فزعتكم يا اهل المشاريع

[زارع البسمة]

ابي افزع مع واحد عاطل عمره 33سنة ورب اسره

ابشترك معاه بمشروع واشترطت علية انه يقوم بالمشروع بنفسة ويقضي وقت فراغة ويكون فية بشكل مستمر

وراس المال مايتعدى 50000 خمسون الف ابي رايكم والله جاد
وبعدين مشاريع المطاعم والخياطين ما تنفع لسبب مالصاحب المحل مكان اهم شي يجي اخر الشهر وياخذ الغلة

شكرا لتجاوبكم

[سليل العز]

يعني تبي افكار و الا تمويل و الا وش تبي بالضبط

ممكن توضح الله يعافيك

و عطنا وش خبرته و وش مؤهله الدراسي و وش معه مهارات


حتى يكون الرد مفيد


دمت بخير

[زارع البسمة]

يعني تبي افكار و الا تمويل و الا وش تبي بالضبط

ممكن توضح الله يعافيك

و عطنا وش خبرته و وش مؤهله الدراسي و وش معه مهارات


حتى يكون الرد مفيد


دمت بخير

ابي فكرة وشهادتة متوسطة وعمل في شركة متابعة واشراف وانتقلت الشركة وراتبة قليل فالآن اريدة يتحرك ويعمل حر

[سليل العز]

هلا بك اخوي زارع البسمة


يالله ابدأ معك بأول فكرة و أتمنى باقي الشباب يفيدونك و كل من تجي بباله فكرة يدخل و يحطها و لو يحط أكثر من فكرة أو مشاركة


نبدأ بسم الله


الاقتراح الأول : مؤسسة خدمات زراعية و خدمات نخيل و مزارع
و هذي طول السنة ما تاقف ان كانه يحب الحركة يعني يستقدم عمال و يشري سيارتين او ثلاث على 15000 و يشتغل بالجداد وبنفس الوقت نقل التمور لاصحاب المزارع و هذي ينسقها مع الدلالين و برضوه يقدر ينقل خضار للسوق بالاجرة على العمل المنفصل و برضوه الجح و غيره و يكون مع عماله و يتابعهم و بعد هالموسم برضوه عمال للخضار و البطاطس يشغلهم باللي يبي يومية او بالكمية او باي شكل و بنفس الوقت ينقل بالاجره للسوق و مادام معه مواتر و عمال يطلع ذهب قسم بالله و منها انها فيها تحكحك بالبيع و الشراء و يقدر اذا يبي يشري شي لنفسه و يبيعه بمربح و الا بمنطقة او مدينه ثانية تجزئة او جملة سواء خضار او تمور او نخل فسايل او اعلاف او معدات مزارع او مواشي او دواجن او خرده الموضوع شرح مداخل الشغل و كسب الرزق فيه واسع و لا يبي خبره كثيره و ما دام له بالمتابعه و الاشراف قسم بالله ان هذي ذهب و اسأل مجرب قد اشتغلت انا فيها فتره و بدون عمال خاصين يعني كنت اسمسر و اجمع العمال و والله ان فيها مكسب ما هوب صاحي بس بالاول تعب لين تعرف الصنعه و بعدها نوم و دراهم بس تبي همة بالتأسيس و اذا اعجبتك الفكرة مستعد للمساعده بما استطيع

التقط الانفاس لأعود بفكرة ثانية