صادق الود

[أميره]

هاك كل المشاعر والعواطف حلالك
انت تامر ولاغيرك على القلب يامر
غاية اللي يودك في حياته وصالك
ارحم اللي لشوفك في حياته يغامر
اه من قلبي اللي كل ماجامجالك
زود الشوق نبضه بعد ماكان ضامر
اسر القلب ياخلي بهاك ودلالك
اشهد انه بحبك زاهي الشوق عامر
شفت هالكون في عيني قليل المسالك
يوم غبت انت عني اصبح الحظ دامر
الموده عزيزه وانت مرضى بدالك
لوتطول الليالي مالي الى انت ثامر
صادق الود لعيونك حبيبي عنالك
والمشاعر صفت لك وانت بالقلب سامر
ماتغيب المواقف ولاتنسى نضالك
قلبك اللي بحنانه والوفاء دوم غامر
لك حياتي وكل مااملك حلالك
وفوق هذا تدلل يامنى الروح وامر


أميـــرة الحــب

[وليد التميمي]

عاشت أيامس ،،، وش هالإبداع

الله لايهينك أبغى تمدحينن بكم بيت من ذوقك


<======= واحد مصدق //// مايعطى وجه



على العموم تسلم أناملس ياشعلة المنتدى

[أميره]

الابيات مهداه الى الاخ العزيز و وتامر امر



هلا باللي ينسيني عذابي والليالي السود
هلا باللي الى غاب اموت وتنشف اقلامي
هلا باللي احبه موت وقلبي له محـــــدود
هلا باللي علشانه وطيت الخوف بأقدامي





تقبل تحياتي أختك أميـــــــــرة الحــــــــب

[محبكم]

<b><center><br><font color="0000FF" size="10"><font face="Simplified Arabic">!!?!!</font>

[الخاطف]

يا محبكم وش فيك تستفهم وتستعجب ؟ !

تبين امدحك بعد انا:D

يا أخت أميرة يا محترمة

المنتدى هذا للطرائف الألغاز

يعني مو مكان للشعر :) حبيت أوضح لك عشاااااااان ما تستغربين من ردودهم

ادخلي هنا وتعرفي سبب ردي على مشاركتك (http://www.buraydahcity.net/vb/showthread.php?s=&threadid=5845)

تح تح

[أميره]

أهلين فيك الخاطف أنا أشكرك على كلامك الحلو و الذوق الحلو
وبالنسبه تقول انه ماهو للشعر أعذرني أنا هوايتي الشعـــــــر
وهنا في منتدى بريده مافيه شعر ايش أسوي
وانا من المعجبات في منتدى بريده بس
ناقصه الشعــــــــــــر






تقبل أجمل وأرق تحيه أميـــــــرة الحـــــــب