ياملـــح المطــــاوعه بـعد

[قرناس]

السلاااام عليكم ورحمه الله وبركاته

ياحيا الله الوجيه السفره والله اني احب المطاوعه وأقدرهم ياملحكم بعد

على كل حال انا عضو جديد شد بلد كنيتي ابوحصه عسى الله يجيب امه :D :D

والسؤال اللي يتبادر لدميجه كل انسان واعي وشلووووووووون جيت لهالمنتدى من بين تسعطش مليون موقع بديار النت اهااااااااااااااااا وهنا تنطلق بدايه القصه اللي كاتبن الموضوع عشانه ..

وشرايكم احوووووف المقدمه ايه هين :rolleyes: :rolleyes:


يوم الخميس الماضي جالسن مع العياااااااال بالحوش حقنا اللي بالناصريه عقبال ما اعزمكم به _ادري تقولون قااااااااضين بس تراو حوش عامر بالطاعه لاتخافون _ :i125

المهم ومعنا واحدن من العيال خبره انتر ودايم يهمق بالمنتديااااااااات والبالتوك وسواليفه مع اخوياو بالماسنجر وهيك حركات وامر يجيب طاري هالمنتدى بريده ستي :D :D والله يالاسم مووووووت بعد !!

طبعآ هو عضو عندكم ماعرف اسمه بس اكيد يبي يرد على هالموضوع ويبي يتناقر معي لانه انسان يرفس على المشاكل ..

الشاهد يقول ان هالمنتدى كله مطاوعه _ياملحهم بعد:) - وسواليفهم يحبه قلبك ومواضيع جاده
ومتنوووووعه خاصه انه ذكرلي حدى المواضيع الظاهر اسمه ((دابه قوم لوط وموسم قطف الثمره ))
ههههههههههههههههههه الصراحه تنسيم هالأسم امرررررر اجيك ماشين ترليون ودبرنا ياقوقل ببريده ستي ..

عاد طبيت ارضكم دغري

انا الصراحه احب المواضيع الساخنه اللي تشخص المشكله وترسم الحل

وان شفتوا هرجي تقل دبشه وهدر بس ترى بي شويه ثقافه اعجبكم ان شاء الله ومن ناحيه الدين محافظ على الصلاه الحمدلله يعني تراي اسلك مع المطاااااااااااوعه ..

عقبال ما التزم بسببكم وتصير كنيتي من _ابو حصه _ الى _ابو القعقاع _ والله يا أنا ابصير فخم بعد الله يهدين بس ..

المهم بدميجتي مواضيع كثيره عن بريده وشباب بريده ومشاكل بريده وما أتوقع يحوف الحل الا اهل الدين والعقل مهب السمرمد اللي يعينون على الشر ..

ماودي اطوووووول عليكم سي يو

__المشرف الفخم حقنا لاتقعد تنقل الموضوع لساحه الاستقبال لأني ما اجسر هناك لحالي اتوحش مابه غيري تقل محشش اهارج روحي خلن بذا متلحف بين المطاوعه _ياملحهم بعد :D _ __


وبعدين دبروووووونا بالردود خل احس اني حي وبه احد يسمع صوتي واذا مارديتوا ترى منب جايكم مره ثانيه __ايقاله واقفتن علي :rolleyes: :rolleyes: __

[بريماكس]

أهلين أخوي أبو حصة

:) :)
يبدو أنك من أولها عضو ظررررريف ..

و صراحة مت من الضحك يوم تقول عقبال ما تصير أبو القعقاع :D :D

و الله يا أنت كذا بعد :41

.
.



أبو حصة
وين هوبه حوشكم اللي بالناصرية تراي كل دايم فاضي عادي أجي معكم <== حشره :D


.
.


أبو حصة
معليش نقلنا موضوعك بذا لأنه هذا القسم الخاص بالترحيب بالأعضاء الجديد

يا عيااااااااال ..
تعالوا رحبوا بأبو حصة .. :)

.
.



أخوك
بريماكس

[قاهر الروس]

.
.

حياك ربي بيننا ... وترانا تحت الخدمة >>>>>>>>>>> تراي أمزح لا تصير نشبه :p


وان شفتوا هرجي تقل دبشه وهدر بس ترى بي شويه ثقافه اعجبكم ان شاء الله ومن ناحيه الدين محافظ على الصلاه الحمدلله يعني تراي اسلك مع المطاااااااااااوعه ..

حشاك الهدارة ...

عقبال ما التزم بسببكم وتصير كنيتي من _ابو حصه _ الى _ابو القعقاع _ والله يا أنا ابصير فخم بعد الله يهدين بس ..


ياالله يا شباب أعينووووووووووه على الإلتزام ...
{ لأن يهدي الله بك رجلاً خير لك من حمر النعم }


تقبل تحيات أخوك
قـــاهر الـــروس

.
.

[قرناس]

هلا بريماكس ياخلفهم انت يابعد بريده كله ..

والله ياحياتي لي الفخر انك تزورنا بالحوش الله يريدبكم بس وتجزم انت وكم نفرات من الاعضاء وتجونا ..

ترى انا والسطوله اللي معي بالحوش بنا أجر وان تسانك مبطي ماضحكت به واحدن عندنا بيخليك تفنقس من الوناسه وان تسانك دب به واحدن عندنا لعبته جلد النثريات وان تسانك مثقف به انا :confused: :confused:

تبي تضيع مع معلوماتي :i125 والله من الصدز بعد

يعني الدعوى خمس نجوم انت تعال بس ..

وحوشنا في قلب الناصريه يابعد قلبي ..

ثانكز على الترحيب ياساحه مفتوحه ;) ;)


قاهر الروس هلا بالعيااااااااال وش جهاده

والله يا انت شكلك مطوع صدزي ياملحك بعد عقبال ما امطخك واجغفك يابعد الشيشان كله ..

الله يجعلك من انصار هالدين ويرزقك الشهاده ويثبتك ..

شكريات على هيك رد مليح كتير

[الــنــهــيــم]

اقصر حسّك انت واياه !

أبوحصه وصل !

يا إلهــــــــــــــــــــــــي ..

وينك يابوحصه وين الغيبات ..

ياخوي .. لي ثلاث سنين أبحث بالمنتديات عنك !!!؟

ياااااااااااااه ..

أخيراً وجدتك .. <== وش يبي ذا متأثر بالافلام الهنديه

تسيف صحك يابوحصيصه ..

ابوحصيصه معه مصيصه ..

عزّ الله انك بايعه خل عنك ..

شكلك منتهي .!!

مرحباً بك بين ردهات هذا المنتدى المعطاء ! <== لزوم كلام رسمي تعرف حنا مطاوعهـ

يالله حبيبي .. خل نشوفك فيذاك هاه ..

نحتريكـ ـ ـ ـ :)

[بريماكس]

أبو حصة .. طلبة الرجال للرجال وصف لي الحوش أبجي أنا و النهيم نبي نطب عليكم .
هع هع هعاااااات :)


وش رايك يا أبو معاذ تبي تخاوينا

[الــنــهــيــم]

هذااااا الموتر يتفتف عند الباب !

يقول إنجز .. نبي نروح لأبوحصه ..

إمحط لنا كروكي يابوحصه الله يخليكـــــ ــ ـ

أبوخالد الظاهر أهلك ما صلحوا غدا مثلنا صح ؟

[خوي السرور]

كعادة سطحتنا ـ بريماكس ـ قام بنقل الموضوع .. الله يعينك يابو حصة ..

[إكلــــيل]

حياكـ الله يابو حصة ..

نورت المنتدى بوجودكـ ،،

على طاري حصة ..

وراه مالقيت الا حصه ..؟ وش سبب هالكنية ..؟

[المستشار]

أبو حصة ..
يا هلا و الله ويا مسهلا ،، بالطش و الرش و البيض المفقش ..
الدار دارك .. <=== على وزن الشام شامك مع فرق الوجيه :)

إلا ابا أسألك ..
وراك ناسين الهمزة حقت أبو ..؟؟ هماك مثقف وشلون مثقف و هدر بالإملاء .. ؟ <== جدع الميانه
و بعدين ممكن نعرف وش فايدة النقطتين الي بعد حصه ؟ هههههههههههه
وهناك سؤال صريح <== مهب قايل سؤال بجيح ..
وش ذنب البنت يا ويلي تبي تسميه حصه و هي توه ما بعد جت ..
أختر له اسم من هالأسامي التاليااااااااات الي العالم طافين بهن ..
روان ، رزان ، رهف . وهف ططف <=== هذي توليفه من عندي ..
تخيل عجووووز اسم ( روااااان ) .. واااااااااااااااااوك .. ما تجي ..

[قرناس]

ياوليييييييييييه على هالمنتدى كفو بالعيال

النهيم يامال الأسد اللي يجغفم خشيشك

حتى انا منذ مبطي وانا ادوج بالمنتديات واصوت النهيييييييييييييييم النهييييييييييييييم اين انت اخبرني يالهي لماذا لاترد علي مستحيل لا ثمن اجلس اصيح والمشرفين يقولون خلاص خلاص لاتصير دلووووووع قلت وش الفايده من خلاص من يعوضن بالخمسه حقت شريط النهيم هههههههههههههههههه ياملحك بعد

عشان تدري ان عنــــــدي خبــره في مجال الطوع والمطاوعه والتسجيلات تالاسلاميه


النهيم انشاد:عزازي هع هع قصدي ابو علي


ابو علي الصراحه ادوخ مع صوته احس انه يقضم قبل ماينشد لان الابداع غير طبيعي ..

بس اهم شي انت يالنهيم يابعد ردهات قلبي :rolleyes: :rolleyes:



بريماكس مره اخرى __فرحنبي انت__:D :D >>>قليل خاتمه صح

ياخلفهم انت يقولون الحب الحقيقي اللي من اول مره الله يذكرك بالخير يا عليوي ولد جيراننا الى هالحين مانسيت حبك :D :D

طلع منه بريماكس ياحبيلك انت مكانك بحشا قلبي يا بعد مصاريني ..

وبالنسبه لوصف القصر حقنا فسعاده فضيلتي جاء بيرسلك على الخاص وامرررر ينتق مستطيل كده يقول ماتقدرترسل لين تصير مشاركاتك 30

عاد فكرت اني اكتب موضوع وارد عليه واشكر روحي ثمن اجي انا ياكاتب الموضوع واشكر نفسي على تعليقي وابتل ليت تصير المشاركات30 يعني اخلي الموضوع زي مايقولون دخاااااتره النفس انفصام بالشخصيه يعني يصير بشماغي مرزامين :D :D

وحياكم الله بكل الوقت ..

ابو معاذ اهلك ماصلحوا غدى يابعد الصواني انت ;) ;)

[- راحل -]

حياك الله يابوحصه: يعلم الله أني حبيتك
وتمنى من ألاخوين النهيم وا بريماكس أنهم يقلولي أخاويهم لم الحوش

[التويجري]

هلا هلا باللي لفونا ..

أبو حصحص ..

أجي أنا معهم للحوش .. :o

عاد تصدق انك احسن أحد ..

الله مير يعافي خويك اللي كزك لمنا .. :D

مرحبا ً بك بيننا أخا ً جديدا ً لنا ..

[حجر]

أبو حصة
عندكم بالاستراحة جصة
وراك ماتعزمن معهم
وش دعوى
يسهل الله
أدروكم بالناصرية وأعرف سواليفكم كلها

[قرناس]

خوي السرور حلووووووووووووه السطحه بريماكس شكله متسلطــــن عليك لكن اوريك بهالمريماكس يبي من يقبصه ويدقه ويقنعه مع راســـــــــه الييييييييييين يغـــدي رجــــــــل ويثبــــت مواضيعنــــــــا بالســــاحه المفتـــوحه ..:i121 :i121

او ماتدخــل الســـــــاحه مفتوحه تستفتـــــح بموضـــوعي يالله من فضلك كلي حكم ودرر عاد انـــــــــا ..



اكليل منور المنتدى بوجــــــوك كلك على بعضــــك قمر ياخلفهم

اما عن الكنيــــه وش حنــــا بليـــا حصه وهيـــــله ومزنـــه ونوره لولا هالأسامي تسان ماتذوق الجريــــــش والمطـــــــازيز !!:) :)


المستشار هلابييييييييييييييييك شكلـــه انت اللــي معي بالحـــوش اعترف يالله لأني اشوفك تقبس علي وتتلقط زلاتــــي طــــــال عمري >>>>لاتخــــــلينا ياسلمان العوده :D

بالنسبـــه للهمزه الله يرزقك بنت عمره 17 تهمزك سقطت سهوآ من زود الثقافه وش نســـوي عــــــاد حنــــا يا العلمـــــــاء من كثــــــر مانقتحــــــم المهـــــــــام الكبــــــــار صرنا نتغافل ونخطي بالجزئيات ..

امـــــا عن النقطتين فهي ســـــــالفه هداره من فضيلتــــــي تبي تقول وشي هاااااااه بس منب معلمـــــــك :eek5

ولا تدري دامك ملــــــزم ابعلمـــــــك الســــــالفه ومافيهـــــا اني من زود الحـــــــرص على اني اسجـــــل بالمنتــــــــدى جيتك بكل طفـــــــــاقه وسجـــــــلت وحطيــــت ايميــــلي خطأ باسم _ابو حصه _ بدون نقطتين وامررررر يلقم التسجيل ويطلبون من اني افعل الاشتراكـ واروح ادور الرســـاله بالايميـــــــل ومالقيــــــــت شي وارجع اشيـــــك اثري كاتبن الايميل خطأ الله يخلف على اميمتي دايـــــــــم تكـــــــزن للبقــــــاله تبين اشريـــــــــله طبـــق بيض واخطي واجيب زبــــــادي عاد تقول احــــد يخطي بالبيض يامال الدجاجه اللي ترجنك ..

الشاهد امررررر اعيد التسجيــل واحـــط نقطتين ومشت معي .:) :)

وبعــــــــدين وشبكم على اسم حصــــــه والله انكـــــــــم ماش انتم يالتالين ماتعرفون قدر امهاتكم

بس لعيووووووونك يا المستشار ابسميه حصــــه وأدلعه رهــــف وأصير ربطت الحاضر بالماضي
لا أعرست حصه تطبخ لرجله نوبتن مطازيز ونوبتن همبرقر :D :D


راحـــــــل احبك الله الذي احببتني فيــــه واذا بغيـــــــت شوري لاتماشي بريماكس والنهيــــم تراهـــــــم لعابين دايــــــــم اشوفهم يفحطون بشـــــــارع عندنــــــــا بالنــــاصريه يبونن اطــــلع ويركبونن معهم الله يهديهم بس ههههههههههههههههههههههههه طبعــــــــآ من بـــــاب الدعوه يبون يكسبون قلبي ياملحهم بعد..

الله يحييك يابعدي عين فراش وعين غطى ياخلفهم ..

[قرناس]

هلا بالتوااااااااااجر ياخي حكمه انتم بكل محل الله لايضركم

حياكـ الله يابعد الضراس واهله ومزارعه

والشباب الظاهر بيجون لمي بتوبيس لانهم صاروا كثارين فلذلك ارتسب معهم :D :D

حجر قاضين استخبارات وشلون بتجيب خبرنا ياملحكـ بعد

وبعدين منب عازمك غصب والله يا انت حاشره ووووه بس منكـ

يابعدي انت راعي محل مايحتاج اعزمكـ لاجوا الشباب ابخليك انت اللي تظبط القهوه والشاهي من قوه انك منا وفينا ياهلابكـ وياميييييييت هلا وسهلا


___ابي كل واحــــــــد منكــــــم يحط اصبعه على خـــــــده ويكتب رقم واحد ويقول هذا المنتدى كله ملح ووووووووه بس من بريده ستي شكلي ابسمي بنتي حصه سيتي :p ___

[S n a k e]

حيّا الله أبو هصه ستي << تبيك سأيده اللحجية :p

منّور يا خلفهم .. وجميع الديبان وجيرانهم من العقارب يرحبون بك ويقولون عين سُم وعين قرصة :D

أم جنيب

[أبوفارس الخالدي]

ياملحك أنت .. ياخلفهم ..

مرحبا بك هنا وفي كل مكان ونفع الله بك وأصلحك وثبتك ..

[بريماكس]

يارب ياااااااصلن مشاركات أبو حصة 30 عشان يرسلي الكروكي
:) ..

[قرناس]

هلا والله باللي بالينا العام بالبعيثه وماخلانا نستانس ونرتاح هلا والله بااللي خلان اكره الكشتات

هلا بالعقرب بام جنيب بسناكـ وش جاكـ ياخلف السم كله علينا والا تشوفن دابه سليمه وماوراي لا سم ولا شي ادافعبه عن نفسي ماوراي الا سعابيل وحمولتن طيبه تطلع من اثمي:D :D

__زاد انا والله من الكماخه والهداره ولا احد يكشت بالقيض وشده الحر ولا من الشين رايح للبعيثه __

بس اعلمك انك هيبـــه ياهالسناكـ واحبك قوه وانت صديقي >>>قاضين سم وقرصات :p :p

حياكــ الله


ابو فـــارس الخالـــدي اعوذ بالله معقوله اني انا مملوح ما اصدق طول عمري يقولون لي كشباره :(
بس انت اللي عارفلي ياملحـــكـ بعد الله يثبتنا وياكـ ويهدي الجميع ..

بريماكس >>>>اشوفكـ جزمت خخخخخخخخ بدى يخره الذيب هاه:D :D اليوم جاء راعي الحوش وطلعنا وهذا من بركاتكــ بس :i125 :i125 ((باب ماجاء في الكز والتوليف ))

شكلي ابحشر كل اللي كتبته والمشاركات بموضوع واحد عشان ما آصل الثلاثين ;) ;)

يابعـــــدي زيارتكـ شرف لنا وان تسانكـ مشغول بكيفكـ :eek: هههههههههههه تبي تصير زيارتكـ مر اببتل اماطــــــــل ..

على كل حـــــــــال ترى كل هــرجي مزح وانــا اتشـــرف بحضورك يا الدلع انت يا ولد الهوى ((هوى اسلامي لاتقعد تشك بي بس )) رياح موسميه ملطخه بالغبار تهب على مدينه بريده >>>لاتخلينا يالزعاق:D :D

تلاحظــــــون اني مرتـــب بالســــواليف وانتقل من عباره الى اخـــرى بانسياب وموضوعيه بس تحملونا وش حيلــــه العــــــــاشق الا مســــــــامره المعشوق ومعشوقتـــــــي بريده ستي والاعظــــــــاء اللي به يعني لاتدققون بالأســـــلوب الله يخــــلف علي ..

[قناص الفوائد]

بسم الله ..
منذ زمن طويل لم أدخل هذا المنتدى فدخلت هذا الموضوع لأن الاسم جميل والعنوان أجمل ..

قرأته فلم أدر إلا وأنا عند آخر حرف ..

أنت تملك قلم سيال ورائع وجذاب كجاذبية اسم حصة للأسماع ..

تستطيع أن ترينا إبداعك في المنتدى العام ..

وعلى فكرة أنا ما نب جاي مع الشباب لاستراحتكم ..

ونسيت أقولك أنت أملح حنا ملح الشقة وأنت ساسا .!

محبك :
قناص الفوائد ..

[العاصف]

هلالالالالالالالالالالالالا والله ابوووووحصة

... حيااااااااااااااااااااك الله وبيااااااااااااااااااااااك


... المنتدى منتدااااااااااااااااك وخذ رااااااااااااااااحك يا ألبي

... واللي يقووولك أي وااااحد من الأعضااااء شيء علمن


.. علطوووووووووول ... افصله من المنتدى <<<< تلاحظ صااار مشرف


.. ترااااااااااي فزززعت لك تدري ليش

أنزل ...







..









..





أنزل



...





لإني سااااكن حول حي النااااصرية وأبيك تعزززمن





...




...





على العموووم حيااااك الله وبيااااااااااااااااااااااااااا ك

[al7nooooon]

ياحي الله ياحي الله
:D وش وجه الشبه بينك وبين برجس :D
>>طبعاً برجس عضو معنى
سبحان الله نفس الأسلوب
حياك الله بيننا وعقبال مايمحطون إسمك قوست ههههههههههههههه :D
والاخبار والعلوم والتلعوم
وليه يوم انه ليه يوم إنك تسجل بوقت الإختبارات هذا إن دل يدل على إنك من دوافير بريدة :D وإلا زيين إن تساك من دوافير الرياض يصير بك رجى خير.. :p :p

أخوك/إبراهيم

[بقايا المجد]

يامرحبا ترحيب ينشر فالاخبـار.........ترحيب من شاعر تحرك شعوره

يامرحبا ترحيب يكتب بالانـوار......... والنور عم المنتدى مع حظـوره

اسمك مثل برق يبشر بالامطـار.........والقلب بوجودك تزايد سـروره

الطيب بين الناس ماهو بمنكور......... واللي يزور الناس لازم تـزوره

هذا محلك وابتدى معك مشـوار.........على الوفا والطيب تكتب سطوره

من الفرح رحبت بك نثر واشعار....... يامرحبا باللي يشرف حظـوره


هلاااااااااابك يابو حصـــــــه المنتدى يبلص من نورك اللي سطع علينـــا حياك الله وشرفتنا يابعدي ..

المنتدى اعتبره بيتك الثـــاني والاعظــــــاء اخوانــــك الله ينفعبـــــك ويسعدك بالداريــــــن ..

[قرناس]

ياعيــــــــــــــال للبيـــــــــع المنتـــدى قررت اشــــــــريه الصراحــــه انـــه دلــــــع وش هالتفــــــــاعل وش هالونــــــــــاسه وش هالترحيـــــــــب والله ياهو اطلق منتدى بالعالم ..

قنــــاص الفوائد ..

والله يأنت قنصتـــن بهالشحــــط غديــــت تقل قميـــريه جته القنعــــه صويب مع الجنــــــــاح لاهـــي اللي ماتــــت ولا هي حيـــــــه تطيـــــــر وتستــــــانس وانـــــــت اثنيـــت عليه بالأســـلوب وأنا عارفـــن روحي ان التعبيـــــــــر عندي ايـــــزي بس شهــــــــادك غير مردوده لأنه من انســـــــــان مستقيم حكيم زيك الله يجزاك الجنــــــــــه وانا الحيــــن عقلي صــــــــار صويـــب هو صدز اسلــــــوبي زيـــن على كلامك ولا قبيــــــح على كلامـــــي لكن فصل النزاع هو _ رحــــــم الله امرأ عرف قــــــــدر نفســــــــه _

تســـــــــلم ياخلفهــــم على هيـــــــك رفـــع معنويـــــــــات ..


هلا بالفــــــــزعه حقـــــــي وذراعـــــــي الأيمن العـــــــــاصف الله يسلمـــــــــك يابعـــــــــــدي وكـــــــل الاعضـــــــاء تكلموا علي بس كلام طيب لأن معدنــــــــهم اصيـــــــــل يسلمو خلف مال انا ..

وأبشــــــــر بالعزيمــــــــه تستـــــــاهل يا قمر النـــــــاصريه وانـــــــا اقــــــول وش هالنـــــور اللي عندنــــــا اثره انت ياخلفهم بعد ..

الحنـــــــــون>>>>> عشان تدري اني احوف العنقليـــــــــــزي كتبت اسمك بالعــــــــربي :p :p

يابعــــــــدي توحشـــــت يوم قلــــت وش الشبــــــــه بينك وبين برجــــــــس لأني ما أعرف احد بهالأســـــــم
الا واحدن ابن كلـــــــب انتشـــــــــرت عنــــــــه مقطـــــع مو مليــــــح والحين سجنـــــــوه

والحمدلله ان قصدك عضــــــــــــــــو وابشــــــــرك اني ماحصلـــــــي الشرف اعرفــــــه >>>تراي ما اعرف الا اللـــــــي ردو علـــــــي بس تخبر جدييييييييد غبار وكـــاله الدفعه الثانيه البازعي :p :p

حياكـ الله يا خلفهم وماقدرت اصبـــر للعطــــــله عشـــان اسجـــــــــل من سمعت _سيتي_ وانا رايحن وطي دبرووووووووووونا بهالمنتـــــــدى ومير صــــــــــارت خيــــــــــره الحمدلله الاعضاء متواجديـــــــــن دليـــــــل الدفــــــــــاره زيي ..


بقـــــايا المجد ..

ياعيــــــال كل واحد يغطي وجهه خلاص ماحــــــــــد يشـــــــــوف هيه انت يالنهيم لاتويدز مع اصبعك خلاص مابـــــــــه احــــــــــد يشــــــــــوفن انت بقايا المجد امووووووووووه جغفـــــــــه على خــــــــد ك يابعــــــــد قنوات المجـــــــد واسواق المجــــــد اللي بالرياض وكل شي اسمه مجــــــــد وش هالقصيــــــــده والله يا أنت صدزي ماتلعب يسلموووووووو ياخلفهـــــــــــم والصـــــــراحه اني حبيتــــــــك مدري عشان القصيـــــــده ولا اســـــــــلوبك المحترم ولا اسمـــــــك اللي يدل على العــــــــزه ولا الصـــــــــوره اللي تحت اسمك بس كل وحـــــــــده تعزز الثانيه سلملم ياخلفاتهم ..


شكرياااااااااااات ياكلوا اعضاء موجود ميد موضوعي ..

[بريماكس]

أبو حصة .. هاه بسرعة شارك عشان تأصل 30 مشاركة أشوف مشاركاتك ماشاء الله وصلن خمس طعش :eek:

<==== جااااااالس يحتري الكروكي . و النهيم قاعد على عتبة بابهم يحترين أمرهـ ... أخلص علينا أولاه :D :D

[فــــــــادي]

يا أهلاً يابوحصة بين ربعك ...!


وتصفي بالنهاية ينتقل - بريدة ستي- بحوش بالناصرية
كل الأعضاء هنااك؟؟؟
؟
؟

[A Z Z A M]

أعطيك اسمي .. تكز له الكروكي ..! :d


بس شرط .. أني .. أنا اللي أسوق التوبيس :d

[ارتقاء]

هلا والله بك . . الحقيقه استانسنا بطلة خشك البهيه . . <--- ( يقاله يعرفه ) ههههههه. .

أجل يالنهيم لاتويدزمن عند أصبعك . . ههههههه حلوه ذي . . تسلم لي هيك خفة دم . .

على العموم شكل الباص امتلاء دبرولي مكان لو بالشبك فوق . .

تخيل جايين بالباص حق أبوعلي اللي يقول الشيخ مدحت شوقي يذرف من العالم وطاقين ستكرات على الباص النقل الجماعي الخاص بمنتدى ببريده ستي هههههههه . .

[الإعصار]

http://www.imamsadeq.org/IMAG/besmbook-01.gif
http://www.sokkry.com/up/up/greenlove-1073748716.gif
http://www.arabiyat.com/forums/images/smilies/taheyatayeba.gif

حللت أهلاً .. ووطئت سهلاً ..
ياهلا بك بين اخوانك وأخواتك ..
ان شاء الله تسمتع معــانا .. وتفيد وتستفيد معانـا ..
وبانتظار مشاركاتـك وابداعاتـك ..
ســعداء بتـواجـدك معانا .. وحيـاك الله
وتراه عاد تراي معكم بالاستراحة لا تخلونن أنا كنت من قبل مشرفا على هذا القسم لو كنت فيه الآن لثبت الموضوع لجودته ولجودة أخونا الغالي أبو حصه
وهذه هدية بسيطة رمز الوفاء والحب لك ياالغالي وهي عبارة عن توقيع فلاشي
WIDTH=468 HEIGHT=60


أنسخ هذا الرابط وضعه في تعديل التوقيع وضع مكان xxxxx كلمة flash
[flash=http://3ssom.com/uploader/uploads20/7essah.swf]WIDTH=468 HEIGHT=60[/xxxxx]


الشرح بإيجاز

أولا ياالغالي هذا الرابط أنسخه بالكامل ولا تنس التعديل من xxxxx إلى flash


وبعدها شوف القائمة بالمنتدى فوق تجد روابط سريعة أختر تطلع لك قائمة منسدلة أختر تعديل توقيع ومن تطلع لك نافدة التوقيع ألصق الرابط الذي نسخته

وبعدها أختر حفظ التعديل أو حفظ التوقيع

[قرناس]

ياعيـــــــــــــال الحـــــوش صارلـــــه حادث ومات اليوم تهئ تهئ:i125


الله يعوضكم خير:D :D



بريماكـــــــس خلف الساحه المفتوحه يابعـــــدي شكلي ابفصـــــــل عــــــداد المشـــــــاركات يبيلك مبطــــــي ماوصلن ثلاثين ;) ;)


النهيـــــم مبوبز عند البــــــــاب من امــــس الظهر هو اسمـــــع حوش لبس ثوبه وطــــــــــلع شكل مازد احد جــــــــــامله :eek:

ياحبيلكم مير انت والنهيم احس اني رحت عسل مدعوس ببسط قشطه معكــــــــم يا ملحكم بس ووووووه ...:D :D


فـــــــــــــادي

لك تؤبرني شو هالاســــــــــم كتير مليح بدنا لاجيـــــــت عنا تساويلنا مشــــــــــــاوي وشيييييييييييي حمص يا البي يا سيييييييد دمشق والاذقيــــــــه ..


والحوش بيتكم التاني ولو يخزي الشيطان بنتشرف فيكو ..


عــــــــــــزام

الكروكي عند بريمــــــــــاكس بس يابعدي مــــــــــاودي انك تسووووووق الطريـــــــــــق تراو غبـــــــص تقعد تضـــــــرب حوله ثمن تصدم وتموت ويصلون عليك بالونيان ويدفنونك بالمطى ونكسب قيراطيـــــــــن والله وناسه اثر بـــــــــك اجر لالا خلاص انت اللي تســــــــــــوق تمت الموافقه :D :D


ياحبيلك الله يحفظك من الشرور يا الوله انت ..



الرعــــــد القاصـــــــــف

والله يــــــاأسمك يحـــــوش :eek: بس اهم شي انت يابعد روحي وشراييني وامعائي الدقيقه والثانيه والساعه ..


لا ماعليـــــك تبي تلقـــــــى محـــــــل بس قل لبريمــــــــاكس يفحـــــز ماخذن محل عشره هالدب هو وكرشته ..:D :D


واذا مالقيــــــــت تعال بالبـــــاص حق ابو علي اللي يقوله مدحـــــــــت >>>>>>>> وش مدحتوه لايصير اللي يلتزح نخـــــــل بمزرعه عمي بدى يشتغل دلال من ورانــــــــا :bad


ياهلابك ويسلمو على الطله ..


الاعصــــــــار

يوم قريــــــــت اسمك تمســــــكت بالكيبورد يادافع البلا اقعــــــد اطير بالعجــــــــه قاضين رياح عاتيه في موسف الصيف :p :p


هلابك ياخلفهم


اجــــــــــل توقيتــــــــي شين ماجيــــــــت الا يوم فصلـــــــوك كلي بركــــــــه ياحبيلــــــــي بس الشامخ بنفســــــه مايغره ونهوبه محله لو هو بمرتبـــــــــه جنـــــــدي ..


حياكـ الله ياعيــــــوني ورمشـــــــي والف شكــــــــر على التوقيـــــــع ياوافي الله يبيض وجهك ويسعدك دنيـــــــا وآخـــــــره ..

[أبو محمد النجدي]

أبو حصة ..
هرجك مب غريب عليّ يعني أعرفه :rolleyes:
لا تخلينا أشغل مخي وأفضحك ;)

حياك الله وبياك
أجل تقول بالناصرية أكيد عند بيت تهاويل :i125

[قرناس]

الاستخبـــــــارات حق بريـــــده ستي ابو محمــــــــد النجـــــــدي

على طاري هالأســـــــم يقولـــــــون الغنـــــــم راخصــــــات لأن سوريه فتحت المنفـــــــذ صحيح ولا طراطيـــــــش كلام لأني انا انســـــان خجم وما افهــــــم في الغنـــــــم ياخـــــــوي ريحتها دود يجينـــــــي كتمه في صدري لاشميتهـــــا وبعـــــدين وش فيهـــــا غنمكـــــم دايم متوصخــــــــات وع وع شكلكم ما تنظفونها بشـــــامبو لا جيتوا تسبحونها >>>> ابو حصــــــه من قلب شــــارع التحليـــــــه بالرياض يحدثكم :p :p


ياحبيلك ياهالنجـــــــــدي وبعـــــــدين مالغريــــــــب الا الشيطـــــــــان ان تســــــــانك تعرفن قل اسمــــــــي عاااااااااااااااايدي :D :D


انتم ياعيـــــــــال ديرتي شهبـــــــــان توحشــــــــون تعرفـــــــــون الواحـــــــد من ورى الشـــــــــــاشه فبنـــــــــاءً على ذلك
اي واحــــــــد بذيى يقول انـــــــــه يعــــــــرفن يرسلي على الخـــــــــاص من انـــــــا وسأوافيه بالنتيجه عن طـــــــــريق السكرتيــــــر بتاعي ولا اذا كـــــانه مهم اخلــــــــي مدير مكتبي يكلمه تستاهـــــــلون يافتيـــــــــان بريــــــــــده :rolleyes: :rolleyes:

ومنهو تهــــــــاويل بــــــــه واحد ساكنن حولنــــــــا رقله شوي دايــــــــم يمشي بفنيله علاقيــــــــه وسروال نص يعسب كل النــــــــاس حريمه :D :D

يمكــــــــن يصير هو كل شي جايز الا الربــــــــــا حرام ..


جغفاتي العذبــــــــه لخشيشك يا راعـــــــــي نجــــــــــد

[بريداوي بالرياض]

ياهلا والله بأبو حصيصة

شرفة ولا كلفت ............................ ماله دخل

الا ياخلفهم وين هوبه الناصرية .

[قرناس]

النـــــــــــاصريه سلمــــــــك اللــــــه خل الربـــــــــوه على يمينـــــك والعليـــــــا على يســــــــاركـ ووجهــــــــــك شرق قبلــــــــه وامش اليييييييييييين يجي بوجهـــــــــكـ لوحه مكتــــــــــوب عليه الفلـــــــوجه 10 كيلـــــــو سم باللـــــــــه و اقتحم البلد ثمن اجــــــــلد اول امريكــــــي تشــــــــوفه وسلملـــــــي على ابو مصعــــــب الزرقـــــــاوي وقله وراه كابرن راســـــــــه قصـــــــرت ادق عليه ومايــــــــرد بس يستـــــــاهل الذيــــــــب ان بغـــــــــــى يرد ويتفـــــل بوجهــــــــي الله يعز به الديــــــــن وينصـــــــره على القـــــــرده والخنازيــــــــر ..


يؤ يؤ:D :D

وش جابنــــــــــا لهالســـــــــواليف االلهم احفظ ولاه الامـــــــــر:i125




حبيبي وفدى روحــــــــــي الصـــــــــدز كســــــــل اوصـــــــــف لانك ســـــــــاكنن بالريـــــــــاض ولا ادري وش تعـــــــــرف ببريـــــــــده فلا أعلم من اي اتجـــــــــاه اوصفلكـ ..

لكــــــــن اذا جيــــــــت لديرتنــــــــا دق على الموبايلــــــي حقي واوصفلك الله يحييك في بلدكـ الثــــاني الولايه البريداويه ..


حياكـ الله ونورت بيت الدرجـــــــه قصـــــــدي المنتــــــــدى;) ;)

[خالد بن محمد]

حياكـ الله أبو حصة ..

ما شاء الله عليكـ ..

الردود وصلت رقم قياسي ..

شكلكـ محبوب من الأعضاء ..

على العموم هلا بكـ والله يحييكـ ..

تحياتي ..

[مـوقد الابـداعــ]

ويا ملحك أنت بعد والله يا أنت مووووووووت يعني فله هاه,,,,,,,
اتوقع أنك من الخبوب عاشت أيامهم بعد على الاسم وعلى هاللهجة,,,,,
أقول وش كبره حوشكم؟؟؟؟؟؟؟؟>>>>>>>>>>>>يعرف يلمح هاه
أهلا بك في بريدة ستي حيث المطاوعة وريحة دهن العود والمساويتس
وهالمرازيم المكحوحة بالنشاء,,,,,,,,,,,,,
مكر مفر مقبل مدبر مدبس جاين لأبوحصه جميع
كجلمود صخر جدعه المطر من فوق
يالله عاد بيت شعر على الطاير وش تبي أكثر من تسذا ترحيب ودلع...
يالله عاد قل لبريماكس جب الخـــــــــــــــال معك؟؟؟!!!

[فارس أمريكا]

ههههههههههههههههههههه خخخخخخخخخخخخخخخخخخخخ
شكلك أنواااااااااااااااااع التنسيم (ابو حصه) انت شايف اسمك ..
اتمنى لك سعة الصدر
وتقبلوا خالص تحياتي.

[الوافي]

هلابك أبو حصة .

[أبو تميم التميمي]

اجل ياملح المطاوعة

تعال لمي وشفن شيفة مثل ليفة المواعين


الا ان كنت تقصد ملح القلوب فالله يتوب علينا


المهم انا من النوع اللي مايقر الهرج الفاضي عندك شي حطه مخباك


لاتنسا اني ابو الهاون
ترا هاون واحد تروح في ستين داهية

فاحذر ترد

[الـمـتـوهـج]

ياهلا والله بك وياغلاا

سررنا بقدومك وبتنسيمك خخ

حياك الله وبياك في منتداك

ننتظر مواضيعك واحرفك

أخوك ومحبك .

[أبو تميم التميمي]

حياك الله

[قرناس]

خالد بن محمد ؛؛ الخال ؛؛ فارس أمريكا :i125 ؛؛ الوافي ؛؛ أبو الهاون ؛؛ المتوهج 0000


حياكم الله وشكرآ على هيك ردود ومعذرةً على التأخير والسهجة المتمغطه لأن القسم هذا هاجرهـ منذ مبطي لاهيييييييين بالساحه المفتوحة ومشاكله فلكم خالص الشكرياااااااااااات والمحبة المغروزهـ في جعبة القلب :) :)