قربت الإختبارات ممكن خدمة

[أبو عمار]

السلام عليكم ورحمة الله وبركاته ..
يا شباب خبركم عارفين الإختبارات الله يعينه قربت ولازم إن الواحد يشد حيله من هالحين على هذا أبي منكم كم طلب لي ولغيري ...

أول شي مدرس خصوصي رياضيات - حاسب - إنجليزي - أبي واحد جيد ما ابي بتاع كله .. أبي الأرقام الله لا يهينكم .

ثاني شي اللي خابر لي ملخص رياضيات ثالث متوسط .

والله يجازيكم 1000 خير على الخدمه - وعلى العموم مهب كلهن لي بعضهن للأهل والأقارب وبعض الأعضاء .


ما يفزع إلا الرجال واللي عندهم طيب

[ابوقلبين]

الله يعيينك ياخوي ابو عمار ...........

اذا كنت تبي انواع واشكال الملخصات

تلقى بالفايزية بشارع الثلاثين بجنب مكتبة العليقي به محل صغير لونه زهري

يبيع ملخصات الى باتسر ..............


تحياتي
ابوقلبين

[أبو عمار]

مشكور اخوي ابو قلبين ، طيب والمدرسين ،

بس وين الشباب وراه ما احد رد ،


وش اللي نقل الموضوع للعام ،


وين انتم يا اهل بريدة يا اهل الفزعات !!!!!!

[شعاع الاسلام]

من قلوبنا الله يوفقكم

وتكونون دعاة للدين

ومجاهدين ضد اليهود والنصارى

[مدحت شوقي بريده]

عاوز دروس خصوصيه يالا يافقري











اي ماده انا أقدع مدرس فيها
انا الأول بالقمهوريـــه بكل المواد


وفاتح الأوضــه بتاعتي في كل وقت
خدمــه للفلوس ..... اقصد خدمه للشباب

[شعاع الاسلام]

حلوه للشباب
يامدحت شوئي بريده
والأحلى القمهوريه
الله يونسك ويسعدك ويخليك لعين ترجيك""""" معاك سلف10rs

[مدحت شوقي بريده]

مافيش ولاهلله

دنا بدور

وانصحك ماتبحث في المنتدى ده عن الفلوس

اصلهم قعيطيه

[سعفة]

شف يا ابوعمار يا علي ما عدمك
أنت تبي ندلك على محل يبيع ملخصات ولا تبي مدرس خصوصي ولا تبينا نكتب لك الملخصات بذيا بالنت ولا أرقام محلات ولا أرقام مدرسين .. .. .. أنتظر ردك ولا رسالة خاصة .... أنا مستعد أجيب لك كل مدرسين الرياضيات من الأهليات والحكوميات ...... ما عنديش مانع

بس انت على ماقال .... آمر ,, وحنا نطامر


؟

[أبو عمار]

يا شباب الظاهر الكلام واضح تراي إنقهرت على الردود وتسني كاتب إنجليزي ... أبي أرقام مدرسين خصوصيين !!!!!!!! بس قضينا .؟

مع شكري لكل من شارك و رد على هذا الموضوع ...

مدحت ,,,,
كم رقمكم علشان نتفق ؟


شعاع ..
اللهم آمين ...


سعفة ..
الله مير يسلمك ويخليك لميمك اللي جابك .... ما ابيك تكتب ولا حاجة بس أبي أقام المدرسين الخصوصيين ببريدة والمحلات اللي تبع الملخصات .....





أكرر أصل الموضوع بقبة رشيد وش اللي جابه بذا أرجوا نقله بسرعة ....