تــعـــال إلى حيث الرعـــب :: هذه القصة برعاية خوي السرور ::

[خوي السرور]

سلام عليهم ::

حيهم وبقهم :: >>>> بقهم ولا ذبانهم >>>> ذب أنهم ولا أجدع أنتم >>>> حاول أنك ماتنكت واجد >>> سم طال عمرك :051:

.................................................. ...........

عندي لكم اليوم قصة من تأليفي وهي على أجزاء تساني شفت تفاعل كملته ولا قطعت التأليف >>> الظاهر أنه الثانية :113:

المهم القصة تقول :

في ليلة من الأيام .. كان الجو صحوا والناس نيام ..

إذا بجوال محمد يرن ويرن :: ترررررن بيييييييق ترررررررن بييييييييق >>>>> بيق يعني هزاز على الطاولة :113:

ألتقط محمد جواله ونظر للشاشة فإذا بالمتصل هو ابن عمه صالح ..

محمد : أهلا بابن عمي ..
صالح : هلا والله ولد عمي ..>>>>>>>> ماتلاحظون أنهم فرحين أنهم عيال عم :113:
محمد : هاه وش تبي ..
صالح : سمعت اليوم أن بش دوران بشارع شرحبيل اللي بالمنار وراح يصير به شغل عدل مدل ..
محمد : لا ياشيخ متى أولالالالالالاهـ ؟
صالح : هالحين يبون يبدون ..
محمد : زين تراي جايك ياولد عمي >>>> :113:

خمس دقايق ومحمد يطنب عند بيت صالح .. غييييييييق غيييييق >>>> هذا صوت البوري ..

المهم طلع صالح وركب بسيارة محمد ( لاتفوتكم صورة السيارة ) :

http://i170.photobucket.com/albums/u253/whatcar/im052.jpg

المهم مشوا وراحوا لشارع شرحبيل .. وهم بالطريق لقوا باكستاني يمشي بسيارته :

http://www.buraydahcity.org/upload/16507_01184513188.jpg

ومير يجدعون عليهـ قوارير البيرة اللي معهم .. طراخ طع طننننننننق ..

أبو بكس يحول وقف وهو مايدري وش السالفة وقعد يحك اذنه بالمفتاح يفكر وش يزين ، ووش هو مسوي بهم علشان يسووون به تسذا ، عاد يقول بنفسه : أنا زرب هازا بزورهـ كسّر جدار :081:

ايه ويشغل النسنس ( اسم الدلع حق سيارته ) ويلحقهم ..

المهم خويانا ذولا كملوا طريقهم لشارع الدوران .. ويوم وصلوا أثر به مقاوم بين ددتسن وهيلوكس :

http://www.t63ys.com/up/grraf/mgawmat/hle&ddsn/hlevsddsn022.jpg

فتحوا خششهم .. وقعدوا يناظرون .. وكل من مر عليهم قعد يتطنز بهم وبسيارتهم ..

:::::::::: فاصل إعلاني :::::::::::::::

فلافل أبو عدنان .. لما تغص ماحتبص :113:
.................................................. .......
هذا الإعلان برعاية :
هيلوكسات المنار // ص و ا 165 ، د ط ع 555 ، ص ق ا 899 >>>>> احلا خليتكم مشهورين ببلاش :113:


:::::::::::::: عــــدنـــــــــا ::::::::::::


خلصوا من الدوران ..

قال صالح : ياولد عمي >>>> :113:

قال محمد : سم يابن عمي >>>>:113: :113:

صالح : مارأيك ان نروح نكشت ؟ ونشرب لنا فنجال قهوة نعدل به المزاج ..
محمد : فكرتن جيدة ومعي العزبة بالشنطة ..
صالح : أجل توكلنا على الله .. رح للزويليات ..
محمد : مشينا .. تشعنعنعنعن >>>> صوت التشغيل ..

المهم وهم بالطريق .. شافوا لهم نور يطلع من بين جنبات الطريق >>>> وراوهـ قلب البحتري :113:

صالح : محمد ياولد عمي .. تشوف النور اللي يميننا ذا ..
محمد : يارجال لاتهتم يمكنهـ واحد يكبس بالطريق ولا واحد مخيم هناك ..
صالح : مالظاهر النور أزرق وغريب ............ لف وأدخل هاللغف ( لايفوتكم السجع ) ..
محمد : وين ؟ ؟ تبينا نروح نشوف وشو ؟
صالح : ايه ..
محمد : بغغغغغق >>>> يبلع ريقهـ ..
صالح : يالله لف ..

المهم ويجعفه (1) محمد وينحر النور .. يوم وصلوا لمكانه أثرهـ يشع من داخل غار ..

صالح : هاه وش رايك ندخل ؟
محمد : بغغغغغغق >>>> سبق التعريف بهذا الصوت :113:
صالح : يالله دخلنا >>>> ماتلاحظون أنه يشاور ويقرر علطول


دخلوا للغار .. ومشوا والنور الأزرق يبعد ويبعد ..

محمد : خل نرجع ياصالح ونجيب الضواية(2) من السيارة ..
صالح : لالا أبعدنا خلاص عن المدخل ..

وهم يمشون .. كان فيه صوت خطوات وراهم ..

محمد : بغغغغغغغغق >>>> برضوهـ سبق التعريف بهذا الصوت ..صالح : وش جاك أنت ؟ وراك خفت فجأتن ؟
محمد : ماتسمع صوت الخطوات اللي ورانا ؟
صالح : لا وش صوته ..

التفت محمد وشاف منظر غريب جدا جدا جدا ..
ظلال أسود .. مخالب طويلهـ .. عيون كثااااار تناظرهم ..
شهق وطارت عيونهـ ولاقدر يتحرك ..

صالح ألتفت وصرخ ؟

ياترى وش شافوا وش اللي خلاهم يخافون ..وشو الجسم الغريب اللي شافوهـ ؟

هذا ماسنعرفه في الجزء القادم بإذن الله ..


الحاشية :

(1) الجعف : هو اللف بقوة فجأتن ..
(2) الضواية : المصباح الذي يعمل على البطاريات ..

[عـدنــان]

أما الصور والله ياهن حركه



مشكوور ياخوي وننتظر الجزء القالدم باحر من القمر

[قصيمي كوم]

بسررررررررررررررررررررعة متحمسسسسسسسسسسس

[المجروح]

السلام عليكم ورحمة الله والله وبركاته............

مشكور اخوي على القصه الرائعه

والجاي افضل
إن شاء الله.


وانا ابي ارد على سالهم؟

الي وراهم الباكستاني الي اجدعو
عليه قوارير البيره.

[وحيد الخلان]

أبو سرور الله يرحم والدينكـ وأخوتكـ والمسلمين أجمعين ,, ما منا تمحط فينا تسذا ,,



نبي شي نقراوهـ كله جميع :oo ,,



أنت ما سمعت كمالة بيت أحد الشعراء ....................... ما هو حق تولعنا وتنسانا




نحتريكـ يارعاكـ الله

[المميز نت]

السلام عليكم ورحمة الله وبركاته
أشكرك يا خوي السرور على إبداعك هذا وتأليفك للقصة ونرجو أنك تعجل علينا بالجزء الثاني

[أسد الجزيره]

الله يجزاك خير بسرعه عطن الجزء الثاااني

جاري الإحتراء.........

[rèmàn]

خوي السروور تكفى خلك عجللللللللللللللل
تراي احس ان اللي وراهم الباكستاني وجماعته

[@@حبوب بريدة@@]

ياااااااااااااخوووووووووي السروووووووووووووور اخلص ياشيخ تراااااااااي متحمس وبزياااااااده

وتأليفك بطل فللللللللللللللللللللللللللللللله وشكرا

[p L u S]

يمّه :061:

[أسد الجزيره]

وينك ياخوي السرور

بس حمستنا ورحت

يالله عطن الثااني الجزء

[المميز نت]

جاري الإحتراء :rolleyes:

[[14]المايسترو[21]]

يابو سرو ياكفيل بسررررررررررررعة

[خوي السرور]

أبشروا ان شاء الله راح أكملهـ .. بس قريحتي القصصية مافاضت لهالحين :113:

[rèmàn]

اخ اخ ياقريحته القصصيه

اقول خلك عجل قبل ماأكمله انا:d

[المميز نت]

:rolleyes: :rolleyes: :rolleyes: :rolleyes: :rolleyes: متى الجزء الثاني

[abo-Khaled]

وين الجزء الثاني ترا سعابيلي بدت تنقط من التحمس للجزء الثاني

[قصيمي طيبة الطيبة]

السلام عليكم






الجزء الثاني متى ينزل بالسوق

[خوي السرور]

طيب هذي التكملة وحاولت أني أحط شرح بعض المصطلحات بين قوسين حى يفهم كافة القراء الأعزاء :086:

بعد ما صرخ صالح ماتشوف ألا غبارهم من الهجة ..

والمشكلة انهم هجوا ( هربوا ) إلى أعماق الكهف :065:

محمد ماوعى ألا وهو متمدد وطايح على الأرض والظلام دامس ..

قام مفزوع وقعد ينادي صاااااااااااااالح صاااااااااالح رد علي أويلاهـ ( تكفى أرجوك ) ..

ولا من رد ولا من مجيب .. ناظر ولا ثيابهـ متشققهـ وحالته حالهـ ..

طلع الجوال يبغى يكلم وأثر مافيه إرسال ..

محمد لايدري ماذا يفعل .. تائه وسط الظلام والخوف والحيرة تملآن نفسه وتفكيرهـ ..

أخذ محمد يسير ببطء ويتلمس بيديه الهواء فالظلام حالك والمكان يعمه الهدوء ..

وفي لحظة واحدة انقلب الهدوء إلى ضوضاء شديدة ..
وإذ به يسمع فجأتن صوت مخيف جداً كان الصوت مثل هذا :

http://www.buraydahcity.org/upload/5602_11185824213.mp3

قفز محمد من مكانه .. وأخذ منه الرعب كل مأخذ .. وأنطلق يعدو ويركض ..
ويحس بصوت أناس يركضون خلفه بسرعة وهو لايجرىء على الإلتفات ..

تعثر بحجارة وأخذ يتقلب على الأرض الصلبة الحجرية والدماء تسيل .. وتوقف المشهد فجأة وعم المكان هدوء قاتل كما كان ..

...........................
..........................
..........................

فتح صالح عينيه بعد سقوطه أثناء هروبهم ( راجع أول القصة ) وقام مفزوعاً هو يلتفت :097:
وأخذ ينادي محمد محمد محاااااامااااااااااااااااااااد .. ولكن لامجيب ..

وفجأة ظهر صوت غريب فجأة .. زرزر .. زرزر .. فزع صالح فزعا شديدا ثم مالبث أن رجعت إليه طمأنينته .. إنها رسالة جوال :097:

فتح الرسالة وإذا بها من call me ابن عمه دحيم .. وعندما أراد صالح أن يتصل .. انطفأت أنوار الشاشة وانطفأ أمل صالح بأن يتصل ويطلب النجدة ..

رمى الجوال بعصبية على الأرض .. ثم أخذ يمشي وهو حزين :035:

وأثناء المشي .. أحس بأنه احتك بشيء عن يمينه .. وعندما التفت وجدهـ جذع من شجرة مكسور ..

اقتلعه من مكانه .. وأخذهـ للطوارىء >>>> احلىىىىىىى قوي :41

وأخذ يمشي وهو يفكر .. ماهذه المصيبة التي وقعنا بها ؟! مالعمل الآن ؟ أين هو محمد ( ابن عمي :D ) .. وقطع تفكيرهـ صوت شلال ماء فركض باتجاههـ لانه كان عطشان وجائع ..

وعندما وصل .. وشرب من الماء أخذ يلتفت يميناً وشمالاً .. فرأى جسماً ممداً من بعيد .. وبسبب الضوء الخافت لم يعرف ماهو هذا الشيء ..

فأخذ يفكر هل يقترب منه ويرى ماهو ؟ أم يذهب وتركه .؟.

وقطع عليه تفكيره أن يدا لمست كتفه .. وعندما التفت لم يشاهد سوى أظافر طويلة كالسكاكين !!

ماذا حدث لخالد ؟ وماذا سيحدث لأبطال قصتنا .؟.

هل سيستطيعون الخروج من الكهف بسلام ؟؟ أم أنها النهاية .؟.

تابعوا معي الجزء الثالث قريبا جدا بإذن الله ..:)

[الشاكي]

ننتظر الجزء الثالث

تحياتيـ ..

[خوي السرور]

حياك الله شكشوكي >> وش رايك باسم الدلع ؟

والتكلمة قريبا جدا ..

[الشاكي]

حياك الله شكشوكي >> وش رايك باسم الدلع ؟

والتكلمة قريبا جدا ..

رهيب :41

تحياتيـ ..

[rèmàn]

اقول وراه ماتنزله كله

عشان اقراه على طوول

مشكوووور


ننتظر

[.:انــجــريــنــد:.]

اخلص بسرررررررررررررررررررررعة

[المميز نت]

مشكور وما قصرت قصة جميلة ورائعة

[قصيمي كوم]

بسرعة متحمس

[يوسف 5]

يالله بسرعه وراك تسذا انت

[abo-Khaled]

الله يكمل قريحك القصصية عشان تجيب الجزء الثالث

[أنوار المنتدى]

هاجتن بتس ياخالة
××××××××××
×××××××××××××


خوي السرور

[قصيمي كوم]

^^^

وش جابتس هنا يا بنت

[المميز نت]

:rolleyes: :rolleyes: متى الجزء الثالث:rolleyes: :rolleyes: