هذا مايحصل في باص ابو علي لنقل المعلماااااااااات .. جوق بي جوق ..

[مدحت شوقي بريده]

بسم الله الرحمن الرحيم ..
اقسم بالله العظيم .. ان اغض بصري واغمض عيني ..
وان لا اُناظر المدرسات وهن يركبن أو ينزلن ..
وأني مالتفت وراء حتى لو كنت اباريوس ..
وأن اوقف قدام الباب بمترين علشان ما أشوف المدرسات وهن يطلعن ..
وأن لااتكلم أثناء الرحلة من والى المدرسة ..
وأن لااجلس بالسيارة اذا كان بها مدرسات وانتي ماركبتي ..
والله على ما اقول شهيد ..
{ هذا القسم اللي يؤديه ابو علي لأم علي علشان تسمح لوه انه يشتغل بنقل المعلمات }



بعد ما ادى ابو علي القسم .. راح للمعارض واشترى بااااااااااااااااااص ..
وكتب عليه (( ابو علي .. لنقل المعلمااااااااات ))

ولصق اعلاناته على جدران مدارس البنات وعلى بيبان الكليات ..
وبعد اسبوع اكتمل العدد .. وبداء ابو علي وحرمه المصون بنقل المعلمااااااات ..

عند الاشارة تكون الساعة الخامسة واربع وعشرون دقيقة وثلاثون ثانية ..
خخخخخرررررررررشششششششششش <<((== هذي الساعة قامت تخرش ..

قامت ام علي ورفست ابو علي وقالت لوه قم يالله تأخرنا على المدرساااات يالله يمدينا نقعد نقشقشهن هاللحين ..

قم يالله انت ووجهك لاتقعد تبلشنا ابله فوزية مثل امس .. تصير متهاوشة هي ورجله وتحط الحرة بنا ..

قام الدرايفر ابوعلي .. وغسل وصلى الفجر ومسك الطااااااره ..
ومن حاره لحاااااااره .. بس ماهنا تفحيط وعيارة على قولة حامد الضبعان ..
وتبداء معاناتهم اليوميه ..


*** *** ***


طططااااطططط .. طططااااااااااططط .. هذي أول وحدة ابله نوره ..

وجت ابله نوره ويوم ركبت قاله ابو علي ..
ابله نوره ياعيوني ياللي لابسه الليموني ..
تصكه ام علي بطرااااق مع علباااااااته وتقولوه خير انشاء الله وش جاك .. وين الحلوف والايمان .. يالله سق بسرعة لانشب سنونك بالدركسون ..

مشى ابو علي وهو خايف ..
وابله نورة تضحك عليه ..



*** *** ***



وبعد خمس دقايق ..
طططاااااااااططط .. ططططاااااااططط .. ويوقف عند بيت ابله لولوه ..

وتجيك ابله لولوه مسرعة وعباته طايرة وراه .. وتبي تركب وتمسط عند الباب وتقوم وتركب ابله لولوه وهي مسرعة وتقول أوف اعوذ بالله عجزت اطلع من هالولد بس بساقتي حتى دفتر التحضير من الخبه نسيت اجيبوه .. سلااام عليكن يابناااااات ..
<<((== وش عقبه السلاااااااام توه تفطن .. عقب ما اعطتهن الموجز ..

ويبرق ابو علي بالحوش اثر ولده سليمان يركض وراه ويصيح والشغالة تركض ورى سليمان وتمسكه عند الباب ( تئالي .. ماما الهين يجي )




*** *** ***



وبعد سبع دقايق ..
ططططااااططط .. طططاااااااططط .. ويوقف عند بيت ابله نوف ..

وتطلع لك هاك الدلوعة اللي يالله يالله تمشي ..
مغرورة وشايفة روحه علشانه مدرسة رياضيات .. صايرة زبده ..
ولا تبي أحد يقرب له وبتله مزكومة ومنديله بمخباته ..
ومهبلة بأبو علي اذا جاء الحساب .. تطلع روحوه بالجذور والكسور وس+ص
عاااااااااد ابو علي يسميه ابله ( نق تربيع )
وركبت ابله نوف وقبل تقعد تنفض المرتبه وتفرش منديل وتقول صباح الخير وتقعد ..
ويمشى ابو علي ..





*** *** ***


وبعد ثلاث دقائق ..
ططططاااااطط .. ططططااطط .. يوقف ابو علي عند بيت ابله نوره ..

عااااااااااااااااااد ابله نوره توه معرسه ..
كل يوم تركب وعليه طقم ذهب جديد .. واذا ركبت بدت توري هالمدرساااااات الطقم اللي عليه ..
شوفي هذا من خالتي أم زوجي .. والاهذا من بنتنا هيله ..
واذا صار الطقم غالي قالت .. هذا من عمتنا اللي مع العثيم ..
وكل يوم شنطه جديد وجزمة جديده ..
وتشوف زوجه ياقف له عند الباب الين تركب الباص .. ماينلاام يخاف تخطف دافعن به 50 الف ..
وماغير مطلعة هالمراية وإتكحل واتمكيج وحالته حاله .. ناسية الناااااااااس ..



*** *** ***




وبعد ست دقايق ..
طططططااااااااططط .. طططططاااطط .. يوقف الباص عند ابله فطيمة ..

عااااااااااااد ابله فطيمة مسوية رجيم ..
من قبل ماتركب تشم ريحة الخيار وهي عند الباب
ماغير تقرض بهالخياااااااااار ماتسمع الا جغ جغ وفسحته موز ..
تقول متطنزه بقرد يادافع البلى ..
وكل شوي وهي ملتفتة على اللي بجنبه وتسأله أقول مانحفت شوي عن أمس ..
والله ياهي دبلت تسبد .. همن تقوم وتقعد على هالكرسي .. تقول ابسوي رياضة ابنحف ..
وتجيه ام علي وتقوله يابنت الحلاااااال اجلسي والا والله اني لااربطتس بحزام الأمان .. همن تقعد ..





*** *** ***



وبعد أربع دقائق ..
طططططااااااااططط .. طططططاااطط .. يوقف ابو علي عند ابله حصه ..

وتجي ابله حصه مطنقرة معه ..
وتسأله ابله نوره وشبتس شكلتس مانمتي زين ..
همن تقوله ابله حصه .. ايو والله مانمت زين ..
خالتي جايه عندنا راح ابونا وجابه ..
وكل شوي .. ودين للحمام جيبين ..
ودقيلي على نورة الدحيم ابشوف بنته وش صار عليه ..
ودقيلي على عايشة الحمود ابشوف عن رجله هو جاء من البر أو لا ..
وأخر شي تنبطح وتقول همزي رجليني ..
والعشاء ( حكم ) ماتبي الا هامبورقر تصليح البيت ..
أنا قايلة لأبونا لاتجيبه الا اربعاء وخميس وجمعة ..
.. وهاللي تشوفين مانمت ..




*** *** ***



بعد عشر دقائق ..
طططططااااااااططط .. طططططاااطط .. يوقف الباص عند بيت ابله بدريه ..

وتطلع ابله بدريه وتركب وعيونه بجبهته ومحمراااااااااات ..
وتقعد وبه الصيحه ..
ويقولن له وراتس ياكاااااافي جاية تسذا وين قشتس الدفاتر والكتب ..
عااااااااااد تنفجر ابله بدرية وتقول ..
ابونا امس عنده رجااااااااال ولا راحوا الا بنص الليل ..
وهذي دلة رايحه وهذا ابريق جااااااااااااااي ..
وماصححت الدفاتر ولا حضرت لدروس اليوم ..
ومايبي العشاء الا من البيت ..
قضى ليلي وأنا اسبع بهالمواعين ..





*** *** ***



وبعد ثلاااااااااث دقائق ..
يوقف ابو علي عند باب المدرسة ويقول .. يالله يابنات وصلنا ..

همن تلصه ام علي بطراق مع جبهته وتقولوه .. وش حنا قايلين ..
مالك دخل انت تسوق وتنثبر وبس ..

يالله يابناااااااااات وصلنا .. يالله حولن ..


والسلاااام ائليكم ..
جوق بي جوق ..



تابعونا في الحلقة القادمة .. ابو علي يرجع المدرسات للبيت .. بدون ام علي ..

[أبو قتيبة]

هههههههههههههههههههههههههههههههههه
اضحك الله سنك عزيزي أبو إبراهيم ..

[فداء]

منتهي!!!!!!!!!!!!!!!

[طموووح]

هههههههههههههههههههه

تسلم لي البي ابو ابراهيم

ههههههههههههههههههه
ههههههههههههههههههه

ننتظر الحلقة الثانية باحر من الجمر

[صديقة الشمس]

هههههههههههههههههههه


با أنتظار الحلقه الثانيه.............

[الـمـتـوهـج]

ههههههههه


والله من التنسييييم

ننتظر تكملة الرواية :D

[أبورائـــــــــد]

الله يرجك يهالمنســم
منتهي أنـــــــــــــــــــــت ؟

أجــل إذا صار غالي تقول هذا من عمتنا الي مع العثيم ..!!
ههههههههههههههههههههههههههههههـ

والشغــالة تقول ( تئــالي ) حشا هذي عبده

..:: أبورائـــــد ::..

[شجون القصيم]

ههههههههههههههههههههههههههه ... ايقااال عندي روووووووح ريااااضيه ..

اقووول اغدي الحلقه الثانيه تكووووون عن المدرسين والا الموظفين
حبتين عدل ياااااامتحت بيه ههههههه
يعني المدرساااااات يكفيهن الشقا اللي بهن
ترا ماهن ناقصاااااات

[الثعلب]

:) :) :) :)

والله يا أنت مبنشر

:D :D :D :D :D


أنا في انتظار الحلقة القادمة
: 12 ;) : 12

[محمد الشقيران]

يا دفع البلاء يا ابو ابراهيم وش السوالف ذولي . . .

أقول يا ويلكـ من بنات المنتدى جياتنكـ على كفر يبن يهوشونكـ . . .

-----------

متى الحلقة الثانية . . . .

-----

أقول يا ابو ابراهيم بما أنه باقي حلقة ثانية وش رايكـ نثبت الموضوع . . .

بسرررررعه رد لي علشان اثبته . . . .

[عابق الذكرى]

ههههههههههههههههههههههههههه
أجل الشغالة تقول تئالي
هههههههه
والله يانت منسم بعد
بس عندي سعال صغينووووووون
قل وشو
وشو
وراه ابلى نورة قلته مرتين >>>>>>>>تبلش بالي يدققون
هههههههه
ننتظر الحلقة الثانية بفاااااااااااااااااارغ الصدر

[قدرنا عالي]

موضوع بايخ جدا
ليتك تستغل قلمك في شيء فيه فائده دينيه أو دنيويه

[الأسمراني]

ههههههههههههههههههههههههه

والله انه هاجتنبك انت.....

حلوووووووووووه مررررررررررررره
عجل بالحلقة الثانية.......

[مدحت شوقي بريده]

أبو قتيبة ..
هلا بيك يالبي يابعد معاااااليق شوشتي ..
يالبي ترى كم واحد يقولي اضحك الله سنك .. الين طحت على خشتي وانكسر سني ..
وطلع كأنه رقم ^ يعني يالبي احس انه من هالدعوة هذي ..
جوق بي جوق ..
يسلموا يالبي ..




فداء ..
ياحبيلك بعد ..
ايه منتهي .. ماتشوف الخاتمة ودمتم .. منتهي من زمااااااان ..
وكتبت تابعوا الحلقة القادمة ..
<<((== تدري انه هدر الصعيدي ..
مشكور يالببي ..




طموووح ..
هلا بالغااااااااااالي ..
ابشر بالحلقة الثااااااااانية .. عاااااااااد يبي يصير ابو علي لحاله ..
يعني يبي ينفرد بالمدرسااااااااات ..
تنسيم ابو علي ..
جوق بي جوق ..





صديقة الشمس ..
الله من الصدق .. اجل صديقة الشمس ..
لو نقولتس اطلعي بالشمس خمس دقايق كان قلتي انتم تبون تذبحونن ..
على هالاسم .. اللي يشوفتس يقول هذي تطلع بالقايلة وتقعد تناظر الشمس الين تغيب ..
من قوة الصداااااااااااااااااقة ..
يابنت الحلااااااااال صادقي القمر .. او صح القمر رجاااااااااال ..
والله ان يجيتس المستشاااااااار ويقلب المنتدى علينا ..


شكراً على مرورك الكريم ..






المتوهج ..
انا ماقلت لك ان اسمك رهيب ..
اسمك ينبع من الخيال .. <<((== ينبع .. احسبه المدينه ..
اسمك خياالي يالبي ..
مت وهج ... يعني مت وانحش .. والله ياهو رهيب بعد ..
انتظر الحلقة الجاية .. وش اتحرى ابوعلي يبي يسوي مع المدرسات وام علي مهيب معهم ..
انا اقول يمكن يتسلف منهن قروش ..
يمكن .. تابعونا في الحلقة القادمة ..
يسلموا يالبي ..
جوق بي جوق ..





ابو رااااااااائد ..
هلا بك يالغالي يالمتغلي ..
وراه مالك شوفة يالبي .. ودي اشوف حلقك عقب قشع اللوزتين ..
بس تعال .؟. وراه .. اللوز تين ..
اخبر اللوز لوز .. والتين تين ..
وشلون يصير اللوز .. تين ..
يستهبل الصعيدي ..
يسلموا يالبي
جوق بي جوق ..





شجون القصيم ..
يالبي تخيل يصير باص نقل المعلمين ..
وين حنا بوه .. بمصر ..
يالبي الشباااااااب ماعليهم قاصر كل المنتدى عنهم وعن مشاكل جيوب الربع ..
وامهات شباصة مسكوت عنهن .. بس هن امهاتنا واخواتنا ..
<<((== مايعرف يرقع هالدبشة ..
الحلقة الجاية شكل ابو علي يبي يرجع للبيت بدورية من الهوشة مع هالمدرسات ..
ويسلموا يالبي ..
جوق بي جوق ..

[مدحت شوقي بريده]

الثعلب ..
هلا بيك يالبي ..
قال الثعلب المكااااااااار اين دجاجة .. اين دجاجة ..
<<((== متأثر بالمجد هالتفخ الهدر الصعيدي ..
يسلموا يالبي ..
جوق بي جوق ..





الفتى أحمد ..
اقول ياظلااال بريدة اغديك تثبت الموضوع ..
يالبي هالحين ثبت روحك عقب هالكلمة لاتجي باتسر وتلقى حدر اسمك ( قوست )
والسبب محاولة انقلاااااااابيه ..
يسلموا يالبي ..
جوق بي جوق ..




الغشيم ..
صحيح انك اسم على مسمى ..
هالحين يالبي تحسب الاسامي الصدقيه مثل المنتدى .. خلااااص اذا احد اختار اسم ماتقدر تسمي انت مثله ..
لا يالبي عاااااادي يصير بالمدرسة 20 وحدة اسمهن نورة ..
<<((== لاتدقق ياحبيلك تقعد تبلشنا فرقيعن جدي ..

ويسلموا
جوق بي جوق ..






قدرنا عالي ..
ياخي من دخلت انت لهالمنتدى وقدركم عاااااااالي ..
ياخي نزلوه شوي .. وشواله رافعينه .. خلوا قدوركم تحت قريبة ..
ولاتطلعونهن من المطبخ كل القدور تصير بالمطبخ ..
يكفين مرورك يالبي ..

جوق بي جوق ..

[المواطن]

ههههههههههههههه اصطه متحت ضحكتني هههههههههههههه

اجل اكلاتن عقلك المدرسات

خلاص انا بدعيلك من وراااااا ظهري >>> اسمع هالدعاء اكيد بيعجبك ....

الله ياكريم ياعزيز اتزوووووووووووج اصطه متحت لمدرسه لـو حتى مسيار

يالله ياكريم ياعزيز اتزوووووووووووج اصطه م ت ح ت ت لمدرسه ( لو ) محو اميه





جوق بي جوق

[هايم الشوق]

ههههههههههههههههههههههههههههههههههههههههههههههه
عاااااااااد ابو علي يسميه ابله ( نق تربيع ) <-- هههههههههههه
والله يا ابله نوف تسايده بالحيل .. ماتعرف كيري ميري ..
تصدق انه ماهيب شينه تغدي سوّاق بااص معلّمات ..<-- دراهم ووناااااااسه وتشوف هالهبلالات..
فاااال والدينه ابوعلي .. أخاف باتسر يرفس ويشوت ام علي.. وياخذ له حداااااااااهن ..

قدرنا عالي ..
ياخي من دخلت انت لهالمنتدى وقدركم عاااااااالي ..
ياخي نزلوه شوي .. وشواله رافعينه .. خلوا قدوركم تحت قريبة ..


هههههههههههههههههههههههههههههههههههههههههههههههههه ههه
وررررررررربيه <-- دمعّن عيوني من الضحك ههههههههههه
<-- فقعت تسبدي وتسلاي الله يفقع بليسك..

..<-- عاشت ايامك يا يألبي.ههههههههههههههههههه
بانتظار الجزء اللي بعديه على احر من الجمر ..;)

[عزيز نفس]

^

ههههههههههههههههههههههههه ثامر تقطعن مصاريني من الضحك هههههههههه


وش هالسواق ذااا هههههههههههههههههههههههههههههههههههه



يعطيك العافيه اخوووي

[مخاوي الصمت]

ههههههههههههههههههه
يسلموا والله يا مدحت شوقك
بس متى الحلقة الأخيرة
إلا ممكن طلب
تفضل
شكراً
طلبي يا طويل العمر نبي هالقصة تكون مثل المسلسلات المكسيكية<<يعني طويلة لا يروح تفكيرك بعيد
تكفى مدحتنا لا تحرمنا من ابداعاتك الغير مح دودة
وفي الختام تسلم يا ألبك
والسلام

[الرمح المقسم]

طططااااااططاااااططط




كفو يا الذييييييييييييب .

[ابو أسيد]

هههههههههههههههههههههههههههههههههههههههههههآآآآآآآ آآآآآآآآآآآآآآآآآآآآي...
ابتل اضحك ......
ياقلبي يامدحت ليت كل المنتدى مثلك .........عاد لا تصدق.....
عجل علينا بالحلقه الثانيه...........


..........جوق بى جوق,,,,,,,,,,,,,,

[ح ـايلـــيـة]

ههههههههههههههههههههه
الصراحه تحشيش..انواع التنسيم..
اما (نق تربيع)ههههههههههه..هباااااااااال..
طيب به نورتين؟؟شلون أفرق بينهن؟؟ :-)
ننتظر الحلقه القادمه على اجر من الحمر..اقصد..احر من الجمر..^_^..

[العاصف]

ههههههههههههههههههههههههه
ههههههههههههههههههههههههههههه
هههههههههههههههههههههههههههههههه
ههههههههههههههههههههههههههههه
هههههههههههههههههههههههههه
ههههههههههههههههههههههه
هههههههههههههههههههه

الله يرجك يابو إبراااهيم على التنسيم

والله انك قطعت تسبد ي من الضحك

يالله عجل على الحلقة الثانية وترااانا نتنظرك

أحر من الجمر

والسلام عليكم يالبي

[شجون القصيم]

اقوووول لا تكثر على المدرساااااات ترا بيشتغل الهجااء يامتيحت
مهووووب لازم يركب المدرسين ببااااص علشان يحشهم لسااااانك المتبررري منك
ههههههههه (( مصطلح مصري ))
وش رايك تحشهم بغرفة المعلمين
والا الموووظفين بمكاااتبهم .. تراك بتلقى من وراااااهم سواااليف ماتنتهي
والا بصااالة الأسهم
يالله جتك افكااااااار بلاااااااااااش ههههههههههه
والا عشان مصرياتكم يسووووقن مالقيت الا حنا
خلناااا بحاااااالنااااااا بس

[مدحت شوقي بريده]

الاسمرااااااااااااني ..
هلا بيك يالبي ويابعد معااااااليق شدوقي ..
( عجل ) باتلحلقة الثانية .. .. لايالبي بالحلقة الثاااااااانية بقرة ..
<<((== يستهبل المصري هو وكشرته ..

يسلموا يالبي على مرورك الكريم ..





الموااااااااطن ..
لا يالبي عسى كحله يسد عينه .. وعساااه بحمله تثور يالبي ..
تخيل تعرس على مدرسة .. عادي تقوم الصبح تلقاااااااك متوسد دفاتر الواجب حقاااات خامسة ( ب )

يسلموا يابعد معاليق ريتي ..
جوق بي جوق ..

[مدحت شوقي بريده]

ثامر99

هلا بيك يالبي .. بلااااااااك ماتعرف ابله نوف هذي ..
بتلة تهبل بالمدرسااااااااات .. تبي تخلي البااااااص شكل منقله ..

عااااااد هي ترى ماخلت ابو علي .. تشوف ان ابو علي طويل وعصل ..
وتسميه الفرجااااااااار ..

يسلموا يالبي ياثامر ..





عزيز نفس ..
هلا بيك يالبي ..




مخاوي7 الصمت ..
انت مخاوي 7 .. والا مخااااااوي الصمت ..
ابشر يالبي بس جت العطلة يعني ابو علي يبي يعطل ويقلب نقل المعلمات الى نقل عماااااااال ..

بس ابشر يالبي كل شهر ابو علي معنا ..

ويسلموا يالبي ..





الرمح المقسم ..
وراه الرمح مقسم ياداااااافع .. وش مقسمه يالبي .. صار تليفون هذا ..
والا يمكنه رمح حق ورثه .. عشان تسذا مقسم ..
يسلموا يابعدي ..

جوق بي جوق ..

[ابوعمرنت]

اتحفتنا ياابوابراهيم >>> متعوب(ن) عليه اتحفتنا
الله يجزاك خير لاتصيف علينا بالحلقه الثانية


ودمت لنا فخرا ياابا ابراهيم >>> اجحده



ابوعمرنت...

[آسر]

مـــــــــدحـــــــــت ,,,,





قيـــاس يا بــعـــدي ..




أنا قاعد أحللها من منظور ثاني .. وثاني جداً ( والله يا هو ما يديره حتسي ) :D



إذا قلنا إن الخراشة اللي خرشت .. الساعة 5:24:30 ص ..


وقام وغسل وجهه وصلى وافطر في (34:30) نص وخمس بس هذي قياس مدحتوه



صارت الساعة ( 6:00:00 ص )


ثم ( مر أبه نورة الأولى .. وبالتأكيد لن يكون بعيد البيت وأطول مدة نتوقعها 12 دقيقة )




صارت الساعة ( 6:12:00 ص )




ثم ( بعد 5 دقائق أبله لولوة )





صارت الساعة ( 6:17:00 ص )





حـــــلو ( والله يا أنا فاااضي لكن ما عليه ) ..




وبعــد ( 7 دقائق مر نق تربيع أقصد نــوف )



صارت الساعة ( 6:24:00 ص )





بعدهـــــا بـ ( 3 دقائق ) مر نورة الثانية ..


صارت الساعة ( 6:27:00 ص )






بعدهــــــــا بـ(6 دقائق ) مر فطيمة ..




صارت الساعة ( 6:33:00 ص )





بعدهـــــــــا بـ(4 دقائق) مر حصة


صارت الساعة ( 6:37:00 ص )





والله شيء .. نتابع ما بقى شيء .. جيبو المنقلة نكمل .. :eek:




بعدهـــــا بـ(10 دقائق ) مر بدرية .. يعيش سكان موسكو يامدحت ( 10 دقائق وين ذي ) .. ؟؟



صارت الساعة ( 6:47:00 ص )





بعدهـــــــــا بـ(3 دقائق) الوصـــــــول ..


<صارت المدرسة أقرب منهم ثلاث دقايق بس .. لو انهن رايحات على رجلينهن تسان اصرف لهن ..> :bad


<< هدر بعنـــف :i125


صارت الساعة ( 6:50:00 ص )


نزلهم قبل عشر دقايق من الساعة .. 7 ( طبعاً ذا دوام الشتاء .. وإلا لا يامدحت .)) :p


الصيف الحين 7:30 بعيدة .. :( :eek5


<< تحسون إني ورطت وأنا أرقع له .. ماش 7:30 بعييييدة .. :D :D




------------------( تــمــ تغيير الرد بعد البلشة بس منب ملغي الأول لأني تعبت وأنا أحسب .. والدكتور قايل لي لا تفكر واجد .. عليك خطر تموت )------------------




مدحت تنسييييييييييييييييييييم ..


الصراحة رووووووووعة ..


بانتظار الجزء الثاني ..









أخوك / أنا ..

[بريماكس]

:i121
:i121


[ مدحت شوقي بريدة ]

الموضوع لا يتناسب مع [ ساحة مفتوحة ] ، تم نقله لقسم [ سواليف كشكولية]

بعدين ما تلاحظ يا أخوي إنك مبلشنا هاليومين مره تنزل صور حريم و مرة تنزل موضوع ضحك بساحة مفتوحة تراه إن ما عقلت و الله موب أزين لك .

و لا تقعد تتصل علي زي أمس يوم أمسح صور الشواذ .. تتصل علي أرميك تسمع و إلا لا .


.
.


بريماكس


هلا بالبي بريمااااااااااااااااكس
جوق بي جوق ..
شف انا اقدر ادخل عليك هنا .. اء اء اء اء ..


الأخ بريماكس ..
التزم الأدب ..
هههههههههههههههههه


...

[S n a k e]

هلا والله بالشدة بريماكس :)

هالمصري يبيله رميه ooo1

[عــــ بريدةـاشق]

القصة هباااااااااااااااااااااااااااااااااااااااااااااااا اااااااااال


بس أبعرف وش معنى >> جوق بي جوق << ومنين جايبه



نحتريك بالحلقة الثانية بسررررررررررررررررررررررررررررررررعة يا ألبي

[مفتاح القفل]

هههههههههههههههههه
هااااااااااااااااااااااااااااااااااااااااااااااااا اااااي
الله يقطيع بليسك مدحتوووه :rolleyes:

نق تربيع (نوف) ذي وخر عن طريقه

نحتري الباقي ،،،



مفتاح البسطة :i125

[مدحت شوقي بريده]

أبو اسيد ..
هلا اااااااااااااا بيك يالبي .. يابعد معااااااليق شوشتي ..
ابشر يالبي بالجزء الثاااااااااااااااااني ..
بس ام علي الين هالحين تروح مع ابو علي .. وش اسوي به ..
خله الين تغيب .. همن يجيك الموضوع يالبي ..

جوق بي جوق ..





حايليه ..
يسلموا يابعد شباصاااااااااات امي لولوه ..
يالبي عااااااادي التفريق بين النورتين ..
يالبي وحدة توه معرسة .. والثاني معرسة وعنده 36 بزر ..
اذا ركبت اللي توه معرسة .. تشم انواع طيب ..
واللي ما اعرست تشم كشنة الشكشوكه حقت فسحة اليعال ..
واضح يالبي ..

جوق بي جوق ..






العاصف ..
والا الطاء .. لاتصف ..

يسلموا يالبي اهم شي لاتنفقع براطمك من الضحك ..
تخيل براطمك تنفقع وش يطلع .. حاول فأنت البطل ..
أووووه لقد مضى نصف الوقت ..
<<((== الصعيدي متأثر بمجًود يلعب بالكرة ..

يالبي الحلقة الجااااااااااااية ابشر به يابعدي ..

جوق بي جوق ..

[مدحت شوقي بريده]

شجون القصيم ..
مصرياتنا يسوقن .. وين يسوقن يالبي ..
مايسوقن غير الجاموسة يودنه للترعة يسقنه مويه ويجيبنه ..

الموظفين .. والله ياحالتهم حاله .. <<((== حالتهم .. منهوا اللي حالتهم .. وراه يحلتهم مالهم أهل ..
جوق بي جوق ..


ولا اللي بصالة الأسهم هذولا الله يخلف يدخل الرجال للصالة انواع الكشخة ..
همن يطلع وطاقيته بمخباته وعقاله على راسه والشماغ علىة الكتف .. وتشوف بقعة صفراء على ثوبه منكب عليه عصير والا قهوة ..

ومن زين الطبايع بايعن سيارتوه علشان الأسهم ..
واذا طلع من الصالة .. وقف ليموزين ..
ياهالهدر .. كل أرباحوه راحت بالليموزين .. يعني ماستفااااااد شي ..

بس ما اقول الا جوق بي جوق ..





ابو عمرنت ..
هلا بالبي .. وين النااااااااااااااااس ..
وش أخبارك وأخبار المنسم خويك التويجري .. تكفى سلم لي عليه ..
اجل اتحفتنا هاه .. الظاهر ان امك اول ماسمعك تقوله .. قالت لك استغفر الله وش هالحتسي ..
ياويلي ماتعودت تسمعه منك ..

يسلموا يالبي ..

جوق بي جوق ..






آسر .. آ..سر ....<<((== والا ==))>> طا ركبه ..
هلا بيك يالبي ..

وين يالبي على هالحساب شكلك انت زوج ابله نوف ..
لاعبتن بك لعب بهالحسااااااااااااااااااااااب ..

بعدين شف يالبي وراه ماتكفي ..
الخبر يقول .. عند الاشارة تكون الساعة .. يعني بالشارع ..
مهوب بالبيت .. وسع صدرك يالبي ..

جوق بي جوق ..

[المنعنع]

السلام عليكم ..
أخي وحبيبي / مدحت شوقي ( جوق بي جوق ) ..
تسلم على هيك رواية >>><<< وش عنده إقاله رواية بنات الرياض ..
ولعلك تلحط بنت الصانع بروايك ياجوق بي جوق ..
ونحن بإنتظار إبداعاتك ولمساتك ..
ياحبيب ألبي ..




دمتم بحفظ الله ورعايته ..

[مدحت شوقي بريده]

بريماااااااااااااااكس ..
اي صور حريم يامال العااااااافية ..
والله يانت اعوذ بالله .. <<((== ايقالوه قال شي .. :D :D
يعني صورة رجاااال مزيون طلع حرمه ..
اجل احط صورة حرمة شينه عااااادي .. لأنه يتفكيرك تسذا تصير رجل .. :D :D :D

يسلمواي البي ..
بس ترى فيه موضوع مكتوب .. ماشوفك رديت عليه .. :D
داخلن بس تهوش .. تقول وكيل مدرسة .. :D :D :D


يسلموا يا أحسن أحد .. :41 :D :41






سناااااااااااك ..
هلا بيك يالبي ..
يابن الحلااااااااااااااال لاتقولوه شي ..
هذا على هالهوش ماتقول الا مولود بقسم شرطة .. :D :D :D

يسلموا يالبي ياسناك ..


جوق بي جوق ..

[عابق الذكرى]

ماودك تكمل >>>>>>>>كدهـ

أذكر الله

[رافض الفكره]

ههههههههه

الله يا خذ بليسك..........

تقطعت من الضحك..........

[الطقس]

ننتظر الجزء الثاني بأحر من الجمر


ياالله سلام عليكم

[أبومووور]

قطعت كبدي من الضحك......

[مدحت شوقي بريده]

عاشق بريده ..
ووووواك .. ( عا .. شق .. بريده ) .. ..
اجل بريده مجدوعتن لوه علشاان يشقه يالبي .. وراه هي ثوب ..
هلا بالبي وبعد معااااليق شدوقي ..
يالبي جوق بي جوق .. هذا معناه ( دن هنااااك ) يعني فارق او انزلع .. بس باللغة التركيه ..
وانتظر يالبي الحلقة القاااادمة ..

جوق بي جوق ..






مفتاح القفل ..
هلا بالبي ..
بالأول اسمك مفتاح القفل .. همن صار مفتاح بسطه ..
أثرك منتب سهل .. انشاء الله اذا كبرت وتخرجت تبي تصير .. مفتاح العثيم والا بنده ..
جوق بي جوق ..
يالبي هذي ابله نق تربيع معزرتن بأبو علي ..
اذا بغت تهبل بأبو علي قالت لوه وقف عند البقالة جب لي فيثاغورس ..
هالهدر ابو علي يدخل البقالة وينادي العامل الهندي اللي بالبقالة يقولوه تعال ابله نوف تبيك ..
هالدهدره يحسب الهندي اسمه فيثاغورس ..

يسلموا يالبي ..

جوق بي جوق ..

[عين الفهد]

تنسيييييييييييييييييييييييييييييمـ ابو ابرهيم..
ننتظر التكملة بتاع القصة..

تشكراااتي..

[S P A R K L E]

ههههههههههههه ........
أجل الحلقة الثانية بدون أم علي :eek:

[أبو بكر]

خخخخخ..

تنسيــــــــم يا شيــخ..

تسلم يا البي على الموضوع بانتظار الحلقة الثانية..

[فرهود]

موضوع حلو .. يعكس حلاوة صاحبه ..(( إجحده))
الصراحة وصف أقرب مايكون إلى الحقيقة ..
ننتظر الجزء الثاني على أحر من الجمر ..

[الفارس الملثم]

باحترااااااااااااااااءك يابو إبراهيم يا ألبي ..

[اهم شي الاخلاق]

الله يقطع عدوك يا مدحتوه تقطعت تسبدي من الضحك<<<جيبي شطرطون ولصقيه

اقول اغدي ابو علي يعرف لوه احد ينقل طالبات حامت اتسبدنا من الباصات والدوجه الى ااظهر باشموس بس ترى عندنا شروط :1)نبي السياره مظلله وبه ستاير
2)المكيف يصير شغال اربع ساعه وعشرين موب اذا ركبنا قال غربان
3)نبيه الساعه 8 يصير عند باب البيت موب يقعد يصيف همن متى نوصل للجامعه
تعرف يبيله مشوار
4)اما بالنسبه للحساب يصبر متى ما طلعت المكافئه عطيناوه<<عزالله انوه دج
5)قل لوه ترى كل وحده تبي تدفع 150بس ترى موب دايم ياخذهن كاملات لان تعرف المكافاه كل شهرين او ثلاثه يعطوننا 2000فبعد خصم الديون للام والاخوات والاخوه وفي بعض الايام للشغاله ونسينا المدرسات مايبقى الى300حقت الفاتوره فلذلك اقترح انوه ينقلنا بلاش
لمن يعرف نقل بهذه المواصفات الرجاء الاتصال على999وشكرن
: 12 : 12 : 12

[مدحت شوقي بريده]

المنعنع ..
هلا بالبي وبعد معااااااااليق شدوقي ..

يالبي وش بنت الصااااانع هذي .. مايخسى الا هي هالداشرة ..
تخسى بنت قريح .. مااااااااعااااااد الا هي ..
قسم اني لاأحط تكرونية من اللي عند باب الحرم ولا أحط هالسلقة ..

يسلموا يالبي ..





الغشيم ..
هلا بيك يالبي ..
كد يالبي كد .. <<((== تحس انه يبي يغني هالهدر ..

يالبي الحلقة الجاية بموضوع مستقل ..
ويسلموا يابعدي ..






رافض الفكرة ..
هلا بيك يالبي .. أهم شي انك استاااانست ..
اغديك اذا ابسطت تقبل الفكرة هاللي أنت رافضه .. <<((== رافضه والا شيعه ..

جوق بي جوق ..
يسلموا يالبي ..

[فهد703]

هههههههههههههههههههه


والله سواق
الحين يستهبل و يقول الكلام هذا وامرته معه
وشلون اذا كان لحاله>>>>>>> عز الله راحن فيها المدرسات

[مخاوي الصمت]

متحت وين البقية
طيب على الأقل متى الإعادة
وهل حقوق النقل مخبية وإلا لا ؟

منب سواق الباص
مخاوي 7 الصمت

[TAMAY]

ابووووووووووووووووك يالتنسيم تسلم لي على القصه الروعه متى الجزء الثاني,,,,,,,

نحتريييييييييييك على جمر شيشه,,,,,,,,

[مدحت شوقي بريده]

الطقس ..
ابشر يالبي ..
بس أنا هالحين انفلق راسي .. مادري أنتم تبون الجزاء الثاني أو الحلقة الثانية ..<<((== ايقالهن غير لاارجده بمربوعة هالصعيدي ..

يسلموا يالبي ..






أبو مووور ..
تسلم تسبدك يابعد تسبدي انت ..
شكراً لك على مرورك الكريم ..







عين الفهد ..
هلا بيك يالبي انت التنسيم كله يابعد معاليق كرشتي ..
وابشر بكمالتها بموضوع جديد يالبي ..






نبض القلم ..
هلا بيك يالبي ..
ايه الجلقة الجااااااااية بدون ام علي ..
الله من التميليح اللي تبي تشوفوه عند ابو علي ..
بس هين ابله نق تربيع تبي تصكه بمنقلة تقشع براطموه ..
يسلموا يالبي ..

[نورالصباح]

سلمت أناملك

الأخطاء

من كثرهن >>>>> إلخ .

[المستشار]

ما ادري هل أضحك من الموضوع ..
و لا أضحك من ردودك .. ياااااااااااااااامقلع ..

[مفتاح القفل]

ماجبت الحلقة الثانية


أنا قلت الحين وصل (الحلقة الأخيرة)
خخخخ
وإذا جيت تحط الحلقة الثانية حط أعلان بالشريط الي فوق

جوق بي جوق"""""") وش معناه ذي..

[عابق الذكرى]

جوق بي جوق

والله أن قلته لهندي الجنسيه>>>>لاتفوتك الجنسيه

والله ان يلصك بطراق ان يلزق نخـ(مشفره) بالجدار

هذا اللي اعرفه اما معناته والله مادري

جوق بي جوق

[نــسـجـ الـخــيالـ]

مشكور مدحت

وش نخلي بس

نضحك على الحلقة نفسه أو على الردود

:D :D :D

لكن يامدحت بدون غيبة >>> مثل كلمة( داشرة)

انت تعرف وش معنى كلمة داشرة >>>ترا معناها كبيييييييييير



استغفر ربك وادعيلها بالهداية...



الله يستر علينا وعليك...:suu

[عميشا مسوية ليزك]

الحلقة الأولى أزين من الثانية...
كمل الحلقة الثالثة...وخل ابو علي يغير سيارته ونشوف وش يسون المعلمات..

[لارين]

هههههههههههههههههههههههههههههههههه

والله انك نكته << جابت شي الحين

اجل من حينك منتهي توي ادري

احسن شي مدرسة الرياضياات والله ياهي فاهمتن لوه قووه تطلع عيونه الصراحه

[نورس البحر]

ههههههههههههههههههههههههههههههههههه
اضحك من الموضوع والا الردود
ههههههههههههههههههههههههه
زين ماعنده ابلة سي او تو(كيمياء) ولا الشوكة الرنانة (فيزياء)


واوك المدرسات إلى هالحين ماارجعن شكلهن عفنن بالمدرسة

بانتظار جدييييدك

[المرسام]

هههههههههههههههههههههههه


قسم فطست ضحك... وانا الحين مقطن.!..


الله يغربل ابو علي ...


الحلقة ذي احسن من الثانية..


يلااااااااااااااااااااااااااا تحتري 3...!!.!.!