مشكلة الترميز في جهازي..!

[المنخرش]

السلام عليكم ورحمة الله


أخواني

في بعض المواقع ..

ادخل عليها .. ثم يحط لي كتب ياباني.. ولا فريقي :D

ثم اروح لترميز .. ولكن يصير الترميز على اللغة العربية..!
والله شي فقع راسي..

إن شاء الله ألقا حل للمشكلة

وجزاكم الله خير


محبكم/أبو فهد

ولازال التهنيق مستر :eek:

[abo suliman]

وعليكم السلام ورحمة العلام

شف يأبو فهد ... المشكلة من جهازك ولازم تشري من مكتبة العبيكان جهاز جديد ولا مايشتغل معك >>>>>> أحسن دعايه .. هههههههه

يجيك القرم .. أبو إبراهيم .. يحله لك لاتخاف يأبو فهد ..

...

وأنت أبخص ..

[البوارق]

انا اعلمك الحل

يالمنخرش

تمسك الكمبيوتر حقق وتصبخه بالجدار بما اعطاك الله من قوووه

ثم خذه ، واشبكه على الكهرب وتراه يفتح الموقع وبه ميزه انه يسألك اي من اللغه تختار

ملاحظة :

اذا فقع الكمبيوتر بوجهك مااااااااااالي دخل بكـ

[فهد703]

اخوي المنخرش فيه حل من الاثنين

الاول

إما انك تمشي بفكرة اخوي البوارق لانه جيده وممتازه
بالنسبه لجهازك عطه العين الحمرا لاترحمه ويمشي معك عدال
ترى الكمبيوتر مايعطى وجه
اسأل مجرب ولا تسأل طبيب

والثاني

انك تصبر الى ان يأتي المشرف القدير ابو ابراهيم
ويحل لك المشكله


عاد انت اختر اللي يناسبك

[المنخرش]

ولا واحد رد إلى هالحين :d




بانتظار الجواب احبتي :)



محبكم/أبوفهد

[S n a k e]

مير أنت أبوفهد مفكر إن جهازك أحد أجهزة والت ديزني بتاعين الرسوم الكرتونية اللي الرندر بالثري دي أنت تسويه بأسبوع هم يسوونه بنص دقيقة ..

يا أخي ما يصير إرحم جهازك .. وعندي لك شبه حل ..

تشري جهاز ثاني بمواصفات حليله تخليه للإنترنت مخصص ..
واللي عندك الحين فرمته وخله للمونتاج والبرامج وغيره ..

أتوقع لو طبقت هالشغلة يبي يطيح عنك ثلاث أرباع هالمشاكل وأهمهن مشكلة التهنيق ..
وقل ما قاله أم قنيب

على طاري طاري
كل عام وأنتم بخير :)

[المنخرش]

ههههههههههههههههههه

أجل دزني

دزني واطيح

يالبي هذولاك عندهم مزارع كمبيوترات هههههههههه


انا عندي جهازين .. ونفس كلامك

مواصفات الثاني مواصفات كبيرة وادخل فيه النت أنا هالحين ..

لكن لازم أحل المشكلة هذي

ماسكة . يمكن تحصل لي وانا ماعندي إلا جهاز واحد
وسناك ماهب موجود ههههههههه
همن رقعه عاد :d

[S n a k e]

أبو فهد مشاركاتك 7,324 السبع تلاف ذولي كلهن بقسم الكمبيوتر والباقي بالصوتيات مقاطع فديو وأنت ماشي ..

مشكلك واضحة ياعم بس أنت ما ودك تقتنع ..
أنت تتعب جهازك وتطلب منه فوق طاقته .. لو هو إنسان يمكن لكن الكمبيوتر دور أحد يعطيك زيادة عن اللزوم .. بالمناسبة أنا عارف إن جهازك الآن مواصفاته ممتازة وهيك وهيك .. لكن نصيحة تشوف لك واحد فاهم وتقول له بالضبط وش تبي تشتغل بالكمبيوتر وقل له عطن أفضل القطع المتوافقة والمواصفات لجهاز جديد وقل له لا يهمل أي شيء مهما كان .. همن عاد ارخ الريال ودبر لك هالجهاز ..

إن طبقت هالكلام أجزم إنهم يبي يقفلون قسم تقنية حديثة :)

تحية طيبة عطرة إلك حبيبي

[المنخرش]

ههههههههههههههههههههههههه
ههههههههههههه

الحمد لله انك مارديت علي إلا بهالموضوع خخخخخخخخخخ


حبيب البي

أنا جلست 3 شهور أبحث عن القطع المناسبة من الرياض وجدة ومكة

ثم أشتريت جميع القطع بدون أي تعارض.. وشغال 100%
هههههههههه

ياحبيلك
مشكلتي يالبي ماتكمن بالمواصفات

الحين أقولك الترميز مشكلتي هههه

وأنا داري إني لو أفرمته انحلت المشكلة

لكن أريد أن أعرف الخطأ وأصلحه .. علشان أتعلم يالبي

تقبل مطخاتي إيلك يالبي

محبك / ابوفهد

[المنخرش]

ياشباب المنتدى

دبرو لي حل مع مشكلة الترميز جزاكم الله خير :)

[المنخرش]

أبو براهيم

سويت كل شي مع ذلك مازبط
أريدك أن تعرف مشكلتي بالظبط

شوف هنا
http://www.alahli.com.sa/arabic/index.asp

ثم اضغط على
لها اون لاين

ثم يطلع لي الكتب ملبخط جداً

لازم اسوي ترميز ثم.. اللغة العربي (ويندوز)

وكل شوي لازم اسويها

طفرتني

ايش الحل جزاك الله خير

[المنخرش]

الترميز عندي دمار

لو أدخل ايميلي لازم اضغط على ترميز ثم (لغة عربية)

بانتظاركم

[البوارق]

الترميز عندي دمار

لو أدخل ايميلي لازم اضغط على ترميز ثم (لغة عربية)

بانتظاركم

المنخرش

علمتك الطريقه

وانت الله يهديك

شايفه

وطاقن حوله

جرب اللى قلتلك

ولا يهمك

[المنخرش]

البوارق

والله لو انت عندي لا افكر ترميزك انت ههههههههه

وراه ما اطبق بك انت اول ثم اطبق بالجهاز بعدك خخخخخخ

[نبع الحنان]

... :: منخرشووووووه :: ...

هلا بك يابعدي .. انا من ايام ظهرت عندي مشكلة .. اني لما افتح رسالة من ايميل الهوتميل .. تطلع عندي بلغة دبشه مدري من وين جايه .. ولازم أروح لم ترميز >> ثم العربية .. وبعد كذا يضبط .. لكن كل رسالة لازم اسوي معه كذا .. يعني شغله شوي .. ومادري وش السبب .. والمشكلة تقريبا من بعد العيد .. فشكل العلة اللي عندي عندك .. لكن انت شكلك بكل المواقع .. وانا فقط في بريد الهوتميل .. فالله لا يهينك اذا لقيت حل قلي :D <<== وش رايك بالشحادة :D

مع محبتي
نبع الحنان
:rolleyes:

[المنخرش]

الله ياخذ وجهك أحسبك جايب لي حل

زاد انا ادور رابط حفظ احسبك جايبن الحل عن طريق انشودة ههههههههههههه

ان شاء الله إذا لقيته ابقولك فل حجرك بس هههههه

[خالد بن محمد]

حتى انا عندي نفس المشكلة برسائل الايميل ..

نرجو حلاً عاجلاً ..

تحياتي ..