احسن مطعم لواحد عريس يكون نظيف

[احمدالفايز]

انا رجال مابطيت متزوج وابغى مطعم يكون نظيف ويستاهل ان الواحد يشق مخباته عليه بس لاتقولون موفنبيك

[جــواد الــفـــجــر]

سنيز مطعم راقي جدا يوجد مكان للعوائل

[وحيد100]

السلام عليكم

بارك الله لك وعليك وجمع بينكما في خير ..

اتصل على مطعم سينيز وخله يصلح لك طبق العروسين .. وحدد له متى الوقت اللي تبيه يوصله لك ، صراحة أكل نظيف وطريقة طبق العروس متعوب عليه .. تهانينا . .

بس وأنا أخوك أرخ ريالك ورقم مطعم سينيز ..
3696770
أو
3696990

عندي الرقم قديم وما تأكدت منه يمكنك زيارتهم على طريق الملك عبدالله بس نصيحة خله يجيب لك العشا في البيت لأن المطعم العائلي مزحوووووم ويمكن تحتاج تنتظر حتى يفضا لك محل وغير كذا أم العيال الله يخليها لك ما تآخذ راحتها ..

الله يهنيكم لبعض ..

تحياتي

[مجد نت]

مطعم فطيرتي أنظف شي الموقع حي مشعل

[ابن السكري]

فيه بوفيه بشارع الخبيب يحبه قلبك

[عبدالمجيد الراشد]

بصراحة طلبك مو موجود في بريدة مع الاسف الشديد !!!!

[احب البروالمزيون]

رح لم البحار اللي مقابل سوق الخضره من الشرق ................

انت منسم تدور مطعم راقي ببريده ........ تو الناس على التطور يمكن اعيال اعيالك انشاء الله يلقون مطعم ببريده راقي

[حجر]

مطعم سينيز

[فنتاستكـ]

مطعـــم فيشــــون
على كيف كيفك...
وحلو مرة للعوايل...
وإذا ودك نجرب قبل أنا وإياك -تعزمن- علشان ما تتوهق بأم العيال فما عندي مانع..;)

[عنود نجد]

ووووووين تحسبك في الرياض
ماعندهم غير سنيز وشيزي
ويفتخرون فيه

[رواق]

وانا اخوك لاتستعجل على المطاعم وتحط علىنفسك سلم
ترى الحريم ما ترحم والعودعلى اول ركزة:i121
وفرقريشاتك تلقاهن لشي اهم :41

[الـراصـد]

يابوحميد مطعم يستاهل ببريدة يكون للعائلة فخم ونظيف وبأسعار معقولة مع الأسف لم ينجح أحد !!

لكن فيه مطعم شيزى يمشي الحال ...وننتظر مطعم عمو حمزة إن شاء الله ...


((( الراصد )))

[مجنونه بس حنونه]

السلام عليكم جميعا

معلييش أخووي انا مو من بريده انا من عنيزة بس حبيت اساعدك لاني كثير اتعشى انا واهلي في بريده :D

وهذانا ننتظ الصيني اللي عيا لايفتح
لكن انصحك بسينيز رايق وينفعلكم ان شاء الله واسعاره مرررررررره حلوة والله يوفقك يارب

فمان الكريم......: 12

[حديث الساعة]

وينكم عن فيشون مطعم راقي

واكلهم لذيذ ,,,

[ولد النور]

فيشون فيشون فيشون فيشون فيشون فيشون فيشون فيشون فيشون فيشون
أحسن مطعم بالعالم
الموقع
حي الاسكان
قبل ميد على يمين
اذا كان وجهك شمال

[بقايا ذكريات]

أهلا أخي [ أحمد ] .. المطاعم لا تبهرك اشكالها .. فهناك فن ومذاق ..

لديك مطعم إسمه [ مطعم بيروت ] .. مقابل البرج بمحلات نادي الرائـد .. ويوجد قسم للعوائل
المطعم رائـع جداً ..

وكذالك لديك مطعم [ فيشون ] كذالك رائـع ..

[:: رويــال ::]

مطعم بيروت
لعلك تقصد يأخي قمر بيروت

[جــواد الــفـــجــر]

1-مطعم سنيز
2-مطعم فيشون
3-قمر بيروت

[ahoak2002]

اولا اقول بارك الله لكم وادام السعاده لكم.....
ثانيا اقول بلا مطاعم وخلووووووووها حركات في البيت ونفخ وضحكات ولا مطاريس المطاهم كل مطعم فيه مشاكل والتسمم كاثر الإيام يعني البعض يأكل بدون :( المهم أنتم الآن جدد والطريق أمامكم
تحياتي لكم بالتوفيق لكم

[ابوعمار المزيون]

والله الصارحه يقولون أن مطعم الخضير في شارع الثلاثين مضبوط الموقع بالفايزية
أو مطعم الفوزان اللي في الفاخرية

أنــــــــــــــــــــــــواع الامراض

ولكم تحياتي

[سليمان العقيل]

لا أعلم.. فأنا بالرياض.

[ahoak2002]

الرجل ضرب على الوتر الحساس هذاااااااااااااااا
والبعض ما يرحمممممممممم

[دعبل نجد]

بارك الله لك وبارم عليك وجمع بينكما بخير . . .
تهانينا . . .

[الســـــراج المنير]

شف وانا اخوك

[أبو عزوز]

لا تدور غير رشوووش

[Mohd2003]

سينيز جيد

[زرزور]

السلام عليكم

مبروك اخوي احمد وعقبال الثانيه والثالثه والرابعه ((((( امزح واحده والله يخليه لك ويخليك له قل امين ))))

اسيرة الذكرى

رد في محله على العربجي .

اخوي احمد خذ الثايه ورح انت وياه لم الركيه و خذ لك كيلو لحمة حاشي لا ومن قويصرة.
ولا مانع من اخذ اسياخ كباب بدل الحاشي على شانك طاف في العرس.

فيه

فيشون حلو مره

شيزا حلو بس النظافه لك عليه.

والمطعم الصيني متى يبي يهج بيبانوه

وعندي لك مطعم حلو جدا جدا

مطعم طوكيو على طريق العروبه اول ما تفرق من طريق الملك عبدالعزيز يمين لم العروبه شفوه على يمينك.

[منبر الدعوة]

سينيز

[زكام]

والله ونا خوك فيه مطعم حلو توه فاتح قسم العوائل

الصراحة أنا دخلته حلو مرة

ديكور + نظافة + أكل لذيذ = صب ومي / سرفت بيتزا

الراشديات طريق عمر بن الخطاب بعد إدارة الدفاع المدني

صب ومي : 063835577

سرفت بيتزا : 063829666

انتظر ردك

[المنطول]

عندك سينيز ديكوره حلوه واكل ماشاء الله .. على فرفرتي بمطاعم الرياض وكثرها مالقيت مثل طعامة اكل سينيز

وعندك قمر بيروت ممتاز

ولو تبي تهف لعنيزه برضو عندهم مطعم وحيد http://www.buraydahcity.net/vb/images/smilies/biggrin.gif
اسمه ( مطاعم خمس نجوم ) ماعليه ممتاز

بالتوفيق :)

[أبو سليمان55]

والله ما أعرف إلا كودو
ههههههه

[ليالي نجد]

فندق موفنبيك فيه بوفيه النفر ب125

[zaad2006]

السلام عليكم
ودي اسال عن مطم فيشون اول مرة اسمع فيه
حلو والا لا- واصنافه عباره عن ايش -وهل يوجد به قسم عائلات وايهم احسن هو والا سينيز لانى جرب سينيز عادى جدا

[المنطول]

اخوي زاد 2006 بالانجليزي

سبق اني تعشيت بمطعم فيشون .. وبصراحه ماجاز لي اكلهم
يمكن عشاني ماحب الاكلات الهنديه وهم متخصصين بالاكلات الهنديه وعاد انت وذوقك
بالنسبه لديكوره هو ماعليه حلو ولاكن اهم شي المضمون وهو زي ماقلت لك

نعم فيه عوائل

تحياتي لك

[متابع]

وكل هالرجه عشان مطعم اجل لو تبي تسافر وشي تسوي تعمم على الديره هههههههههههههه
انا بالنسبه لي اخذ عيال لداجن كل شهر نصيحتي لك خذ حقك من الطلعات مع المدام قبل يجونك البزران

[abo suliman]

إقتباس:
مطعم بيروت

لعلك تقصد يأخي قمر بيروت
__________________

(همس المحبه سابقاً)

الله لنا .. يأبو عميرة ..
ماغير تعشينا .. من بيتزا أم .. ولا تجيب ذاك الفصفص المروح .. هههههههه

أما بالنسبة للسائل حفظه الله ..

فأقترح سلسلة مطاعم ومطابخ .. ( قرية التوت )

وفروعها في الفاخرية . و . الصفراء . و المنتزه .


كول الود >>>>>>>> مطعم جديد هوع هوع