ساعدوني اريد محل للحجامه؟؟( بريدة او عنيزة او .....)

[سيد معلومة]

اخواني اريد اكلف عليكم شوي


واطلب انكم تدلوني
على محلات احتجم عندها انا ومجموعه من الشباب....

سواء في بريدة او عنيزة

ولكن اريد الشيء الزين

سواء مستوصف او محل ====>( حلاق)


وياليت اذا فية احد ما عندة محل( شغل منزلي) وتشوفونة ممتاز

ارجوا توصيف موقعه

طلب اخر :
ارجوا ان تلاحضوا هذة النقاط:

كم تتوقع نسبة نظافة المحل ....زعلما ان الادوات سوف احضرها انا بنفسي
السعر بالريال السعودي >>>>>> سلامات
خفة اليد في المحجًم
متى يفتح المحل خصوصا في فترة الصباح
هل هي بعد الصلاة


وش رايكم بالمحلين اللي بالجدرة هل تنصحوني فيهم
وايهم افضل القريب من مبنى الاتصالات او الابعد ===> اعرف اوصف ...صح

والله الموفق

ياااااااليت تردون بسرعه





تحيتي لكم
م.خالد

[رجل الظل]

عفوا اخي سيد معلومه لو كنت اعرف لأجبتك


لكن انت لست على اسمك

وبعدين الجرده مهب الجدره

تقبلني اخا لك رجل الظـــــــــــــــل:41

[من بريده]

محل دار الحكمة في عنيزة ممتاز وحجمت عنده ب_ 130 ريال ويعطيك الأدوات

رقم المحل 063636622
لازم الحجز

وبعدين الحلاقين لا تقربهم شغل مشيش حالك ووساخة وبدون تعقيم وممكن بعضهم يشفط باثمه

تبغى الوصف
رسالة

[عبدالرحمن الثاني]

نفس الطلب

[سيد معلومة]

بارك الله فيكم \\


كفيتم ووفيتم


اخواني
ـــــــــــــــــــــــــ
رجل الظل

ــــــــــــــــــــــــــ

وما اوتيتم من العلم الا قليلا

الجردة
تبقى الجردة
مهما
غلطنا
بالكتابه




ــــــــــــــــــــــــــــــــــــــ
من بريده
ــــــــــــــــــــــــــــــــــ

بيض الله وجهك \

ابشرك اتصلت وحجزت


ـــــــــــــــــــــــــــــــــــــــــــ
عبودي
ـــــــــــــــــــــــــــــــــــــ
عليك بدار الحكمة========>والباقي خس

[Jcliii Jcliiio]

سؤال ليش تحجمون

[مخاوي الصمت]

بارك الله فيك أخي مُتبع السنة

سبقني أخي من بريدة في الوصف
وأعتقد أنه أعطاك رقم محل الواحة بعنيزة
وأذكر أحد الشباب وصف لي محل بعنيزة يمدحون الحجامة فيه بس لازم الحجز مسبقاً
(صعب توصيفه شوي)


وعلى فكرة ترى أفضل أيام للحجامة يوم 17 و19 و21 من الشهر الهجري
بارك الله فيك

[نجد نت]

يا خوي يا سيد معلومة تراي قبلك سألت لما دخت كلن يذكر ما واجه مدحوا لي ( دار الحكمة )بعنيزة ويوم رحت جان السفاح المصري وشفط دمي بدون مايسأل عن حالة جسمي مادريت الاونا منسدح من الدوخخخة بصراااحة المصري استغلالي .
وحتى لاأظلم المركز خويي مرتاح له.
لاكن واحد يمدح الشايب الأسود اللي بالجردة هادي وحنون وصادق وخبرة وركادة والظاهر انه الغربي.

[من بريده]

الشقة السفلى شكلك عصقول مررررررررررررررة مقضيك الملح هههههههه


على العموم شكراً لكل المشاركين

جربت الحجامة عند كل الشخصيات / التكرونيين ، دكتور معاه الزمالة الأمريكية للطب البديل ، وعند دار الحكمة

التكرونيين نظيفين قوووووووووووة يستخدم الكولونيا للتنظيف ويستعمل الحديدة لك ولغيرك الله يكفيك شر نقل الأمراض عندهم


الدكتور أمير صالح في المستشفى السعودي الألماني في المدينة الحجامة بـ 250 ريال

لكن شغل نظيف ويقرأ عليك عندما يحجم ورجل عجيب ولازم تأخذ عنده موعد حجز

مليان عالم حجمت عنده عدة مرات

والأخير دارا لحكمة جيد ورخيص وقريب ولا يستعمل الكاسات لغيرك وإنما تأخذها معاك للحجامة مرة ثانية وجيد شغله


على العموم الحجامة فيها فوائد كثير وشفاء بإذن الله من الأمراض وخروج للدم الفاسد

Jcliii Jcliiio ما أدري وش اسمك ما عليش ليش يحجمون اللي في دماغه خبة ما طحنت يروح للحجام من شان تطلع

مخاوي 7 الصمت / ايش قالوا لك أكذب يعني تقل ما حجمت عنده ثلاث تالاف مررررررة

وكل يوم احجز تعوذ من الشيطان وهذا رقم دار الحكمة وزين سيد معلومة حجز بعد


هذي تبي حق بقرة محشية بط


توصيف دارا لحكمة للجميع ( طوالي لعنيزة حتى يأتيك بنك الرياض على يدك الشمال

ويمينك ستيشن (محطة) تخش يمين وطوالي على طول حتى تجيك سوق الخضرة على يدك اليمين تعد سوق الخضرة للدوار وارجع ثاني تلقى المحل على يدك اليمين بعد الصرافة )

شكراً كثير دعواتكم