المساعد الشخصي الرقمي

مشاهدة نسخة كاملة : • [ هُـنا الـمـسـاعـدة ] •


الصفحات : 1 [2] 3 4 5

عبرااات انثى
10/1/1429 هـ, 10:46 صباحاً
سؤال" اختي سنفوره __ سنه كم انتي؟
واي استفسار اقدر عليه انا حاضره مع كل الشكر**

سنفورة
10/1/1429 هـ, 09:44 مساءً
هلا اختى انسانه
الله يجزاك خير
انا بمدرسه حكوميه الصف الاول ثانوي
مدرستى ورتني الويل ومدرسة الرياده قريبه منا
وودي اسجل بها الترم الثاني

عبرااات انثى
10/1/1429 هـ, 10:41 مساءً
حياااااك الله اختي <<<< ياملحهم البنوتات
المدرسه زي ماقلتلك حلوووه وبنات اولى الي فيها في قمة الادب يااذينهم بس
وزي ماقلتلك باذن الله راح يساعدونك اهم شي خليك ذووووق واخلاق وصدقيني بتحصلين اللي قلتلك
الاداره حلوه المعلمات جميع التخصصات موجوده..ويساعدونك ""

ام الحنان
10/1/1429 هـ, 11:05 مساءً
وينكم يابنوتات ساعدوني في طلبي السابق
الله يوفق الي تفيدن يارب

ماربالصدفة
11/1/1429 هـ, 04:09 صباحاً
السلام عليكم
يابنات وحدةتبغى مكياج حلو موكثيراضراره للاستخدام الشبةيومي
افيدووون
ولكن دعوووة



قيرلان أكثر من رائع لكن عيبه ارتفاع السعر

كيريولاين <<<< يجنن لكن غير متوفر في أسواق بريدة اسعاره مناسبة

اعرف رقم هاتف الموزعة في بريدة اذا تبين رقمها اطلبيه ع الخاص

رموز
11/1/1429 هـ, 04:15 صباحاً
السلام عليكم
يابنات وحدةتبغى مكياج حلو موكثيراضراره للاستخدام الشبةيومي
افيدووون
ولكن دعوووة

الأساس الطبيعي تاخذينه من ديور أو كلينك
الشدوات حق الإستخدام اليومي من تجربة شخصية ديور قمة أحسها أفضل من باقي الماركات

حق المناسبات الأساس كانيبو " طبعا أقصد بودر و كريم سائل"
الشدو من كيريالاون أو من "بنّاي"
والكحل السائل من لانكوم


هذي كله من تجربتي ، قد تعجبك أو لا .. و الله يوفقك و يسعدك : )

ام الحنان
11/1/1429 هـ, 10:22 مساءً
الله يجزاكن الف خيرماربلصدفةورموز
بس يعني للاستعمال اليومي هذا
متشكررااات

الباكورة
12/1/1429 هـ, 01:41 مساءً
أهلين وسهلين

اتمنى لكم الخير في الدنيا والآخرة
طلب مني البحث
عن إشراقة
وهي مجموعة متخصصة لترتيب الحفلات من ناحية الإعداد للمواضيع الثقافية والفوائد
باختصار أصحابنا عندهم زواج ويبغوا يكون فيه فائدة عند النساء
وأذكر فيه مجموعة تسمى إشراقة لكن ما عرفنا لهم عنوان
فحبذا إيصالنا إلى عنوانهم أو أي فرقة متخصصه بمثل هذه الأعمال الطيبة
والدال على الخير كفاعله
وشكرا

乂♥ متفائلة ♥乂
12/1/1429 هـ, 01:54 مساءً
اهليييين الباكووووره

إشراقه للأحتفالات
0504897140

أمي ربة بيتٍ
12/1/1429 هـ, 04:38 مساءً
أهلين بنات...
كيفكم وش الدنيا بكم؟؟؟
من جد والله يا أنا فااااااااااقدتكم...منذ مبطي لم أدخل ((تعرفون ثالث وكرررفه))
أهم شيء تراي مادخلت برٍ بي ((تطقه بالوجه العمه))
بس محتاجه منكم شيء...وأبي طلب منك...
وحده أعرفه تبي تتزوج بداية الإجازه بين الترمين وإلا الآن ماحجزة كوفيرة
فرجااااااء اللي عنده رقم كوفير تزين عرايس وشغله حلو ترسله لي...
ويمدحون أم عبادة اللي عنده رقمه بعد ترسله....
الله يجزاكم خير ويحرمكم من النار ويفرج لكم تراه مسكييييييينه منزنقه قوة.......
دعواتم له بظهر الغيب
عذرا عالإطالة

اخر دلع
12/1/1429 هـ, 05:15 مساءً
اختى امي ربه بيت أرسلت لك رقم كوافيره سعوديه شغلها مره حلو

الجواب الكافي
12/1/1429 هـ, 08:00 مساءً
مرحبا أمي ربت بيتاٍ
تمنيت حاولت ارسلك رسالة على الخاص بس للأسف مشاركاتي ماوصلت الخمسين
وانصحك بالسورية سحر روووووووووعة بس غاااالية شوي
وخليني اكون معك صريحة واقولك انها عادي تواعد عايلتين او ثلاث في يوم واحد يعني تجيك وهي مضغوطة
بس شغلها ما يختلف علية أثنين

صديقة الشمس
12/1/1429 هـ, 08:53 مساءً
امي ربة بيتٍ هذا ما طلبتي { دعواتك لي با التوفيق والنجاح}


ام عبادة 0503976675

ام محمد 0504881655

الباكورة
12/1/1429 هـ, 10:42 مساءً
شكرا
ثم شكرا
لكن أكيد عندهم برامج ثقافية؟؟؟؟؟؟؟؟؟
يعني داعيات ونحو ذلك؟؟؟؟؟؟؟
وشكرا

halli-balli
14/1/1429 هـ, 03:54 صباحاً
تخبرون أحد يأجر شغالة باليوم أو الساعة
أختي عنده منا سبات هالأيام وتبي شغالة يومية أو بالساعة اللي تعرف
الله يعدي عنها تراسلني على الخاص

الذهبية
14/1/1429 هـ, 07:47 صباحاً
السلام عليكم ورحمة الله وبركاته

أخواتي العزيزات ابغى مساعدتكم في ايجاد شقة عوائل للإيجار او دور للإيجار ويكون جديد في شمال بريدة وسعره معقول ولاتقولون:oo اسألي مكاتب العقار لانهم يدوخون:i121

فلو سمحتم اللي حولها دور اوشقة للإيجار تبلغني ولها مني الدعاء

وجزاكم الله خير الجزاء

اختكم: الذهبية

سنفورة
14/1/1429 هـ, 03:17 مساءً
ايش افضل مدرسة اهلية ببريدة

سنفورة
15/1/1429 هـ, 07:50 مساءً
وين الردود

الجواب الكافي
15/1/1429 هـ, 08:31 مساءً
اذ قسم علمي يمدحون المنارات والغد
ادبي كل الأهليات زي بعض
ومن أحسنهن رياض القصيم والمجد .

الــبــازوكـــة
16/1/1429 هـ, 02:58 صباحاً
الغد شديدين شكلهم مثل العادية .. أزين عشان ما يصير فيه غش ..:re




.

مجموعة مشاعر
17/1/1429 هـ, 11:22 مساءً
السلام عليكم ورحمة الله وبركاته

أخواتي العزيزات ابغى مساعدتكم في ايجاد شقة عوائل للإيجار او دور للإيجار ويكون جديد في شمال بريدة وسعره معقول ولاتقولون:oo اسألي مكاتب العقار لانهم يدوخون:i121

فلو سمحتم اللي حولها دور اوشقة للإيجار تبلغني ولها مني الدعاء

وجزاكم الله خير الجزاء

اختكم: الذهبية

ودي اساعدك بس ماعرف ؟ الاوحد وفيها ناس طيب حقات الراجحي

رقيقة
18/1/1429 هـ, 04:51 مساءً
مساء الخيرات والدنانير والفل والياسمين

أخباركن يالحلوات مع البرررررررد:S

أبعطيكن اللي عندي وعليكن الباقي:D:

أنا دخلت دورة icdl في الكمبيوتر ,وأثر ماعندي ماعند جدتي ماغير أدربي هالدميجة:confused: وأسمعهم يتكلمون عن الرسوب والنجاح وأسئلته مهيب هكالسهلة :re.....

هذا موجز ومعه شوي تفاصيل ...أطلب منكن المساعدة اللي تعرف نماذج أسئلة من مناهج الدوره لاتبخل علي.... الله يعطيكن ألف عافية


ولكن ألف مليون شكر وتحية...: 12

نيران
19/1/1429 هـ, 12:42 مساءً
العفو أختي بصرااااااااااااااااحة ماعندي خبر ياليت أقدر أفيدك,,,,

سلااااااااااااااااااام

محجبه
20/1/1429 هـ, 01:11 صباحاً
ياغاليات السلام عليكم ودي اشري جوال وابي تبدن ارءكن بجوال ان ثلاث وسبعين اللي معاها تخبرن الله يعطيكن العافيهبسرعه

ام الحنان
20/1/1429 هـ, 01:22 صباحاً
حلو صارالحين قديم عندي راي اشتري جوال ان 76نسائي يجنن والله جديد

الــبــازوكـــة
20/1/1429 هـ, 01:23 صباحاً
وعليكم السلام ..
ما عليه حليل .. بس ما جربته ..:113:

بس الناس جايزن لهم .....:41





.

محجبه
20/1/1429 هـ, 01:28 صباحاً
السلام عليكم انا توني عضوه جديده وعليميه بالاحرى امية بالكمبيوتر ابي مساعده بعض اسئله اولها هل يمكن تغيير المعرف حقي اللقب ااااااوالثاني الصورة اللي تحت اللقب كيف احطها لاتقولون روحي فوق عند كلمة مكتبي وبس ابي بالتفصيل الممل حبه حبه عشان افهم:reياحبيلكم

乂♥ متفائلة ♥乂
20/1/1429 هـ, 06:08 مساءً
اهلين محجبه
إضغطي على مكتبي فيه على الجنب تعديل الصوره الشخصيه إضغطي عليها تلقين كلمة إستعراض إختاري الصوره اللي تبين وإضغطي على إعتماد التعديل ..

إن شاء الله فهمتي..؟

"روح"
23/1/1429 هـ, 07:59 صباحاً
السلام عليكم ورحمة الله..

أول مشاركة لي معاكم ،، في منتداكم المبااااارك،،

أتمنى مساعدة من خبيرات الأسواق أنهم يدلوني على محل في بريدة يبيع لبس مصري (قميص، أو لبس نوم) أو لبس هندي أو أي لبس فيه غرابة ..

شاااااااااااااااكرة ومقدرة لكن:)

؛؛جروح الروح؛؛
23/1/1429 هـ, 07:00 مساءً
ليش متفصلين على ذوقكـ وفكرتكـ احسن من تشتري...........وهذا رايي

مجموعة مشاعر
24/1/1429 هـ, 01:11 صباحاً
السلام عليكم ورحمة الله..

أول مشاركة لي معاكم ،، في منتداكم المبااااارك،،

أتمنى مساعدة من خبيرات الأسواق أنهم يدلوني على محل في بريدة يبيع لبس مصري (قميص، أو لبس نوم) أو لبس هندي أو أي لبس فيه غرابة ..

شاااااااااااااااكرة ومقدرة لكن:)






مادري وش تيبن بالزبط :rolleyes: لمحت عند مرايا الي بهن دناديش :D

وعلى فكرة تراي اعني مرايا الي عند جزيرة الطفل للالعاب

تذكار
24/1/1429 هـ, 07:49 مساءً
اخواتي الحبيبااااااات

اريد ان اعرض طلبي وأتمنى أن أجد لديكم ما أريد

سؤالي

عن أماكن تواجد شنط ماركات لأجهزة المحمول

طبعاً في بريدة


ولكم مني خالص الشكر

الــبــازوكـــة
24/1/1429 هـ, 07:51 مساءً
للأسف ما أعرف عنهن كثير ...
بس يمكن بجرير ..


إن شاء الله تلقين مساعدة ..

...

تذكار
24/1/1429 هـ, 07:56 مساءً
ياحبي لك يالبازوكه

وتسلمين ع الرد

لكن تتوقعين جرير يكون عندهم ماركات ؟؟

مثلاً : بربري أو لويس فتون

طبعاً التقليد مو الاصليه

ح ـنايـا الـ ق ـلب
24/1/1429 هـ, 08:58 مساءً
أنـا مثلك أبي بس مالقيـت ..

عـاد وحده قالت لي انـه فيه بمعرض اللي عند إيكيـا بالرياض :113:

إذا رحت للمعرض جبت لك وأرسلتها لك ببريدة :113:

دلوعه وتدلع
24/1/1429 هـ, 09:04 مساءً
مساء الخير للجميع ...
موجودت بالنخيل بلازا عند محل ( اكسسوراتي ) بس تقليد
وفيه اشكال حلوه عند ( بدون اسم ) ..
وان شاء الله تلقين اللي تبين

تذكار
24/1/1429 هـ, 09:13 مساءً
أنـا مثلك أبي بس مالقيـت ..

عـاد وحده قالت لي انـه فيه بمعرض اللي عند إيكيـا بالرياض :113:

إذا رحت للمعرض جبت لك وأرسلتها لك ببريدة :113:


حنايا القلب

مشكورة ع التواجد

واذا ماحصلت في بريده بقول لأخوي اللي بالرياض:D

تذكار
24/1/1429 هـ, 09:15 مساءً
مساء الخير للجميع ...
موجودت بالنخيل بلازا عند محل ( اكسسوراتي ) بس تقليد
وفيه اشكال حلوه عند ( بدون اسم ) ..
وان شاء الله تلقين اللي تبين

مساء الانوار دلوعه

الف الف شكر

انا اللي ابي تقليد

يعطيك العافيه ع المشاركة

乂♥ متفائلة ♥乂
24/1/1429 هـ, 10:22 مساءً
أنا أقولكم وووين بس ماتوقعت إني الاقي عندهم

ســـــــــــــــــامره (الجوهـــــره)

حلوووووات لايفوتنكم بس مادري تقليد اوأصليه أدخل على الله ...

بس طبعآ مو مثل اللي عرضتهم حنايـــــــا ..

أوركيدا عيون الجواء
24/1/1429 هـ, 11:46 مساءً
يقولون عند لايف ستايل بالنخيل حلوآآآت

احساس بالغربه
25/1/1429 هـ, 12:30 صباحاً
السلام عليكم ورحمة الله وبركاته


كيفكم ياحلوات مين سمعت عن النتايج متى بتكون

خلونا نواسي بعض بهالموضوع الى يوم النتيجه

ونشوف يا نبارك لبعض :41 يا نواسي انفسنا:oo

الله يستر والله خايفه موت:p

مين مثلي؟؟؟؟؟؟؟؟؟؟؟؟؟؟؟؟

كاكاو سايل
25/1/1429 هـ, 12:49 صباحاً
بصراحة ماادري,,,,<< من قال لك ادخلي.؟ وردي.؟


التربية الادبية يقال بكرى انتم ياقبلنا بيوم او معنا....

كاكاو سايل
25/1/1429 هـ, 12:50 صباحاً
لاااااااااااااااااااااااااا مب بكرى قصدي الاربعا...

غلطت سوري سوري فلسطيني.... لبناني

أم جحا
25/1/1429 هـ, 12:57 صباحاً
التربية الادبية >>>>>> يقولون النتايج يوم الاثنين >>>> بعد مو أكيد ههههههههه

الــبــازوكـــة
25/1/1429 هـ, 01:55 صباحاً
روحي يوم الإربعاء آخر يوم أزين وأضمن ...



.

عندليب بريده
25/1/1429 هـ, 02:02 صباحاً
ياعمري انتم الله يكون بعونكم
دايم تصير بعدانتهاءالامتحانات باسبوع

أحلى بنوته بالكون
25/1/1429 هـ, 10:11 صباحاً
بنات والله خايفه متى بالضبط أنا باقيه ومعي أربع +واحد =خمس <<<<تذكرات أولا أبتدائي
خايفه من الثقافه الأنه أخريوم ولا حليت زين من الفرحه
وخايفه من الأدب
((تأهيل))

احساس بالغربه
25/1/1429 هـ, 12:29 مساءً
هلا بكل الغاليات

مشكورات على الردود

بس بصدق على اعصابي

لأني غرزت بما فيه الكفايه مصيبه لو مانجحت

صديقتي موظفه بالكليه كلمتها تجيب لي موعد النتايج بس للحين ما ردت

المفروض اطلب منها تجيبها لي بس استحيت >>>>>>>>>>> ياقلبي ياخجوله خخخخخ

المهم ترقبونا اذا حصل جديد سنوافيكم بالأنباء

وشـــــــــــــــــــــــــــــــــــــــكرا

أسطورة الأي ــام
25/1/1429 هـ, 12:38 مساءً
اتوقع موجودة بجرير ولا العبيكان...<<<مايخلون

احساس بالغربه
25/1/1429 هـ, 06:21 مساءً
مراااااااااااااااااااحب

عدنا من جديد بهالعصريه الرايقه

جاني الخبر الأكيد

النتايج يوم الثلاثاء
اللــــــــــــــــــــــــــــــــــــــــــ ــــه يســــــــــــــــــــــــــــــــــــــتر
وينجحنا على خير

ريشة فناانه
25/1/1429 هـ, 08:21 مساءً
السلااااام عليكم..ورحمة الله وبركاته

الله لايهينكن ممكن تعلمونن متى موعد النتايج ..لأنهم ماقالوا لنا شي الى الحين...

ارجو من من عندها خبر الا تبخل علينا...:eek5

بارك الله فيكن

نيران
25/1/1429 هـ, 11:16 مساءً
سمعت إنه يوووووووووووم الاربعاء ..

وأنا بصراااااحة ماأدري ....

ريشة فناانه
25/1/1429 هـ, 11:25 مساءً
هلا بك نيران ..يعطيك العافيه على الرد..

وانتظر البقيه تسان عندهن معلومات منا والا منا,,,,,,,,

حايلية بالقصيم
26/1/1429 هـ, 02:43 صباحاً
يابنات الله يعافيكم اللي تعرف شغاله زينه للتنازل تعلمني لاني محتاجتها ضروووري..

مهاوي حمد
26/1/1429 هـ, 02:46 صباحاً
السلام عليكم ورحمه الله وبركاته

الله يعطيكم العافيه

ابي ارقام خطابات ضروري

واذا ما امكن تحطون الارقام هنا

ياليت ترسلون لي رساله خا صه

الله يجزاكم خير

ضوء
26/1/1429 هـ, 04:23 صباحاً
نصيحه حبيبتي مهااااوي لاتتصلين عليهن احس مافيه ثقه يعني لو يكون الموضوع لمكم احسن من هالحريم الفاضيات ... اااسفه لو اكون تدخلت بشي مايعنين ..

المهرة
26/1/1429 هـ, 05:50 صباحاً
على اعصابنا ومااحد عنده خبر يقين كالعااااااده ماندري الا اذ نزلت النتايج الله يوفقنا جميعا يارب :rolleyes:

أمي ربة بيتٍ
26/1/1429 هـ, 08:39 صباحاً
أهلين..
سمعت انه بتنزل يوم الاثنين يعني بكرا إن شاءالله..
<<<<ادعي لي اني ماأحمل شي تراي دخلت باسم اختي عشان أردعليك..
والله يعينا ع الكليه

ريشة فناانه
26/1/1429 هـ, 12:12 مساءً
المهره

الله يفقك وينجحك يارب...

فعلا على اعصابنا...

اخت (امي ربة بيت)

الله يجزاك خير على الرد..وعساي افرح بنجاحك ...ولامعك ولا ماده

لأن ماده تجر ماده << << << !!

أحلى بنوته بالكون
26/1/1429 هـ, 03:50 مساءً
متأكده أخاف أروح ريطردوني مثل العام:eek5

الجواب الكافي
26/1/1429 هـ, 04:36 مساءً
السلام عليكم ورحمة الله..

أول مشاركة لي معاكم ،، في منتداكم المبااااارك،،

أتمنى مساعدة من خبيرات الأسواق أنهم يدلوني على محل في بريدة يبيع لبس مصري (قميص، أو لبس نوم) أو لبس هندي أو أي لبس فيه غرابة ..

شاااااااااااااااكرة ومقدرة لكن:)



اذكر ان أختي راحت لشارع الخبيب وحصلت أقماشات غريبه واشترت له أقماش هندي
وعطته شغاله هنديه علشان تعلمه كيف تلبسه لأنه ما يخاط وصار شكله روعة وهندي مضبوط
واذا تبين اكسسورات هندية قولي لمرايا ويعطيك .

الجواب الكافي
26/1/1429 هـ, 04:40 مساءً
اخواتي الحبيبااااااات

اريد ان اعرض طلبي وأتمنى أن أجد لديكم ما أريد

سؤالي

عن أماكن تواجد شنط ماركات لأجهزة المحمول

طبعاً في بريدة


ولكم مني خالص الشكر

شوفي موقع حواء فيه بنات يبيعون شنط محمول ويوصلون بعد ولانيب متأكدة اذا فيه وحدة منهن ببريدة
وانتي اتصلي على المكتبات قبل لا تروحين وتظربين مشور على لا شيء

القابضه على دينها
26/1/1429 هـ, 06:47 مساءً
الله يستر

والله أني خاايفه

مجموعة مشاعر
27/1/1429 هـ, 03:59 صباحاً
تذكار وينك ;) وش صــــــــــــأر عليك لقيتي شنطة لاب توب كشخة ولا لا

لاني ابي بعد انا:eek5 بس ماابي خربطة تقل شنطة عدة:D

شفت بالنخيل واحد قبل محل كناسكا يبيع شنط لاب توووب شفت نوع واحد سادة ذهبي ماجازت لي

هااااااااااااا بنات الي لقت شي زين تخبرنا هلا ودلوات

أم جحا
27/1/1429 هـ, 04:42 صباحاً
بنات ياليت تفيدوني بأي شي يزيل المناكير غير ....
العطور <<< ريحته قويه شوي
والمزيل <<< مخلص شوفوا الحظ

مجموعة مشاعر
27/1/1429 هـ, 04:55 صباحاً
اهلين ام جحا

اليوم رحت للنخيل وينتس:D

وراتس ماعلمتين اجيب لتس مزيل <>>>>>>>>>>>>>

تبين من الي عندي مضيتس على
لاني مااحب المناكير يخرب عندي وانا ماحطيته اعطيه خواتي
لكن جيبي قارورتس اصب لتس هههههه

يابنت الحلال ماعندتس بهاالليل الاتحطين قطعة قماش وتمسحين بعطر الجود من الماجوود
وسلانة عمرتس

سعفونه
27/1/1429 هـ, 04:59 صباحاً
وش مخليس تحطين مناكير بهليوووووول قلعتس
اقولس خربانه خربانه
حطي كروركس وان مافادحطي ديزل تراو وحده بوحده

القلب الوردي
27/1/1429 هـ, 05:06 صباحاً
عندي لك رايooo1

عيدي عليه بالمناكير (بس لازم يكون نفس اللي أنتِ حاطة قبل)

كل ظفر تحطين عليه على طول أمسحيه وشوفي النتيجة

والله هذي طريقتي إذا مالقيت مزيل وحدة بوحدة:)

أم جحا
27/1/1429 هـ, 05:09 صباحاً
مجموعة مشاعر هلا وغلا وش دراني أنك رايحه علشان اقولك
القهر أني شفته عند الصيدليه اليوم بس ماخذته ظامنه أنه عندي
بس القهر لقيته مخلص ...
على العموم أشكرك أختي مجموعة مشاعر
______________________

سعفونه ههههههههههههههههههههه
ماحطيته بلليل هع هع هع هع هع
والله العظيم مفكره أني احط كروركس بس ريحته قويه

مشكورة أختي سعفونه

رموز
27/1/1429 هـ, 05:48 صباحاً
عندي لك رايooo1

عيدي عليه بالمناكير (بس لازم يكون نفس اللي أنتِ حاطة قبل)

كل ظفر تحطين عليه على طول أمسحيه وشوفي النتيجة

والله هذي طريقتي إذا مالقيت مزيل وحدة بوحدة:)

هذي الطريقة الوحيدة ، أما كلوركس أعتقد ما راح يفيد ..!

احساس بالغربه
27/1/1429 هـ, 08:04 صباحاً
اليوم بروح النخيل وابسأل عنهم ان لقيت شنط غير العاديه>>>>>>>>>>على قولك شنط عده هههههه

بعطيكم خبر

أحلى بنوته بالكون
27/1/1429 هـ, 11:33 صباحاً
بنات ياليت تفيدوني بأي شي يزيل المناكير غير ....
العطور <<< ريحته قويه شوي
والمزيل <<< مخلص شوفوا الحظ
إذا كان مخلص المزيل جيبي مسحه طبيه لضروره((أنا جربته مره حلوه وسهله ومتوفره بكل بيت
وش مخليس تحطين مناكير بهليوووووول قلعتس
قلعتس ههههههههههههههههههههه

ملاك الروح
27/1/1429 هـ, 12:16 مساءً
مرحبا بنات كيفكم ..

حبيت اسال عن نتائج التاهيل طلعت والا لا..

ياليت تعطوني خبر..

أحلى بنوته بالكون
27/1/1429 هـ, 02:51 مساءً
حبيت اسال عن نتائج التاهيل طلعت والا لا..
مدري بس تقول أحساس بالغربه يوم الثلاثاء

فليك
27/1/1429 هـ, 03:26 مساءً
طوووووووووووووووووووووووووووووط طوووووووووووووووووووووووووووووووط
الكل يسكت جاكم الحلو المسكت


يابناااااااات التاهيل هلمووووووووو هلمووووووووووووووووو <<<ندااااااااء خاااااااااااااااااااااااص

ولا اقوولكم ماطلع خبر عن النتائج ؟
وتعاالو هوون خلوونا نتعرف

ملاك الروح
27/1/1429 هـ, 03:37 مساءً
هلا بيك فليك انا من التاهيل <<<<<<<<<<<<< احلفي ..ههههه

شخبارك يالغلا والله اني مشتااااااقه الك حبي..

انتي على اعصااابك متلي انا اقولك ناجحه من عندي..ههههههه

اميره بريدة
27/1/1429 هـ, 08:15 مساءً
بنات انا اشتركت مسابقة حفظ الاحاديث:re ويبدأ التسميع السنة :41الجايةوانا ماقدرت احفظ ولا لي خلك بس انا ودي واذاجيت ابحفظ عقلي مسافر وش اسوي:confused: تكفوووووووووووووووووووووووون :eek5

تلميذة الايام
27/1/1429 هـ, 08:22 مساءً
شكوت الى وكيع سوء حفظي ....................................... فأرشدني الى ترك المعاصي [/COLOR

اميره بريدة
27/1/1429 هـ, 09:27 مساءً
http://www.althkra.net/pic/ep/e3.gif

http://www.althkra.net/pic/ep/e4.gif

أحلى بنوته بالكون
27/1/1429 هـ, 10:07 مساءً
بنات التأهيل خبر طازج اليوم نزلن النتائج ليش يقولون الثلاثاء.أدعولى بالتوفيق

أوركيدا عيون الجواء
27/1/1429 هـ, 10:47 مساءً
حاولي كل يوم احفظي واحد
وواحد
وواحد
الين تخلصينهن

بالتوفيق

ام الحنان
27/1/1429 هـ, 11:12 مساءً
احتسبي اختي الاجر والله فرصة عظيمة
ربي ان شاالله يبي يسر لك
وانصحك من قلبي ان لاتتركيها فهي فرصةعظيمةلالالالالالالاتفوتك غاليتي
ولاتاخذي هم حددي لك كل يوم حديث او في الاسبوع خمسة او0000على حسب قدرتك امامك مشوار كبير
في امان الله ان شاالله راح تكوني مرجع لنا للاحاديث

الحزين
27/1/1429 هـ, 11:36 مساءً
بسم الله الرحمن الرحيم
والصلاة والسلام على رسول الله صلى الله عليه وسلم أما بعد:
أريد أن أخبركم بأنى لى أخ أحبه في الله وهو يريد أن يحفظ الحديث وحاول أن يحفظ ولكن من دون جدوه مع العلم انه عنده نية للحفظ وأريد أن أساعده على ذالك
افيدونى باسهل طريقه وفقكم الله
والسلام عليكم و رحمة الله
أخوكم في الله


الجواب:

المستشار : الأستاذة يمامة الوادي

السلام عليكم ورحمة الله وبركاته:

حياك الله وبياك وجعل الفردوس الأعلى مثوانا ومثواك واهلا وسهلا بك في موقعك وبين أخوتك ونسأل الله أن يجمعك مع صديقك في الجنة ويظلكما تحت ظل عرشه يوم لا ظل الا ظله ويجعلكما على منابر من نور فما أجمل الحب في الله,,



من الأسباب التي تعينك على الحفظ :

1. اخلاص النية لله.

2. اجتناب المحرمات وعدم مواقعة المحظورات .

3. العمل بالشيء الذي يحفظه .

4. اغتنام الأوقات المناسبة في اليوم للحفظ . وأنسبها عند السحر .

5. اغتنام فترة الصبا والشباب .

6. اختيار الأماكن المناسبة للحفظ .
أ/ أن يكون مُريحاً .
ب/ لا يشق على النفس المُكث فيه .
ج/ أن يكون هادئاً .
د/ بعيداً عن الأصوات العالية .
هـ/ خالياً من المُلهيات وما يُلفت الأنظار .

7. الجهر بقراءة ما يُراد حفظه .

8. إحكام الحفظ بكثرة تكريره .

9. تعاهد المحفوظ ، بإعادة النظر فيه وتكراره ، قي أوقات مختلفة .

10. المذاكرة . ومعناها : مطارحات علمية ومساجلات حديثية .

ومن فوائد المذاكرة :

أ/ هي سبب كبير للتنافس المحمود في طلب العلم .

ب/ إفادة طلبة العلم بعضهم بعضاً .

* هناك طريقتان للحفظ : (حفظ الحديث) :

1. أن يُقرر الطالب على نفسه لكل يوم حديثا واحداً .

2. إدمان مجالسة كتب السنة ، وإدمان القراءة فيها ، والجَلَد في ذلك والصبر عليه ، مع الإكثار من النسخ والكتابة وتعويد اليد على ذلك .

المهرة
28/1/1429 هـ, 12:51 صباحاً
بعد كلام _الحزين_ مانقول شي والله يعينك وييسر لك ويوفقك وتنجحين يارب
وتاخذين جائزه وتعزميننا (وصلنا لمربط الفرس) وتراي احب _السفن_ والا اذا ماقدرتي جيبي _ميراندا_
اخاف تجيبين بيبسي وانا ماحبه <<تولمت للعزيمه.......

فليك
28/1/1429 هـ, 03:06 صباحاً
ايه يقلوون بعض الاقساام بس نزلن والباقي الثلاثاء بعد السااعه 9

أحلى بنوته بالكون
28/1/1429 هـ, 09:09 صباحاً
بنات وش السالفه ليش ما نزلت النتائج التأهيل

ملاك الروح
28/1/1429 هـ, 10:12 صباحاً
احلى بنوته ..الحين طلعن روحي ...

انا مقهوره مافي احد يوديني....على اعصابي...

أحلى بنوته بالكون
28/1/1429 هـ, 10:24 صباحاً
بس مافيه أسماء البنات يعني نتائج العام فهمتي

الــبــازوكـــة
28/1/1429 هـ, 10:34 صباحاً
أحلى بنوته رحتي وما لقيتيهن؟

كانتس رايحة ... ما سألتيهم متى ..؟

.

أحلى بنوته بالكون
28/1/1429 هـ, 10:45 صباحاً
يقولون أن الأسماء موجوده <<<مدري وين يمكن حاطينه بالسقف

احساس بالغربه
28/1/1429 هـ, 11:16 صباحاً
بنات انا مثلكم مالقيت اللي يوديني

بس ابتأكد بالأول علقوها والا للحين؟؟؟؟؟؟؟؟

أحلى بنوته بالكون
28/1/1429 هـ, 11:27 صباحاً
أحساس بالغربه راح تلقينه بالسقف

احساس بالغربه
28/1/1429 هـ, 11:40 صباحاً
باركوووووووووووووولي نجحت
الحمدلله

ملاك الروح
28/1/1429 هـ, 11:56 صباحاً
مبروووووووووووووووك..

حتى انا نجحت ياااااااااااي مره فرحاااااااااااااانه..

احساس بالغربه
28/1/1429 هـ, 12:50 مساءً
مبرووووووووووك ملاك الروووووووووح

ها وينكم بنات طمنونا

احلى بنوته بالكون قلبي معك انتظرك تطمنيني

ملاك الروح
28/1/1429 هـ, 03:13 مساءً
الله يبارك فيك..

بناااااااااااااااات وينكم بشروا كيف نتايجكم..

اميره بريدة
28/1/1429 هـ, 03:29 مساءً
بنات: 12 انا فكرت:09: السنة الجاية انشاء الله ابي اسجل بتحفيظ وش رايكن:confused: تكفون ردو علي محتارة:oo

اميرة الاحساس
28/1/1429 هـ, 09:47 مساءً
ربي يخليكم بنات ويوفقكم دنيا واخرة امين الى تعرف رابط الكلية التربية الادبية
ربي يجزها الجنة تعلمنى وبعدعيلها
او تعرف تجيب شيء عن النتايج
نخبرنا كيف جابتها انتظركم يا الغاليات لا تفشلونى وتطنشونى :p:p:p:p

سهام
28/1/1429 هـ, 09:58 مساءً
للاسف ما عندي فكرة اعتذر سلام

اميرة الاحساس
28/1/1429 هـ, 10:00 مساءً
يكفى مرورك يالغلا انتظر البقية ربى يعد الى تساعدنى

طموح في أفق الظلام
28/1/1429 هـ, 10:40 مساءً
نفسي أساعدك والله بس ماأعرف حبيت أسجل مروري وبالتوفيق.....

دلوعه وتدلع
28/1/1429 هـ, 10:47 مساءً
اميره .. مااعتقد ان فيه موقع لكليه التربيه .. انا اول مره اسمع عن كذا

أوركيدا عيون الجواء
28/1/1429 هـ, 11:30 مساءً
الا فيهموقع لكليتنا
بس الدعوى صارت مسخرة و صار المنتدى موب مضبوط و سكروه
و للمعلومية موقع الكلية مالهم دخل به الكلية يعني بس للبنات

مجموعة مشاعر
29/1/1429 هـ, 10:21 صباحاً
بنات: 12 انا فكرت:09: السنة الجاية انشاء الله ابي اسجل بتحفيظ وش رايكن:confused: تكفون ردو علي محتارة:oo










انت متخرجة ومخلصة ولا قصدك بتكملين :)

ومافهمت هي مدرسةتحفيظ ولاتقصدين الالتحاق بالدور

اميره بريدة
29/1/1429 هـ, 10:28 صباحاً
انا ماتخرجت انا عمري (12) في اولى متوسط مدرسة حكومية وامي تقول ودي تنقلين تحفيظ وانا مادري وش اسوي

هــــايدي
29/1/1429 هـ, 01:19 مساءً
بنااااااااااات تكفوون نزلت نتايج التقنيه والا لا ؟؟

بالنت والا بالكليه ؟؟

تكفووووون ردووا..:eek5:eek5

ودي افرح زي الناس والخلق :D

اجمل غلا
30/1/1429 هـ, 04:46 مساءً
اهلينااات يابنات..

الله يجزاكم خير ودي اسأل عن الاجوء بمكه؟؟


تكفون لاطنشون...!!


انتظر ردكم..!!

نجديــــة
1/2/1429 هـ, 01:13 صباحاً
7
7
7
أفاا ..ماعاش من طنشك ياقلبي...!!

على حسب قول أحدهم:أن الأجواء هناك معتدله...يعني جو خياال مهب بررد ولا حر

الله يوصلكم بالسلامه ..ويسعدكم


,

مجموعة مشاعر
1/2/1429 هـ, 04:04 صباحاً
انا ماتخرجت انا عمري (12) في اولى متوسط مدرسة حكومية وامي تقول ودي تنقلين تحفيظ وانا مادري وش اسوي






هلا وغلا باميرة بريدة :)

ياحبيلتس اثرتس صغيرة توي ادري ان بالمنتدى بنوتات كبرتس :p المهم الله يحفضك

وشلون تبي تنقلين لتحفيظ مهب على الكيف لان شرطهم انك تكونين حافضة وواصلة الي هم واصلين بالقران...

وانا من رايي ان التحفيظ زينه يالله من فضلك انا اشوف خواتي الي دارسات احسن من مستوانا يوم كنا كبرهن ... وخاصة الدين

بعدين اتي عارفة ان اولى ثنوي حقت التحفيظ وناسة مابه مواد علمية زي المدارس الثانية

يعني ماعندهم فيزياء كيمياء رياضيات احياء ...

سلميلي على امك وقوايله ان شاالله بنتك تطلع داعيـــــــــــــة قولي امين:)

اميره بريدة
1/2/1429 هـ, 08:22 صباحاً
اله يعطيتس الف عافية على الرد
ويحققلتس امنياتس ويوفقتس
شكرا

اجمل غلا
1/2/1429 هـ, 02:22 مساءً
مشكوره اختي نجديه ..

ما تقصرين يا قلبي..

امين..

ملاك الروح
1/2/1429 هـ, 07:34 مساءً
هاااااااي بنوتات بريده..

بدي حدا منكن يساعدني ..

انا بثالث قسم علوم ورياضيات بالتاهيل ..
وحابه وحده تقولي وش المواد اللي راح ادرسها بالترم الثاني..
وجزاكن الله خيرا...

اختكن ملاك الروح..
ــــــــــــــــــــــــــــ

اميره بريدة
1/2/1429 هـ, 10:11 مساءً
طيب يا مجموعة مشاعر انا يعني اكمل الحفظ بس اولى متوسط ولا الابتدائي بعد:031:
ياحبيلتس ردي تكفين:114:

سوآلف حرف
1/2/1429 هـ, 11:02 مساءً
بنات بكرا حنا ان شاء الله نبي نروح لم مكه
ناخذ معنا ملابس شتويه ولا ربيعيه
ردو الله يعافيكم

اميره بريدة
2/2/1429 هـ, 08:33 مساءً
بناااااااااااااااااااااااااااااااااااااااااااااااا اااااااااااااااااااااااااااااات
وشلون احمل صور واناشيد لبريدة ستي
تكفون لاتهينون الله لايهينكم
الله يجعل الجنة مثواكم

هــــايدي
2/2/1429 هـ, 09:33 مساءً
أميرة بريدة..
من هنـــا..


http://www.buraydahcity.org/buraydah/29278_01202581926.jpg


:).....:)

BU7OOR
3/2/1429 هـ, 03:17 صباحاً
ياحبيلكم ,,

كيف أحط مع التوقيع صوت يعني لاضغطت التوقيع أو مررت المؤشر عليه يطلع صوت ؟!

هو بالفلاش ؟!

القلب الوردي
3/2/1429 هـ, 04:19 صباحاً
^
^
^
^
^
والله علمي علمك:D
بس ياليت وحدة تدخل وتعملك وتعلمني

:113::113::113::113:

رند العقل
3/2/1429 هـ, 05:55 مساءً
أبغى أنزل بريده يوم الإربعاء إنشاء الله وش رايكم بالنخيل يستاهل العنوه وإللا ........ الحاجه الثانيه أبغى أحسن مصبغة ملابس أهم شي إنه تكوي الشماغ مضبوط....... ولكم فائق إحترامي

شهد العسل
3/2/1429 هـ, 06:26 مساءً
ياحبيلكم ,,

كيف أحط مع التوقيع صوت يعني لاضغطت التوقيع أو مررت المؤشر عليه يطلع صوت ؟!

هو بالفلاش ؟!



على ما أعتقد .. وشبة متأكدة إنه بالفلاش !
لـكن .. ماتقدرين تحطين توقيع فلاش ببريدة ستي !
لأن الخاصية .. محذوفة !


:)

اميره بريدة
4/2/1429 هـ, 01:00 مساءً
شكرا يا هايدي الله يوفتس بالدنية وبالاخرة

النعزية
5/2/1429 هـ, 06:01 صباحاً
السلام عليكم ورحمة الله وبركاته

أنا أسمي النعزية
الله يجزاكم خيرأنا ماأعرف أصمم صورة لأسمي :rolleyes:
اللي تقدر تصمم لي صورة فأنا انشاء الله لن أنسى معروفة هذا أبد :025::025:
وشــــــــــــــــــــــــــــــــــــــــكـــــــ ــــــــــرا:): 12: 12

النعزية
5/2/1429 هـ, 06:43 صباحاً
السلا م عليكم ورحمة الله وبركاته : 12
أنا الله يعافيكم أبغى وحدة إذا قدرت تصمم لي صورة
لأني أنا ماأعرف أصمم:cool:
أنتظر ردودكم وشــــــــــــــــــــــــــــــــــــــــــــــــ ـــــــــــــــــــكــــــــــــــــــــــــــــــ ـراُ: 12: 12: 12:D

سمــرا الجواء
5/2/1429 هـ, 06:54 صباحاً
أبغى أنزل بريده يوم الإربعاء إنشاء الله وش رايكم بالنخيل يستاهل العنوه وإللا ........ الحاجه الثانيه أبغى أحسن مصبغة ملابس أهم شي إنه تكوي الشماغ مضبوط....... ولكم فائق إحترامي


رند وين انتي بووووووووه

وشي مصبغت ملابس تقصدين مغسلة ملابس


النخيل حلووو وفيه تخفيضات مو هينه

سمــرا الجواء
5/2/1429 هـ, 06:57 صباحاً
السلا م عليكم ورحمة الله وبركاته : 12
أنا الله يعافيكم أبغى وحدة إذا قدرت تصمم لي صورة
لأني أنا ماأعرف أصمم:cool:
أنتظر ردودكم وشــــــــــــــــــــــــــــــــــــــــــــــــ ـــــــــــــــــــكــــــــــــــــــــــــــــــ ـراُ: 12: 12: 12:D


عندتس اخو دريحم

بقسم تصاميم فنيه مــااا يقصر

سنفورة
5/2/1429 هـ, 07:18 صباحاً
السلام عليكم ورحمة الله وبركاته
كيفك اخباركم
لو سمحتوا
انا ابي ارقام نقل خاض ضروري للنقل المدرسي
وابيه يصير ثقه ومضمون ومعه محرم
ويكون رخيص
فلو سامحتوا ساعدوني ولكم كثير الشكر
وجزاكم الله خير

رند العقل
5/2/1429 هـ, 09:54 صباحاً
مشكوره أختي سمرا الجواء أنا في قريه جميله تحيط بي البراري الواسعه إيه قصدي مغسلة ملابس

kokykak
5/2/1429 هـ, 01:24 مساءً
السلام عليكم
انا من مصر وسوف ادرس فى المعهد الفنى التقنى ببريده . عايزه اعرف معلومات صادقه عن المكان والمعيشه ببريده قبل السفر اليها من مصر

تلميذة الايام
6/2/1429 هـ, 05:17 صباحاً
السلام عليكم ورحمة الله وبركاته
كيفك اخباركم
لو سمحتوا
انا ابي ارقام نقل خاض ضروري للنقل المدرسي
وابيه يصير ثقه ومضمون ومعه محرم
ويكون رخيص
فلو سامحتوا ساعدوني ولكم كثير الشكر
وجزاكم الله خير



العاديات للنقل المدرسي
ابوسعود 0500056488
ابو منصور 0503936094

هذا مالدي اتمنى ان اكون قد افدتك

رموز
7/2/1429 هـ, 01:02 صباحاً
السلام عليكم
انا من مصر وسوف ادرس فى المعهد الفنى التقنى ببريده . عايزه اعرف معلومات صادقه عن المكان والمعيشه ببريده قبل السفر اليها من مصر



إن شاء الله البنات يفيدونكـ

و حياكِ الله : )

يارب ارحمنا
8/2/1429 هـ, 01:00 صباحاً
انا مسجلة بموقع ثاني
واذا دخلت على قائمة من يتصفح الآن لقيت بعض الأعضاء عند اسمائهم علامة تشبه علامة الماسنجر يعني مرسوم شخص ولما ضغطت عليها الماوس طلع مكتوب ماسنجر ايش السالفة علما بأن الماسنجر عندي غير مفعل ياليت احد يجاوبني بسرعة لأن ماعندي خبرة بالمنتديات

شهد العسل
8/2/1429 هـ, 01:36 صباحاً
هم عارضين إيميلاتهم فقط .. !
وهالعلامة توضح بأن هذا الشخص عارض إيميله !

ماتخصك ولا في مسنجرك !

ياشين الرومانسيه
8/2/1429 هـ, 06:18 مساءً
السلام عليكم ورحمة الله وبركاته ..:D

انا جديده بمنتداكم وهذي اول مشاركه لي ولاتخيبون ظني بكم ..:bad

انا والله قمت احوم بالمنتديات ومااجاااز لي الا هالمنتدى وسواليفكن وناااسه وتوسع الصدر الله يوسع صدوركن بالعافيه ..

بطلبكن طلب وابي الفزعه تكفن ..:bad

أنا بنقل عن مدرستي القبيحه اللي كله ظلم بظلم حسبي الله عليهن ..ماتحسفت الا على دراستي :eek5

وانا بثاني ثانوي ومحتاجتن درجات تخبرون نسبه حنا :eek5


ابي اسألكن وجاوبنن بكل صرااااااحه ..ايهم أحسن مدرسة (رياض القصيم او المناهل ) ..؟؟

أبي من ناحية الدرجات ..؟؟


ياااحووووبي لكن ردن علي عاااجل :bad بكرى الدراسه وانا ماخليت احد ماسألته مااحد مسكن علم :eek5


........

صادقة الود
8/2/1429 هـ, 06:31 مساءً
..

..

وعليكم السلام ورحمة الله وبركاته ..,

أهلاً وسهلاً بكِ ..

نور المنتدى بتواجدك معنا .

انا من اللي سمعته .. رياض القصيم احسن ..

وانا بصراحه ماجربت ..

والله يعينك ويسهل امرك ويوفقك دنيا واخره ..

:)

..

..

ام هدى
8/2/1429 هـ, 06:32 مساءً
السلام عليكم

مرحبا يابنات شحالكم ؟؟

انا عندي عزومه يوم الاثنين والوقت ضييييق مرره .. وهي جت فجأه مااستعديت لها ..

والعزومه لعرايس يعني لازم احط من كل نوع مقالي ومقبلات ووووو الخ

ماخبرتوا لي حرمه تبيع طبخات ( سمبوسه / ورق عنب / محاشي / كبه وكروكيت / كمبودي ...... ومن هالطبخات )

تكفوووون ضروري طلبتكم .. اول مره اطلبكم ..

مشكورين

شهد العسل
8/2/1429 هـ, 06:38 مساءً
[ ياشين الرومانسية ]
يفيدونك البنات إن شاء الله !


وياهلا فيك بينا .. حياك الله !
بس وراتس على الرومانسية .. :113: !

شهد العسل
8/2/1429 هـ, 06:43 مساءً
السلام عليكم

مرحبا يابنات شحالكم ؟؟

انا عندي عزومه يوم الاثنين والوقت ضييييق مرره .. وهي جت فجأه مااستعديت لها ..

والعزومه لعرايس يعني لازم احط من كل نوع مقالي ومقبلات ووووو الخ

ماخبرتوا لي حرمه تبيع طبخات ( سمبوسه / ورق عنب / محاشي / كبه وكروكيت / كمبودي ...... ومن هالطبخات )

تكفوووون ضروري طلبتكم .. اول مره اطلبكم ..

مشكورين


لو كنتي بالرياض .. أفيدك من عيوني !
بس للأسف ما أعرف أحد بالقصيم .. ولعل اللي تعرف ماتبخل عليك !

ياشين الرومانسيه
8/2/1429 هـ, 07:12 مساءً
..

..

وعليكم السلام ورحمة الله وبركاته ..,

أهلاً وسهلاً بكِ ..

نور المنتدى بتواجدك معنا .

انا من اللي سمعته .. رياض القصيم احسن ..

وانا بصراحه ماجربت ..

والله يعينك ويسهل امرك ويوفقك دنيا واخره ..

:)

..

..




ياهلا بالمهلي ..:D

والنور نورتس يابعدي ..:p


تحرينه أحسن ..:confused:

انا اختي دارستن به وتقول احسن وهي ماجربت المناهل >>شوفي بس وهي وش دراه انه احسن ..!!:confused:

ووالله هالعالم حيرووووون احدن يقول رياض القصيم واحدن يقول المناهل قلت مالي الا الله ثم بنات بريده اهل الفزعات ;) ..

الله يجزاتس خير ..
والله ماقصرتي .. الله يوفقتس دنيا وآآآخره ..

والله يدخلتس الجنه بدون حساب ..:D

ياشين الرومانسيه
8/2/1429 هـ, 07:16 مساءً
[ ياشين الرومانسية ]
يفيدونك البنات إن شاء الله !


وياهلا فيك بينا .. حياك الله !
بس وراتس على الرومانسية .. :113: !


ان شاء الله :eek5

وياهلا بتس أكثر ..:)

الله يجزاتس خير ..ونورتي غنااتي ..

وبالنسبه للرومانسيه هاللي يغثونن بتصنع الرومانسيه (أحبك بتحبني ) والله مااااأطيق هاللي يسوي تسذا ..وهذا اللي عندي :D

عبــ اللافندر ــق
8/2/1429 هـ, 08:59 مساءً
السلام عليكم جميعا
ممكن سؤال للجميع أنا هذي يمكن مشاركتي الـــ 2 أو 3 يعني توي جديدة ولما سجلت قالي لايمكنك وضع توقيع ليششششششششششششش ؟؟؟؟؟ ضروري لأني أبغى أحط توقيع
اللي يعرف وش السبب أو شلون أحطه ماتبخل علي جزاكن الله خير





في انتظاركن :047: :eek::41

شهد العسل
8/2/1429 هـ, 09:10 مساءً
والله مدري وش سبب المشكلة بالظبط ..
لاكن .. حاولي مره ثانية !

وحياتس الله .. :) !

ام هدى
8/2/1429 هـ, 09:59 مساءً
السلام عليكم

مرحبا يابنات شحالكم ؟؟

انا عندي عزومه يوم الاثنين والوقت ضييييق مرره .. وهي جت فجأه مااستعديت لها ..

والعزومه لعرايس يعني لازم احط من كل نوع مقالي ومقبلات ووووو الخ

ماخبرتوا لي حرمه تبيع طبخات ( سمبوسه / ورق عنب / محاشي / كبه وكروكيت / كمبودي ...... ومن هالطبخات )

تكفوووون ضروري طلبتكم .. اول مره اطلبكم ..

مشكورين
___________

لو كنتي بالرياض .. أفيدك من عيوني !
بس للأسف ما أعرف أحد بالقصيم .. ولعل اللي تعرف ماتبخل عليك !

ياعسى خطاك للجنه ماقصرتي ..

يلله يابنات محد خابر ؟...........؟؟؟؟؟؟؟؟؟؟؟؟

المبتسمه
9/2/1429 هـ, 02:00 صباحاً
السلام عليكم ورحمة الله وبركاته ..:D

انا جديده بمنتداكم وهذي اول مشاركه لي ولاتخيبون ظني بكم ..:bad

انا والله قمت احوم بالمنتديات ومااجاااز لي الا هالمنتدى وسواليفكن وناااسه وتوسع الصدر الله يوسع صدوركن بالعافيه ..

بطلبكن طلب وابي الفزعه تكفن ..:bad

أنا بنقل عن مدرستي القبيحه اللي كله ظلم بظلم حسبي الله عليهن ..ماتحسفت الا على دراستي :eek5

وانا بثاني ثانوي ومحتاجتن درجات تخبرون نسبه حنا :eek5


ابي اسألكن وجاوبنن بكل صرااااااحه ..ايهم أحسن مدرسة (رياض القصيم او المناهل ) ..؟؟

أبي من ناحية الدرجات ..؟؟


ياااحووووبي لكن ردن علي عاااجل :bad بكرى الدراسه وانا ماخليت احد ماسألته مااحد مسكن علم :eek5


........


هـــــــــــلا وغـــــــــــــــــلى بالحلوه لاتفوتك (((( مدارس الريادة)))) بحي الزراعي حلوووووه
وامنياتي لك بالتوووووووفيق :re

RORO2008
9/2/1429 هـ, 02:09 صباحاً
السلام عليكم
لو سمحتوا وش أفضل روضه فى بريدة

اخر دلع
9/2/1429 هـ, 03:31 صباحاً
اختي ام هدى فيه ام خالد طباخه روعه ببريده بس والله ما أعرف رقمها لكن طبخها روعه روعه ومعروفه بس ممكن اوصف لك بيتها وتروحي لها
تعرفين مشغل نواعم اللي بالصفراء أذا كان على يدك اليمين يكون فيه لفه ادخلي فيها هي ثاني بيت على يدك اليسار لا تفوتك تراها تبيض الوجه وانا مجربتها

أملي بالله كبير
9/2/1429 هـ, 04:49 مساءً
السلام عليكم ورحمة الله وبركاته

ابغى اسال عن روضات الاطفال ببريدة خاصة في حي الرفيعة ..خب القبر اذا فيه والضاحي

لان الترم الثاني بدا وانا لسا مادخلت بنتي وابغاها تدخل الترم هذا ضروري

اللي تعرف اسمائهم وياليت ارقام وقوانينهم او شروطهم مثلا

افيدوني اسعدكم الله

عبــ اللافندر ــق
9/2/1429 هـ, 04:57 مساءً
مشكورة أختي شهد العسل وان شاء الله بحاول احطه مرة ثانية
وجزاتس الله خيررررررررررررررررر

بريداوية ام الهبال
9/2/1429 هـ, 09:11 مساءً
السلام عليكم ورحمة الله وبركاته

ابغى اسال عن روضات الاطفال ببريدة خاصة في حي الرفيعة ..خب القبر اذا فيه والضاحي

لان الترم الثاني بدا وانا لسا مادخلت بنتي وابغاها تدخل الترم هذا ضروري

اللي تعرف اسمائهم وياليت ارقام وقوانينهم او شروطهم مثلا

افيدوني اسعدكم الله

وعليكم السلام والرحمه..
عندتس روضة الايمان بخي انقع يعني حول حي الرفيعه..
الناس الحين منهبلين عليه...
والرقم صراحة مالي خلق اسال اتصلي على الاستعلامات ويهم يعلمونتس<,,,<جابت شي جديد..
قوانيهم مافيه بنات مع عيال يعني ذولا فسحه وذولا فسحتن اوخرىى..
والباصات ذولا قدام وذولا ورى وفيه حريم معهم بالباص..
ابلات على مستوى..
واهم شي يحرصون عليه تحفيظ القران الكريم..
ويعطونهم كل شي يعني لا تشرين له دفاتر ولا هم يحزنون..
وش تبين اكثر من تسذاتاااا..

ياشين الرومانسيه
9/2/1429 هـ, 11:01 مساءً
هـــــــــــلا وغـــــــــــــــــلى بالحلوه لاتفوتك (((( مدارس الريادة)))) بحي الزراعي حلوووووه
وامنياتي لك بالتوووووووفيق :re


ياهلا بتس زوووود ..:D

مدارس الرياده ..!!:confused:

مادري ماعمري سمعت به ..

وابوي مخيرن بين هالثنتين لان قريباتي داخلات ..فوالله مادري وش السوات ..!:eek5


ع العموووم مشكوووره قلبي والله ماصرتي ..:p

الله يجزاتس خير ويوفقتس دنيا وآآآآخره ..

المبتسمه
10/2/1429 هـ, 03:21 صباحاً
الف شكر على الدعوه وياك ياحلوه استفسري وهذي رقمها 063836180تحويله 103

والي تبغى الروضه مرررررررررره يمدحونهاااا 063836180ت تحويله 103 و104

الله يوفق الجميـــــــــــع : 12 وودي اساعد الكل

تريله
10/2/1429 هـ, 05:00 صباحاً
الاهليات بنات خوالي برياض القصيم فللللللللللللللللللللللله
و بناته احسهن اضبط من غيرهن بالاخلاق

بنت خالي كل درجاته فوووووووووووووووووووووق برياض القصيم

ياشين الرومانسيه
10/2/1429 هـ, 05:58 صباحاً
المبتسمه ..


الله يجزاتس خير ويثبتس عند السؤال ويدخلتس الجنه ..


تريله


الله يجزاتس خير ويثبتس عند السؤال ويدخلتس الجنه ..^_^

ام هدى
10/2/1429 هـ, 08:41 صباحاً
كتب بواسطة اخر دلع


اختي ام هدى فيه ام خالد طباخه روعه ببريده بس والله ما أعرف رقمها لكن طبخها روعه روعه ومعروفه بس ممكن اوصف لك بيتها وتروحي لها
تعرفين مشغل نواعم اللي بالصفراء أذا كان على يدك اليمين يكون فيه لفه ادخلي فيها هي ثاني بيت على يدك اليسار لا تفوتك تراها تبيض الوجه وانا مجرب

\ الله يرفقك ويجزاك خير ويحقق امانيك


مشكوره وماقصرتي ياعمري

ص ــمتي تـ ع ـابيري
11/2/1429 هـ, 12:47 صباحاً
السلام عليكم

حبيباتي ... أفيدوني
بمدرسة ثانوية زينة من حيث مجتمع الطالبات تكون بشمال بريدة بس ما تكون الادارة شديدة مررة
وطالباتهم ما يكونوا كثيرات مره علشان يقبولني أنا وشلتي كلنا
ويكون مبناها حكومي >>طرار ويتشرط

وبعد .:. اللي تعرف عن المدرسة 32 اللي مديرته أ.أسماء المقبل وهي بحي الاسكان تقولي موقعة بالظبط


الله يخليكم كل من تقرأ وتعرف معلومات لا تطنش
ردووو

لأني بصراحه أنا وصديقاتي محتارات ما ندري أي ثانوية نروح
والثانوية اللي تابعة لمتوسطتنا مب زينة وكل أهالينا ما يبغونه



.:045:
.................................
^^^^^^^^^^^^^^^^^^^^^^^^^^^

ايـ ق ـاع الزم ـن
11/2/1429 هـ, 01:04 صباحاً
اللي تعرف عن المدرسة 32 اللي مديرته أ.أسماء المقبل وهي بحي الاسكان تقولي موقعة بالظبط
حلوة الثانوية هذي بس ترى اسماء ماتحب كثر اللعب!!
.
موقعه بالضبط بجنب خالتي قصدي يمين الدوار الصغير اللي بين الراشديات والاسكان لاصرتي جاية من الاسكان تشوفينه وانتي بالشارع العام على الدوار..!!

الله يكون بعونكم..!!

RORO2008
11/2/1429 هـ, 09:53 صباحاً
السلام عليك
لوسمحتواأبغى أسماء روضات الاطفال فى بريدة ضرورى الله يوفقكم

شهد العسل
11/2/1429 هـ, 03:26 مساءً
إقتباس من مشاركة .. بريداوية أم الهبال :

وعليكم السلام والرحمه..
عندتس روضة الايمان بخي انقع يعني حول حي الرفيعه..
الناس الحين منهبلين عليه...
والرقم صراحة مالي خلق اسال اتصلي على الاستعلامات ويهم يعلمونتس<,,,<جابت شي جديد..
قوانيهم مافيه بنات مع عيال يعني ذولا فسحه وذولا فسحتن اوخرىى..
والباصات ذولا قدام وذولا ورى وفيه حريم معهم بالباص..
ابلات على مستوى..
واهم شي يحرصون عليه تحفيظ القران الكريم..
ويعطونهم كل شي يعني لا تشرين له دفاتر ولا هم يحزنون..
وش تبين اكثر من تسذاتاااا..


ويفيدونك البنات أكثر .. إن شاء الله !

ص ــمتي تـ ع ـابيري
11/2/1429 هـ, 03:33 مساءً
ايقاع الزمن
وووووووه يا حبيلتس بعد بس ممكن توصفين موقعه أكثر ما فهمت>>والله من الدبلة


لا أنا وصديقاتي دابات سليمات مالنا ولا علينا

و(أ. أسماء ) لا توصيننا عليه تهبببببببببببببببببببببببببل ما غير ندعيله كانت مراقبتنا وأنا بأول متوسط
بعدين راحت للثانوية هذي

ص ــمتي تـ ع ـابيري
11/2/1429 هـ, 03:47 مساءً
السلام عليكم ورحمة الله وبركاته ..:D

انا جديده بمنتداكم وهذي اول مشاركه لي ولاتخيبون ظني بكم ..:bad

انا والله قمت احوم بالمنتديات ومااجاااز لي الا هالمنتدى وسواليفكن وناااسه وتوسع الصدر الله يوسع صدوركن بالعافيه ..

بطلبكن طلب وابي الفزعه تكفن ..:bad

أنا بنقل عن مدرستي القبيحه اللي كله ظلم بظلم حسبي الله عليهن ..ماتحسفت الا على دراستي :eek5

وانا بثاني ثانوي ومحتاجتن درجات تخبرون نسبه حنا :eek5


ابي اسألكن وجاوبنن بكل صرااااااحه ..ايهم أحسن مدرسة (رياض القصيم او المناهل ) ..؟؟

أبي من ناحية الدرجات ..؟؟


ياااحووووبي لكن ردن علي عاااجل :bad بكرى الدراسه وانا ماخليت احد ماسألته مااحد مسكن علم :eek5


........


شوفي كلهم يكبون عليتس من الدرجات والعبي على كيفتس
بس المناهل أقل طالباته (يعني مب حوسة)
والطالبات مؤدبات ماعندهن لف ودوران
وبما انه بس ثانوي صايرات الطالبات أكثرهن جايات زيتس يبن درجات
مب من يوم يطلعن على الدنيا وهن بمدارس خاصة متعودات على اللعب والهبال

ملاك الروح
11/2/1429 هـ, 09:32 مساءً
هاااااااي حبايبي ..

ارجوكم ساعدوني ابغى اعرف عن المدرسه 32 الابتدائيه بالصفراء..

عن مديرتها ومدرساتها وطالباتها .. هي كويسه والا لا..

ارجوكم لا تردوني ..

انا عندي تطبيق السنه هذي وصرت بهالمدرسه ..

ياشين الرومانسيه
11/2/1429 هـ, 11:41 مساءً
شوفي كلهم يكبون عليتس من الدرجات والعبي على كيفتس
بس المناهل أقل طالباته (يعني مب حوسة)
والطالبات مؤدبات ماعندهن لف ودوران
وبما انه بس ثانوي صايرات الطالبات أكثرهن جايات زيتس يبن درجات
مب من يوم يطلعن على الدنيا وهن بمدارس خاصة متعودات على اللعب والهبال



اهاااااااااا :rolleyes:

أجل بروح لرياض القصيم ان شاء الله :D >>عاد انا ابي هبال شوي :D

مشكووووووووووووره يااابعد تسبدي ..

الله يوفقتس ويجزاتس خير ..

ويعينتس على النقل ..:bad

ويسهل عليتس ..:41

القصيم روحي
11/2/1429 هـ, 11:47 مساءً
بنات أبسألكم عن فرقة أم يوسف بالرس ( القصيم)

هم طقاقات

وأيضا فرقة أنوار الخليج معهم وحده اسمه ( نوره )

أبي متى يحضرون للقاعه ومتى يطلعون وأنفسهم زينه والا شينه

أبي كل شي تعرفونه

وأهم شي الأماااااااااااااااااااااااانه

وأحلفكم بالله لحد يجاوب الا عارف عنهم

واللي ترفع موضوعي الله يجزاه الجنه

واذا ترشحون لي طقاقات ياليت

لأني كنت حاجزه طقاقه وتفركش حجزي معه

بسبب مرض الطقاقه

ام دانه
15/2/1429 هـ, 05:52 صباحاً
صباااااااااااااااااااااااح الخير بنات

شلووووونكم ان شاءالله بخير

بنات بسالكم عن احسن مشغل فى بريده يسوي حمام مغربي

يكون شغلهم حلوونظيف



وانتظر ردودكم

ومع السلامه

تريله
15/2/1429 هـ, 06:21 صباحاً
و الله مدري بس اتوقع ان شيفون و شهد هم افضل مشغلين ببريدة

ينقل لجمالك و مطبخك هع

احساسي غير
15/2/1429 هـ, 09:48 صباحاً
يسلمووو خيتووو

وردة الكامليا
16/2/1429 هـ, 02:36 صباحاً
اللي اختبروا اختبار المؤسسة ادخال بيانات 6 شهور اللي في شهر محرم 1429
ابيكم تنزلون الاسئلة اللي جتكم في الاختبار
وكيف كانت الطباعة هل هم مركزين عليها مرة
اتمنى منكم الرد حالا الله يعطيكم العافية

غير البنات
16/2/1429 هـ, 03:48 صباحاً
مرحبا جميعا


اريد رقم نقل لجامعة القصيم


لاحدى قريباتي

ارجوا من طالبات الجامعة تزويدي

ولكم الشكر سلفا

غير البنات
16/2/1429 هـ, 02:10 مساءً
وين البنات


ياساتر كلكم ماتدرسون
؟؟؟؟؟؟؟؟؟؟؟

أم عبد الله
16/2/1429 هـ, 06:21 مساءً
بلخيرات
كيف حالكم وايش أخباركم
بنات الله يخليكم أنا وزميلتي من زمان ماشفن بعض وأهلهم مايرضو انهم يروحو للبيوت
ومالقين مكان عام نروح له!!!!!!!!!
أبغ آراكم إذا في أماكن عامه؟
وجزاكم الله ألف خير!!!!!!!!!!!!!!!!!!!!!!!!!!!!!!!!

نبع الشوق
16/2/1429 هـ, 07:15 مساءً
السلام عليكم ورحم الله ...


حي الله بنات بريدة...:41



انا ضيف جديدة عليكمـ من ديرة صغنوووونة

يقالها الغـــــــــــاط :41

هذي صوره لها تسانكم تعرفونها



http://www.arb-up.com/files/arb-up-2008-1/Sss79425.jpg


http://www.arb-up.com/files/arb-up-2008-1/ZgQ79554.jpg


زبدة الموضووووع ...



اخبر اخر مرة جيت للعثيم مول (( من زمان مالي به علم ولا خبر )):oo


اشو فيه حريم (( نســــــــــاء )) معهن اكياس هوم بلازا ..:D


عاد انا الحين اسالكمـ وين هو به ؟؟


وهل فيه فرع قريب للنخيل او لا


وبعد عندي سؤال ثاني.. <<<<<< معليش طولت عليكمـ بس تعرفون ماي علم ببريده الا النخيل وجيان بس ..:oo


لايف ستايل اللي بالنخيل مسوي تخفيضات او لا ...


واللي بتجاوب لي بكوووون من الشاكرين لها ...:p

وَرد
16/2/1429 هـ, 07:43 مساءً
ياهلا ببنت الغاط

واحد مايعرف الغاط؟؟:rolleyes:


وابجاوبك على بعض الاسئله

هوم بلازا موجود في نفس مبنى العثيم مول وتقدرين تدخلين عليه من عند السوبر ماركت

ومن برا له بوابه خاصه ولوحه كبر الجدار

ومافيه فرع ثاني قريب للنخيل


اما التخفيضات مادري عنها من زمان مارحت ان شاء الله البنات يفيدونك


ودمتِ اخيتي بود

صادقة الود
16/2/1429 هـ, 08:52 مساءً
..

..

الحمد لله تمام ,.,


اذا تبين اماكن نسائيه ..

فيه .. الوشاح .. ملاهي الاسكان ..


:)

..

..

ص ــمتي تـ ع ـابيري
16/2/1429 هـ, 09:25 مساءً
أهليييييييييييييييييين ...

حياك الله يا بنت الغاط

أما عن التخفيظات فحاليا مب فترة تخفيظات
ولا أظن فيه بلايف ستايل
مع اني منذ مبطي ما رحت له >> اجل وشوله راده


تقبلي مروري مع خالص الود


.................................
^^^^^^^^^^^^^^^^^^^^^^^^^^^^^^^^^

المبتسمه
17/2/1429 هـ, 01:42 صباحاً
مساء الورد بنت الغاط هوم بلازء عند مبنى العثيم مول
اما لايف ستايل فيه بقايا التخفيظات لاباس

ربنا يؤفقك

حجازية
17/2/1429 هـ, 03:47 صباحاً
ماأعرفه<<وده تحتسي غصب ولا وده تكثر مشاركته:D
بس انتي تقبلي مروري<<شكلتس تبين تلفعينن: 12

غير البنات
17/2/1429 هـ, 01:50 مساءً
مع احترامي الشديد لكم ولردودكم

لكن يبدو انه ولا وحدة فيكن جربت النقل

اما اللي تقول اسئلي الاستعلامات ضحكتيني وانا ماودي اضحك

المشرف شكرا لكن يبدو انه مافيه بالمنتدى طالبات جامعة

غير البنات
17/2/1429 هـ, 06:43 مساءً
كيف وصل موضوعي لذا المتاهه

المهم يابنات جامعة القصيم ياحلوات

ابغى نقل من بريدة للجامعة اللي تركب مع نقل ياريت تعطينا الرقم

والافضل غير سعودي لان السعودي مايثبت

امل المساعدة في اخر محاولة

ص ــمتي تـ ع ـابيري
17/2/1429 هـ, 08:14 مساءً
غير البنات والله يا انتي تنافخين

حسني اسلوبتس ولا دبري عمرتس

للمعلومية ما نشتغل عند ابوتس حنا

الامبراطورهM
18/2/1429 هـ, 02:45 صباحاً
بسم الله الرحمن الرحيم
السلام عليكم ورحمة الله وبركاته
تحيه طيبه ..

ابي نتيجتي من جامعه القصيم..وش لون اطلعها من الانترنت...دخلت على الموقع ومخترق..والموقع الرسمي لازم تسجيل و تسجيل ..<<والتسجيل مايعمل الحين عندهم ......

عطوني حل لان الجدول ما ينزل الا اذا اعطيتهم معدلى ...


وشكراً ..

غير البنات
18/2/1429 هـ, 08:57 صباحاً
يمه خلاص انا اشتغل عندك

استناستي اللحين

حبيتي موضوعي صار له فترة وما رد احد من بنات الجامعه

الواقع اجمل من خيال *
18/2/1429 هـ, 02:04 مساءً
ابي فزززززززززززززززززعتكن بنات بريده


من فاتحه حساب ببنك البلاد
وين مكانه القسم النسائي

ص ــمتي تـ ع ـابيري
19/2/1429 هـ, 04:38 مساءً
أعيد مره ثانية لعل يكون فيه جواب :p


السلام عليكم

حبيباتي ... أفيدوني
بمدرسة ثانوية زينة من حيث مجتمع الطالبات تكون بشمال بريدة بس ما تكون الادارة شديدة مررة
وطالباتهم ما يكونوا كثيرات مره علشان يقبولني أنا وشلتي كلنا
ويكون مبناها حكومي >>طرار ويتشرط

وبعد .:. اللي تعرف عن المدرسة 32 اللي مديرته أ.أسماء المقبل وهي بحي الاسكان تقولي موقعة بالظبط


الله يخليكم كل من تقرأ وتعرف معلومات لا تطنش
ردووو

لأني بصراحه أنا وصديقاتي محتارات ما ندري أي ثانوية نروح
والثانوية اللي تابعة لمتوسطتنا مب زينة وكل أهالينا ما يبغونه



.:045:
.................................
^^^^^^^^^^^^^^^^^^^^^^^^^^^

سوآلف حرف
19/2/1429 هـ, 09:29 مساءً
والله انا ساكنه بشمال بريده كل الثانويات شينات
نصيحه من مجربه

المبتسمه
20/2/1429 هـ, 03:16 صباحاً
بنك البلاد مقابل فندق موفنبيك. ((( ثلجه
..................................................

ثانوية مدارس الرياده هذا الي اعرفه في الشمال..(((طموحي

ص ــمتي تـ ع ـابيري
20/2/1429 هـ, 12:13 مساءً
أخت أخوها
هههههههههههههههههههههههههههههههههههههههه
طيب شنسوي نقعد بالبيت ؟!


مشكورة يالمبتسمة



أبي عروض أكثر يا كافي محد يعرف مدرسة زينة
>>وين وزير التعليم يشوف انه ما فيه مدرسة زينة ما غير ثانوية الريادة >>مدرسة خاصة

سوآلف حرف
20/2/1429 هـ, 02:56 مساءً
انا كنت ادرس بمجمع الامير سلطان
نصيحه لا تقربينه
لانه شين لا من المعلمات ولا الاداره والا الطالبات

اللؤلؤة المصونة
20/2/1429 هـ, 03:14 مساءً
ابي فزززززززززززززززززعتكن بنات بريده


من فاتحه حساب ببنك البلاد
وين مكانه القسم النسائي

فيه فرع ثاني على شارع الخبيب قريب من القرموشي

ان شاء الله عرفتيه

ص ــمتي تـ ع ـابيري
20/2/1429 هـ, 03:25 مساءً
أخت أخوها

انا حاليا بالمجمع [م 19]

والثانوية العشرون كل الناس يقولون شينة علشان كذا ما نبيه
نبي غيره :bad


هههااااي أعرفتس يا أخت أخوها ooo1
أنتي الحين نقلتي منه رحتي لرياض القصيم ...صح !!
شاكه من زمان والحين تأكدت :D

نبع الشوق
22/2/1429 هـ, 11:51 صباحاً
السلام عليكمـ

صبااااااااااح الخيــــــــــــــــر


يا بنات الله يعافيكم ابي موديلات لعبايات التخرج ابيها تكون غريييييييييييبة


الله يعافيكمـ

شهيدة المحراب
23/2/1429 هـ, 04:16 صباحاً
السلام عليكم ورحمة الله وبركاته

عاجل جداً

أين تقع المدرسة الإبتدائية العاشرة في أي حي من بريدة

بارك الله فيكم وسدد خطاكم

أنوار المنتدى
23/2/1429 هـ, 01:13 مساءً
وعليكم السلام

تقع في جزيرة العرب قرب الخليج امززح
بحي التغيرة يابعدي

اتمنى اني حققت مطلبك

BU7OOR
23/2/1429 هـ, 02:40 مساءً
هلا بنات ..

أنا عندي تصميم امتداده rar
والتمدد هذا مرفوض من مراكز التحميل ..
وابي انزلهـ بموضوع
فالي تعرف شلوون اغير التمدد تعلمن مشكووووووووورة ...!!


ترا التصميم يجنن :113:

مشرفة نشاط
23/2/1429 هـ, 09:40 مساءً
السلام عليكم...
كيف حالكم؟؟
أقول عندي مشكلة كبيرة كبيرة كبيرة كبيرة كبيرة<<وش عنده ذي الحين:d
المهم عندي مشكلة..
مثل ماتعرفون أن الوقت كالسيف إن لم تقطعه قطعك وإن الوقت من ذهب ووووووالخ
أدخل علطول.....
التوقيت عندي بهذا المنتدى مب مظبووووووووووووط
يعني الحين الساعة بالمنتدى 9:33
والساعة أصلاً8:35 مساءً
وش السوات ياخوات<<تعرف تسجع بعد:d

مشرفة نشاط
23/2/1429 هـ, 09:45 مساءً
ومشكلة ثانية بعد
أحياناً ألقى الرد حقي بأول الصفحة
وأحياناً ألقاه بالصفحة الاخيرة وش أزيييييييييين
سااااااااااعدون وإلا ترى طلعت من المنتدى<<<تهدد:mad:

الــبــازوكـــة
23/2/1429 هـ, 09:49 مساءً
مشرفة نشاط ..
المشكلة الأولى بالمنتدى كله مهب عندتس بس ..
المشكلة الثانية هو إن المنتدى به رد سريع وإذا رديتي تشوفين ردتس بآخر الصفحة لكن لا حدثتي بيصير بالصفحة الثانية .. لإن الصفحة الوحدة له عدد معين من المشاركات .. فالرد السريع يظهره لتس كأنه بآخر الصفحة لكن الأساس إنه تستحق الرد الأولى من الصفحة الثانية ومع التحديث يظهر لتس هذا ...



بحور التصميم مضغوط فكي الضغط وإرفعيه ..
إضغطي باليمين على الملف وفكي الضغط ..




.

ح ـايلـــيـة
25/2/1429 هـ, 09:41 مساءً
بحور :113:

دهـ بيأبل صيغة رار :113:

تفزلي http://www.wz63.com/up/

نبع الشوق
25/2/1429 هـ, 10:27 مساءً
السلام عليكمـ

بنات الله يعافيكمـ ابي اسماء اخرى للعقيقية

غير تميميه <<<< هذا الاسم المعتاد لكن يقولون انه غلط ..

الله يعافيكم ابيها نشاط للثقافه ..


مشكوووووووورين ...

far cry
25/2/1429 هـ, 10:40 مساءً
السلام عليكم ورحمة الله بركاته
مساكم الله بالخير :D ...
تسيف حالكم :p
ودي اسعلكم عن المعاهد ببريده ومين قد اخذت كورس انقلش ونفعه يعني عند اي معهد ؟؟:D
الزبيده وش ازين نيوهورايزن ولا العالميه ولا دايركت انجلش ..
لكورس الانقلش :D
ياحبي لكم ابي جواب :eek5
وفقكم الله ..

ص ــمتي تـ ع ـابيري
25/2/1429 هـ, 10:48 مساءً
نبع الشوق

ما عندي علم لكن تلقين في كتاب الفقه لصف ثاني متوسط
أذكر العام اخذينه

far cry
26/2/1429 هـ, 09:15 صباحاً
السلام عليكم ورحمة الله بركاته
مساكم الله بالخير :D ...
تسيف حالكم :p
ودي اسعلكم عن المعاهد ببريده ومين قد اخذت كورس انقلش ونفعه يعني عند اي معهد ؟؟:D
الزبيده وش ازين نيوهورايزن ولا العالميه ولا دايركت انجلش ..
لكورس الانقلش :D
ياحبي لكم ابي جواب :eek5
وفقكم الله ..

بيحتراء ردودكم :D
تراي عجله عشان مايصيرون مشو :eek5

يالله احتريكم يالسنعات :D

انفاسي
27/2/1429 هـ, 03:48 صباحاً
بنات ابي فستان حلللللللو ويستاهل








تكفون مررررره (مزنوقه)هههههههههه






الي عندها تصوره وعلطول علي الخاص ونتهاهم












بسسسسسسسسسسسرعه تري مستعجله











لا تنسون

انفاسي
27/2/1429 هـ, 03:49 صباحاً
ما يهم عارياهم شي فخم ويستاهل


























وينكم يالسنعات

انفاسي
27/2/1429 هـ, 03:50 صباحاً
الصور علي الخاص

حور
27/2/1429 هـ, 05:31 صباحاً
خدمك المال والبنون والزوج الحنون ابغى خادمه ايجار
بنات بريده الله يخليكم الي تعرف احد عنده خادمه للايجار الشهري او اليومي ويكون سعرها مقبول
ترشدني وترسل لي ارقام التليفون على الخاص بارك الله فيكم وادام عوافيكم

نجديــــة
27/2/1429 هـ, 02:55 مساءً
طموحي جبال:
وش رايك بالثانوية الثانية المطورة بالصفراء...حلوهـ
أعرف بنات يدرسون به يمدحونه..بس كله جد بجد
مديرته:ليلى المضيان..وألف نعم

اي استفسار انا جاهزة

,

ص ــمتي تـ ع ـابيري
28/2/1429 هـ, 01:27 صباحاً
نجدية

أشكر لك اهتمامك

كثير قالوا لي عنه خصوصا ان مستواي يأهل جداً اني ادخله

لكني ما أبغاه

لأني ما أحب أرتبط بشيء وهي اذا دخلتيه ما تطلعين منه لين الجامعة

اختك / طموحي جبال

مشرفة نشاط
1/3/1429 هـ, 12:25 صباحاً
السلام عليكم ورحمة الله وبركاته

الله يعافيكم من عنده صورة خاتم النبي تنزله لي بالمنتدى

لأني أبيه ضروووووووري

أظن إنه معروف هو اللي مكتوب به(محمد رسول الله)

جزاكم الله خير

الــبــازوكـــة
1/3/1429 هـ, 04:02 صباحاً
خدمك المال والبنون والزوج الحنون ابغى خادمه ايجار
بنات بريده الله يخليكم الي تعرف احد عنده خادمه للايجار الشهري او اليومي ويكون سعرها مقبول
ترشدني وترسل لي ارقام التليفون على الخاص بارك الله فيكم وادام عوافيكم

تم إرسال الرقم ..



.

حور
1/3/1429 هـ, 04:12 صباحاً
الــبــازوكـــة

جزاك الله الفردوس الاعلى

وبارك الله فيك

خدمك المال والبنون والزوج الحنون


انا اابغهاهي توصلها لي وتاخذها هل طريقتها كذا


والف شكر مقدما

乂♥ متفائلة ♥乂
1/3/1429 هـ, 04:38 مساءً
أهلين بنوتـــــــــااات

الله يجزاكم الجنه أبي أفضل مدرسة تحفيظ إبتدائيه بحي سلطانه أو قريب منها؟؟

ص ــمتي تـ ع ـابيري
1/3/1429 هـ, 07:22 مساءً
أختي / متفائلة

مدراس التحفيظ مب كثيرة أصلا

يعني ما عندك خيارات مدارس تحفيظ بالشمال إلا تقريباً ثنتين

التحفيظ الثامنة حلوة
وأظن تبعه سكان حي سلطانه

شموخ قلم
1/3/1429 هـ, 10:09 مساءً
أهلين يابنات كيف حالكم...
أختي far cry سألت عن احسن المعاهد لدورات الأنجليزي
أنا فرحت يوم شفت استفساره قلت جاك يامهنا ماتمنى...:41 :41
لكن مأحد رد عليها يعني مافيه أحد يعرف انجليزي هناولا وش السالفة :confused::confused::confused:
لأني ناوية أدخل بس ماأدري وش الأحسن ودي أسأل أحد داخل دورة ومخلص أبغى أسأله استفاد وتحسن مستواه وصار يعرف يتكلم ويجيد المحادثة (أهم شئ عندي واللي داخله علشانه أني أجيد المحادثة)
نيوهورايزن المستوى الواحد 2250 يستاهل سعره ولا لاء ؟خايفة أدخل ولا أستفيد بس أتخسر على الفاضي
هو فيه معاهد أقل سعر بس ماأدري هي زينه ولا لاء
على العموم أنا أبي أحسن شئ واللي أحس إني أبستفيد منه وأتقن اللغة.....



على فكرة يا far cry وش صار عليك ؟؟؟؟؟؟

نبتون
1/3/1429 هـ, 11:09 مساءً
بنات
السلام عليكم و رحمة الله و بركاته

انا بغيت مدرسة حاسب آلي عندها خبرة ببرمجة الاكسس
ياليت اللي عندها رقم تعطيني لاني ابغيها الفترة هذي ضروري الله يخليكم

بالانتظار

♡_الــعــنود_♡
2/3/1429 هـ, 07:50 مساءً
انا أختكم ♡_الــعــنود_♡ من حايل وصعبه جيتي لبريدة إلا بالمناسبات بس واللي ابغيه منكن هو ماساعدتي في اعطاءي رقم واحد يقاله أبو ناصر يشتغل عندكم بالنخيل بلازى إذا بالمنتدى خواته أو أحدى يقرب له أو وحده منكن من جيرانه والله محتاجينه قوووة وسبحان اللي يعلم بضروف عباده تكفوووون عطوني رقمه برسالة خاصة :eek5

خيالة المذنب
2/3/1429 هـ, 07:55 مساءً
اهلين خيتو العنود..

ياحبيلك ودي اخدمك بس مااعرف شي عن اللي تقولين..

ان شاء الله اقدر اخدمك بشي ثاني..

♡_الــعــنود_♡
2/3/1429 هـ, 08:37 مساءً
الله يسلمك أختي خياله المذنب ماقصرتي انتظر من خواتي الباقيات ان شاء الله يجيبنه لي .

بإنتظاركن

مشرفة نشاط
2/3/1429 هـ, 10:41 مساءً
وش دعوة:bad
ما أحد عنده خاتم النبي
يا كافي ولاجبر بالخاطر
7
7
7
7
7
7
7
7
7
7
7
7
7
7
7
7
7
أصلاً خلاص لقيييييييييييته
ومشكورييييييييييييييينض

乂♥ متفائلة ♥乂
2/3/1429 هـ, 11:05 مساءً
أختي / متفائلة

مدراس التحفيظ مب كثيرة أصلا

يعني ما عندك خيارات مدارس تحفيظ بالشمال إلا تقريباً ثنتين

التحفيظ الثامنة حلوة
وأظن تبعه سكان حي سلطانه

--------------------------------------------------------------------------------


مشكووووره ياطمووووحي

الله يجــــــــــــــــزاااك الجنه..

شموخ قلم
2/3/1429 هـ, 11:27 مساءً
أهلين يابنات كيف حالكم...
أختي far cry سألت عن احسن المعاهد لدورات الأنجليزي
أنا فرحت يوم شفت استفساره قلت جاك يامهنا ماتمنى...:41 :41
لكن مأحد رد عليها يعني مافيه أحد يعرف انجليزي هناولا وش السالفة :confused::confused::confused:
لأني ناوية أدخل بس ماأدري وش الأحسن ودي أسأل أحد داخل دورة ومخلص أبغى أسأله استفاد وتحسن مستواه وصار يعرف يتكلم ويجيد المحادثة (أهم شئ عندي واللي داخله علشانه أني أجيد المحادثة)
نيوهورايزن المستوى الواحد 2250 يستاهل سعره ولا لاء ؟خايفة أدخل ولا أستفيد بس أتخسر على الفاضي
هو فيه معاهد أقل سعر بس ماأدري هي زينه ولا لاء
على العموم أنا أبي أحسن شئ واللي أحس إني أبستفيد منه وأتقن اللغة.....



على فكرة يا far cry وش صار عليك ؟؟؟؟؟؟

وين الناس؟؟؟؟؟؟؟؟؟؟؟؟؟؟؟؟ ردوا قولوا أي شئ..

خيالة المذنب
3/3/1429 هـ, 02:04 صباحاً
اهلين شموخ قلم .. وفار كراي <<كسل اقلب ع الانقلش :113:..

انا قد دخلت نيوهورايزن قبل ثلاث سنين تقريبا ومااستفدت منه شي يسوى..يعني كل اللي اخذته زي مراجعة للي درسته بالمتوسط والثانوي.. لا ومعلماتهم عربيات.. يعني مش ولابد..

مدري يمكن لاني صرت بالفونديشن.. بس هذا على حسب اختبار تحديد المستوى عندهم..ومادريت الا عقب انهم استغلالين .. يعني اذا سويتي اختبار تحديد مستوى يخلونك ماتعرفين شي ويخلونك تبدين من الاساس عشان تستمرين معهم اكبر عدد من المستويات..

انصحك اذا انتي عندك خلفية كويسة بالانقلش لا تسوين اختبار تحديد مستوى ولا تطيعينهم..ادخلي على اللي انتي تحسي انه مناسبك من المستويات..

واحسن شي استفدته منهم الحقيبة اللي به المنهج والسيديز..

اتمنى اكون افدتكم :)..

شموخ قلم
3/3/1429 هـ, 03:19 صباحاً
تسلمين ياخيالة المذنب...........
ومشكوووووووووووووووووورة على الإيضاح..
كم مستوى أخذتي ؟؟؟وتحسين نفسك تحسنتي بالمحادثة ؟؟لأني سمعت أن المستوى الواحد فيه 12 حصة محادثة..

خيالة المذنب
3/3/1429 هـ, 04:52 مساءً
اخذت مستوى واحد مثل ماقلت لك..الاساسي..

ومااذكر ان فيه حصص محادثة.. يمكن قصدهم اللي تشغل سيدي محادثة بالانقلش زي الفلم..بعدين تشرح لنا وتناقش معنا وش يقولون..

يمكن المستويات المتقدمة افيد..

kokykak
3/3/1429 هـ, 05:13 مساءً
ليه ما فى حد رد عليا فى الكلام عن بريده والسكن فيها هل اسافر وسيب مصر ولا مش هقدر اعيش هناك

kokykak
3/3/1429 هـ, 05:14 مساءً
ارجو الرد لو فى احد موجود الان

ص ــمتي تـ ع ـابيري
3/3/1429 هـ, 05:29 مساءً
السلام عليكم

حبيباتي ... أفيدوني
بمدرسة ثانوية زينة من حيث مجتمع الطالبات تكون بشمال بريدة بس ما تكون الادارة شديدة مررة
وطالباتهم ما يكونوا كثيرات مره علشان يقبولني أنا وشلتي كلنا
ويكون مبناها حكومي >>طرار ويتشرط

وبعد .:. اللي تعرف عن المدرسة 32 اللي مديرته أ.أسماء المقبل وهي بحي الاسكان تقولي موقعة بالظبط


الله يخليكم كل من تقرأ وتعرف معلومات لا تطنش
ردووو

لأني بصراحه أنا وصديقاتي محتارات ما ندري أي ثانوية نروح
والثانوية اللي تابعة لمتوسطتنا مب زينة وكل أهالينا ما يبغونه



.:045:
.................................
^^^^^^^^^^^^^^^^^^^^^^^^^^^



غاليتي اتمنى تردون علي
لأني فعلا محتاجة

حياة نت
3/3/1429 هـ, 06:07 مساءً
:105::105::105:السلام عليكم ورحمة الله وبركاته:105::105:
يابنات:p:p القصيم الحبيبات :p:p:p
وشلونكم وشلون الدوامات معكمقررت انا وعائلتي اللي مكونه من انا :pورجلي:cool: وبنتي :084:نبي نجييكم ونسّير عليكم بعطلة نهايه الأسبوع بس ماندري وين نرووح عاد قلت مابه غير بنات القصيم السنعات يعلمنن بالمنتزهات:018: والحدائق والمطاعم:044: الزينه اللي تقود الوجه وتوسع الصدر:107: وياليت يكون بالصور

وتفكن ابيها تكون:115:حيل

♡_الــعــنود_♡
3/3/1429 هـ, 08:18 مساءً
وش دعوة يا بنات بريدة ما طلبت منكن الجنة :oo ولكن مشكورات مااقصرتن خيركن سابق :eek5

والله العظيم النت ما أقدر أدخله كل شوي بس توقعت ألقى ردود واجده منكن .

ص ــمتي تـ ع ـابيري
3/3/1429 هـ, 09:05 مساءً
أهلين حياة نت

الحكير >> مدينة ألعاب

النخيل بلازا >> مجمع أسواق

موفنبيك >> فندق بعد ما عندنا غيره خمس نجوم

سنيز >> مطعم حليو

المطعم الايطالي (جوّا الموفنبيك)

العييري بارك >> منتزه يجنن هو أحسن ما عندنا

شاليهات الخليج

شاليهات العييري

وأحسن شيء روحوا للطرفية خخخخخ


والله ما عندي صور لهن أبد
ومتعيجزه أبحث
وأصلا لو بحثت مب لاقية والله لو [الهايد بارك] خخخخ


أتمنى أكون أفدتك


*****************************

الشذى
4/3/1429 هـ, 12:12 صباحاً
الله يعافيكم بنات بريده دلوني على المحلات اللي مسويه تخفيضات وخاصة على محلات الاطفال ضروري الله يجزاكم الجنه وسمعت انو بيفتحون عندكم مبارك ستايل هو صحيح او لا؟ وشهي المحلات الزينه عندكم ؟

سوآلف حرف
4/3/1429 هـ, 12:31 صباحاً
والله عن التخفيضات ماادري عنهم
اما محلات الاطفال الزينه ماعندك الا النخيل
والبارك يبي يفتج بجانب الحسون سنتر

الشذى
4/3/1429 هـ, 01:17 صباحاً
والله عن التخفيضات ماادري عنهم
اما محلات الاطفال الزينه ماعندك الا النخيل
والبارك يبي يفتج بجانب الحسون سنتر

مشكوووورة الله يعافيك ويجزاك خير

الشذى
4/3/1429 هـ, 01:20 صباحاً
طيب متى بيفتح مبارك ستايل؟؟؟

اخر دلع
4/3/1429 هـ, 02:45 صباحاً
تو الناس على مبارك لسه مابدو بالعمار وتخبرين وانا اختك العمار يبي .... <<<< مصخنه شوي تراي

نبع الشوق
4/3/1429 هـ, 11:05 مساءً
الله يعافيكم بنات بريده دلوني على المحلات اللي مسويه تخفيضات وخاصة على محلات الاطفال ضروري الله يجزاكم الجنه وسمعت انو بيفتحون عندكم مبارك ستايل هو صحيح او لا؟ وشهي المحلات الزينه عندكم ؟



الله يحيك ..


على اني مو من بنات بريده الا اني والله اعزهن اكثر من بنات ديرتي وربي اقولها جد موب تسذب ... راح اخدمك..



والله اللي انا اخبره النخيل هو احلى مركز ببريده .. وفيه عندك زارا ... تابا الويا ... لمتد تو ... نكست ... اوكايدي ... ستي ماكس ...


هذا اللي اذكر ...



وفيه عندك بالعثيم مول .. اوركسترا ...


اتمنى اني اكون خدمتك ...

نبع الشوق
4/3/1429 هـ, 11:06 مساءً
وأحسن شيء روحوا للطرفية خخخخخ




*****************************



وااااااااااااووووتس تكفين (( طموحي جبال )) ابي صور للطرفيه ... والله ودي اشوفها من زمااان بس محد لمي كل ما جينا لبريدة اقولهم يعيون ...

فتاة نت
5/3/1429 هـ, 01:40 صباحاً
السلام عليكم ورحمة الله وبركاته

كيف الصحـــــــــــــــــــــــة يابناااااااااااااااااااااااااااات؟؟؟:rolleyes:

اللي عندهــــــــــــــــــــــا علاج مجرب لجرثومة المعدة الله يعطيها العافية لاتبخل علـــــــــــــــــي:oo

أمـــــــي تعاااااااااااااااااااااااااااااااااني منها وااااااااااااااااااااااااااجد (حالتها يرثى لها):eek5

كل ماتاكل أكل تستفرغه(الله يكرمكم):oo

ولا تقولون تراجع طبيب مااستفــــــــــــــــــــــــــــــــــــــــــــ ــــــــــــــادت!!!!:oo:mad:

متشكرة لكم مقدمــــــــــــــــــــــــاً،،،،،،،،: 12: 12

الحزين
5/3/1429 هـ, 01:58 صباحاً
اسال الله عزوجل لها الشفاء

واتمنى الاستفادة من هذا الرابط

http://www.moaid.com/Helicobacte.htm

♡_الــعــنود_♡
5/3/1429 هـ, 12:08 مساءً
اللهم صب رزقك عليها اللهم وفقها لما تحبه وترضاه اللهم وأرزقها ماتتمناه اللهم وسع لها في الدنيا والأخرة اللهم يسر لها أمورها اللهم وأحفظها بما تحفظ به عبادك الصالحين اللهم حقق لها أمنياتها اللهم إذا كانت غير متزوجه اللهم يسر لها الزوج الصالح الذي يسعدها وإذا كانت متزوجه اللهم أهدي زوجها لها وأرزقها الذرية الصالحه يارب العالمين . الله يسلمك أختي ويجعل ذلك في موازين اعمالك تسلمين يابعد عمري أنتي الله يوفقك والله ما أنسى هذا الجميل ما دمت أنا حية والله يقوين برده لك.

مجموعة مشاعر
6/3/1429 هـ, 12:25 صباحاً
بنات بريدة ارجووو المساعدة


ودي اخيط فستان حلو ونعووم الي جربت مشغل كويس تخبرني تراي احتريكم

وكمان واثقة في ذوقكم ( ابي عن تجربة مو سمعت وقريت):D

gohst711
6/3/1429 هـ, 03:31 صباحاً
لوسمحتوا يااخوات محتاجه شغاله تجيني ساعتين في اليوم او ثلاث تعطوني رقمها وابي رقم كوفيرا تجيني في البيت وجزاكم الله خير يااخواتي

فرح السعوديه
6/3/1429 هـ, 03:36 صباحاً
بنات الله يعطيكم العافيه انا من الرياض وزواجي في القصيم وابي اعرف محلات تسوي كوشه ببريده ياليت الي تعرف ماتبخل علي لاني بكره بروح القصيم واتفرج

صاحبة الحروف الأربعة
6/3/1429 هـ, 07:25 صباحاً
سووووووووووووري ماأقدر أفيدك ,,
أتمنى البناااااااااات يلبون طلبك ,, موفقه
الله يسهل لك ,,

قطراااااااااااات /

ابديما
6/3/1429 هـ, 10:05 مساءً
الله يسهل عليك**

far cry
7/3/1429 هـ, 08:56 صباحاً
أهلين يابنات كيف حالكم...
أختي far cry سألت عن احسن المعاهد لدورات الأنجليزي
أنا فرحت يوم شفت استفساره قلت جاك يامهنا ماتمنى...:41 :41
لكن مأحد رد عليها يعني مافيه أحد يعرف انجليزي هناولا وش السالفة :confused::confused::confused:
لأني ناوية أدخل بس ماأدري وش الأحسن ودي أسأل أحد داخل دورة ومخلص أبغى أسأله استفاد وتحسن مستواه وصار يعرف يتكلم ويجيد المحادثة (أهم شئ عندي واللي داخله علشانه أني أجيد المحادثة)
نيوهورايزن المستوى الواحد 2250 يستاهل سعره ولا لاء ؟خايفة أدخل ولا أستفيد بس أتخسر على الفاضي
هو فيه معاهد أقل سعر بس ماأدري هي زينه ولا لاء
على العموم أنا أبي أحسن شئ واللي أحس إني أبستفيد منه وأتقن اللغة.....



على فكرة يا far cry وش صار عليك ؟؟؟؟؟؟

هلابتس شموووخ :D

اتصلت على نيوهورايزن وسالتهم يوم مالقيت جواب هنا :oo

وقالو ان المحادثه يدرسونكم بريطانيات :41
وسالت عن القواعد قالت اردنياات
وانا الى الحين متردده بين القواعد والمحادثه
وتسانتس الى الان مارحتي لهم سالت متى يبدون قالو الاسبوع الجاي هذا عن القواعد اما المحادثه ماادري :D
وهذا خلاصة مافعلت << احلى فصحى :113:

الموهيم الا الان ماادري وش ازين شي بس جازلي نيوهورايزن :41

وان تسان مثل ماقالو انه بريطانيات اللي يدرسون المحادثه احس انتس تبي تستفدين والله اعلم ..

وانتي عاد استخيري قبل

والله يعيننا كلنا ويوفقنا :D

far cry
7/3/1429 هـ, 09:03 صباحاً
خيالة المذنب;اهلين شموخ قلم .. وفار كراي <<كسل اقلب ع الانقلش

لامايصلح العجز تراه بضغطتين ويجيتس الانقلش :090:

انا قد دخلت نيوهورايزن قبل ثلاث سنين تقريبا ومااستفدت منه شي يسوى..يعني كل اللي اخذته زي مراجعة للي درسته بالمتوسط والثانوي.. لا ومعلماتهم عربيات.. يعني مش ولابد..

مدري يمكن لاني صرت بالفونديشن.. بس هذا على حسب اختبار تحديد المستوى عندهم..ومادريت الا عقب انهم استغلالين .. يعني اذا سويتي اختبار تحديد مستوى يخلونك ماتعرفين شي ويخلونك تبدين من الاساس عشان تستمرين معهم اكبر عدد من المستويات..

انصحك اذا انتي عندك خلفية كويسة بالانقلش لا تسوين اختبار تحديد مستوى ولا تطيعينهم..ادخلي على اللي انتي تحسي انه مناسبك من المستويات..

واحسن شي استفدته منهم الحقيبة اللي به المنهج والسيديز..

اتمنى اكون افدتكم

الله يجزاتس الف خير خياليه .., وان شاء الله بنستفيد من تجربتس :D

الله لايحرمتس الاجر :41..

وعن تحديد المستويات يعني اللي زيي ميح بالقواعد ياخذ من الاول ولا :113:

ولا الاول للبزران :113:

وشقرن كثيرات خيالووه على الاجابه السنعه :D:D:D

مراااام
7/3/1429 هـ, 04:38 مساءً
مطلوب خادمه سيرلانكيه ممتاااازة:41 او مكتب ثقه في القصيم يستقدمهن ارجو التفاعل الله يوفقكم : 12

مجموعة مشاعر
7/3/1429 هـ, 05:00 مساءً
بنات الله يعطيكم العافيه انا من الرياض وزواجي في القصيم وابي اعرف محلات تسوي كوشه ببريده ياليت الي تعرف ماتبخل علي لاني بكره بروح القصيم واتفرج








السلام عليكم : 12


ماشفت طلبك للمساعدة الامتاخرة:eek5



عموما الله يوفقك وييسر امووورك يارب


المهم انا ماادري وش ذوقك :)


بس ياكثر المحلات عندك في السوق الداخلي محل لمسة اميرة وفيه بنيز بس كثيرة قراشيعهم ... عنده كوشه للي يبي يشووف

واحسن ما اعندنا مرايا ,,, فاتح محل جديد في شارع الملك عبد العزيز تقاطع الملك فيصل


: 12

اتمنى لك التووفيق ياعمري وان بغيتي اي سوال احنا بالخدمة
ارسلي ع الخاص لاني يمكن ما امر ع صفحة المساعدة

سمــرا الجواء
7/3/1429 هـ, 05:14 مساءً
القصــــــــيم مايستقدمون من سرلنكــــــا عندك مكتب المشرف في الرياض

strawberries
7/3/1429 هـ, 06:14 مساءً
&#215;

آسفة .. لو عندي خبرة أفدتك

بيعلموك الأخوات ..strawberries

,

خيالة المذنب
7/3/1429 هـ, 09:47 مساءً
اهلين FAR CRY <<انجااز بالانقلش..لا بعد كابتيل :)

انا انصحك تاخذين محادثة على طووول.. هي اللي بتفيدك اكثر.. لا وبريطانيات واااو حلووو..

والا القواعد ملينا منهن بالمدرسة.. بس بيعيدونهن عليك..

على فكرة..دانا خيالة مش خيالية..والا قصدك اني خيالية :113: شووقرن شووقرن لا داعي :113:..