصآلآت ولآ بِ آلفرققق ..
آنتم لآتدقون مآبش فآيده .. فيه فرع بِجنب بندهـ آلي بِ آلنخيل بلآزآ ..
روحوآ لمهم وقولوآ مشآكلكم ويخلصونهم ..
آمآ آلآتصآل آنآ معكم مآفيه فآيده ولآ رآح يردون عليكم .. :f:
​
 
^^

قهر قبل امس اتسدح بالنخيل والملاهي اللي عندها ياليتني عارفه انو لهم فرع : (
بس بسألهم ليه ماتردون !

ياليت الوصف بالضبط يجوز اخت للنخيل
 
يجب تسجيل الدخول أو التسجيل كي تتمكن من الرد هنا.
عودة
أعلى