مــتـى يــفـــــتح الـ ...؟؟؟

[ولد البصيرية]

السلام عليكم

اللحين ابسأل سؤال يقرقع بقلبي منذ مبطي !!!

مهب به مسبح عندنا بالملعب الكبير ويقولون اللي يبي يجي يطب ويستانس :)

طيب انا اللحين مشتهي سباحة وودي اطافش لبعض الوقت :D

شلون ادري متى ادخل وكم ساعة اقعد .. وهل هو ببلاش والا بدراهم ؟؟؟

اتمنى ان حداكم يشوفلنا مصدر معلومات والا حارس امن يمين ويسار يدبرنا
واحد يعلمن تكفوووون .. تراي خرماااان سباحة لين الصاجة ..................


ودمتم سالمين : 12

[~{ الوسـامـ ..]

اسمع توكل على الله وخل وجهك للملعب وخذ دراهم ان كانه بدراهم ادفع وامرك لله:oo


وان كانه ببلاش احمد ربك على هالنعمه:rolleyes:

[ولد البصيرية]

كثر خيرك دحيم .. متكلف على هالرد:i121

اللحين انا ودي اوفر المشوار واروح للملعب جاهز مجهز .. كان من اول شي لاشاورت ولايحزنون
قلبت خشتي ورحت للملعب ..

بس انا ودي احد يوفر العنوة على اخييك

[ą Ļ м 3 7 t ą я]

المسبح الكبير مفتوح وبدراهن

[~{ الوسـامـ ..]

ههههههههههـ


ايقالي جايب شي جديد العذر

[أبو عمر القصيمي]

وعليكم السلام ورحمة الله وبركاته
أخي الغالي : الذي أعرف عن المسبح في الاستاذ الرياضي هو أن تشترك وتأخذ بطاقة أظنها بخمسين ريال لمدة سنة كاملة ، لك الحق أن تدخل المسبح بمجرد إبراز هذه البطاقة
وطريقة الإشتراك أن تذهب للملعب في الصباح إلى الساعة الواحدة ظهراً على ما أذكر ومعك 4 صور لك وصورة لبطاقة الأحوال وخمسين ريال ثم يعطونك البطاقة
وبعدها تذهب متى ما تريد وتسبح على كيفك لكن في الوقت المحدد ، وللأسف أني نسيت التفاصيل لأني سبق أن سجلت فيه أنا وواحد من الشباب قبل ثلاث سنوات ، لكن ما دخلت المسبح إلا مرة واحدة فقط وضاعت علي البطاقة .
أعتذر عن الإطالة في الرد ، لأن المقام يقتضي ذلك وفقك الله .

[الوابل الصيب]

هلا بالبي :) :)
المسبح بدراهم:confused:
لاني رحت أول الصيف وقالو لي بفلوس
وأشتراك لمدة على ما اعتقد أنها 3أشهرو6أشهر وسنة:eek:
يابعد كبديooo1
رح لمسبح الامل بالبكرية مسبح على كيف كيك وسعره ب15ريال أو ب20ريال:rolleyes: :cool:
من بكرى دق سلف وأمش:41
وطافش لامين تمل:)
وشكرا ألبي:rolleyes:

[ولد البصيرية]

هوووونت منب سااااااااابح..

خلن على دش بيتنا ... ازين

مشكورين على الانفورميشنس ( يعني المعلومات بالانقليزي )

8
8
مثقف الولد خخخخخخخخخخخخ

[مواصل]

ههههههههههههههههههههههه
ولد البصيريه ازهله علي انا ادفع عنك اجور البطاقة بس انت ورن وين مكان المسبح وما عليك
بس ما ادري سراويل السباحه عندهم او اجيب معي بعد لأنه لحاله ب 35 ريال خخخخخخخ

لكن ماعلي انا اتحمل عنك البطاقه لكن السروال صرف روحك به ههههههههه

[ولد البصيرية]

كفووووو والله يـا مواصل ..

والله شنب .... اجل احط بـ ( البريق اميييييه )