أهل الجنوب يشكرون أمانة بريدة

[الحد]

من قدكم يأهل جنوب بريدة فالأمآنة قامت مؤخراً مشكوووووووووووووووووووووورة بتحسين الجهة الشرقية الشمالية لتقاطع طريق الملك خالد ( الشاحنات ) مع طريق عمر بن عبدالعزيز(الرياض القديم) حيث تم إزالة البرسوبس ووضع بداله ثيل وشوي ورد ومساحته الإجمالية 3×9متر.
يعني لازال فيه بصيص أمل من نهوض بلدية بريدة المحنطة أقصد ألأمآنة (اللي ودك تسمع بها ولاتشوف خدماتها المعفنة جنوباً والمنحازة لحد التعصب والتحدي للشمال وكأن مافية عليهم رقيب !!

[ابراهيم محمد000]

اخي انا مثلك اقول ان جنوب بريدة بعتقادي انه لاتبع الامانه والاصلح نطلب ان يضم الى محافظة عنيزة ارجو ان تلاحظ
1ــ وصلة الدائري من الضلع الغربي الى الشرقي المارة بالسالمية مثمنة ومستلمين من عهد سمو الامير عبداللإله الله يحفظه والى هذا الوقت ماسفلت يعني له اكثر من ربع قرن
2ــ الدائري الداخلي مثمن من اكثر من ربع قرن مازال يشتغلون يوم ياقفون سنه انظر الى وصلة الموطا ومشعل كم الحوادث والمشاكل
3ــ شوف منطقة الجامع الكبير الى اجار المجلات هناك باغلى الاثمان ولكن الواجهات وجهات مساكين

[محمد ديارا]

مشكور اخوي نحتري طال عمر يموت الاطفال من البرسوب وعدم الاهتمام بالجانب التوعوي في جنوب بريدة الله يخلف ولا عندك أحد (لاحياة لمن تنادي)يقالهم سكتو حقين الجنوب بهذا المثلث يقالة تصميم رائع رجعونا 100000000000سنة بهل العبقرية وشكراً

[الحد]

الغريبه يرصفون شوارع مرصوفه وكويسه ويتركون الشوارع التي فعلا تحتاج رصف وانارة / مدري هدارة أو سوء تخطيط

[msk2010]

طريق حي البساتين فعلأ بحاجة الى معالجه من دوار الهديه الى مخطط الحميدان بس وسعو الصدوركم الخير جاي

[حـنيت]

--الله يوفقكم .. ويعينكم يستاهل الجنوب كل خير -

[حنشولي]

اقوول يا جماعة
لاشمال ولا جنوب سالم من سوء تخطيط ها الامانه
هو صدق الشمال احسن من الجنوب حال
بس الامور كلها متغلدمه
الله يخلف بس
يبيلنا امانه جديده علشان امورنا تزين

[السيد بريداوي]

ما ادري الجنوب يحسدون الشمال على ايش

استغفر الله

ومالله ما تتطور هالديرة وفيها حسد

الشمال فيه احياء بدون زفلته ولا خدمات

والجنوب اشغلونا على كم شجرة برسوبس من زمن البليهي

الي دمر بريدة بهالشجرة التعبانه

لا تقارن بين احياء وشوارع قديمه وبين احياء وشوراع جديده في الشمال