اين يقع حي المليداء ؟

[سنة السبلة]

السلام عليكم ورحمة الله وبركاته ..
سؤالي لكم يااهل بريدة الكرام ..
حي المليداء اين يقع واسهل طريق للخروج اليه وتويف دقيق جداً لاني من خارج بريدة وكم يبعد تقريباً عن وسط بريدة ؟
وماذا عن سٌكان الحي ؟
وهل يوجد سكن هناك لمن اراد السكن ؟

[العجاز]

حي المليدا يبعد تقريبا ثلث ساعة عن وسط بريدة يقع بالقرب من المطار
سكان الحي لااعرفه لكن الحي كبير وفيه سكن وفيه مدارس
اما الوصف مااقدر اوصف لك لاني ماادري من وين انت قادم

[almshtag_896]

حي المليدا يقع بالقرب من جامعة القصيم بالقرب من المطار
وتذهب له عن طريقين الاول عن طريق الملك فهد بن عبدالعزيز ال سعود
لين ياتيك المطار
والثاني عن طريق الملك عبدالعزيز
حتى تاتي الجامعة لكن ماعرف وين بالضبط تريد بالمليدا
إن كنت المليدا الذي تسكنه البادية وفيه مدارس
حكومية

فانت تذهب عن طريق السويلمية تذهب بطريق الملك فهد غرب حتى ياتيك الدائري ثم اطلع يمين حتى ياتيك مفرق السويلمية ضراس ثم تنزل وتدخل من عند النفق غرب تبي السويلمية حتى ياتيك المليدا
اقرب سكن للعزاب سكن الراجحي بالقرب من بترومين وجامعة القصيم
لكن المسافة بعيدة شوين خذ حسابك

[( أنا غير )]

إذا استمريت على طريق الملك فهد ، يجيك مصنع (مياه هنا) على اليمين .
""""""""""""""""""""""""""""""""""""""""""""""
وفيه شارع قبله يذهب إلى اليمين ، تستطيع أن تذهب مع ذاك الطريق الموصل للحي المراد .
""""""""""""""""""""""""""""""""""""""""""""""""""""""""""

[ابومحمد605]

إذا استمريت مع طريق الملك فهد لين يجيك دوار اطلع معه يمين وأنت تمشي شف الحي اللي على يمينك بعد كيلوين
أو أقل ، أما بالنسبة للسكن فأنصحك إنك تسكن داخل بريدة لتوفر كامل الخدمات والمتنزهات ومكان آمن و لأن المسافة قصيرة تقريباً ثلث ساعة .
حياك الله بين أهلك واخوانك

[ابو شرين]

اغلب السكان موظفين في دوائر قريبة من الموقع مثل العسكر حقين القاعدة اللي عند المطار طلاب جامعة الخ

[شعلة بريدة ستي]

على طريق الملك فهد من الشمال

[عاطل كوم]

إذا استمريت على طريق الملك فهد ، يجيك مصنع (مياه هنا) على اليمين .
""""""""""""""""""""""""""""""""""""""""""""""
وفيه شارع قبله يذهب إلى اليمين ، تستطيع أن تذهب مع ذاك الطريق الموصل للحي المراد .

[معاذ 888]

والله ياهو داخ من التوصيف .

[فانتزيا]

الله يصلحكم داخ من توصيفكم أقول
مقابل مطار القصيم لا تقولي ماتعرف المطار ههه
والحي هادي وقريب من كل شي تبي بريدة حذفت حصى تبي البكيريه جنبك تبي الجامعه جنبك

[غريب احساس]

اغلب السكان موظفين في دوائر قريبة من الموقع مثل العسكر حقين القاعدة اللي عند المطار طلاب جامعة الخ

اي قاعدة

[تاتا ح ب هـ186]

قصدك شركة يقولون
تقع طول الله عمرك مثل ماقال عاطل كوم
قبل مصانع هنا على طرق الملك فهد قبله سيدين
ادخل معه ينزلبك على المليداء