افضل طريقه للمذاكره<--للموظفين والطلاب ماله داعي تسقطون

[إبريه]

يبدأ يومك المذاكري..من الظهر..واعتبر الصبحيه عطله....العب..ونابط لين يطيح اللي براسك..


حين تأتي حزة القايله..وماتسمى ايضا بالحزة اللي مالها داعي..حيث ان الجميع يعبرون عن سخطهم من الحر..في هذه الحزة..عليك بالتفاهم مع الرز...تفاهما جيدا..ولايهون كأسين لبن عقبه..


بعد هذه الغدوة الرايقه..انطلق الى فراشك...وانبطح..انبطاحة عميقة..وتمتع بالنوم هانئا...وانس شي اسمه اختبار...


بعدما تقوم من النوم طق لك ترويشة معتبرة....واتبع مايلي ..:


- تأكد من ان التلفزيون مافيه شي مهم...مثل فلم او مباراة...لأن ذلك سوف يخليك تهوجس بالتلفزيون كثيرا...وبالأختبار..سوف تخبص تخبيصة ليس لها مثيل..


- اذا كانك تدخل النت..فيفضل ان تتهاوش مع اصدقائك..او صديقاتك..كي لاتشتاق لهم..فإن دخلت النت..في يوم الأختبار..فاسمح لي اقولك انك حظك رايح فيها..مقدما...


- حينما تبدأ المذاكرة...لاتلبس لبس معقد...فايشغلك..وانت تذاكر..ويفضل للعيال لبس سروال السنه..وفنيلة نص كم...


- اذا كانت المادة طويلة..وتحتاج الى فهم...وصادفك درس مافهمته...فاعمل بمقولة ابوسليمان التي تقول...أجّل عمل اليوم الى الغد....نستشف من هذه المقولة..انك اذا بلشت بدرس مافهمته..فعادي..انقز الصفحة..ومحد داري عنك...


- عند احساسك..انك مافيه امل تخلص المادة..وانك من جنبها..واحسيت باحساس الدجاجه اذا شافت الديك مع دجاجة غيرها ( ادري المثال مهوب يم الموضوع )..اهم شي..لا تياس...وذاكر..واذا ماخلصت ..فلامانع من نقز بعض الدروس..على اعتبار انها محذوفة..


- لا تذاكر وانت معك قلم رصاص...كي لاتقعد تشخبط على الدفاتر...


- افضل جلسه للمذاكرة..هي الأنبطاح..مع اسناد اليد اليمنى على مركى..ويدك على خدك..واليسرى..تفتح الكتاب..


- لا ضرر من قرض الفصفص والفستق اثناء المذاكرة..ولا تضع قشور الفستق بصحن..بل جدعها يمينا ويسارا..ولايهمك احد..والظاهر عندكم شغاله تنظف عقبك..


- اذا كان لك صديق..دافور..وتعتبرونه المصري حقكم..مصري يروح لمصري.فلابد من تضبيط العلاقة معه..فقد تحتاجه..اذا اكتشتف بيوم الأختبار انك ماعندك كتاب اساسا..


- أكثر من شرب الشاهي...فهو سبب رئيسي في الذهاب الى الحمام ( وانتم بكرامة) وفي هذا المكان..يصل الواحد الى قمة ذكائه...وتستطيع ان تفهم ماعجزت عن فهمه بغرفتك...اسأل مجرب ولا تسأل طبيب...


- قبل الذهاب الى قاعة الأختبار...اهم شيء البس شماغك..ودق لطمه..واربطها ربطا محكما..لأغراض..مهمه..


- اختار موقعك بالقاعه...قريب من اثنين ناوين يغشون...واسدح اذنك عندهم..فقد تنقز عليك معلومة انت ناسيها..


- ادخل القاعة..وانت مسوي فيها..ماهمك الأختبار...وانك ضامن تجيب 102 من 100..كي يجحدك المراقبين ولا يمرون من عندك..على اعتبار انك خابز المادة..مايدرون انك من جنبها مع احترامي للي جنبها..


- انس قلمك..مع وضع قلم احتياط في مخباتك ( جيب ثوبك )...فقد تحتاج لحيلة نسيت قلمي ياستاد..واذا لم تحتاجها...طلع قلمك السبير..


- واخيرا وقبل كل شيء...اقر آية الكرسي.....وبالتوفيق

اخوك:إبريه ,,
*
*ملاحظه موضوعي منقول من منتدانا انا كاتبه ههههههه

[برجس]

هههههه

والله رهيبه هالتعليمات والوصايا :)

لكن اللي مخلص التعليم وهو الان موظف ولا وده يروح للدوام وش تنصحه فيه؟؟

[مدحت شوقي بريده]

عـلى طاري الجاج والمذاكر

فـيـه دجـاجـه مـنـبطحه عـلى بطـنـه ...ليه ؟؟؟




قـاعـده تـذاكــر

طيب فيه دجاجه منبطحه علــى ظـهـره كمان لـــيــه ؟؟؟



خـلـصـت مـذاكره:p :p :p

[إبريه]

اجل خذ به دجاجه نايمه على جنبها ليش ؟

تذاكر لاختها خ خ خ خ خ خ خ
------------------------------------------------------------------------------------------------
الا على طاري المذاكره والله يا جو بريده غيوم ما تلاحظون:eek: <_----داخل عرررض


بس يا اخ برجس الموظف يعني مع انك عزيز وغالي علي بس يالله نصايح علشانك؟

اولا" :-لا يهمه المدير اذا قام الساعه 9 وقال يا ويلي من المدير يطيز
ثانيا"-اذا رحت للمدير لا تخاف ولا قال مخصوم منك يومين قل اولاه اطعم خمسه ايام لانه مفضل ها الرقم عندي وخل المدير توصل معه H
تاسعا"-اذا قالولك المدير يبيك قله هو يجي لمي مهب انا اجي لمه

الحادي عشر :-اذا عطاك معامله وجاك راعي المعامله قله مهب بكرا بعد سنه خله يأيس

والخامس عشر :- اذا لقيت مراقب باحد مغاسل السيارات فوالله مبروك لانك امنت مستقبلك اهم شيء وخقلوك من وظيفك؟؟؟؟

اخوك:إبريه ,,

[مدحت شوقي بريده]

اخـــويــه بريــه
على طاري الجو
خذ هــذي ........ القفه

جندي جيزاني شاف الجــوغيوم و رهـيـب


قال / اقسم بالله اليوم جــو ..... خــفــاره

[إبريه]

الا على طاري خفاره
------------------------------------------
وشي خفاره تراي ما اعرفه
-----------------------------------------------
والي يقولك انه فاهم يكذب عليك

[شـــــــــقاوي]

طيب والعاطل الله لا يهينك ماتلقاله حـــــــــــل...؟؟؟

[إبريه]

همن يخذله لفتين مدامه صاريه الساعه 1.30 اووه موعد خروج الطلاب همن يدور عند مدرسه متوسطه ولا ثانوي <---وتعرفون وش المقصد:D

همن يروح لميد ويقعد شوي يسولف مع ذا ومع ذا شوي همن يرزح للبيت وعلطول يصكها نومه الين الساعه 6همن يقوم يغسل<--على حسب بعضهم يصلون وبعضهم لا

همن يدور الين الساعه 3باليل ولا يزبله حوش ترى القطيه من 300بالسنه


هههه