وشو احسن مطبخ ببريده

[عيار]

السلام عليكم
عندي مناسبه واستاجرت استراحه في الشمال (الراشديات او المشيقحيات)
وابي احد يدلن على مطبخ زين مايفشلن عند ضيوفي وشكرا لكم

وابيه يكون ثقه مايغير خروفي ويحط بربري
<---اول مره بحياته يعزم وعشاء والدين بعد

[ولد_الصفراء]

مطبخ السلمان

[ajmn]

عندك الصواني .. و على الطريق . . بالفرع الجديد . . حلو و الله . .

[رسيل الخير]

مطبخ أمي
تعال وشف السناعة

لكن ريدان بمكة لايفوتك ويستاهل العنوة
باختصار ... انقل العزيمة لشارع العزيزية وخيرهم بين البيك أو ريدان
وكذا تكرم أهل بريدة

[وبيص مسك]

الروشن كويس

[smsleem]

أعتقد ان المطبخ الي يبي يبيض وجهك قدام ضيوفك (( مطبخ الطابخ )) ..

جربته العام الماضي للعيد ما شاء الله لحمهم ولا أطيب ورزهم نثرية يحبها قلبك ..

والدليل على جودته انه مقفل الحجز ليوم العيد من شهر شعبان ..

وفروعه : المطى بجنب مديرية الزراعة .. والفايزية مقابل الزاد الخيري
(( اسأل مجرب ولا تسأل طبيب ))

[البصيرية]

أعتقد ان المطبخ الي يبي يبيض وجهك قدام ضيوفك (( مطبخ الطابخ )) ..

جربته العام الماضي للعيد ما شاء الله لحمهم ولا أطيب ورزهم نثرية يحبها قلبك ..

والدليل على جودته انه مقفل الحجز ليوم العيد من شهر شعبان ..

وفروعه : المطى بجنب مديرية الزراعة .. والفايزية مقابل الزاد الخيري
(( اسأل مجرب ولا تسأل طبيب ))



كلام صيح

الطابخ رهيب جدا

أنا أتعامل مع فرع المطا بجوار المقبرة من الجهة الشمالية و غرب وزارة الزراعة


..............
.....
..
.

[شأس بن دثار]

مطبخ الفايزية بطريق الأمير سلطان [ شارع الثلاثين ] مقابل بندة
الوالد يتعامل معه وكذلك أنا

[جــواد الــفـــجــر]

أقول لا يفوتك [درة المطاعم والمطابخ]أول طريق حويلان والله يا عليه طبخ الله لا يضره لا الرز ولا اللحم ما شاء الله

[اخو دريحم]

ولاتنسون مطبخ الخليفه طريق خضيراء شرق حي السلام (وهوطان)

[ميمون]

خذ لك أي مطبخ .. لكن انتبه من مطبخ الخلوج ..
تراه يبي يفشلك ويخلي وجهك عند ضيوفك كبر الظفر ..
جربناه وبانت لنا خباياه .. طبعاً غير انه متأخر بالعشاء ساعتين ، والساعتين هذي ممكن تكون خمس لولا إن اثنين من الشقردية قعدوا فوق راسه لين حملهن بالسيارة ، وطبعاً التوصيل صار علينا ..
أقول غير هذا لقيناه منقص بادية .. يقول قضن البوادي .. !!!

والطابخ مثل ما قالوا الإخوان .. ممتاز ..

تحياتي

[waleed631]

أنا ماجربت لكن يمدحون مطبخ (((((((الخلوج)))))) في طريق الملك فهد

[لخرشة]

هلا أخوي عيار !!
أنصحك لا تعدى الديرة مطعم يبيض الوجه

[waleed631]

مطبخ الخليفه جنوب دوار خضيراء الواقع بحي السلام

[سوآلف حرف]

الروشن حنا متعاملين معه بالاعياد ولااجتماعات الكبيره
لا تتدعاوه
فرع حي البشر

[مفتاح 14]

شف يالعيار

امنول عيسى والله مادري وين راح عليه طبخ ماشاء الله عليه وعيسى على فكره من ابناء البلد

والحين ياطويل العمر والسلامه اقمز بخروفك اوتيسين من الطيبات وانحر مطبخ ((الروشن)) شارع الثمانين

وخل السوداني هو اللي يطبخ لايطبخ غيره ترى طبخه ماشاء الله عليه عليه نفس وتراك تبي تشم ريحه الطبخ الزين

من قبل ماتدخل المطبخ وهو مشهور ومعروف لااوصيك اطمر بالذبيحه وما راح تندم وتبي تتجمل عند اضيوفك

[الوساااام]

لا اوصيك (( مطبخ فندق السلمان)) اذا كنت تبي تبيض الوجه .. بس غالي حبتين ...!

[مصيطر]

لاتبلشوننا ماهمكم الاابطونكم

[ابوسعودعبدالله]

غريب بعض الناس دائما شغله النقد والاستهتار
كمايقول ابن تيميه بعض الناس كالذباب لايقع الا على الجروح
ياخي خل الناس على راحته تطلب اللي تبي طالما انه مباح والرسول صلى الله عليه وسلم باكرام الضيف
حط حيلك بالفساق وناصحهم لاتقعد تكرهم للدين
وكما قيل من تدخل فيما لايعنيه لقي والايرضيه

[عليوه]

والله وناسه صارت دعــأيه
انا اقول لاتدور غير مطبخ الروشن الي بالفايزيه ومطبخ المعازيم الي بالبشر
وبالعافيه

[ẦβǾŨĐỸ]

الروشن فقط

[عبدالرحمن الشدوخي]

كانك ما قضيت من العزيمة

لا يفوتك فندق السلمان أو مطعم الضباب

كلهن عن تجربة شخصية مني .


وبالعافية

[الجولانالفارس11]

بصراحه المطابخ كثيره ولكن هناك استغلال ورفع الاسعار بدون داعي,,,,
عموما هناك مطبخ قصر العزيزيه افضل واقل سعر
وهذا رقم هاتفه اذا اردت الحجز063251011

[وافي1]

الأخ ( عيار ) شكلهم ضيعوك ورحت بــ ( الطوشة ) لكن وش رأيك أختصر لك وخذ أحسنهم بالترتيب :
1- السلمان ( غالي شوي )
2-الروشن ( يكد عليك ..ولا يوصل وبالعين قطرة) .
3- درة المطابخ ( غير منظمين وعادي يجيبون لك بوادي غيرك تأكد من الاسم .. والسوداني اللي يوصل مامعه جوال لا ضاع دور واحد بالشارع وكلم منه وراح ثم تبحل مع اللي اتصل عليك )
4- درة المطابخ ( أنت وحظك من الشخص اللي يطبخ لك )
5- الضباب توصيل ممتاز ومواعيد تمام وتجهيزاتهم عالية .. ( لكن طبخهم لك عليه ويكثرون الملح )
الباقي ما أعرف عنهم شيء .
وبالعافية والهناء ولا تكثر التفكير اجزم للأقرب ..

[محلق توليت]

صح لسانك ابو عبدالله

أقول لا يفوتك [درة المطاعم والمطابخ]أول طريق حويلان والله يا عليه طبخ الله لا يضره لا الرز ولا اللحم ما شاء الله

بالفعل انا جرب درة المطابخ

بس بقولك شغله اغلب المطابخ عليهم ضغط ومستعجلين على تخليص الزبون وتلاحظ ان اغلب الرز يكون حب

لان كل واحد مستعجل على عيده

وانا خبرن لك واحد سعودي يطبخ في بيته هو وام العيال وبناته مسوي له مطبخ متكامل بالبيت

بس مادري عنه هو يطبخ بالاعياد ولا لا

[التويجري]

لاتنسى بشاور الضباب شي فظيع ..

[abo-Khaled]

;755394']أقول لا يفوتك [درة المطاعم والمطابخ]أول طريق حويلان والله يا عليه طبخ الله لا يضره لا الرز ولا اللحم ما شاء الله

انا ااايدة الصرااحة اطلق مطعم لايفوتك

[المهند جرافيكس]

حياك الله أخي جربت التالي :

مطبخ الروشن ..

مطبخ الضباب ..

مطبخ الديرة ..

مطبخ الصواني ..

مطبخ درة المطاعم ..

وخرجت بالترتيب التالي :

1- الروشن
2- مطبخ الديرة
3- الضباب
4- الصواني
5- درة المطاعم

ولك حرية الاختيار ..

[فارس الصوتيات]

مطبخ الحرمين وليتك تلقى حجز عنده

[الــلــــــــورد]

--------------------------------------------------

[( مريحل )]

انا جربت مطابخ كثيره

ومنهن اللي ذكروا الشباب

لكن جربت مطبخ واحد والان لي اربع سنوات ماتعداه

ان جيت بالمواعيد فخذ رجل

وان جيت بالبوادي فهن يقودن الوجه مهب مثل بعض المطابخ اللي بهن صنق واللي منطعج

وان جيت للطبخ فحدث لاحرج والمقبلات فهن عزالله يقودن الوجه

(وهـــــــــــــو مــــــــــطــــــــابــــــــــــــــخ الــــــــــــــــديـــــــــــــرة)

[أبوسعودالقصيمي]

بس وقففففففففففففف عندك


مطبخ (( الطريمان ))

لا تدور غيره


س ق و

[كب كب 542]

انا جدددددددددددددددددددددددديد ارحبو

[الشمس المقمره]

مطبخ (((الطابخ)))

[فـالـكون]

مطبخ الروشن بحي البشر ببريده

[احمدالفايز]

الله يعيننا واياك والله من الغثا ورا هالمطاعم مره تاخر ومره ماجاب ماء والاعظم لاصار ماهنا دلوله

[المهند جرافيكس]

عموما مطاعم الروشن تفي بالغرض وزيادة ..

في جميع فروعها ..

[الوساااام]

الدانوب بالضاحي لايفوتك رهيييييييييييييييييييييييييب

[@الدعساوي@]

مرحبا اخوي تبي أفضل مطبخ من كل النواحي وهو الوحيد بالقصيم الي يطبخ كل ذبيحة بقدر لحالة وطبخة الله لايضره
روعة روعة روعة وجربته وجروبوه كل الأقارب وكل يثني عليه. وبالنسبة لتوصيله ولا اروع دقة في المواعيد والوصول بالساعة المطلوبة وهو مطبخ (((((الـــــقـــــافـــــلة))))) بحي المنتزة الشرقي جنوب دواراالشؤون الاسلامية والاوقاف غرب كلية الاعداد

[ولد ابو عبدالله]

مطبخ الخليفه او الفهيد

الخليفه:

مثل ماقالو بعد دوار خضيراء

الفهيد:
قيل الاشارة التي قبل جامع ابن صبيح

[ابوإياد]

مطبح ابو سطام الفايزية

مقابل بنده من الشمال

شارع الثلاثين

[ساري والقلب خالي]

مطبخ ركن الجزيره بالضاحي يملا الباديه عيش ولالالايبدل الخرفان اسأل مجرب الوالد مايبيعبه ولا يشريبه

[A_123]

الروشن ممتاز

[الخفاش]

مطبخ البيت
اشفه لمنك حطيت السنيدي الفرع الكبير على يسارك وانت رايح جنوب تجيك الاشاره
رح معه يسار يجيك هو على اليسار على طول

[مشــــــــــــتاق]

السلمان لا يفوتك بس غالي حبتين و عليه رجل

[القائد في الظل]

مطابخ السلمان مجرب وثقه