..:: | (( روضــة الــصــريـف .. الربيع والزبائل ..! [ صور ] )) | ::..

[الفارس الملثم]

بسم الله الرحمن الرحيم

السلام عليكم ورحمة الله وبركاته ..

حيا الله الطيور كله .. :) :p
وش العلوم طيبين ..
أعلمكم والله يا أنا جووعان بعد .. <=== أنت جاي تبي تحط لنا شيء يسوى ولا ضف قشيشك .. سم .. :p :) :D


وبعد عناء ولله الحمد .. وكل يوم اليوم .. تم الذهاب لروضة الصريف ..

ويسر الله سبحانه وتعالى الذهاب والمجئ بسلامة ..
فله الشكر .. وكما أشكره على الأمطار التي أنبتت ولله الحمد والمنة العشب والكلأ ..
ما ودك ترفع راسك .. ودك ترعى لما تقول بس .. :D

المهم .. .. جايبن صور لكم .. إن شاء الله تبي تعجبكم ..

طبعا أول محطة كانت البيت .. ثم طلعت وبين هالحواري :p .. ولطريق الملك فهد ..

وإلى عزعوز ( عسيلان حاليا ) .. ومنه للطرفية ..



وعدال للسويدة .. وهذي صورة لقرية السويدة ..


http://abualwalid999.jeeran.com/كشتة%20الصريف/السويدة.jpg



ومن السويدة .. عدااااااااااااااااااال للفيضة ..



وهذه بعض الصور لفيضة الصريف ..


http://abualwalid999.jeeran.com/كشتة%20الصريف/الصريف.jpg



http://abualwalid999.jeeran.com/كشتة%20الصريف/الصريف2.jpg



http://abualwalid999.jeeran.com/كشتة%20الصريف/الصريف3.jpg



http://abualwalid999.jeeran.com/كشتة%20الصريف/الصريف4.jpg




عاد تصدقون يا شباب .. !؟ .. أنا طالعن لحالي .. بس ما قعدت لحالي .. !!
قعد بجني مستراااااااااااااااااااات زباااااااااااااااااايل يحبنهن قلووووبكم ..

وفي الحقيقة هذا الشيء اللي نغص علي .. وبط تسبدي .. وحوم بطني ..
وكعرش جلدي .. يعني الواحد طالع يبي يستانس وينبسط ..
لكن إذا شاف هالمناااااااااااااظر .. زبالة هنا .. وقراطيس منتثرة منا ومنا ..

يحزن ويضيق صدره .. أين شكر نعمة الله سبحانة وتعالى علينا ..؟
أقل شيء نجمع الزبائل ونحرقها .. ولا أريد أن أزيد في الكلام ..
ولكن الأمر ما ترون ..

فهاكم بعض الصور ..


http://abualwalid999.jeeran.com/كشتة%20الصريف/زبايل.jpg



http://abualwalid999.jeeran.com/كشتة%20الصريف/زبايل2.jpg





هذا إهدااااااااااء خاااااااااااااااااص للمنخرش والنهيم .. :)


http://abualwalid999.jeeran.com/كشتة%20الصريف/المنخرش.jpg




وهذه هدية لكم مني .. :)


http://abualwalid999.jeeran.com/كشتة%20الصريف/هلي.jpg



كان معكم وعلى الهواء مشابرة ً <==== الهرش
>> : قناص الروس بن مصيول آل علوني .. من قناة بريدة ستي ..

حفظكم الله ورعاكم وسدد خطاكم ..


والسلام عليكم ورحمة الله وبركاته .

[الــنــهــيــم]

ههههههههههههههههههههههههههههههههههههااي

أجل طالعن لحالك يا منسم ..

والله ياهي تبي أطلع لحالي ...

قالوا لك نفسيه ؟

ههههههههههههههههه

<== هذا جزاو يعطيك هدية وانت تحطمهههههههههه ..

المهم

صور جميلة ورائعة وزبايل ممتازتن باللحيل ..

شيكرن لطيب مكوثك بين هاتيك الزبايل والقمامات ..

إطلع بس بين هالطعوس يا ألبي ... والبران الذهبية ...

واستثح من هالرمل لمين تقول بأأأأأأأأأأأأأأأأأأ


يالله يا ألبي .. يكفي همق ..

نشوفك على خيييييييييير ..

[تهاويل]

وش هالحطبان اللي ماليات الهايلوكس ..>>والله من الكلك .. :D


هذي صورهـ من التقاطي .. لعلها تعجبكم ..


http://www.alamuae.com/upload/Folder-16/1137931457_ww.jpg

[الفارس الملثم]

النهيم ..
أصلا أنا راعي كيف ..
أطلع متى ما بغيت ..

الجميل والممتاز أنت ايا خلف ميييد اللي جابوك ..
مشكور يا ألبي ..

[الفارس الملثم]

أبو سعود يا ألبي ..

الحطبة ذي للدعدعة ليس إلا ..
لا طلعن للبر نرزه مع الصندوق ..

مشكور على الصورة يا بعدي ..

وبوركت على مرورك ..

[المنخرش]

اولاه وش هديته

مصورن كفر يقول هديه هههههههههههههههه

ياحبيلك ياخلفهم

[الفارس الملثم]

أنت يالمنخرش وراه نظرك دائما سوداوية ..
يا ألبي هالودرة ذي ما هنا حليله ..

أبيك تعطيه مرتك لا أعرست ..
بس الشكوى لله ما تقدر .. يا حسافة ها كالتبطح ..
من كل زاوية صورته شوي ..

يا حبي لك أنت يا بعدي ..

مشكووور يا ألبي ..

[ولد المريدسية]

قناص الروس :

شكل الوردة اللي تحت الكفر جايبة معك من محل الغابة اللي بشارع الصناعة00

وبعدين وين تحسبك كاشت ؟

العالم تكشت جهة الصمان ولا لينة أو سامودة وأنت فرح إنك طلعت عن بريدة 20كيلو !!

أما إذا حبيت أحد يكشت معك تراي جاهز ، بس بشرط اللحمة عليّ0000

[الشجاع]

تقووووووووووووووووووووووووووووووووووول


طالع إلحالي ..

والصورة الأخيرة الباب الوراوي للهلي مفتووووح

يعني نازل من عنده أحد ...

<<<<<<<< ياااخذ أبو أم جدت خالت عمت إخت ولد بنت مأنث جمع ذكر العباقرة


وبعدين طاللع لحالك ياخلفهم وأنا موجوود <<< أب يتمصلح أبد ..

بعدين مار مع ذيك القرية ..

أويييلاه لو الهلي مقطعة هناااك .. أو صح أنت قوي ماتخاف كاشت إلحالك ..


شييكرن على هييك صور ..

[الفارس الملثم]

ولد المريدسية ..

هههههههههههههههههههههههههههههههههههههههههه ..

إيه ميخالف يحق لك تطنز بي ..
على الأقل أحسن من اللي ما يكشت ..

وهذي ينقصه عن الصمان .. بركة أمّيه بس ..
لا رجعت للبيت بربس لما تقول بس ..

وتسنك صاتز قدام يالله ..
واللحمة عليك ميخالف ..

شوكرن ..

[الفارس الملثم]

بعد معاليق ركبي الشجاع ..

هلا بك يا خلفهم ..
تصدق أنك أنبه واحد من اللي ردوا ..

أصلا يا ألبي أنا كشت الصبح .. ويوم تقهويت وقضيت ..
رجعت الظهر ..
وأثر به الشباب يبي يطلعون قلت معكم ..

وطلعنا .. وكل شيء ..

مشكور يا بعد ألب ألبي ..

[الـصـمـصـام]

حبيب ألبي قناص الروس ..
ماشاء الله صور جميله جدا >>ما يعرف يجامل ذا
معين جميله
أنت الظاهر ما كشت ببر به زبايل .. و إنما كشت بزبايل بهن شوي بر
و بعدين
تقووووووووووووووووووووووووووووووووووول


طالع إلحالي ..

والصورة الأخيرة الباب الوراوي للهلي مفتووووح

يعني نازل من عنده أحد ...

..

اقطعه هالشروف والله ياهو بلشة صدز
:i121

[الفارس الملثم]

أهليبن بقلبي الصمصام ..
يا رجال الشوفين كثارين ..

لا تشره يا بعدهم ..

مشكووووور ..

[المرسام]

اقول لاتبزع تطلع لحالك تراااااااااااه مليانة


:s :s جججججججننننننننننن :s :s

لاتحسبن امزح تراي جاد ايه والله : 12 : 12
اخوك المرسام

[الحبيس]

هههههههههههههههههههههههههه
ماعليش اخوي ابوالوليد ..بس اعجبتني التعقيبات والردود ...ربي يبارك فيكم ...

**
رحله موفقه ...وصور بصراحه تنقهر ... ومثل ماقالوا الاخوان ...زبايل وشوية بر ....

[ناعمة]

حلو بس الناس مدمرينها الله يهديهم

مشكور اخوي

[شذا الكراعين]

وش بهن الزبايل ؟؟؟؟ :eek:
لا والله كلهن ملح ماعليك منهن
لكن انتم يا جيل اليومين ما يعجبكم شي
اذكر يوم اني انا وربعي نكشت نطيح بقليب مليان كراتين اندومي :confused:
وانت بعد لا تصير خكري : 12
(اذكر واحد قلتله لا تصير خكري عقبها صارت خشتي مايله) :D

[الفارس الملثم]

المرسااام ..

يا رجال .. اقرأ وردك ولا عليك إن شاء الله ..
مشكور يا بعدي على مرورك ..

[الفارس الملثم]

الحبيس . ..

هلا بك يا ألبي ..

فعلا شيء يقهر .. بس الشكوى لله ..
مرورك سرني حبيب قلبي ..

بارك الله فيك ..

[الفارس الملثم]

ناااعمة ..

فعلا هي حلوة ..
لكن البلاء ببعض الناس ..

بوركتم على مروركم ..

[الفارس الملثم]

شذا الكراعين ..
خخخخخ ..

أجل وش بهن ..
ما فتشتهن يا ألبي .. بس وش تبي تلقى ..
حفائظ .. وقواطي تونة .. و جرة ببس ..

يالله الشكوى لله ..

يا بعدي بعض الناس غريب جدا ..

أصر صارت خشتك ما يلة .. زين احمد ربك اللي ما تصافق حنتسك ..

شوكرن ياألبي ..

[Faisal]

والله روضة الصريف حركة .. رحت لها الخميس الماضي ..

وفيها عيوب كثير منها ... إنها قريبة :D ( قهر ياخي الناس يروحون 400 ولا 500 كيلو يدوّرون الربيع وهذي ولا 30 كيلو وربيع ماشاء الله ولا بالتنهات ) ..

الوصاخة .. أعوذ بالله يا ربعنا والله ياهم ما فيه أمل يضفّون عقب ما يقومون ..

أضف إلى ذلك .. الطريق اللي يحوم التسبد لا منك دخلت تقل جبال تعدم المواتر يا شيخ وشفت لي راعي باص هيونداي متعلّق يحّول ( يقولون فيه طريق ثاني بس ما شفته ) ..

شكراً لك أخي قناص :)

[شذا الكراعين]

فعلا !!

[الفارس الملثم]

والله روضة الصريف حركة .. رحت لها الخميس الماضي ..

وفيها عيوب كثير منها ... إنها قريبة :D ( قهر ياخي الناس يروحون 400 ولا 500 كيلو يدوّرون الربيع وهذي ولا 30 كيلو وربيع ماشاء الله ولا بالتنهات ) ..

الوصاخة .. أعوذ بالله يا ربعنا والله ياهم ما فيه أمل يضفّون عقب ما يقومون ..

أضف إلى ذلك .. الطريق اللي يحوم التسبد لا منك دخلت تقل جبال تعدم المواتر يا شيخ وشفت لي راعي باص هيونداي متعلّق يحّول ( يقولون فيه طريق ثاني بس ما شفته ) ..

شكراً لك أخي قناص :)

يا رجال .. عساك سالم يا بعدي ..
ومشكور على مرورك ..

[الفارس الملثم]

فعلا !!


تسلم يا ألبي ,,
وشكرا على مرورك ..

[ابو عبد العزيز]

خلها على الله

وصراحة أني أنقهرت يوم شفت واحد قاعد يمصّع الرمثة من جذورها


وهي تقووول تكفى خلني أجلس وهو رافض :(

عاجز يشري له ربطتين سمر من المحلات يمال الصلاح

لآكن الشكوى لله

[ملكي]

الله يديم الربيع هذا


بس وييين



الشمس عندنا


ما يحتاج



مشكور على الصور



وياليت يصير عند كل المواطنين نظافة عند ترك المكان


( النظافة من الإيمان )

[مجالس القصيم]

ممكن العلوان بليز
يعني قبل القريه السويده اطلع يمين والا يسار
عايز ازرق وانا الفميليا بتاعتي
ارجوكم ابي العلوان 100% بدل ماضيع واتهاوش انا والمعزبه
وبد ل ماهي كشته تصير طلاق
وحبزا علوان الاخ تهاويل

[عصفورة بريدة]

هههههههههههههههههههههههههههههههههههههههههههههههههه

:D :D :D :D :D :D
خخخخخخخخخخخخخخخخخخخخخخخخخخخخخخخ
:p :p :p
كاكاكاكاكاكاكاكاكاكاكاكاكاكاكاكاكاكاكاكاكاكا
:i128 :i128
أه ....عورني بطني من الضحك

[الفارس الملثم]

هلا والله بالشبيبة ..

أبو عبدالعزيز ..

إي والله خله على الله . ..
وش نسوي ..

مشكور ياألبي ..




ملكي ..

هلا بك يا ألبي ..
إي والله نتمنى أن يكون عندنا هاجس نظافي .. :D :p

شووكرن ..




مجالس القصيم ..

هلا بك يا ألبي ..

شف له طريقين ..

الأول : اللي جيت من عنده أنا ..
تجي مع طريق الطرفية .. إلى أن تصدمك السويدة ..

أبتل عدااال .. ينتهي الشارع تجي رادمية ..
رح ووجهك لم الفيضة المحبوسة .. حقت متعب ..

تباري المحبوسة وأنت رايحن شرق ..
يقطع الطريق اللي جاي من الركية .. أو اللي جاي من مزرعة السلمان ..

أبتل شوي .. تجيل الفيضة على اليسار .. عنده مقبرتين ..


الثاني : وهو الأسهل . . تجي مع الربيعية .. وتفرق يسار مع الملف تسنك تبي تروح للنبقية .. يجيك الملف حقت مزرعة السلمان أبتل معه ..

قبل ما ينتهي الشارع .. أدخل يمين وأبتل شوي تجيك على اليسار ..

أتمنى أن الشرح يكون واضح ..

أنا جاهز لأي سؤال ..




عصفورة بريدة ..

الله يجعل هالضحكة دايمة ..
حياكم الله ..