رجعت لعيونك مرجوجه.....................

[زعيمه القاعده]

السلام عليكم ورحمه الله وبركاته
مساكم الله بالخير وشلونكم ومن يعز عليكم
الرجاء من الاخ المشرف بريماكس
عدم نقل الموضوع

رجعت لعيونك مرجوجه بلغني احد الاخوه هنا قريبي
انك سالتي عني
قلت اسير عليكم واتذكر ايام الطفوله
جيت لاهلي وادور الجهاز بالمستودع
وحوسه والاسلاك
وانا الله يهديك يامرجوجه كان دقيتي على جوال
وامي تقول الله يعين عليك
ماصدقنا انك اعرستي وفكيتينا من فواتير النت
رجعتي لها العله ((تقصد جهازي العزيز))
كله غبار سببتي لي حساسيه يوه

بخير الله يسلمك يامرجوجه
ايه اضنيت بتله
جبت بنت زي القمر
والحمد لله والشكر بخير والف نعمه
وهي الان بحجري مطيره عيونها بالشاشه
ياملحها بعد
وايدياتها بلوحه المفاتيح ياعله مايتكسرن هاليديات

وللاخ النهيم يسال عن عبداللطيف
ههههههههههههههههههههههههههه
جات لطيفه والحمد لله
امزح ماسميتها لطيفه

يوه يامنتدى بريده والله ذكريات حلوه
بس والله ما اقدر اقعد معكم كثير
بروح وفي الخميس الجاي اذا جيت لاهلي
ارد على الي سلم على والي ماسلم
سلام عليكم.................

[بريماكس]

ينقل الموضوع إلى (استقبال و مناسبات)
و شكرا

[زعيمه القاعده]

طول عمرك غصه بحلقي
يابريماكس الله يهديك ويسامحك
.................................................. ......

على الاقل رد السلام

والي يعزني يبي يرد سواء بالمفتوحه او الاستقبال

[الإعصار]

أنرت بإنضمامك الى أعضائها

نحن بإنتظار ماسيجود به قلمك لنا ..
فأهلاً بك أختي مرة أخرى

http://208.42.236.220/vb/uploaded/M_GIRL21-21-3.gif

[مدحت شوقي بريده]

ههههههههههههههههههههههههه
بريماااااااااااااااااااااااااكس ..
هههههههههههههههههههههههه


ياويلي هبلت به ..
شكله لو ماتلقى الاستشوار حقه .. قالت .. ادري كلوه من هالبريماكس اكيد انه هو اللي شايلوه من هنا .. ويمكن ناقلوه للمجلس ..
ولو تحرق الغداء .. قالت اي ماهنا غير هالبريماكس اكيد هو اللي مزود على الفرن ..

زعيمة القاعدة ..
الحمدلله على السلامة .. وبالتوفيق أينما كنتي ..
هجي جاء بريماااااااااااااااااكس ..
<<(((== تسني به وهي تلتفت بسرعة وتطنبس وتآخذ نعاله وتخمهن وتهج وجدايله وراااااااااه ..
هههههههههههههههههههههههههه


ياحليلك يالمرعب يابريمااااااااكس ..

وناااااااااااااااااااااسة ..

[الفارس الملثم]

حياكي الله وبياك ..

أدام الله هطولك ..

رعاكم الله ,,

[المنخرش]

هههههههههههههههههههههههههههاي

أجل بنت مثل القمر
ليتس معرسه من مبطي
المهم متى نسير

وتراه محجوزه من هالحين لاتقولين ماعلمتن ===>> مصدق ياويلي

هعاااااات

أقول بريماكس انقله تكفا لكشكول ولا تدري أنت وأسد العقيدة
وأنا والدب مدحت نبي نلعب بالموضوع طائرة وش رايك

بس الأعصار مايطيع لأنه هو الحكم

هههههههههههه

متشكرين

[بريماكس]

طول عمرك غصه بحلقي
يابريماكس الله يهديك ويسامحك
.................................................. ......

على الاقل رد السلام

والي يعزني يبي يرد سواء بالمفتوحه او الاستقبال

أنا آسف يا أختي الفاضلة .. لأني لم أرد السلام ..
لكن ربما يكون هذا من فرحتي بعودتك الكريمة ..

و أقولها لك و لو كانت متأخرة :

و عليكم السلام و رحمة الله و بركاته

.
.

وفقك الله و أصلح ذريتك و رزقك السعادة في الدنيا و الآخر ..


أووه .. تذكرت شيء قديما ..

سبق و أن ودعتي المنتدى في موضوع قديم على الرابط التالي :
http://www.buraydahcity.net/vb/showthread.php?t=41375

و كان السبب في ذلك ما قلتيه في الرد رقم 22

وبما ان ولي الامر الجديد رفض رفضا تاما فكره الكتابه في النت

فإن كان ولي أمرك سمح لك بالدخول للنت مره آخرى فهذا شيء يسعدنا و يبهجنا و نسعد بعودتك ..

أما إن كان تمرداً منك فأتقي الله في نفسك يا أختي الكريمة ، و أعلمي أن هذا لا يسرك في آخرتك ..

و أهديك هذا المقال الجميل الذي هو بعنوان : [ما معنى طاعة الزوجة لزوجها؟
]


على الرابط التالي :
http://www.balagh.com/woman/trbiah/ew0qs98o.htm

.
.


هذا و الله تعالى أعلم

.
.


بريماكس

[مدحت شوقي بريده]

بريمااااااااااااااااااااااكس ..
هههههههههههههههههههههههههههه
اذا مالقيت هالمسكينه من باتسر تداوم عند طارق الحبيب منهبلة فأنا مانيب مدحت ..
عاااااااد طارق الحبيب يقوله .. ( تماماً ) انتي عندك مرض اسمه بريماكس .. ..
لأنه من يوم تدخل العيادة تشوفه طايرة شوشته تقول ..
يمه جاء بريماكس .. يمه راح بريماكس ..
بريماااااااااكس كم بقي وتصير زعيمة القاعدة بوذيه ..
اشوف ودك تطلعه من الاسلااااااااام بعد ..
هههههههههههههههههههههههههههههههههه
والله يانت بلشة ماتنتحااااااااااااااااااااارش ..

زعيمة القاعدة ..
حللتي اهلاً ووطئتي سهلاً ..


بريماااااااااااااكس ..
مرعب ( ... ) والا ابرسله لك برسالة خااااااااصة ..
وناااااااااااااااااااااااااااااااسة ..

[أمل الحياة]

رجعت يا زعيمة القاعدة بس مرجوجة ياليت ترجع ... أحاول به بس إلى اللحين ما ردت .. سوو دعوات له أغديه ترجع ..

[محبة الإسلام]

وعليكم السلام ورحمة الله وبركاته

http://www.asmilies.com/smiliespic/ar_welcome/7.gif

مرحبا بضيفتنا عدد ما خطته الأقلام من حروف
وبعدد ما أزهر بالأرض زهور
مرحبا ممزوجة .. بعطر الورد .. ورائحة البخور
مرحبا بك بين إخوانك وأخواتك ..

والحمد لله على السلامة أختي زعيمه

رجعت يا زعيمة القاعدة بس مرجوجة ياليت ترجع ... أحاول به بس إلى اللحين ما ردت .. سوو دعوات له أغديه ترجع ..

إن شاء الله أحاول بها غديه ترجع

[الفارس الملثم]

والله حالة ..

وش به بعد مرجوجة خلاص تبي تخلي المنتدى ..

يا حليل البنات لابدن يتميلحن ..

<< تراي أمزح لا يقعد يجين شيء هالحين ..

[الـمـتـوهـج]

الحمدلله على سلامتك

سررنا بك وبعودتك

الله يحفظ إبنتك من كل شر وسوء ويسعدها بحياتها

[أمل الحياة]

والله مرجوجة غالية وعزيزة بس ياليت ترجع علشان تكتمل المنظومة ...
حبيبتي محبة الإسلام إذا كنت تعرفين إيميل مرجوجة ارسليه على الخاص ....

[الفارس الملثم]

المنظومة ولا مكتبة العليقي .. خخخخخخخخ ..

[أمل الحياة]

المنظومة ولا مكتبة العليقي .. خخخخخخخخ ..
أنا ضايق صدري وأنت قاعد تطنز ... يحق لك لأنك ما فقدت أحد ...

[الفارس الملثم]

خخخخخخخخخخخ ..
تراي أمزح والله ..

بس فيه سؤال .. هالحين مرجوجة تبي تخلي المنتدى ..
وشوله .. و مالسبب .. <<=== والله يا أنا أفت لغة ..

[أمل الحياة]

إيه تب تخليه وما أدري وش السبب ولا دريت إلا بعد ما تركته ..

[الفارس الملثم]

لعله خير ..

[المنخرش]

هههههههههههههههههههههههههههههه

موجوده وتشارك مرجوجه هههههههه


أجل ضايقن صدرك

ههههههههههاي

ياويلي صح أثرنا كلنا ضايقات صدورنا علشان مرجوجه هي والفار اللي بشنطته


ولا لا ياقناص

[الفارس الملثم]

ماش ما عندك أدنى ضمير يابو فهد .. << تؤبرني .. << قل إيه بس ..

الفارة .. هذي له قصة خاااصة ..
أصلا ما تدري أنت ..

[الـمـتـوهـج]

المنخرش وقناص الروس لاتشاركون هنا خلوه للبنات فقط :D :D

الواحد ضايق صدره بالفراق وانتم تستعبطون هنيا>> توه جالس مع مصري :D

[S n a k e]

أعلمكم والله يا أنتم حللتم واسكين الموضوع هههههههههههههههههه

ناس مرجوجين على طاري المرجوجه

إلا وش صار على الهوشه اللي بأول الموضوع :)

[زعيمه القاعده]

الاعصار.............
بارك الله فيك على الترحيب
وليس بغريب منك


مدحت شوقي بريده
الله يسلمك بس تراه هالهرج ماله داعي
ليش اخاف من بريماكس
انا اقول انه يحب عنادي فقط
وهذا واضح
وشف توقيعي مستحيل اخاف من احد
الاربي

قناص الروس
الله يجزاك خير مع انك خربتها بالاخير الله يصلحك

المنخرش بارك الله فيك


بريماكس العنيد
اشكرك على الترحيب
واقول جزاك الله خير على الحرص
لكن هل تتوقع اني هجرت المنتدى سنه كامله
كذا اكيد ان مستاذنه وموافق
والا لازم اخبركم بالتفاصيل
المره الجايه برسلك رساله خاصه

والله حاله بتتدخلون باموري الشخصيه بعد
وابشرك انا اعطي دروس على الطاعه الزوجيه
واكانك تبي رقم جوال ابونا تتاكد
ماعندي مانع

عشنا وشفنا


امل الحياه

هلا وغلا وياليت تبلغين مرجوجه سلامي

محبه الاسلام

هلا فيك المهلي مايولي


المتوهج بارك الله فيك


سناك افا بس افا
تراني اعرفك يالداب القشرى

وش دعوى لاسلام ولاكلام
بس جاء تسال عن الهوشه
مافيه هوشه ابدا يا اخي
بس مدحت مطول السالفه وانتم ادرى فيه

[الصباخ]

kkkkkkkkkkkkkkkkkkkkkkkkkkkkkkk ،،


وش دعوى ياقناص ، قسم بالله أنواع الضحك عليك ،،





بالنسبة لك يازعيمة ، وش اللي حادك تدخلين النت ،،



أنا ودي أتركه وعجزت ، وأنتي تتركينه وترجعين ، والله دنيا ،،



عموما ً هلا والله فيك مرة ثانية ،،




ودمتم سالمين ،،

[زعيمه القاعده]

الصباخ
بارك الله فيك
لا ماني راجعه وعععع الحمد لله ان ربي فكني منه
وانا مشغوله جدا
بس رجعت اسلم على مرجوجه وماشيه

[قاهر الروس]

أختي زعيمة القاعدة
وعليكِ السلام ورحمة الله وبركاته ...

فوالله سعدت برجوعكِ وأسأل الله أن يجمع بينكِ وبين زوجك بخير وأن يسعدكما في الدارين ...

فأنتِ وأختنا مرجوجة كالشمس والقمر فكيف يعيش الناس بدون شمس بالنهار وقمر بالليل ...

أدام الله عزكن وحفظكن من كل شر ...