احلى الاحراجات

[مخاوي الصمت]

احلى احراجات

من
أنـواع الإحراجات اللي تصير لأي أحد منا..

1_انك تكون ماشي وواثق من نفسك وتتطيح

2_ انك تتكلم واللى تكلمه رايح في سابع نومه

3_ انك تسوي نفسك فاهم ويجيك موقف يبين انك اغبي من الغبي

4_ انك تكون في سفر وتسأل واحد اجنبي سؤال ويرد عليك وانت منت فاهم ولا كلمه

5_انك تكون نايم في الحصه واذا بالاستاذ يقومك تجاوب وانت ما تدري اصلاً وش المادة

6_انك تكون واقف قدام المراية تضحك وتستهبل ويمر احد ويشوف هبالتك

7_انك ترد على واحد وكان يكلم واحد غيرك وانت تحسبه يكلمك

8_ انك تدخل محل في تحف وقزاز وتكون تدف عربيه وتصدم وتكسر كل شئ

9_ انك تكون في محل من بره كله قزاز وتمشي وتصدم بالقزاز الواجهة

10_ انك تكون تمشي ورافع خشمك لفوق ويجيك واحد ويقولك ثوبك منشق من ورا

11_ انك تشوف سياره مضلله وتصلح ثوبك وشماغك وتفتح وحده الدريشة وتقول لك يا قليل الادب أو يجي أخوها ويشوفك قدام السيارة وأهله من داخل

13_ انك تكتب موضوع ومافي احد يرد عليك

14_ انك تكتب موضوع ومافي احد يفهم كلامك


وياليت كل واحد يدخل الموضوع يقول وش من المواقف حصلت له


تراه مهب من تأليفي

[مخاوي الصمت]

بالنسبة لي رقم 13 دايم يتكرر معي والدليل باقي مواضيعي محد عطان وجه<<الولد متحطم

الفزعة يا جماعة

[ابوعاصم]

الله يعطيك العافيه

أخـــــوي

مخاوي 7 الصمت

ولا يهمك إذا كتبت موضوع ارسلي الرابط تلقى الرد جاهز

[TAMAY]

يعطيك ألــــــــ1000ــــــــــف عافيه على الموضوع الفلللللللللله

[اهم شي الاخلاق]

تهي تهي تهي ياعمري يا انا كل دايم اوكل بتله يصيرلي الموقفين رقم(1)ورقم(9)ما ادري ليش ما يحطون اورقه او يكتبون به بالخط العريض احذر امامك قزازه لا تلبخه ياالعماء :i125 :i125


بسم الله عليك يا مخاوي عشر طعش الصمت منذ ومبطي ما نطلتلك موضوع عشى ماسر:eek:

[شعبوط]

ياكثر ذي عندي . . .

7_انك ترد على واحد وكان يكلم واحد غيرك وانت تحسبه يكلمك


ثااااااااااااااااانكسات ..

[فهد703]

الموقف ( انك تكون في محل من بره كله قزاز وتمشي وتصدم بالقزاز الواجهة )
ههههههههههههههههه

ماصار لي والحمد لله
لكن شفت واحد مره باسواق النافوره سادح الطبلون يدور من محل لمحل يوم وصل محل الوهيبي مر يهز السوق كله من الصبخه بالباب
انا طفيت من الضحك عجزت امسك نفسي والشباب يهدونن يقولون اسكت فشلت الرجال لكن دور احد يسكت ذكرتن به الله يقطع شيطانك


مشكوووور

[مخاوي الصمت]

شكرا شباب على مروركم
يا سلام اول مرة احد يعبرن
اهم شي الاخلاق ابشر بالإستعارة إن شاء الله بس أخاف أتعب وانا أدور همن محد يعطين وجه

ابو عاصم أنت صاتس والا بس كلام
اذا أنت صاتس الله يكون بعونك يالغالي
الف الف شكرا

[ابوسلطان]

انا موقف رقم 15 دايم يتكرر عندي اتكلم مع واحد على اساس انه هندي آآآخر شي يطلع سعودي اخر مره بالشارع التجاري حطينا الموتر عند واحد المهم جلس يشتغل بالموتر قلت له مافيه قلم مادري واش ابكتب ذاك اليوم المهم قال لا المهم لزمت عليه على اساس انه اجنبي اخر شي قالي منين انجر لك قلت هههههههه وش هالهندي الي يعرف انجر لك المهم دريت وش الوقع هجيت ورى السياره وخويي ميييييييييت من الضحك فشلن الله يفشله غدى وجهي كبر ظفري عقبه غديت صيخ لا شفت بنقالي اقوله وشلونكم وشلون العييييييال لما اتأكد همن اقول كيف هال صديق انت نفر مافي كوييييييس

[نــسـجـ الـخــيالـ]

تصيرلي رقم 6 ..

[بنت الشماسية]

صح لسانك
والإنسان معرض لكل هالمواقف

[بصراوي وأفتخر]

أنك تمشي واثق من نفسك وأخرته تطيح .......

[التويجري]

3_ انك تسوي نفسك فاهم ويجيك موقف يبين انك اغبي من الغبي









حصل معي بعض المرات ..