ابغى رايكم في مستشفى الفريح للولاده ضروري

[مربوشه]

:confused: سلام
ابغى احسن دكتوره للولاده وخياطتها حلوه
لان مابقي على ولادتي الا شهر واحد بس
سااااااااااااااااااعدوني الله يحقق اللي في بالكم

[فاصله]

هلا مربوشة ...

الصراحة ما كد ولدت فيه ...
لكن اللي أعرفهن ولدن فيه يمدحون الدكتورة نوال ...
ويمدحون تعامل الممرضات بالنسبة لمستشفى الولادة ...


طبعاً المستوصف كشكلا غير راقي أبد وأنا الحقيقة يجيب لي الكتمة :s

والله الله بالدعاء ان الله يسهل ولادتك .. وأكثري من أدعية الكرب من الآن ...

أسأل الله أن ييسر لك ولادتك ... ويهون عليك ..ويجمع لك ما بين الأجر والعافية ... اللهم آمين

[مربوشه]

الله يجزاك خير ويفقك يارب ويسهل امرك

[ام ركب سودددد]

اللة يسمح امرك يا اختى ويسهل ولا دتك يا رب ويهون عليك كرب الولادة
واللة انا ما اعرفة
لا كن يا اختى ابنصحك من مجربة
شوفى يا اختى اللة اللة بصدقة ادفى البلاء بنيت تسهيل الولادة وانو ربى يصخرلك اللمرضات والمستشفى
ولا تقولين زين او شين
الولادة حضوضضضضضضضضضض
ناس تتيسرلهم وناس لا
وان شاللة ربى يسمح امرك ويصخرلك الممرضات والدكتورات يا رب
وادعيلى يا خيتى انو ربى يرزقن اولدين صالح لا تنسبنن
وطمنينا عليك مع السلامة

[قصي100]

أختي / مربوشه

الله يهون عليكِ ويسهل أمرك

أنا عندي 5 أطفــال كلهم ولدتهم في مستشفى الفريح

أول مره قبل 15 سنه أول مافتح المستشفى

وآخــر مــره قبل ثلاث سنوات

صحيح مبنى المستشفى مو على مستوى

لك أرحــم بكثير من مستشفى الولاده

وخدمتهم زينه وممرضاتهم ودكتوراتهم عسل

أتذكر أسم دكتورتي أمــاني ما أدري موجوده الحين ولا لا ..

[شهد العسل]

الله يسهل عليك .. ويفرج لك
لاكن تعالي أولدي عندنا بالرياض وأنا أتوسط لك .. :D

وحده من قريباتي ولدت في مستشفى الولادة .. من إجرامهم سووا خلع لرجل بناتها
في ولادتها الثانية هجت عن الولادة وجت في مستشفى الفريح .. وسووا كسر لليد
حسبي الله عليهم .. يحسبونهم يولدون حمير

وكثير من اللي أعرفهم فيهم خلوع من المستشفيات اللي عندكم ..!
بصراحة غريب .. ليش أنتم ساكتين مافيه أحد يتكلم عندكم
كفره فجره يلعبون بأطفالكم وأنتم ياغافل لك الله ؟؟ !!

الحمدلله والشكر .. !


الله يحفظ لك مولودك ويخليك له
ويتربى بعزك إن شاء الله

:)

[مربوشه]

شكرررررررررررررررررررررررررللجميع

[المسفهل]

آه يا زمــن .. آخرتهــا أردّ على أحــد المواضيع في هذا القســم :i125
والله لا لشيء إلا أنني أعتبره خاص .. ولا يحق لأمثالــي المشاركــة فيــه .. هذا كـُـل ما في الأمــر


بالنسبــة لهذا الموضوع .. فقد شدّني عندما رأيته متصـدراً واجهــة القســم في صدر المنتدى .. وعشمي بإفادة صاحبــة الموضوع .. وبقيـّــة القـُــراء


وعوداً على لـُـبّ الموضوع .. فمستشفــى الفريــح من أجود المستشفيــات لدينــا .. وأزهدهــا سعراً .. فما يفوقــه بإعتقادي إلا [ مستشفى الوفاء ] بعنيــزة .. ولــكن سعــره نـــ :i121 ــار ــ أي مستشى الوفاء ــ


وبالنظــرة إلى أقــل الأحوال فهــو أفضــل من مستشفــى الولادة عندنا هـُـنا في بـُـريــدة

فمن مـُـميزات هذا المستشفى عنايتــهم الفائقــة بالطفــل المولود .. وكذلك بأمــه .. إضافــة إلى نظافتهــم التي لا يـُـعبـّـر عنهــا ديكورهــم الخارجــي .. وكذلك وضع كـُـل والدة بغرفــة خاصــة .. والسماح بزيارة النساء 24 ساعــة .. وهذا ما يسمح بمرافقــة المريضــة طوال مكوثــها في المستشفــى


هذا ما لاحظتـــه عند ولادة زوجتــي قبل شهريــن من الآن

[فاصله]

. شهد العسل .

يا عسل
بالنسبة لي ولله الحمد والمنة والفضل وليس لأحد ..
ولدت بمستشفى الولادة ببريدة مرتين ...ويسرها ربي ولا شفت اللي يقولون ...

أما بنتي البكر فبمستشفى اليمامة (القمامة كما يحلو للبعض تسميته )
وأيضا تعامل راقي ورائع ...
التيسير من الله ...

بصراحة غريب .. ليش أنتم ساكتين مافيه أحد يتكلم عندكم
كفره فجره يلعبون بأطفالكم وأنتم ياغافل لك الله ؟؟ !!

الحمدلله والشكر .. !:confused: :confused:


اسلميلي شهد ..

مربوشة ...أكرر عليك بالدعاء بالتسهيل وتفريج الكرب ...

[ح ـنايـا الـ ق ـلب]

الله يسهل عليك .. ويفرج لك
لاكن تعالي أولدي عندنا بالرياض وأنا أتوسط لك .. :D

وحده من قريباتي ولدت في مستشفى الولادة .. من إجرامهم سووا خلع لرجل بناتها
في ولادتها الثانية هجت عن الولادة وجت في مستشفى الفريح .. وسووا كسر لليد
حسبي الله عليهم .. يحسبونهم يولدون حمير

وكثير من اللي أعرفهم فيهم خلوع من المستشفيات اللي عندكم ..!
بصراحة غريب .. ليش أنتم ساكتين مافيه أحد يتكلم عندكم
كفره فجره يلعبون بأطفالكم وأنتم ياغافل لك الله ؟؟ !!

الحمدلله والشكر .. !


الله يحفظ لك مولودك ويخليك له
ويتربى بعزك إن شاء الله

:)



أقول شهدهد .......
كل اللي قلتيه على طرف لساني ...
ونفس الفكره اللي بقوله <<<<< عيد الدوسري على غفله :090:

شكراً لكي ...

[فاصله]

... رح البس جوختك ... وكل مراصيع وتعال نلعب ...
:)

شهد وحنايا هذا ينطبق على ما طرحتن من رأي ...
هي تسأل عن مستشفى الفريح أو الولادة ...
وأنتن تذكرن لها مستشفيات الرياض .. لو هي تقدر على الرياض لما سألت عن المستشفيات هنا في القصيم ..
هي الآن تحتاج لمن يشد على يدها بان أمر الولادة سهل لمن يسره الله له .. ولا يرتبط بمكان ... وبكلامكن تخوفنها من المستشفيات هنا ...

ما هكذا تورد الابل يالغاليات ...:)

[ح ـايلـــيـة]

... رح البس جوختك ... وكل مراصيع وتعال نلعب ...

:D
<<فاكــة خشــته فرحــة انه فاهمــه..!
:D


انــا ماعندي خبــرهـ بالمستشفيات ..

لكــن حبــيت أدعي لـــتس..
:)
اللهـ يسهــل عليتس يارب ويهون عليتس..

ويرزقتس الولد[بنت أو ولد اللي تبين :D ]

الصالح يارب ..اللي يبر بتس يارب ..

نصيحــة من مجربه
<<مب أنا مجربته بأمي ..!
:D
لا تروحين للمستشفى وانتي واصله مرهـ ما يبقى الا انهـ يطلع !!

خطأ هذا يسبب ربكــه لتس ..

ولا تروحين قبل ولادتس بمدهـ طويلهـ

يعني بين ذاكـ وذاكـ..!

:)

[مربوشه]

الله يعطيكم العافيه يخيكم ياااااارب

[ام ركب سودددد]

هلا اختى فاصلة
انا ابرد على الى يمدح مشتشفيات الرياض
انا هالقصة صرتلى انا واللة انا
وفى مستشفى الحمادى بعد
تخيلو جتنى الولادة وكان الى فى بطنى متوفى وحطولى طلق اصناعى وكنت اتامل الم ما شفتة بولدتى الثانيات
ما عطونى ابرة تخفف الالم كنت اوقف وقوف على السرير من شدت الالم
ناديت الدكتورة المنوابة قلت احس شى بيطلع ا اكشفى يمكن فتح الرحم
قالت انتى بكر ولا تفهمين وطلعت وخلتن ناديتة ثانية قلت نزلون بغرفت الولادة انا بغرفى للحين ما نزلت قالت توك انى ما رح تولدين الا بكر الصبح هالكلام الساعة تسع
وانا اصرخ واللة واللة شفتى الى تحت تدمت من شدت ما اعض علية
بعد نصف ساعة حسيت شى بيطلععععععع
صرخت على زوجى
وطلع بسيب ينادى بصوت على
دخلت الممرضة
قلت الطفل نزل
سكرى رجولك
واللة واللة زوجى الى لبسنى ثوب الولادة زوجى شاف اشى انا ما كنت ابية يشوف لا كن ارتبشووو
وازيدك من الشعر بيت ركبونى عربية مبنشر كفرة
كانت كل ما يدور اضرب مطب
يوم دخلت غرفت الولادة قمت من الكرسى صرخت قلت نزل نزل الطفل
واللة واللة العلى العضيم انى مسكت بنتى المتوفية انا بيدى ولا كان طاحت بالارض واللة
حزرى وش جابو يشيلون بنتى
قسمن باللة تعرفين البلستيكة حقت التمر ام غطى جابوها وقلولى اتركى الطفل تركة وطاح بالبرطمان
همن تشاقلنن عساهن يشوفن الى انا شفتة
لين وصلت السرير
انا كنت خايفة من نزيف
تخيلى كل الارض امتلت اللة يعزكم دم خفت ا قمت اصيح قلت فينى نزيف ولا لا جت الدكتورة بعد هالمسرحية كلة
بكل برود تدرون وش قالت
( ما توقعتك تعمليها )

تبغين تشوفين بنتك
ولا نرميها
قلت لا سلموها ابوها
واللة ما ازيد عليكم
اخذ زوجى البنت حطوها هالمرة بصطل اصغير
انا طولت عليكم بالكلام
وصدقينى واللة ما اقصد اخوفك لا واللة بس ابيك تلجين لربى ولا تقولين وين الزين والشين
وبقول لختى مربوشة لا رياض ولا قصيم ولا فريح ولا حمادى
ربك هو الى بيسهلك وهو الى بيصخرلك ان شالللة الممرضات والطبيبة باذن اللة
بس مثل ما قلتلك ادفعى الباء بنية التسهيل الولادة
اللة يسمح امرك ويولدك بسلامة
طولت عليكم لا كن هذى رد للى يقول مستشفيات الرياض

[ســ Sara ــاره]

ام ركب
ياحياة الشقى انتي
ضيقتي صدري

واقولك اختي مربوشه
مافي افضل من الحكومي
واترك عنك الاهليات لان مافي امكانيات

اختي قبل 6 سنوات كانت تراجع بالفريح على اساس بتولد عندهم
وهي سائلتهم عن الحضانه قالو لاتخافين كل شئ تمام
جت الولاده مبكره بالسابع
راحت لهم
توقعي وش سوو لها


اطردوووووووووووووووووووووووووها
قالو ماعندنا حضانه

[1حامل المسك]

اختي مربوشه الله يسهل عليكي ولادتك ويجعل مابعد الولادة ولد صالح يدعولك في حياتك وبعد الممات ولكن المثل يقول ( اسأل مجرب ولا تسأل طبيب ) فأنا ولد لي بنت في هذا المستشفي وعند الولاده اصبحت البنت تحتاج إلى اكسيجين وبعد ذالك أظطرو الذهاب إلى المستشفي المركزي وبعد وصولهم إليه أصبحت البنت ناقصة أكسجين ومن ذالك تأثرت إلى يومك اليوم والأن تبلغ من العمر ثلاث سنوات وهي إلى الأن لاتمشي علمأأن لها أخوات في السنه الثانيه بدأن بالمشي ومن الممكن أن نقص الأكسجين في وقت الولادي فأنصحك بالذهاب إلى مستشفى الولاده والاطفال هذا لحرصي على سلامة ولادتك والـــــــــــــــــــســـــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــلا م

[الملك الضليل]

ايه يازمن من أغنى الدول وشف وشلون الشعب يعاني من المستشفيات حتى المستشفيات الخاصه سحب دراهم على غير سنع والله العظيم إن الوالده إننا مودينها بسيارتنا إنه ماتقوى تتكلم من الألم إلى الرياض للحبيب ...هنا ببريده ضرب ابر بنج نقول وش فيها يقولون التهاب وين وفي اي مكان ماأحد يعطيك علم ’’’’’’’’’’ حسبي الله ونعم الوكيل ...

عندي قصص بس إن شاء الله اجمعهن وأضعهن في موضوع مستقل

[مربوشه]

الله يعطيك العافيه ياام ركب سود
والله انك صدقتي بكلامك ربي هو اللي بسهل
والله يرزقك بالولد الصالح البار ويشفعلك باللي راح...

[مربوشه]

شكرا لك اختي ساره
حسبي الله عليهم:eek5

[مربوشه]

شكرا لك اخي حامل المسك واخي المللك الضليل...
والله الواحد مايدري وين يروح من هالمستشفيات كل واحد اردى من الثاني
بس مالنا الا الدعاء.