من يجاوب يكسب 10000ريال والله على ما اقول شهيد

[الاسد]

بسم الله والصلاة على رسول الله
وبعد.
بعد قليل سوف اطرح سؤالاً ومن يستطيع الاجابه عليه سوف ارسل
اليه ال10000ريال سواءً نقدا ام بالرصيد او باي طريقه تريح الكسبان
ووالله اذا تم الاجابه على السؤال اني لادفع 10000ريال
والله على ما اقول شهيد
المهم السؤال
س/00000000
او ابحط السؤال تحت على طريقه كثير بالمنتدى
ما ادري يبغون يحمسون الناس
او يحرقون اعصابهم
او يخلونهم غصب ينزلون
ما علينا انا بس ابغى احمسكم































































انزل بعد هذي 10000عشره الاف مهب لعبه























































بقي شوئ وتاصل



















































السؤال 3كم













































السؤال 2كم

































السؤال 1كم



































السؤال 0.5كم







































مرحباً بكم في السؤال

















وسط السؤال 1كم































س/ ((((((({وش تعشيت امس الجمعه بتاريخ 10/4/1423هـ}))))))))))))))))


بادر بالجواب لو خراص
حظاً موفقا

[سعفة]

يالله يارب افوز

تبي الصراحة / مالك حق تدق على الوتر الحساس / ما ذقت شيء امس ايوالله
أمس متعشي عصير كوكتيل من قرية التوت <== يقاله عشاء ، لكن الحمد لله


أتوقع والله أعلم : مكرونة أندومي بالدجاج
أو : جريش


طيب ما علمتنا كم الواحد له من خيار <=== أحسبه طماط هاهاها

.

[Ooعربجي فاهمoO]

إكره دايم سعفة يرد قبلي لكن الحمد لله خطأ عليه

شف ياللحية الغانمه أمس سوالف وأحداث بالعشاء وربي

بغيت أمووووووووت من الضحك تعشيت مرتين قل ماشالله ههههه

دخلت البيت الأخير أثر الوالده داقته سلف سوعان ومافيه إلاّ أخيّتي وخويلتي

وهالقرمات مازينّن عشاء لنا المهم إتفقنا آخر شي نطلع نتعشى برا ==> إخس حركات

وأجيك وندخل المطعم ونطلب وأنا أكثرهم طلبت لأني مهب أنا اللي أبدفع الله يسلم جيب

أختي (للمعلوميه تراه هي اللي تصرف عليّ) ههههههه أكذب ماوراه إلاّ الدجّه

ونآكل والله ياهو عشاء يعني عشاء محترم من جميع الجهات حيوانيه نباتيه بخاريه كل

اللي تبيه خصلنا الحمد لله والصحون ياألبي ماتحركت قلت ياولد ياعربجي اليوم

مكتوب إننا نتبادل مع (ماوكلي) بالمغامرات وأدق على خويي قلت هاه يابعد هاللي

جنبي متعشي ياخلفهم قال لاوالله قلت تولم عازمك على طلبيه محترمه

( فضله) خخخخخخ وأجيك وأروح لسيارتي وأجيب منه كيسه طبعاً لازم أغبي

أكياس لمثل هالحاجات وأدخل المطعم وأضف العشاء اللي عقبنا ههههههههههه

وأحطه بالكيسه قلت لأختي الله لايهينس وأنتي طالعه شيلي الكيسه معس

ويوم ناظرت بالكيسه قلت يمّمممممممه والله ماأشيله يابخيل يااللي مايهمك أحد

وتفتح لي محاظره طول وعرض قلت على تبن أنا اسأل تشيلينه وإلاّ نشوف غيرس

وأناظر خالتي قلت الفزعه ياخاله شيّلي أثّر خالتي مالقيناه ندوره منّا مناك آخر شي

لقيناه تحت الكرسي مغشيه من الضحك هاذي والله النشبه ياشين المنّان قلت يابنات

الذين آمنوا هاللحين جايبكن من البيت ومبّلعكن وعاجزاتن تشيلن لي كيسه

المشلكه هاللحين إني مواعدن خويي على العشاء (أمحق من عشاء) والله ياهي

ورطه قالت خالتي أبشر ياولد أخيتي أشيله وأشيل أمه بعد يالله مشينا بس الله لايهينك

شف أحد بطريقي تراي ماش أستحي وأنا خالتك ههههههههههههه وأشوف أثر

مافيه أحد قلت إنطلقي أيتها المرأة الهائله سوف نجازيك خير الجزاء

وتمشي وحنّا بالطريق وقع مالم يكن بالحسبان جاء القرسون معه طلبيه لأحد

من اللي بالمطعم أنا تسندت على الجدار ورحت بالضحك خالتي قامت تحسّب عليّ

الله لايحلك عساك للموت اللي يهماك ضيعّت وجهي يامن الكسار ياصقير هههههههه

وأجيك ونوصل للسياره بسلام وندخل الكيسه المحترمه ونقعده بعد قّدام تستاهل

والله كل خير هالكيسه وأجدع البنات بالبيت وأذلف لخويي وآخذه ونطلع نتعشى

يوم شبعنا وخلصنا قلت وش تقول بالعشاء قال مامثله ليته كل يوم هههههههه

وأعلمه بالسالفه قال والله إني أناظره وأقول مامن وراء هالشين عشيااااااااات

ههههههههههه وأخيراً أسدلنا الستار على أحداث 11سبتنمبر أو قصدي العشاء

المحترم بعد ماتقطعنا من الضحك

هااااااااه أكيد أنا اللي أبفوز يالأسد قل إيه تكفى

يالله شباب

تشكراااااات حلوووووووين

[برق1]

أنت يخوي : تسأل عن عشاك أو عشاي ؟
إذا كان عشاك يلزمنا كم جنّي أو دبّوس
بعدين إيش اللي حايس ظفيرتك؟! الجمعة اليوم ما هو أمس !
وبعدين تحويلاتك اللي أنت حاط ؟!المسافة بعد لوحة 500 متر أطول من اللي بعد 1 كم ! شكل اللي حطّها لك هندي
تدري ! الجواب : تعشّيت عشا أكيد ! هه , باركولي

[اللاجئ إلى الله]

أنت وإلا نحن ؟!!

أنا !! مرقة كذا :41

[السعلــوة]

أقووووول قولوا بسم الله على ذهانتي

أولاً هالكلام للي بازعين ومجاوبين على بالهم حالينه خخخخخ
الأسد وشلون تبينا نعلمك عشانا وحنا للحين ماجاء وقت العشاء
شف اللي مجاوبين عليك إثنين الصبح وواحد المغرب وواحد قبل ساعه
يعني أنا آخر من جاوب وتوه يبدأ وقت العشاء تبي أعلمك وشو عشاي
بعد ساعه لاتعشيت توه مانضج عشااااانا هههههههههههههه
وبعدين وراك تقول أمس تمويه يعني لكن مامشت علي جب العشره يالله
بسرعه تبي رقم الرصيد حقي وإلاّ حق أخوي


هاه وش رايكم مانيب ذهينه ههههههه

ألف مبروك لي الجائزه