ياكليب شب النار ياكليب شبه

[عالي المرقاب]

دغيم الظلماوي الشمري رحمه الله من أحرص الناس على عمل القهوة والإعتناء بها حتى أصبح مضربا للمثل في ذلك (عسى ما قهوتك قهوة دغيم الظلماوي) وهو إلى جانب ذلك كريم حد السخى شاعر وفارس. وقد كان معاصرا للأمير محمد العبدالله الرشيد رحمه الله وقصة اختبار الأمير لصدق دغيم في قصيدته التالية معروفة حيث كان غاضبا عليه في البدايه.
قال دغيم الظلماوي:

ياكليب شب النار ياكليب شبه **** عليك شبه والحطب لك يجابي
أنا علي ياكليب هيله وحبـه **** وعليك تقليط الدلال العذابي
الوالمه ياكليب عجل بصبـه **** والرزق عنداللي ينشي السحابي
إدغث لها ياكليب من جزل خبه **** وشبه ليا منه هبا كل هابي
أبي ليا شبيتها ثم قبه **** يجلب سناه اللي بعيد غيابي
شرقية ياكليب صلف مهبه **** ليا هب نسناسه تقل سم دابي
متكتفين وناطحين مهبه **** متلطمين وسوقهم بالعقابي
صبه لقرم صرفته ما حسب به**** يوم البخيل مكنهب الوجه هابي
وصبه لمنعور من جاه نبه **** يرخص بعمره والدخن له ضبابي
وعده عن اللي مايداري المسبه**** اللي يدور بالقصير الغيابي
لياباطن الهلباج خطو الجلبه**** يازين تالي الليل خبط الركابي
افرح لهم وابدي سلام المحبه ****ليا شح بالهين كبير العلابي
سلام احلى من شخاليل جبه **** واحلى من السمن الجديد الرعابي
وخطو الولد يوم الملاقا نكبه **** يصير معنا من حساب الزهابي
وش عاد لو يلبس زبون وجبه **** معيرة على غضير الشبابي
أنا لقيت الصبر يازين غبه **** يرقيك روس مشمرخات الهضابي
ومن لا صبر ياكليب في حكم ربه **** هذاك يوم البعث ماله ثوابي


والمعذره عن سوء التنسيق،،،وسلامتكــم

[(<*أبولجين*>)]

ياكليب شب النار ياكليب شبه = عليك شبه والحطب لك يجابي
أنا علي ياكليب هيله وحبـه = وعليك تقليط الدلال العذابي
الوالمه ياكليب عجل بصبـه = والرزق عنداللي ينشي السحابي
إدغث لها ياكليب من جزل خبه = وشبه ليا منه هبا كل هابي
أبي ليا شبيتها ثم قبه = يجلب سناه اللي بعيد غيابي
شرقية ياكليب صلف مهبه = ليا هب نسناسه تقل سم دابي
متكتفين وناطحين مهبه = متلطمين وسوقهم بالعقابي
صبه لقرم صرفته ما حسب به = يوم البخيل مكنهب الوجه هابي
وصبه لمنعور من جاه نبه = يرخص بعمره والدخن له ضبابي
وعده عن اللي مايداري المسبه = اللي يدور بالقصير الغيابي
لياباطن الهلباج خطو الجلبه = يازين تالي الليل خبط الركابي
افرح لهم وابدي سلام المحبه = ليا شح بالهين كبير العلابي
سلام احلى من شخاليل جبه = واحلى من السمن الجديد الرعابي
وخطو الولد يوم الملاقا نكبه = يصير معنا من حساب الزهابي
وش عاد لو يلبس زبون وجبه = معيرة على غضير الشبابي
أنا لقيت الصبر يازين غبه = يرقيك روس مشمرخات الهضابي
ومن لا صبر ياكليب في حكم ربه = هذاك يوم البعث ماله ثوابي



سلمت يالغالي ع النقل وهذا التنسيق اللي تبيه بإذن الله


أبولجين

[عالي المرقاب]

الله يعطيك العافية,,,,,,,,, ولاقصرت نسقت القصيدة

[قرناس]

تسلم يابو سفيان على القصيدة الرائعة ,,
كثير مايتغزل الشعراء بالقهوة فهي رمز الضيافة
والصديق الملازم للرجل العربي ..
تقهو :)

[عالي المرقاب]

بعد يازين القهوة لاصارت من ايدك ياقرناس

[المستشار]

قصيدة حلوة جدا ً ..
و يا كليب شب النار شبه ..

[حفيد اعقيل]

كفــوا والله ,,

تســلم يمين الناقــل ورحم الله دغـيم الظلماوي
والذي صـار مثلاً لراعي القهـوة وعلوم الرجــال ,,

اللهم أغثنا ,,

[عالي المرقاب]

شكر ا على مرورك يالمستشار ،،،،،،،وانت كذلك ياحفيد عقيل والله يسلمك

[.:انــجــريــنــد:.]

صح لسانك

[عالي المرقاب]

صح لسانك

صح لسان الشاعر:D _______ شكرا على مرورك