هام للجميع في الالغاز والطرائف ....

[ابوقلبين]

مية مسا علىالعيون المنسمه على كل داج وداجه ومنسم ومنسمه الالتزام بما سوف نسدحه في موضوعنا هذا من انظمة هالمنتدىوالا ماعليه الا ان يقضب الباب وياخذ معه الملف الاخضر العلاقي خخخخ

الشروط كالتالي :-

اولا : قبل تفكيرك بكتابة اي موضوع ادخل عندنا ثمن لف بدميجتك يمنتن ويسره وشف اخوياك الداجين كتبوا مثله والا لو تكرر موضوعك بنذبه في المواضيع اللي مالها داعي خخخخخخ

ثانيا : الله الله با الذبات القويه والتنسيم على اصووله بس عاد ذب ولاتجرح
ترى ماعندنا لزقة جروح

ثالثا : لانسمح بأي سخريه من اعضائنا الكرام ..... وأيضاً نسمح بخاصية الصور بشرط ان تتناسب مع
تعاليم ديننا الحنيف وعاداتنا وتقاليدنا ومن يضع صور غير لائقه فمصيرها الزبالة اي المحذوفات

رابعا : اتمنى من جميع الاخوة والاخوات الداجين والمنسمين بالتفاعل مع جميع المواضيع المطروحة وهذا رايح يكون الله يسلمكم له اثر ومردود طيب علينا جميعا ولا نريد ان نرى موضوعا مافيه ولا رد

خامسا : أتمنى من الأخوان احترام مواضيع اخوانهم بالقسم وانا شايفن كم موضوع صايرن شات طيب وش ذنب اخوكم والا اختكم اللي كتب الموضوع انه ينقلب شات بين اثنين هاالشئ مانبيه ابد والا قسمن عظمن خخخخخخخ <--------مايعرف يهدد ابدن00رايح احذف هالردود وابقي على الرد الاصلي ولزوم جميع نحترم الاخوان والاخوات ومواضيعهم والا مووووو ياربع الدجة والتنسيم

سادسا : مانبغى إستهتار بأي شريحه من شرائح المجتمع ==>حشى لحم وأي نكته تمس الدين
نتمنى إنها تحذف منكم قبل ماتصير منّا

سابعا : ممنوع تكثرون لنا من النكت خاصة المكررة وبالنسبة للمواضيع المعادة لا أحد يزعل الى قلنا له هاذا مكرر ........

ولكن فيه بعض الشباب الله يهديهم على طول يزعلون من النقد واذا نقلنا موضوعه للمحذوفات

ونرجو من الجميع التقيد بهذه الشروط :)


تحياتي
مشرفي منتدى الطرائف والالغاز
ابوقلبين ...... :)
عربجي فاهم ...... :)

[الصارم]

.. على العين والراس والخشم ..

.. وأنت تامر وحنا نطامر .. خخخ

.. ومزيداً من التألق والإبداع والتواصل يا أبا قلبين ..

.. و س لا م ..

[الحليل]

انت أمر تدلل
كم عندنا أبو قلبين
إن شاء الله
سمع وطاعة يا مولاي === الدولة العباسية


أقووووووووول

ترى اللي ما يسمع كلام أبو قلبين يا ويلاه ويلالالالالالالاه

[خلوها]

اقول يا بو قلبين ويالعربجي

خلوهااااااااااااااااا http://www.sahwah.net/sahwah/images/smilies/wink.gif

:D :D :D

[مجنون ليلى]

أنت بس آآآآآآآآآآآمر وحنا.............................................. ...............................

[سعفة]

تسلم عليك امي هيلة وتقول يالله مير ان تعدي عنه وتجزاه الخير السثير
الا وينه عمي عربجي ،، عسا ماشر // الشر مايجيك الله يجزاك خير
<===== صحيّح ياويلي

أقول الله يسلمك
الشروط ما هنا ملحهن بس ياخي ما اسمح لك ان حطيت انا موضوع تسدحه .. لأن امي تقول لا رحت بمواضيعك معك للمنتدى لا تخلي احد يلمسهن لأنهم توهم حاصلن عليهم حادث ولا يقدرون ينسدحون ،،(( مثلك خابر الناسورماخلى احد )) ايوالله ابوقلبين انتبه لعمرك تقعد من وراي تسدح موضوع ولا حاقه <==== الله يآخذ ميدك يامدحت أثرت بنا الله يغربشك

لكن والله الذي لا إله إلا هو لو اشوف رفيقك هذا عربجي فاهم ماشي مسرع ويسدح موضوعي ولا شين ... والله لا أشلق وجهه تشليق .... تراه مهيب حلى

<======= والله ياهو ما يعرف يهرج

وماشا الله هالحليل بكل عاير نلقاه .... هاهاهاها

....
لانسمح بأي سخريه من اعضائنا الكرام
....
والله ياخيي أنا من ناحيتي .. الي يبي يسخر يسخر ,, ويستهتر ويحط علكيفه يا ألبي
رح شف موضوع خلوها ...... الصراحة مديع .. ومنسم ..


___ الشر ما يجيك الله يجزاك خير
<===== تقل سمعت احد يقول ما تشوف شر

[Ooعربجي فاهمoO]

الصارم ,, الحليل ,, مجنون هند

الظاهر إني جدار وإلاّ خشبه يوم إنكم حاطين المدح كله لأبو قلبين يعني أنا صفر عالشمال

طيب وش بيضربكم لو كتبتوا عربجي فاهم يبي يقضي ماكم وإلاّ تموتون من الجوع

إذا كتبتوه:D

ناس ماتختشيش:D

خلوهااااااا ,,

المفروض إسمك قربوهاااااا لأن الواحد يتقرب منك مهب يخليك:D

أقسم بالله إنك تهبل اللي ماينهبل ياخي وش تبين أسوي لك أعطيك طراااق يعني

من زود حبي لك==>>عربجي:D وإلاّ كف أخف:D

والله إنك تستاهل ورده كبر قريح على طاري الورده مره عطان واحد ورده مدري وش أسوي

به قمت ونتفت أم جابته:D ياخي بلشت أنا وياه قلت مالي إلاّ أشققه وأرتاح

==>>ورقه على غفله:D

سعفه ,,

أبد ماتنسى خويك ياحبي لك ,,, دايم حبيب

أما بالنسبه لسؤالك فأنا أقول لك الحريه ياأنا إنك تسدحه وإلاّ أتوقفه مو مشكله بس

معصي تقعده هاذي من الشروط طبعاً:D

لكن والله الذي لا إله إلا هو لو اشوف رفيقك هذا عربجي فاهم ماشي مسرع ويسدح موضوعي ولا شين ... والله لا أشلق وجهه تشليق .... تراه مهيب حلى


ههههههههههههههههه خبرك عتيق يارفيق هاللحين تطورنا صرنا خكاريا مانسرع

نمشي الهوينا:D مع مرعاة التنسيق بين الخطوات

لانسمح بأي سخريه من اعضائنا الكرام

ياأبني هناك سخريه حميده وسخريه بغيضه:D وخلوها حبيب روح الماما سخريته

مافبها شي لاتقعد تخطم على بالك فاهم:D ولو بادي تزمر أنت وولد قريبكم

اللي ينــــــ ..... الخ:D :D :D :D

هههههههههههههههههههههههه لاأوصيك ألبي لاصارك الموقف مره ثانيه كل معه لاتردد

تراه طعمه بالراااااااس وإسأل مجرب ولاتسأل شختور:D :D

ههههههههههههههههههههههههههه موقف يستاهل حفظه بصفحات التاريخ ,,, وإلاّ


وبعدين أمك الله يسلمه وش دخله عندنا ماتدري إن هنا مدرسه عيال وإلاّ

هاذي آآآآآثر الدمج:D الله مير يصلحه


تشكراااااااات سثيرااااات أناكل حلوين ====>أناكل جمع أنكل :D

[الحليل]

نعتذر إلى الشيخ المقدم العريف أبو قلبين اوووووه قصدي عربجي فااهم

كلش ولا زعل عربجي
ترى ما دريت انا حاسبن على العهد القديم
أقووووول يا عربجي انت آمر وحنا نفذ يا بعد سلوت سعفة بس أقوووووول
خلك حليل بس وقل إن شاء الله الشروط على العين
بس وراه ما كتبنت الموضوع أنت
ووإلا يصير الكتاب أبو قلبن وعربجي هههههه

[مدحت شوقي بريده]

ايـــــــه فــي ايـــه يابو قلبين
فـيـــه ايــه ياواد ياعربقي

أمـر واطيعك اهرج واسمعك
ياسيد العذارى عهد الجهل راح


تامرون امر

[نبع الحنان]

أمرك مولاي... سمعا وطاعة يا عربجي فاهم... <<---- عاد لا تصدق...

[ابوقلبين]

اخوي الحليل انا وضعت الشروط لاني الريس بمنتدى الطرائف :D

والا العربجي يستاهل والله :)

ياهلا بمدحت :) الله يقلع ميدك يامدحت ------------> مايدري وش معناه :D:D

غصب عليك تبي تطيعنا والا عندك نية ثانية :D امزح معك يالغالي :)

سيد العذراي :D:D:D:D

ياهلا بنبع الحنان ........

امرك مولاي :D:D :D ترانا بمنتدى حنا ياخااااال :D:D

طيب وراك خصصت عربجي فاهم مالنا رب حنا :)

تحياتي
ابوقلبين

[كحيل العين]

ياحليلك ياعربجي فاهم

تبي تورينا انك مشرف على هالمنتدى


_(يعني إني)_




ياشين الطافين




وشكرا
















عربجي فاهم
تراي امزح معك
كله ضحك بضحك










_(ناقصين يدقوننا عرابجه)_يـــــــــــا شيـــن الطـــــافين

[كحيل العين]

ياحليلك ياعربجي فاهم

تبي تورينا انك مشرف على هالمنتدى


_(يعني إني)_




ياشين الطافين




وشكرا
















عربجي فاهم
تراي امزح معك
كله ضحك بضحك










_(ناقصين يدقوننا عرابجه)_يـــــــــــا شيـــن الطـــــافين

[مالكوم إكس]

أبو قلبين - عربجي فاهم
شروط تشكرون عليها وكان الله في عونكم
وإلى الأمام يا فريق الإبداع ..

تحياتي : مالكوم إكس

[ابوقلبين]

تسلم والله يامالكوس اكس :) ماقصرت
وحنا ماسوينا الا الواجب :)

تحياتي
ابوقلبين

[ياسر البريداوي]

أنتم تامرون بس ..

[Graphics]

حاضرين ......

[مجنون بريدة]

الشروط مهب صاحية
بالمقص الصراحة


بس اشوف الديكه ((((((((قصدي المشرفين))))))))) بدو يتناقرون

من الحين؟؟؟؟؟؟







ولكم تحياتي؛؛؛؛؛؛؛؛؛؛؛؛؛

[النبراس]

السلام عليكم وبعد/
مشكورين يا أحلى مشرفين بالعالم العربي والاسلاميhttp://www.plauder-smilies.de/remybussi.gif
لكن...فيه نقيطه..صعنونه..
وهي المواضيييييييع المنقوله..كلنا ننقل مواضيع منقوله..لكن..ليس كلنا نشير إلى أنها منقوله..
لأتمنى الاشاراه إلى هذه النقطه..

تحياتي لكم ..يا أحلى مشرفين،،،،،،http://www.plauder-smilies.de/happy/xyxthumbs.gif
أخوكم الصغير وخادمكم المطيع
مجنون هندhttp://www.plauder-smilies.de/happy/coffee.gif

[Ooعربجي فاهمoO]

والله ياحبيبي يامجنون الهلي عفواً هند

إنه المفروض من الأعضاء المحترمين يكتبون منقول

مشكور على هيك ملاحظه أيها العاشق هههه لاتزعل ألعب

[البحري]

أنت تامر امر.. أنت وعربجي........ وحنا بالخدمة دائماً...




يالله سلالالالالالالالالالالالالام

[ابوقلبين]

تسلم والله يالبحري :) ماقصرت :)

كفيت ووفيت :)

[ابن الإسلام]

مشكور أخوي على الموضوع

الله يبارك فيك ويرفع قدرك

[النمر]

أمر تدلل أعيوني الي تبي يا أبو قلبين وعربجي فاهم بس ماضن
تراي ماحب العربجه

إن شاء الله ننفذ





ياأبو قلبين والعربجي رفيقنا

[برق البصر]

أولا : مشكور يا عربجي فاهم وأبو قلبين على هالشروط الي مالين صفحة كامله وغثيتونا به =============> يلطيف عليه.

ــــــــــــــــــــــــــــــــــــــــــــــــــ ـــــــــــــــــــــــــــــــــ
مجنون هند أتنمنا إنك تشيل الي حاط الوجهين يحب الاول الثاني

أتمنا إنك تشيله بأقرب فرصه
ــــــــــــــــــــــــــــــــــــــــــــــــــ ـــــــــــــــــــــــــــــــــ
البحري حولوك من مشرف إلى عضو :mad: :mad: :mad: :mad:
وش هالكلام المفروض ترفع قضيه ============>يويلهم الي نزلوك
ــــــــــــــــــــــــــــــــــــــــــــــــــ ـــــــــــــــــــــــــــــــــ
وأتمنى من كل قلبي ومعدتي وأمعائي وبلعومي ومريئ وكبدتي أن الجميع يلتزم بهذه الشروط =======>خفيف دم غير كذا يحسب نفسه مشرف المنتدى.
ــــــــــــــــــــــــــــــــــــــــــــــــــ ــــــــــــــــــــــــــــــــ
مع التحيات برق البصر

[ممعط شوش البنات]

أبشروووووووو ولا يهمكم يا مشرفين

انتم تآمرون

سمعن وطاعه

[أم جهاد]

بسم الله الرحمن الرحيم

شروط رائعة

وأروع منها طريقة طرح الشروط

والأروع أن منتدى الألغاز والطرائف بأيدي غيورين ثبتهم الله ..

عارفه إني ما أنفع لهذا المنتدى ، لأنه سيفتح أبواب كبيره بين الجنسين

نسأل الله السلامة والعافية

ولكن.. حبيت أن أنبه على أمرين ،، مجرد للتذكير فقط
{وذكر فإن الذكرى تنفع المؤمنين}

فافتحوا قلوبكم لها ،، وتصوروا أنفسكم في المنتدى العلمي
وهو أن شد انتباهي موضوع يدور في الأعلى (أحدث عشر مواضيع) نكته عن إخواننا من أرض الكنانة (صعيدي)

فحبين أن تركزوا على هذا الشيء
أن لا يساء إلى إخواننا المسلمين (حوطي - صعيدي - زلفاوي - بريداوي - سديراوي - وغيره الكثير)
ومع أنكم ذكرتم ذلك من شروطكم ولكن لا بأس من التذكير

كذلك .. الكذب
فلا نريد منتدى الطرائف والألغاز يلوثه الكذب
وعن حسن نية طبعاً لا يقصدون أعضائنا الكرام ذلك ، وربما غفلوا .. فأنتما يا مشرفينا الأعزاء دوركم التنبيه
واحتسبوا الأجر ، فأنتم على ثغرة إن شاء الله
وذكرهم : ويلٌ لمضحك الناس .....

نعوذ بالله من ذلك ..

...........
ومرة أخرى تقبلوا ذلك ..
وأنا أعتذر على الإطالة ..
والآن وسعوا صدوركم ... لأني انتهيت

والسلام عليكم ورحمة الله وبركاته
أختكم المقصرة:
أم جهاد

[Ooعربجي فاهمoO]

مشكوره أختي أم جهاد وجزاك الله ألف خير

وأتمنى إن كلماتك تفيدهم الله يهديهم هالشباب ===> إيقاله مهب منهم

بيني وبينك أنا ماأحب النكت ==>> إيه واضح

إي والله وماعمري قلت نكته إلاّ قليل إسألوا سعفه كل ماقلت له نكته

قال قديمه

مره ثانيه أقول ياأهلا وسهلا فيك ياأم جهاد وألف شكر على ملاحظتك

وإن إشالله الشباب وأنا أولهم نطبق كلامك

تحياتي

[أم جهاد]

جزاك الله خير

وهذا ما نراه فيكم

[محب بريده]

ولا يهمك يابو قلبين

انت تامر امر

[السمو]

انت تقول يااخواني ويااخواتي؟
هل ترى ياابو قلبين ان مشاركة النساء في الطرائف جيده
هل ترى انها ستكون مسخره ان تدخل المرأه وتنكت
انظر الى النساء ردودها في العام
مثل ام جهاد وشعاع الاسلام
هيبتهاً احسن من بعض الرجال في المنتدى
هذا اقتراح قابل للحذف والنسيان
تشكرات افندم = ابو قلبين
تسلم ولاتهون = عربجي فاهم
والسلام