لالالالا تخلي أحد يلعب عليك...... [الأرشيف]

محبكم

6/4/1423 هـ, 01:32 صباحاً

السلام عليكم ورحمة الله وبركاته

لاتخلي احد يضحك عليك.......  بس اذا كنت تبي راي محبكم ...قفل الاتصال ثم اجلس اقرأ..
 1_ دائما وابدا لاتخاف من الهكر لان الخوف معناه الهلاك 2_ اقوى واكبر واشطر هكر في العالم مايقدر يخترق جهازك الا بغلطه منك رايح تقول وشلون ؟؟ أ- مثلا عن طريق برنامج MSN hotmail يبعث لك ملف وانت تستقبله بهذي الحاله يخترق جهازك ب_عن طريق برنامج المحادثه Mirc يقوم بارسال موقع فيه الكوكيز يحتوي على ملفات باتش عشان يقوم بالتجسس على جهازك وكثير لما تدخل على Mirc تلقى ان في اشخاص يوجهون لك مواقع ويقولون لك زور الموقع هذا فيه فلم جنسي  لفلانه او علانه ( بئس الموقع ) او انه يقول لك جديد صور الممثله الفلانيه او يقول لك موقع خاص برسائل الجوال او ارسال راسائل او اي دعايه مغريه يخليك تدخل الموقع واول ماتدخل يزرع الكوكيز في جهازك طبعا في هذي الحاله ايضا لاتخاف ماراح يقدر يسوي لك شي بس الي يقدر يسويه انه يزرع لك الكوكيز عشان بالمستقبل اذا تعرفت عليه يرسل لك ملف او صوره على الايميل او المسنجر يقول لك صوره او اغنيه او اي شي ويكون هذا الملف فيه سيرفر بهذي الحاله راح يخترق جهازك اول ماتفتح الملف او الصوره او الاغنيه الي باعثها لك طبعا اذا كان عندك برنامج الانتي فايروس ومسوي له تحديث دائما راح تطلع لك رساله اول مايبعث لك الملف تقول لك ان هذا الملف فيه مشكله فلا تستقبله او احيانا مايقدر برنامج الانتي فايروس انه يخبرك بالي في الملف بس عادة اي ملف تستقبله افحصه بالانتي فايروس احسن لك (( درهم وقايه خيرا لك من قنطار علاج )) طبعا وبلا شك ان هناك طرق كثيره للهكر ان يقوم باختراق جهازك لك بالاول والاخير لازم انك انت تعطيه االأذن مثل مايقولون يعني من غير موافقتك ماراح يقدر يسوي لك شي جـ_ عن طريق برنامج المسنجر Hotmail او مسنجر Yahoo او مسنجر Icq او اي مسنجر اخر راح يبعث لك ملف وانت تستقبله فيتم الاختراق وحتى لو بعث لك وخلاص تشوف ان رساله طلعت لك يقول لك ان في احد يسوي لك في الجهاز عمليه غير شرعيه لاتخاف في حل انك تتخلص منه اقطع الاتصال بالانترنت او اطفي الجهاز وسوي له اعادة تشغيل وقول له (( اعلى مافي خليك اركبه )) بعدين في برامج كثيره حلوه للحمايه من الهكر والتخلص من ملفات الباتش والملفات الزائده حاول انك تنزلها من المواقع الاجنبيه لانها اؤمن من المواقع العربيه 3_ مواقع الهكر العربيه : هذي بحد ذاتها مشكله كبيره طبعا مثل هذي المواقع اللي يقول لك ان عنده وعنده ويسوي ويخرب ويدمر ويخوفك ويزرع الرعب في قلبك طبعا لاتهتم له بس خلك حذر منه رايح تسؤلني ليش ؟؟ انا اقول لك شوف الحيطه والحذر واجب عليك لان اغلب مواقع الهكر العربيه يقول لك تحميل البرنامج الفلاني دائما وابدا لاتحمل اي برنامج من مواقع الهكر العربيه او حتى الاجنبيه لانهم دايما هذي البرامج يكون فيها مشاكل مثل انه يحط لك فايروس في البرنامج او انه يحط لك سيرفر ويسوي لك مشكله فبدل ماتستفاد يظرك ويستفاد اهو بروحه 4_ دعايه في بعض مواقع الهكر العربيه : تشوف في بعض المواقع الهكر العربيه ان هناك اعلان يقول لك ان الزعيم الفلاني او الزعيم العلاني اخترق الموقع هذا وهذاك ويوريك انه بطل العالم في الاختراق  طبعا هذا كله طنشه ولاتخاف منه لأن الموقع اللي يقول انه تم اختراقه من قبل زعيم رابطه الهكر العربي او الزعيم او اي لقب قول له روح العب غيرها ياشاطر تلقاه انه مسوي الموقع هذا  ومسوي له دعايه في الشات لمدة معينه وبعدين يحط لك اعلان في الموقع ويسكره بخلفيه او صوره او اي شي يحطه ويقول لك تم اختراق الموقع من قبل الهكر الفلاني وهو بالحقيقه مايعرف شي ولا مخترق ولا هم يحزنون هو كل الي مسويه ان سوى دعايه للموقع وبعد فترة حط للموقع خلفيه وكتب عليها انه اخترقه طبعا هذي خرابيط وكلام فاضي بس يبي يبين للناس انه يخترق ويسوي ولو تلاحظ عزيزي القارئ ان كل المواقع اللي يحطها لك  انه اخترقها ليست الا مواقع شخصيه مجانيه انت جرب ارسل له ايميل وقول له ياحبيب قلبي انا مستعد اعطيك المبلغ الي تبيه بس بشرط ابيك تخترق لي الموقع الفلاني موقع عام يعني على سبيل المثال <A target=_blank href="http://www.hotmail.com/">www.hotmail.com</A> طبعا بهذي الحاله راح يصير وجهه اصفر وتتغير الوانه ويقعد يطلع لك مليون عذر وعذر بس عشان يضيع السالفه 5_ تحميل البرامج من مواقع الهكر العربيه : شوف ياحبيب قلبي اي موقع عربي يقول نزل من عندي وخذ من عندي طبعا هذا نصاب وكل شغله نصب واحتيال بس عشان يوريك ان موقعه ما فيه مثله ويبدأ يحط لك في البرنامج اما سيرفر او فايروس او ان البرنامج يكون Demo يعني برنامج نسخه تجريبيه فقط لاغير 6_ خدع في كل المواقع العربيه وخاصه مواقع الهكر: أ_ تشوف ان في المواقع العربيه الخاصه بالهكر بالغالب انك ماتقدر تستعمل زر الفأره الايمن ليش ؟؟؟ انا اقول لك ليش لانه ناسخ كود جافا وحاطه لك ويقول لك اول ماتضغط بزر الفأره الايمن تطلع لك رساله مثلا على سبيل المثال ((لاتلعب بالنار)) ((لاتعيدها مره ثانيه )) او اي كلمه يحطها لك طبعا قول له يابابا على مين انت تلعبها  عشان تتغلب عليه اضغط بزر الفأره الايمن ومن لوحة المفاتيح على المفتاح Esc وراح بهذي الطريقه تتخلص من مشكله زر الفأره الايمن ب_يقول لك مثلا (( لاتضغط هنا )) او (( لاتمر من هنا )) او اي شي ثاني واول ماتحط الفأره او تعديه على المكان راح تطلع لك رساله (( ها انا شقلت لك )) ومن الكلام هذا وراح تطلع لك من بعد هذي الرساله على الاقل عشرين او ثلاثين رساله وبالاخر يفتح لك برنامج المراسله Out Look ومكتوب فيه الايميل لصاحب الموقع مع كلمة انا اسف او انا اعتذر او اي شي ثاني من رسايل الاعتذار بس جـ_ وفي بعض الاحيان تلقى مكتوب لك اكشف عن ملف C في جهازك طبعا هذا ايضا جافا ولو تلاحظون ان موقع الـ Hotmail يستخدم هذي الجافا بالمسنجر لما ينلغي لك الايميل او ماتشيكه لمدى شهر او ان واحد يفجر لك الايميل طبعا كل هذي الحركات جافا في جافا لا اكثر ولا اقل وهي حركه حلوه عشان الناس تخاف من صاحب الموقع ويعتقدون انه هكر قوي وشاطر د_ طبعا في الكثير من حركات الجافا المخيفه والمرعبه لبعض الناس الجدد على الانترنت او حتى القدامى بس تكون حركه مخيفه ومرعبه للي مايقرى ويتعلم من المواقع والناس الي مرة عليهم هذي الحركات وهذ الحركات لا تغني ولا تسمن من جوع .
منقول بتصرف مني
 
محب الجميع
 
محبكم
 <?xml:namespace prefix = o ns = "urn:schemas-microsoft-com:office:office" /><o:p></o:p>