اليوم حلبة مصارعه بيني وبين الماسنجر (ساعدوني الله لايهينكم) ذبحن

[المنخرش]

السلام عليكم

اليوم كله هوش ونقره انا والماسنجر سبه ونص

مادري وش اللي جاو وجيم


اخر خبري به اني عدت تشغيل الجهاز

يوم فتحت الماسنجر واثره من مسح كل ايميلاتي صايرن كأنه جديد
وصاااااااااااار بطيء قوووووووووووة

اكتب حرف همن مايجي إلى بعد خمس سنين من القهر

انا كتبت حرف أيام جهيمان وإلى هالحين ماجاء

مررررة بطيء

ثم إذا كتبت بريدي انتقل للرقم السري العن وادق رقبه
يقعدن سنين ماتنكتب

ثمن إذا ضغطت تسجيل الدخول
على طول يعطيك رساله
لايمكنك الدخول

مابحث أصلاً وأنا متأكد من الرقم والإيميل طبعاً بريدي بالهوتميل

وغلى هالحين

حذفته من جذوره همن ركبته من جديد وحذفته وعدت التشغيل

وركبته ومازال مستلعن اليوم

لكن شكله تبي تصفي على الفرمته :d :d

هههههههه


ابو براهيم انجز الله يرحم والديك

انتظرك بأسرع وقت
يابعدي

محبك/ابو فهد

[خوي السرور]

موقع الهوتميل يمر بإصلاحات لذلك الجميع يشتكي من هذه الرسالة لعلك تصبر كم شهر :p

لا أمزح كم يوم ويرجع مسنجرك بإذن الله ..

: 12 : 12 شيكرن يابعد سنوني انت : 12

[خوي السرور]

نسيت ..

أنغز هون خيو ..

http://www.buraydahcity.net/vb/showthread.php?t=51871

[المنخرش]

يابعدي

اكلم على الشباب كلهم داخلين إلا أنا


ههههههههههههه

المشكله منا ياخيي بس وشي مادري

انجدونا

[خوي السرور]

دخلت على الرابط ؟؟ ما أتوقع ..

[المنخرش]

إلا دخلت
أقولك أنا مهب نفس مشكلته

وبعدين يقولي على طول يعطيني رساله قبل مايدور الراس

يقول بالرساله

فشل تسجيل دخولك إلى الماسنجر لأن الخدمه غير متوفرة مؤقتاً الرجاء المحاولة مرة أخرى لاحقاً


فقط

وش الحل مادري

[السعودي]

هذه العله لها عدة أسباب منها على سبيل المثال لا الحصر :
1 ــ عدم ضبط تاريخ الجهاز بشكل سليم ومضبوط ... الحل الضغط المزدوج على الساعة بشريط المهام وضبط التاريخ

2 ــ أن يكون مستوى الحماية لديك مرفوع وذو مستوى عال من خلال ما تستخدمه من برامج حماية ... الحل هنا خفض مؤشر الحماية أو محاولة غلق برنامج الحماية كتجربة لنرى هل السبب من برنامج الحماية أم لا

اقصد هنا برامج مكافحة الفيروسات أو الجدار الناري والذي بالعادة يكون نشط في شريط المهام الأيسر
فاضغط على أيقونية البرنامج ثم خروج Exit ثم جرب تشغيل الماسنجر

كذلك .. هل تستطيع الدخول لبريدك عبر موقع البريد الذي سجلت فيه
فاحتمال أن بريدك يحتاج تنشيط هناك

3 ــ نوعية اتصالك ومزود الخدمة الذي تتصل منه ... فجرب الاتصال واشتراك آخر كأول نت أو سعودي نت أو جيل

4 ــ كون نسخة الماسنجر لديك نسخة قديمة وتحتاج تحديث أو إنزال النسخة الحديثة ذات الإصدارة 7.5

http://messenger.msn.com/xp/downloadx.aspx

[المنخرش]

حلو عليك يالبي

سلمك الله يا ابو براهيم

1- التاريخ مظبووط على أكمل وجه

2- مزبوط لرحت للنورتن وخليت فيه علامة أكس لشان ياقف

وعلى فكرة دخلت على الهوتميل عن طريق الموقع ولم يدخل يعطين صفحه لايمكن العثور على الملقم
ونسيت أقولك أذكر جيت أبدخل أي شي فيه رقم سري لازم يعطين هذي العبارة ما أدري ليش


3- بالنسبة للأشتراك ماعندي غير شجيل وشلون أقدر أجرب اشتراك ثاني

إذا كان عندك عطن الرقم واسم المستخدم خلن أجرب فقط اول نت

اللي معي هالحين جيل



4-* بالنسبة للنسخه عندي 7.5 لكن حملت اللي قلتلي وثبته ولافيه شي تحرك


المشكله والغريبه وشي

إني يوم أعدت التشغيل أمس

انحذفن كل ايميلاتي اللي حافظهن برقم سري علشان مايروحن

الأمر الثاني رحت وجربت الماسنجر القديم

اللي يجي مع الوندز
واثره محتفضن ببريدي اللي كد دخلت فيه عن طريقه

ثم قلت تسجيل الدخول
قعد يبحث يبحث مهب مثل الأولى مايبحث أصلاً


ثم بالأخير يقول لايمكن الدخول

دبرنا يابعدي

بس حبيت أعلمك يالبي

إني عندي جهازي المحمول الثاني
أقدر أدخل على ايميلي وعلى الماسنجر

يعني البلا مهب من الشركة

شف لنا صرفه يالبي

ولاتدري

عطن كل أساليب حذف الماسنجر من جذوره لاهنت
ويمكني حذفت شي مهب لم الماسنجر وانحاس علينا

وتراه بالفايت أحس ان جهازي بدا يصير بطيء

(عقب ذيك إعادة التشغيل وجهازي مهب على بعضه أبداً
ما أدري وش الظبنه

دبرنا ياخلفهم

والله يستر لايصير فيه فايرووووس

لأني تقل حسيت والله أعلم

محبك/ابو فهد

[السعودي]

أخشى أنك مصاب بفيروس أو ملف تجسسي بجهازك

[المنخرش]

أبو براهيم هوالظاهر بل الأكيد

لكن وش الدبره هل أفرمته
ولا له علاج

تراه النورتن شكلي أبكنسله

وش رايك بكلام فوكس ==>>> معليش يافوكس ههههههههههههه
اعذرنا تراي متليع يالبي



محبكم/ابو فهد

[SUPRA]

اخر علاج الكي !!!

يبدو ان مشكلتك عويصة !!

و الظاهر ان فيها قبايل !!!

فلذلك يا بعد حيي !!!

اشتر جهاز جديد و ريح راسك!!!