نتائج البحث

. . . افضل معهد لتعليم اللغه الانجليزيه للبنات في بريدهّ .. خصوصا المحادثه ؟ غير نيوهورايزن آحسه قلق !

بالمناسبه | اود تذكير الامهاات : ان يتقن الله في اخواتهن المصليات نريد ان نصلي بدون ازعاج اطفالكن! نريد ان نخشع تكفون ! صحيح في مساجد جزاهم الله خير موظفين حارسات يمنعن من معها طفل للدخول والبقاء في الفناء لكن لانستطيع الذهاب اليها يوميآ .. اعيد واكرر | ودنا نصلي .. بمساجد الحي بكل هدوء ،...

زي ماقلتي اخر سطر | اصرفي اصرفي والعوض ع الله :) .. المال والبنون | زينه الحياه الدنيا : استشعري هذه النعمتين قبل كل شيء ! والله يصبرنا جميعآ ويعوض علينا بخير..

مااااااااااااااعتقد فيه واذا فيه فهي دوره مره بالسسسنه ! :)

قصي : مشكور حييل بس ممكن اسمه ورقم للاتصال به

اووه موضوع دسم :) من وجهه نظري : لا بآس بالمشاركه من حين لآخر.. لكن.. قد تفتح لنفسها باب سيؤلمها ذات يوم! مهما قلنا او حكينا : ستشعر المرآه ذات نهار بانها ليست كغيرها ممن يُصرف عليها وهي مرتاحه بالدار! العمل اصبح ضروره من ضروريات الحياه لست ضده اطلاقآ .. بل العكس لكن مسآله كونك امرآه عامله...

موب المشكله بالطول ! المشكله انه كبيييييير الخط ومتلازق ببعض طبعا زي الاخت ماقريته كله لو كان نفس حجم الخط العادي ولكن بين السطر والسطر مسافه لكان افضل وافضل وافضل ! عموما جزاك الله خير

سبحان الله ماينفتح موضوع يمس علاقه البنت بالولد ، الا وتحصل تقريبا نفس الردود وتناقضات رهيبه .. ، وشطحات ممكن نسميها .. من غير اللي قرآو الموضوع او ماشابهه : وقررو علا محارمهم او اولادهم قرارات جديده بالبيت! الله يهدينا ويهدي شباب وشابات المسلمين لما فيه الخير والصلاح .. (التربيه صعبه) ...

^ ههههه استغفرالله الحمدلله الذي عافاني مما ابتلاها به .. بالنسبه للعمل : كل مجال وفيه سلبياته وايجابياته .. وله ضغوطاته وتحفيزاته .. لكن من واقع خبره : اذا ماصرت ذئب اكلتك الذئاب < مادري هي صح ! المعنى : يجب الالمام بنظام العمل قدر المستطاع كي تستطيع انقاذ نفسك من اي موقف كان.

حليب = كالسيوم حليب + تعرض للشمس = كالسيوم + فيتامين د - بالنسبه للي تقول احسن دكتور واحسن مستوصف عزيزتي اود تذكيرك : الشفاء بيد الله .. افضل دكتور = بني آدم بالنهايه تعلقو بالله العزيز .. ووكلو اموركم اليه فهو الشافي المعافي الرازق الرحيم .

مشكوراات حبيباتي -

حتا انا ابي دكتور عيون مبطي بي حكه بعيوني تجي وتروح ابروح للحبيب والله يستر

ايه بعد عندي سؤال الله يجزاكم خير نظام الساعات للاستراحات والشاليهات هو صحيح لازم نطلع الفجر .. يعني نظام ١٢ ساعه مابه شي ٢٤ ساعه ؟! رحنا لاستراحه من ٣ العصر وطلعونا ٣ الفجر

لو سمحتو ارقام شاليهات بشمال بريده .. او اي اتجاه مو مشكله اذا مالقينا بالشمال الشكوى لله .. بشرط تكون نظيفه والسعر لايتعدى ٥٠٠ .. مع وجود المسبح ! لاتحبطون بي تكفون ميب معقوله ان كل الزينات محجوزات .. متوكله على الله ان شاء الله ، والله يعافيكم الي يعرف ارقام شاليهات و فنادق...

مشكورين ع نصايحكم .. بس هذي احد الطرق الحديثه وان شاءالله ايجابياتها اكثر من السلبيات يكفي انها بدون تخدير عام زي باقي العمليات مثل التدبيس والحزام وغيره اخوي الامير الحزين : الله يوفقك .. لو الرجيم نافع كان مافكرت بالشي ذا !

رفــــع

تشششش وش هالاسعار اولاه استغلال عيني عينك قطيعه تقطعهم ماشاءالله يالنوادي الرجال شغل عدل مرتب واسعار مناسبه لاعبين علينا يحليلهم امشي بالحاره يومياً ابرك ! ماتسوا خصوصا لاصار مابه احد يوديتس الا بالحسره هههه!

اشرب ماء كثييييييييييييير البيره مرتين باليوم قد تفيد والبقدونس سمعت بوه امم اذا الحاله متطوره خذ شعير شعير حق البهايم اكرمكم الله اغليه صفي مويته واشربها باستمرار الله يشفي مرضانا ومرضاكم والمسلمين

عارفين الشعب مايعرف بدونهن ! وجازمين انه فيه نسبه كبيره بـ يتقبلون الموضوع رضآ او على مضض ! ومن جهه اخرى اللي قالوه هي حقوق اي عامل : مو شي جديد بس لآنو في عالم كود تحط لهم بنود للتعامل .. ولا مايعرفون ! الله يغنينا بفضله عمن سوآه ويعطينا الصحه والعافيه ووالدينا والمسلمين

السلام عليكم .. الاجراء المسمى (بالون المعده) احد الطرق الحديثه للحد من الشهيه وبالتالي انقاص الوزن .. احد جربهآ او يعرف احد سواها ف » بريــده .. و ويــــن ..؟؟ رجاء لاحد يمدح لي مستشفى او دكتور خارج القصيم لانه صعبه الروحه!! شكرآ لكل من سـ يُقدم معلومه :f:

التمريض السعودي رآيته بيضاء رغمآ عن اٹوف الحآقدين

الاخ دفآ ذكر اهم النقاط التي كنت سآتحدث عنها .. فهنيئآ لك ولامثالك من اصحاب الفكر الراقي .. » الحرص على الفتاه ليس بمتابعتها وملاحقتها بالعين المجرده وتوصيه احد اخوانها الصغار كانو ام الكبار للمتابعه الميدانيه ! الحرص هو الحُب الذي يُزرع بنفسها مذ ان تخرج للدنيا وحتى ان تصبح فتاه ناضجه...

لا اتمنى العوده ! من ناحيه لانها لن تعود .. ومن ناحيه اخرى احمد الله على ما آنا عليه الآن لا لسعادتي المفرطه وجوَي الهانئ ولكن .. هي القناعه بآن هذا هو ما اراده لي الله فله الحمد والمنَه على ايه حال .. في علم النفس : افكارك هي يومياتك .. !

- سلامتك الف سلامه .. - رح لمستوصف خاص واذا بلشو شالوك بالاسعاف سيدا لآقرب مستشفى حكومي<< تيتي تيتي! - بالنسبه للاخ اللي قال الموظفين يغطون ع الاجنبي : هم اللي معه من اول الشفت فلما يغيب الطبيب عن حجرته يا يآكل وجبته آو يصلي او بالحمام وين بيروح يعني ؟!! لاحد يقول ذا طوراي مفروض بسرعه ...

غالبا انا وصديقاتي اذا نبي نتشاوف بمكان نختار النخيل او العثيم عشان بس البسي عباتك وامشي عكس النسائي كود لبس واستشوار ومكياج وزحمه ماعندنا الا هالمجمعين اللي بازين بهن ويصيرن نسائيات ياتسبديه بس

:095:

انا اخذها تسلية !

.. { قلوبكم من حجر } ..

هالبريداويه مالهم حل :d

اهم شي عصير الربيع

الافضل لي ولـ قلبيّ .. تكون علاقتي بالغالبيه ..(سطحيه).. قد ماقدر مع احتمالية ان التي امامي انسان ولا بد ان تخطئ .. فإن اخطأت وهي عاديه بالنسبه لي لن يؤثر بي بشكل كبير لا اقصد المثاليه لكن اي شخص يستطيع ان يجعل من امامه علاقته به سطحيه وخصوصا زملاء العمل الذين لابد ان تصبح عليهم كل صبح وتعمل...

بعض الناس يتعب خصوصا اهل الولد من البحث .. فتكون هي آخر الحلول .. وبعض الناس عندهم بنت فيها عيوب معينه سواء سلوكيه او شكليه ويحبون يستشيرون خطابة تبحث لهم عن مايناسب هالبنت بحكم انها داخله كل بيت ! او الشيبان اللي يبون الثانيه فهي دوره مازال مطلوب الله يوفقنا ويرزقنا ويستر علينا والمسلمين

فعلاً كلما تجرعت مرارة الالم وقسوته .. كلما زاد رصيد صبرك .. كلما بقيت اكثر هدوءاً .. واريحيه .. واكثر تحكم بنفسك في مواجهة الصعاب والمواقف المفاجئه .. فَ الحمدلله اولا واخراً .’

الاكثر الرجل طبعاً وهذي طبيعه جبلنا عليها .. هذا لايمنع .. اننا قادرات ع فش اسرارنا واخفاء بعضها .. تعجبني مقولة : كلما قل كلامك .. زادت هيبتك .’

يقالنه صارت زحمة الرياض :d

ماشاءالله شغل مرتب صاحبة القلب الكبير طبعا هي الأم عندما تحتوي ابنتها عاطفيا بجميع مراحلها العمريه ولا تقدم اي شيء على حساب مشاركة ابنتها مختلف مشاعرها الغريزيه بدون افراط بالمشاعر ولا تفريط! " خرجت عن اطار الموضوع (آسفه) لكن كلمتين بقلبي حبيت اقولهم" بالتوفيق للجميع

ونبي نبدا نشتري من هالاغراض الي زادت بامتعاض حتى نتعود نتعود نتعود !!

الوناسه لهالشباب يملا المرّ وحنا مالنا الا تصفح هالصور

حربي الله يعطيك العافيه ويرزقك ويفرج لك ويعوضك خير ويفتح لك ابواب الخير يآآآرب ../

حربي الله يعطيك العافيه تعرف رقمهم وهم بأي حي اخاف مايوصلون

السلام عليكم احد يعرف رقم مطعم مشويات فخم يوصل لاحياء الشمال صايمين وحبينا ندلع انفسنا :rolleyes: وش رايكم بـ قمر بيروت بس مانعرف رقمه

لا احب الغوص في اعماق ذاك الشعور لانه يعصر القلب عصراً

كلهن مهيب عندنا بالقصيم !

من وجهة نظري الانسان اذا بيقدم ع اتخاذ قرار .. اي قرار بحياته .. يدرس الموضوع من كل زاويه يدرسه من منظور شرعي .. منظور شخصي .. اجتماعي .. يشاور .. يستخير.. ينفذه ثم.. يصُم آذانه عن أي كلام بعد هذا .. فقط .. يستمتع بمآ هو عليه من حال .. بالتوفيق للجميع

غالبية الاسئله من هالنوع القصد منها ../ ..( التواصل بيني وبينك ).. فهي دايما تجر لسالفه بعدها .. او تبين لك مود اللي قدامك متضايق مريض ماخذ بخاطره منك ., تخيل الحياة بدونها ؟! صمت صمت صمت فهي مثل غيرها من الكلمات الضروريه يومياَ : السلام .. صباح مساء الخير .. كيفك ..والخ

متأكده ؟! :d

اكيد ؟! :d

جزاكِ الله خير ونفع بك وحفظ نفسك واهلك وغفرلكم وافرج كربكم وادخلكم جنته "

الله يعطيكم العافيه اللي يعرف رقم خدمة رسايل د. سلمان العوده => خدمة رسائل جوال توعويه يتم الاشتراك بها شهريا . . تحت اشراف الدكتور .. ابي رقمها فهمتو علي ؟ :confused:

فووضى مدري متى يصير عندنا مهرجانات رآقيه هآديه .. مرتبه !

عندنا جمعية حقوق انسان ؟!

للحين ما اغلقو هالموضوع الماصل

خلهم يناظرون خواتهم وهن عندهم مهب لا ابعدن عنهم عاد ايه الله يفرجه بس

سـ تقتطع من وقتك لهم .. من اجلهم .. وصلاً بهم لكنهم ..، ولا يهمهم في شيء مجيئك !

المحترمه محترمه لو هي وسط مية رجال واللي فيها بلى بتسويه بتسويه حتى وهي ربة بيت وكيبورد الكمبيوتر ماتعرف تستخدمه ! بالنسبه للاخ الي قال يدرس تمريض والخ .. البنت (بالفطره) قادره تمسك نفسها عن الشاب عكس الولد!.. لايمنع وجود حالات شاذه اتمنى فهمت قصدي الله يستر علينا وبنات المسلمين

شكلتس ريضه

الله يعطيك العافيه والحمدلله ع ما اخذ الحمدلله ع ما اعطى الحمدلله ع اية حال .. ولا ننسى / من حقوق المرأة : الترفيه ..

حرارة خل التفاح انضجت لحم البطن والحل الوحيد أن نعطيك دوا يقتل الطفل ويتقطع وينزل ^^ اوما عاد مآقتنعت

مارح اتمنى اني ولد وتشتب تسبدي اتمنى اخذ حقي من الاحترام , الاهتمام.. والخصوصيه ! احيان كثيرة اتمنى اسكن غير دولتي ! كان الله في عوننا

اترك علاقتك [ بالكل ].. سطحيهَ .. سواء كان قريب أو بعيد.. أريح لـ قلبكّ.. لأنه اللي ما أبعد بـ يبعد.. نجتمع .. لـ نفترق صاحب نفسك .. كُن صديق نفسك!! بالنهآيه كلنا مفارقين .. عسى الله يحسن خواتيم اعمالنا../

نسأل الله العفو والعافيه

الحمدلله انها خصله حميدهَ.. فـ غالباً عندما انصدم أو اتضايق ولايحضرني رد مناسب لن اندم عليه ..[ ينعقد لساني] فـ امسك عن الكلام.. احياناً اندم لأنني لم اقل ولم افعل.. ولكن تأجيلي للتفكير بالرد المناسب فيما بعد وبمكان هادئ وتحديداً (في غرفتي) يعطيني دافع بأنني على صواب.. فـ الحمدلله اولاً...

ع قولة امي / جيل احسن من جيل ..

هههههههههه اما مايبي مرته تشاف ولا اللي مايبيه تضحك وش هالعيشه استغفر الله اسأل الله ان يرزقني بـ رجل " open mind " آمين ولكل من تبي ..!

هالجملة كأنها سكين شلخت قلبيَ كأني انصدمت بها .. مع انها الحقيقة اللتي اعلمها لكني اتجاهلها كآن الله بالعُون

شكراَ لحضورك (f)

اهلاَ اخي.. صدقت بما قلت بالنسبة للكذبات .. غيرت جهازي وطارت الارقام معاه ! لو انك حريص ومهتم فيه الف طريقة وطريقة تحفظ فيها شعرة التواصل اللي بينك وبين رفيقك.. عجبي ! ممتنهَ لحضورك :f:

اهلاَ اخي.. لايوجد ندم الحمدلله لكن يوجد بعض الألم .. نحمده ع أية حال .,

اهلا عزيزتي .. مثل ماهو حاصل معي غرفتي ملييييئة بالكتب بشتى انواعها حين لا اجد شيئا افعله امسك لي اي كتاب احتاجه ذلك الوقت واضيع عليه وقتي لكن! قلبي يعاتبي احياناً بمعنى لماذا انا بنقائي ورقتي لا رفيق لي ولا أنيس .. فـ احتار بماذا ارد عليه ولا اجد اجابة سوى .. دمعه تأخذ مجراها على خدي...

قرأت كثيرـآ عن كيفية سلب قلوب الناس وجذبهم اليك.. سواء .. بالانصات .. بالتفاعل الحيَ سواء المعنوي أو المادي اذا كان بـ استطاعتي وغيره من الاساليب المهذبه.. والحمدلله هالشيّ خصله من خصالي قبل قرائتي وتطويري لهذه المهاره.. ومآزلت أقرأ واجتهد.. من جهه اخرى النتائج غالباً سلبيه .. ولا أدري...

الله يهدينا ويهديهم ويستر علينا والمسلمين وفقك الله واكثر من امثالك "

الحقيقة ماعندنا شغالة من فترة طويله لكن .. هي انسان وبنفس الوقت خادمه تعامل معاملة انسان مع الاخذ بأنها خادمة لها حدودها الخاصة

^^ لماذا كل هذا كأنه شي روتيني بأكثر المواضيع يصير في اثنين يختلفون بيناتهم ويطولون السالفه والنتيجه خرجو عن الموضوع الرئيس !! شكرآ لصاحب الموضوع ..~

خصوصاً بين البنت والولد .. الولد غالي بكل الاحوال !! الولد اللي ينسأل عنه ويهتمون فيه واذا سألت وانا ؟! قالو هو ولد يطلع ويروح ويقابل مختلف الاجناس وانتي حدك البيت!! المشكلة انها تتوارث هذه العادة وهذي هي الكارثه قد يصدق اللي قال مشاعرنا جااافه مثل جونا ! جفااااف × جفااااف وياقلب لاتحزن

نصيحتي /.. - اقسمي وقتك باليوم نصين نص للنشاط الي بتختارينه سواء تلتحقين بدورة او بدار او امينة مكتبه (اي شي يعني) - والنص الثاني تمارسين فيه هوايتس اي شي تحبينه بشده تحبين تسوينه اكثر شي يبي يروح عليتس الوقت ماحسيتي وماتدرين الا انتي دايخه تدورين الفراش وقضى اليوم وهكذـآ بس لاتتركين روحتس...

من يقول ان الرجل يشيل الاحباط والكسل لعله هو اللي يجيبه ويزيده بعد :d

ماشاءالله احسن من ناحية وشو كلن متغبي بجخره لاجار ولا ونيس

انا مره نحفت بشهر ونص 7 كيلو لامشيت ولا شربت شاهي اخضر كل اللي سويته اني جان كره للاكل الدسم والحلويات لاشميتهن تحوم تسبدي << نعمه من ربي المهم استانست الحمدلله وصرت اذا اشتهيت كاكاو (عاد انا مدمنة حلويات) اذا قوة اشتهيته رحت شربت عصير أو كاس شاهي بوه شووووي سكر بس يعني اسكت نفسي شوي واذا...

يعطيك العافيه انا اشتغل بمستشفى

ضروري الله يغفرلنا ولكم

ايه عندهم دورات تجميل ودورة خياطة ودورة انقلش وكل دورة بـ 500 بس اشوفهم هالاسبوع موقفين عشان السالفه الي صارت موفقه بنات اللي تعرف رقم اتواصل فيه مع طرفه العليان ترسله لي الله لايهينه وبنات اليحيى بعد

السلام عليكم الحقيقة مليت وانا ادور نقل يودين للدوام مالقيت المشكلة الاهل يبون بمحرم وغالبية السواقين بدون محرم واذا لقينا بمحرم بعد بحث مضني قال اني مرتبط او يقول ماقدر الله يعافيكم اللي يعرف رقم نقل معه محرمه ويصبر ع دوامي لان احيانا جدولي يصير ايام الاسبوع بالاضافة للخميس أو الجمعه ويجي...

الله يعطيكم العافيه جميعاً ويرزقكم من حيث لاتحتسبون"

مناعته ضعيفه نخشى انه من كثر الادويه صار عنده زي رد الفعل مايستجيب والتحاليل مابان بهن شي ؟ الله يشفيه ويعافيه ويخفف عنه واميمتي والمسلمين

بكل مكان الفخامة والرزة بس مب شرط انه متين ويعيش لي زياره للقفاري والله يكتب اللي بوه الخير

وش يودين للرياض هذا السؤال مشكور يعطيك العافيه

ماشاءالله شرح وافي وخصوصا من الاخت غلاي ابوي فهمت الدرس وجازلي << وانا مالي دخل :) موفقه يالغاليه

شوفي ياعمري انتي تعرفين نفستس وتعرفين اخلاقتس مب جهاز جوال اللي يحدد مين انتي !! وغالبيتنا يحبون الطفه واللي مع الناس وهو البيبي (بلاك بيري) واذا تبين تصيرين احسن وحده بالمجلس خوذي ايفون اخر مانزل بس ماراح يكون جوالتس معتس كلن بياخذه يتفرج! واللي يقول سمعه وتعارف : هذا هو تعامل الشعب...

شآعر .. وخبزه .. يعطيكم العافيه "مشكورين"

ايه هذا بلاي اني ابنخرش مع الشكل وابلش بعدين ابي شي شكل ومتانه

بنتل وينه فيه ..؟ ايهم احلى ويعيش هوم سنتر أو هوم برونز مشكورة ماقصرتي

اللي هو هووم برونز صح ؟ بس هو يعيش او مجرد شكل حنا نبي الاثنين شكل ويتحمل "

صح الجاهز دايما يغريك بالشكل بس مو شرط انه يعيش اسمع دايم يقولون التفصيل اللي يعيش بس انا ماعرف اسوي موديل ابي دروج كثيره وقراشيع واجد ماعرف اوصفهن له :d اسألي وردي لي بس لاتبطين

السلام عليكم اللي يعرف وش احسن محل لغرف النوم من ناحية الجودة والأمانه ..؟ وهل الافضل التفصيل او الجاهز ..؟ حنا نبي غرفة كشخه وتعيش مو مهم سعرها الأهم : الجـوده يعطيكم العآفيـه ../

دايم تنفتح هالسالفه والردود نفس الردود !

الخوف بحد ذاتـه مرض !

- كلمات رائعه وموجزه .. - بالنسبه للي تقول خلي عنك الصياح وخليك (رجّاله) : كيف اخلي نفسي رجّاله وربي خلقني انثى رقيقه تحتاج للدعم والمسانده ؟!! صحيح انا معك حنا بهالزمن خصوصا يحتم ع كل وحده تقوي نفسها بنفسها بس هذا لا يجعلنا نتخلى عن غريزتنا العاطفيه اطلاقاَ البته ! - بالنسبه لي اذا ضاقت بي...

غلاف القرآن هو القرآن !!

ايه بالصفراء

الله يرحمنا برحمته

ايه بدعه جزاك الله خير

الله يرحمهن ويغفرلهن

الله يرحمنا برحمته

مثل ماتفضلو الاخوات

الله يرحمها ويغفرلها وللمسلمين

جزيتي خير الجزاء

الله يجزيك خير الجزاء

الله يستر علينا وعلى المسلمين

صدقيني لو بس ترفعين ايدك عن الاكل بدون رياضه شهر بس شوفي كم بتنقصين اذا مو اقل شي خمسه كيلو

بالعثيم والنخيل والصناعه بالتوفيق

تقريبا الايام الجاية

الساعات = القفاري والغيث العبايات = من نايت بيرد بالعثيم .. خصوصا الي اسمه فرسان جداً عمليـه بالتوفيق ..

اذا كل وحده تضمن انه بيقدره ويشيل له هالجميل طول عمره مهب متردده بس الخوف انه يفهم هذي الفزعه بـ .. سذاجه ..!

ياخزياه استلمت الموضوع تسنه لي بس على ماقالو جت على الجرح واغلب البنات الي اعرف لاجلسنا مع بعض شكاوينا عن الاخوان نفس بعض حتى الوحده تسولف والثانيه تقول ايه زينا والثالثه نفس الشي ونستغرب انهم نفس الطبايع والبيوت تختلف !

سياستهم خارجيه مالومهم طالعين على وشسمه :d لايحتسون ابد ولايسألون ماحتسو اول يحتسون تالي بس عساهم يقضون مشاويرنا يحسرون بنا ماطلعنا او هاتي انا اجيب ثمن يجيب على كيفه ويلهف الباقي :(

بالزبط كده الأب هو المسؤول .. اذا علم العيال من صغرهم هذولي خواتك وهذي امك سو لهن حط لهن يكبر وهذي عادته وبالعكس يستمتع بهالشي ولا يحس انه سواق ..! اما العكس والحاصل ويدبل التسبد ان الأب هو نفسه مالبى طلبات الام وبناته وحراج عند الطلعه وشوله وش عندتس اقضبي بس ارضتس << يتعودون العيال على...

عاد تسن العيال 24 ساعه بالبيت دايم برى والسفر مايسافرون معنا والطلعات مثل معين يملون منا

والابناء .. هم الضحايا تخيل ابناءهم طريقة عيشهم افكارهم .. اطباعهم .. ومستقبلهم .!

اهم شي التوفيق الله يوفقنا وياهم ويرزقهم الذريه الصالحه والمسلمين من رأيي المتواضع اذا الشخص تكلف في زواجه ولقى الراحه مع شريكته .. مارح تنغص عيشته الديون

اثرك من الشنبات :d زين بعد عندك احساس حسيت بنا اغديه ماعندك خوات عشان كذا انصح اخوياك والشنبات الي حولك بخصوص هالموضوع وعسى يفيد ماظنيت

اتوقع عنوان الموضوع انسب له يكون : اخوي لو اقدر كان اقتله وبالرغم من الي ذكرتيه وهو صحيح وواقع .. مايبون يوصلتس سواق .. وهنه ينفتح طاري سواقة الحريم واذا اعرستي يطلع الزوج زي الاخو طينتن وحده ....!

اجل بريدة مانقصه شي !! الله يخليه لمحبينه و يطلعن عنه

نحارب قيادة المرأة للسيارة..بداعي بحجة سد الذرائع..... << ولا نلبي لحريمنا طلباتهن بسمحة نفس

بدون ما اسمعه اللي مايعطي المرأه اهتمامه هو وحده المحروم.. انحرم من زينة الدنيا

اللهم صلي وسلم عليه .. يوجد امهات قلوبهن صخر على اولادهنّ

حتى لو ادى فرضه وعباداته ولكنه لم يعطي زوجته حقها من المعامله الحسنه حلو الكلام وعذب الطباع على ايش تحبه .. اذا هو ادى فرضه الشرعي فحقها هي من طيب المعشر ايضاً واجب وفرض عليه ..، الحب بين الزوجين ضروري للصحة النفسيه والبدنيه "

اخاف انتس مثلي اعشق الطبيعه البحر الورود الخضرة الهواء العليل << وكل ذولي متوفرات عندنا بالقصيم ! ودي اعيش بين الطبيعه اشم هواءها اسمع صوتها العذب اتأمل ابداع الخالق اشكيلها عن همي تنشرح نفسي و تدمع عيناي خشيه وهيبه لمولاي ..، الله يطعمن ذاك اليوم وذاك الاحساس ويفرج عن وعنتس والمسلمين

محب الفضيلة .. اشكر تواجدك في صفحتي المتواضعه .. الله يعطيك العافيه .. مابعد كلامك تعليق "

اشكرك عزيزتي من لطفك " قد تكون الزوجه الي تقولين حبته من افعاله السابقه وضلت تحبه وتسعى في اصلاح اعوجاجه الحالي وعندها امل .. ونسأل الله ان يمدها بالصبر والعزيمه كي تستمر في الاصلاح ودافعها هو حبه وخوفها عليه .. كان الله في عونها وعون المسلمين لا صعب كيف تتخلى المرأه عن غريزتها ..(عاطفتها...

اهلا اختي .. نوهت في بداية الموضوع ان الرجل موجه له هذا الكلام ايضاً ليست المرـأه وحدها المخاطبة .. وهذا هو موضوعنا : لابد من التعاون في الحياة الزوجيه لكي تستمر عجلة الحياة في المسير وإلا سـ تتعثر كثيراً في احجار الاختلاف المستمر ..!

هذا رأيك .. لكنها كرهتهم .. صدقيني يمكن مايكون بقرارة نفسها كارهتهم ومتعمده لكنها لاتعطي الحب لاتعطي الحنان .. عندها ماذا يفهم الابناء هذا التصرف من امهم ..؟!

الحب اساسي للصحة النفسيه والبدنيه ليش تقولين ماتوقف الحياة عليه :) الراحه والدلال والتوالف .. تؤدي مع الوقت للحب والهيام ..،

الشكر لك اختي على حضورك .. ايوه هنا المشكلة المزاجيه في التعامل ! يعطي شريكته على كيفه ومزاجه .. وقت ماله خلق مايعطيها .. لم يتق الله في حقوقها ويضغط على نفسه احتساباً للاجر عند الله !

اهلاً بك اخي .. واشكرك على الافادات.. نعم فـ الصدق والوفاء والتضحية اركان السعادة الزوجيه بعد الله .. نعم ليس كل البيوت تبنى على الحب .. ولكن الصدق والموده والوفاء والرحمه والتضحيه كلها اسباب مؤديه للحب والهيام بالآخر ..،

وجهة نظر :)

اشكرك على الحضور .. وزي ماقلتي الحب او المشاعر مانتحكم فيها .. لكن برأيي التصرفات المشينه تزيل الحب شيئاً فشيئاَ .. اذا لم يتبعها اعتذار كلمة حلوه .. اقلاع عن ذلك الفعل ..،

اعتذر منكم جميعاً على تأخر الرد .. لكنها ظروف .. الحمدلله الاخ ريان .. اشكرك على الاضافات الجميلة .. بالنسبة لفترة الملكة .. فعلاً حلو فكرة اطالتها لكن الاهم هو التواصل بينهم لان في ناس مهما طالت الملكه مافي بين الزوجين تواصل ولا حتى مكالمات الا من وين لوين ..! وزي ماقلت كل واحد...

مرحبآ .. وش صار عليتس لقيتي .؟ والله ماظنيت تبي تلقين بالقصيم بس قولي لي هنا او بالخاص الي يريحتس وش مشكلة القط الي تسألين عنه يمكن اقدر افيدتس الله يعينا وياتس

السلام عليكم .. صبحتو / مسيتو بخير .. موضوعي كماهو موضح بالعنوان : الى كل من كره/ـت زوجه/ـها سأخاطب في كلامي الزوجه (بإعتبارها اساس البيت) ولكن المخاطب هو كل من الزوج والزوجة فـ كلهم مسؤول في حالة ان احدهما كان مائلاً .. عزيزتي الزوجة .. عندما تكرهين زوجك اعلمي انكِ لن تكرهيه هو...

فيه آيه بكتاب الله ماحفضتها مع الاسف ولكن معناها ان المطلقه طلقه او طلقتين تضل في بيت زوجها وتخدمه .. ولكن الحاصل / انها تولم شنطتها وعلى بيت اهلها !

القطة .. اجمل الكائناتِ فلها مني كل الودّ والتقدير

إْحسنتِ .. " المسلم من سلم الناس من لسانه .. ويده " ..

[ سآعدوهن على ذلك ] ..

حلو انك طالبت بحقك .. لكن عندي سؤال .. تكررت نصيحة اشتر من الوكيل مو من الموزع والطائر يعتبر موزع . طيب وش المحلات الي تعتبر وكيل معتمد ؟؟

^ هذا ماوددت قوله الانسان يحتاج لقلب يكون مستودع لاسراره تفحص القلوب لابد يحتوي على جروح وجروحن داميات .. لحد ماتصل القلب المراد

لازوجة تواسيني ولاصديقا يسامرني حتى الشوارع والمباني تغيرت علي لماذا تغيركل شيء !لماذا الناس تغيرت وصارالجارلايسأل عن جاره ؟ ^ ليس هُو وحده من يعاني .. وينه الشايب ذا ابيه .. ابيه خله يجي عندنا ابيه يصير جدي :oo

كي تكسب قلوب الناس انصت لهم .. انصت لهم .. واسهم فرح قلوبهم ساعدهم باللي تقدر عليه لكن / انت لا تشكي لهم .. لانهم لن ينصتون لك !!! اصمت واصمت .. افضل لك و انصت لهم

من كبر العباة تقل خيمه يالله من فضلك :p الله يغفر لحبيبتك ويرحمها ويوسع لها قبرها ويؤنس وحشتها ويعوضك خير

ولقد جاءت أخت رسول الله صلى الله عليه وسلم من الرضاعة إليه يوما، ففرش لها عمامته لتجلس عليها، وحسبنا به قدوة صلى الله عليه وسلم.

ماله داعي

اسئلي عن ابوه قبل توافقين عليه

الوضع طبيعي ماشوف فيه نوع من الغرابه لابد تلقى شاب يتيملح بأي مكان مثل مافيه الغاض لبصره اقترح انه اوقات الصلاة يصكون لمبات السوق عشان ماحد يشوف شي ولا في شاب يدور ولا بنت تناضره :d

اجل اللي يروحن للصناعه صارن متربيات والي لغيره العكس :d والله ينتم بعد ماتدرون وين تودون هالحريم وين تحطونهن بلشين بهن بلشة العمر الود ود بعض الناس يقفل علا حريمه بصندوق لاجا يطلع ماحد يشوفهن ولا يشوفن احد :d

الله يجزيهم خير ويعطيهم على قد نواياهم

ماشاءالله .. الله يوفقك ويزيدك علم انا ارى انه افضل اسم للكتاب هو مايقترحه الكاتب نفسه .. ولكن قد تكون احتجت للاستشاره والاستفاده من غيرك هذي بعض الافكار الي ممكن تساعدك: معي / لن تصاب علاقتكما بداء الطلاق ( العاطفي) او كي لا يجفّ بينكما الشعور طلعت معي افكار كثيره بس...

^^ واللقافه ايضا هي الطريق الى الشك وسوء الضن :d - [ من حسن اسلام المرء تركه مالا يعنيه ] -

لااا لااا تسمحين لوه يمسك ايدتس / يمكن يشك بتس انتس شسسمه قبل :d هي على حسب المدينه وثقافة اهلها ] ..

اي موضف في اي مجال سَـ : يواجه الجاهل والمتعلم والكبير والصغير ويجب عليه اعطاء كل ذي حق حقه والمحافضه على هدوء اعصابه قد مايقدر .. وهذه امانه بينه وبين الله ولا تقتصر على : رجل الامن

ابد اللي يبي يسافرون يعلموننا نستلم عنهم الوسيله وعيون من النوع الي ماحنب نغادر البيت تقل محلوفن علينا :d

الله يوفقهم وحنا الله يوفقنا

- بيوتنا تتكرر فيها قولة ( الشغل للمره والمطبخ للمره ) من يوعى الطفل علا الدنيا وهو يسمعها الين ترسخ بذهنه ان كل شي علا المره وهو ولد ( والشغل للمره ) فاشلون نطلب منه يساعد زوجته او حتى امه ؟! - العمل للمرأه : من ايجابياته تحقيق لذاتها .. تفريغ لطاقتها .. اثبات لقدراتها => بجانب القيام بزوجها...

مايدرون وش يسوون بهالحريم :d