المسميات الجديده في بريده

[أبوسعود العييري]

أولا السلام عليكم ورحمة الله وبكاته
ثانيا أستغرب من مسميات الأحياء الجديده
وأستغرب من الناس الذين غيرو اسماء الأحياء
فمثلا حي النازيه طبعا مافي أحد مايعرف حي النازيه وهو قديما كان شمال بريده
للأسف تم تغيره لحي النور يعني انا أبي سبب بسيط لتغيير إسمه أعتقد أنه مافي سبب واضح وصريح
الحي الآخر حي البصر الذي سمي بحي القادسيه مشاء الله عليهم يعرفون يسمون
ويوجد الكثير والكثير من الأحياء التي تم تغيير إسمها
وأخشى غدا تغيير أسما حي الصفرا والفايزيه والإسكان يسوونه لاتستبعدونه
حتى الدوارات مغيرين اسمائهن دوار الصناعه مسمينه دوار المرقب ودوار الزراعه ناسي والله وش مسمينه
طبعا يبي يجي أحد ويقول تراه ماتفرق مسميات
لا ياحبيبي لا
أجل انا أبي اقترح تغيير إسم بريده
خلاص حنا عرفنا الأحياء وعرفنا أماكنهن مايحتاج يغيرن وهذه من السقطات المتتاليه للبلديه هداهم الله

[خيال الجزيرة]

الله يهديهم بس

حتى حي مشعل خلوه حي المنار

[فـارس]

النازية اسم يدل على الشذوذ وتغييره افضل
والبصر ماله اي معنى واذا لقيت له معنى بلغنا
ومثله خب الجيفه واباالدود والفصيعة
كلها تغيرت اما لعدم ملائمتها للذوق العام
او انها ليس لها معنى وغيرها افضل منها

[قصي100]

معلومه جديده

ياريت أحد يفيدنا بالمسميات الجديده

مع مخطط لمدينة بريده ....

[محمد الربيع]

نفس مسميات احياء مدينة الرياض.................................

[بونوره فوق الشجره]

الله يستر أن ماقالو غيرو اسامي عجزكم

[أبوسعود العييري]

النازية اسم يدل على الشذوذ وتغييره افضل
والبصر ماله اي معنى واذا لقيت له معنى بلغنا
ومثله خب الجيفه واباالدود والفصيعة
كلها تغيرت اما لعدم ملائمتها للذوق العام
او انها ليس لها معنى وغيرها افضل منها

ماتبي بعد يغيرون إسم الصفرا لأنه بلا معنى
أو المطا بعد لنفس السبب
وانا ايا ارى تغيير إسم بريده لانه ماله معنى ويدل على الشذوذ
يا اخي العزيز تكلم بعقلانيه خلاص هذه الأحياء نعرفهن من ثلاثين سنه ليش التغيير
وللمعلوميه أنا أخطأت في إسم البصر هي إسمه البصيريه والبصر قريب منه بعد الدائري

[روائع المميز]

وانا ايا ارى تغيير إسم بريده لانه ماله معنى ويدل على الشذوذ



لايأخي بريدة له معنى .. لأن أصلها كان بئرا لإبل الصدقة حفرها الصحابي الجليل بريده بن الحصيب الأسلمي رضي الله عنه الذي أرسله الرسول صلى الله عليه وسلم ليتفقد ابل الصدقة
وقيل
سميت بريده بهذا الاسم لبرودة مائها .
وقيل كانت روضة تتجمع فيها المياه . ونباتات البردي
.. ممكن بعض الأحياء .. مالها معنى .. وتغير .. وأيضا بعض الناس مايدري .. بأسماء الأحياء الجديدة أو بأسماء جديدة .. فلذا .. أقترح وضع أسماء الأحياء المغيرة ...................


..,.,:

[كـّنـــــوزي]

وشولن تبون التطور واسماء احياءنا تفشل واقولك ليه تفشل ههههه معقوله حي اسمه الساده أو المؤطاء أو الغاف وعدد ولا حرج نبغى التطور بالدعم مو باتحطيم ....... وجهة نظر .........

للتواصــــــل

kanozy-@hotmail.com

[عبرااات انثى]

اتمنى انها تغير وسريعاااااا حتى يكمل الرقي والتطور لمدينة بريده

والله صدق كيف للوقت هذا صابرين على اسماء ليس لها اي معاااااني من مدينة اهل العلم والثقافه

وانا مع كلام كنوز تحياتي""

[وحـيــد الـجـزيـرة]

يحاولون أنهم يتمدنون..يحسبون تغيير الإسم تمدن..

[.:انــجــريــنــد:.]

البصيرية الى القادسية

حي مشعل الى المنار

التغير ماله داعي

عندك اسماء الشوارع والمدارس

كلها غيرت البعض مغير سابقاَ

والبعض الاخر يسعون الى تغيرة

لكن

الله ييسر

تقبلو مروووري

[اخو دريحم]

طيب اذا كان التغيير يؤدي الى الاحسن لماذا لم يغير اسم العجيبه والله انها تفشل واذا سألت اساكنيها يستحون يقولون نحن في العجيبه لا وغرب الخبيب يسمى حي العجيبه وتم تغيير
حي هوطان سموه حي السلام

[طالب قربكم !!!]

من وجهة نظري انه لايجب تغيير المسميات ألا بعد موافقة أهل الحي

[محمد1115]

ياخوي مو (البصر) بل -البصيرية (القادسية)-

[halli-balli]

وعكيرشة والفاضلية وش صار اسمهن والا نسينهن مثل الخدمات والعناية

[algasimi]

والله يالقفه هالي يولف بهالاسماء يقاله فاهم خلنا على اسماء اجدادنا وش خلينا شي يذكرنا بهم!!!

[فـارس]

لا شك ان القديم له طعمه
بس الازين احلى

[AL-ASEEL]

اتوقع ان توجه البلدية تغيير أي حي يحمل اسم عائلة معينة او شخص
مثل البصيرية كان جزء منه املاك ومخطط لعائلة البصير فتغير للقادسية
مشعل للامير مشعل تغير للمنار
البشر والبقيشية للبقيشي والراشد الفايزي وهلم جر
التوجه جيد لكن مشكلته انه جاء متأاخر صعب التغيير

[الوسيطاوي]

بعض الاسماء الشاذة والتي لاتحمل معنى يمكن تغييرها

ولكن هناك احياء او اسماء شوارع لو غيرتها وتجي بعد مائة سنة وتلقى الناس على الاسم الاول

مثلا
شارع الخبيب تغير الى طريق الملك عبدالعزيز والى الان اسمه الخبيب ولن يتغير

خلنا من المسميات الجديدة عندك الرياض مثلا فيه احياء وشوارع لها عشرات السنين غيروا اسماءها والناس الى الان بمسمياتها القديمة

شارع الخزان تغير الى شارع الامام تركي بن عبدالله ولو تسأل اهل الرياض عن شارع تركي بن عبدالله اكثرهم لايعرفه

طريق الحجاز سموه شارع الامير ( والله اسم طويل ) والناس طريق الحجاز الى الان

وهنا بيسير نفس الشي يعني لوحة مكتوبة على الشارع او الحي والاسم هو القديم ماراح يتغير