تعالي قولي لنا وش مراحل تطورك بجوالاتك ..؟

[أوركيدا عيون الجواء]

ياهلا,,,
>> تراي مستانسة بالعطلة كل يوم أطب عليكم بموضوع جديد شكلكم بتملون مني
- الله يستر -

المطلوب : قولي لنا وش مراحل تطورك بجوالاتك

يعني مثلا أنا تطورت من جهاز لجهاز

أول شيئ كان معي سوني اركسون متكسر و حالته حاله بس اخوي مصرفن به الين اتعلم على الجوال

ثم صار معي معي المملكة لونه بحري>> أخو الفيصلية وطبعا يوم كانن كشخات

ثم صار معي الدمعة لونه لؤلؤي >> تقريبا قبل سنتين أو 3 سنوات

و اخيرا الان معي سوني اركسون >> رجعت عليه و طلقت نوكيا
لان النوكيا صراحة مع كل الناس مهب مثل اريكسون كل من شافه قال هاه وشو هذا و وش الوانه و بكم و..... يعني يبتل جديد بعيون الناس

وهالحين ودي اشتري آي فون و إلا سوني اركسون الفرنسي اللي باللمس

>> عاد ان شاء الله اذا الله كتب وشريته اببلغكم و اوريكم صورته يهبل مزيووووووووون
من زمان حاطته ببالي بس عجزت اشريه خجم شوي و كبير
بس ان شاء الله ابجزم و أشريه >> إدعولي ـهههـ


( و أنتم).................بإنتظار تطوراتكم

[منيب قصيميه]

ددددددددددي


حللت اهلا :D
وحيييت سهلا :cool:

يله انا توني جايه
وتراني مب قصيميه :p

بس امس قريت موضوعكم حق الكليااات
وحبيتكم انتم وطاولاتكم :D


طيب اقووول وش تطوري بجوالاتي

اممممممممممم اول شي سامسوونج

ثمن

فارس
ثمن سحب علي ومات :eek5 وخذت الدمعه >> كان مجدوع بالبيت

ثميييييين جوالي الحالي 6300

عرفتيه ولا احط صورته؟

[سمــرا الجواء]

امـا عــاد انــا

مـااااااااافيه جهاز با بها العااالم ألا وجربته

واخــيراً رسيت على هـلو موتو
موتوريلا

اقول خيالــوهـ ماتلاحضين المنتدى صـار لنا
وش رايتس نطرد البريداويات ونـااااااخذه
هـع كـع ترع بخخخخخخخ

[أوركيدا عيون الجواء]

شكرا ع الردوووووووووود


الا خلاص خل نطردهن >> إلا أقول حنا وش مخطمنا

[乂♥ متفائلة ♥乂]

أول شي كان معي العنيد >>> طلع غبار
بعدين شبيه الريح
وبعدين المملكه
والدمعه
والآن E50 ياحبيله 000000
وشكلي اغيره ..

[ح ـايلـــيـة]

هلا بخيـآلة ياحيا الله أهل العيــون ..

موضوع مملوح :) ..

أول جوآل لـي [ البــاندا ] قبـل سنـتين أو ثلاث ..

ومنه إلـى [ N70 ] ولحد دلوأتي :113:

ونآوية أشري E65

http://www.0sss0.com/up/uploader_files2/eJZ63149.jpg

http://www.0sss0.com/up/uploader_files2/z1q63224.jpg

شكرا على هيك موضوع :) ..

[خيالة المذنب]

انا اول شي كان معي الفيصلية <ماقعد معي الا شوي

بعدين الثعبان فضي < كان جايزن لي مرة بس غيرته عشان ذاكرة الرسايل صغيييرة
بعدين الساهر المطور البحري <<احبه قووة مرتن بالحيل
واللحين اخر شي معي E60 برضوه احبه من اعماق قلبي

عاد انا من اللي يعشعش عنده الجوال فيصير بيننا ألفة ومحبة ومودة <حشى آدمي :D

وش رايك بقصة حياة جوالي المصون؟:)

ومشكووورة ع الموضوع القميل..: 12

[manal]

أما أنا فمراحل التطور التـــــــالي
الرهيب<<طلع غبار من قدمه
المملكه
الدمعه
وحاليا N73 ,,وستين ستين للزواجات

[قباصة من القباصات]

جوالي من قبل سنة واإلى هلحين N70 :D



وماأفكر ابدلوه أبد هع إلا عآآد إذا انتقل إلى رحمة الله ههههههههههههههه



وشكرن نن :41

[الأمل كذبة]

حي الله خياله ؛؛

منورة بين البريداويات ..

بالنسبة لي في تطور مراحل جوالي هي كالتالي :

اول جهاز اقتنيته << متعوب عليه :)

كان اسمه اريكسون اللي يفتح بابوه من فوق بعدين تطورت شوي وشريت الجهاز اللي اسمه العنيد

وبدلته وشريت جهاز وذف وصغير كانو يسمونه كت كات لونه احمر وتطورات ايام الطفه بجهاز

رهيب كان خطير وكشخه اللي معه جهاز رهيب وبعدين بعته واشتريت جهاز النورس اذا كنتو تذكرونه للحين

وبعد النورس جهاز برج العرب وتطورت وقفزت لجهاز الدمعه واخر شي اللي الحين معي

N72 .. وشفت جهاز مره باسواق النخيل عند مشاعل الخليج جونان بشتريه ان شاء الله

كشخه شكلاً ومضموناً ..

تسلمين خيتو على هيك موضوع جونان

[نيران]

في البداية كان شبيه الريح

بعدين تطورنا وشريت النورس

بعدين الساهر

بعدين الفيصلية

وبعده ستين ستين اللي يفتح

وبعد ماغرق بالماء معي الحين E50

ولا ودي أغيره أحببببببببببببببببببه قووووة

[ام الحنان]

اناماكان معي جوال الاقبل سنةونصف تقريبا
كان جوالي اول شي الجوهرة والان 76
مااحب غيرنوكيا

[عندليب بريده]

يسلموا خياله على هالموضوع
انا عن نفسي مااغير الجوال الااذا بدا يعلق ويستهبل
على قولة خيالة المذنب يصعب علي فراقه (تراي صادقه)
1-الفيصليه
2-الساهر المطور
3-N73المطور
وسلامتكم

[ايـ ق ـاع الزم ـن]

موضوعن جيد,,,,


الله يسلمك أول جوال كآن>>((برج العرب))

همن اينن الساهر المطور هذاك البحري((اللي تحبينه ياخيالة المذنب,!!<<قولوا به جوال ماحبته هالبنت..!

همن:الفراولة..

والآن حبيب الألب((وراه مازولا,؟!))e50الله لايخلين منه,,,


وشكرياااااااااااااااات,,,

[ماهنا ذرابة :(]

النورس قطن وأغلس معي أربع سنوات
ثم في سنة وحده صرت طقاقة جوالات كل يوم رازة جول
جتني هدية واحد نسيت اسمه وطاح في حمامات السوق:( شكله هدية من غير نفس خخخخخخخ
بعدين شريت الواصل أبو عين
وللأسف على طول انسرق

بعدها اشتريت واحد ماأدري وش اسمه يشبه ان 80
وطلع خرطي يعلق
بعدين بعته واشتريت ان 72
وإلى الحين بسم الله عليه معي

[أغاريد الوصال]

أنا بالنسبه لي ماهنا تطور تسايد:113: ..

يعني كان معي الساهر سنوات عديده :d .. وإلى اللحين عندي للزواجات وغيره ..

والحين جوالي N 73 المطور .. وبس << :i125متكلفه

[أوركيدا عيون الجواء]

هههههههههه
متشنكرين على الردودات الخلواتات!