..:: | (( الدهناء .. أم العصافير .... فياض ودحول [ صور ] ..)) | ::..

[الفارس الملثم]

بسم الله الرحمن الرحيم ..

حيا الله الشبيبة ..

ماشاء الله تبارك الله .. أبارك لكم افتتاح هالقسم الخاص بطيور البر .. <== أبو يالدعدعة ..

وكعادتي ماشاء الله علي ّ .. خبركم الواحد بها الشتاء ما يفوت طلعة تحصل .. <== اللهم لا رياء .. :D

الحمد لله يسر ربي رحلة لبعض المناطق .. البعيثة .. أم نقي .. الدهناء .. أم العصافير ..

وجبت لكم بعض الصور لعلها توسع صدوركم بإذن الله ..

بسم الله نبدأ ..

هذا أول ما وقفنا بالليل بنفود الدهناء .. شبة النار على القهوة والشاهي خبركم ..

http://3ssom.com/uploader/uploads9/alqa7wa7.jpg



الفجر يوم قمنا وبعد الصلاة ..

http://3ssom.com/uploader/uploads9/aldhnaa.jpg



هذي فيضة أم العصافير .. على طريق لينة تربة ..

http://3ssom.com/uploader/uploads9/amal3safer.jpg


عقب ما طلعنا من أم العصافير مرينا شعيب الصبرة ..

http://3ssom.com/uploader/uploads9/alsabra7.jpg

من جهة أخرى ..

http://3ssom.com/uploader/uploads9/alsabra77.jpg


جلسنا إلى الليل ثم ذهبنا إلى مكان بياتنا الأول في الدهناء .. ثم ذهبنا إلى الدحل اللي يطلع هواء ..

http://3ssom.com/uploader/uploads9/alda7l.jpg


http://3ssom.com/uploader/uploads9/alda77l.jpg


هذا المكان اللي فوق الدحل ..

http://3ssom.com/uploader/uploads9/fooq.jpg


بعدها ذهبنا لأم نقي ..

http://3ssom.com/uploader/uploads9/ammnqaay.jpg

وهذا الكاتم يطبخ ..

http://3ssom.com/uploader/uploads9/kaatm.jpg



بعدها أفلنا راجعين من حيث أتينا ..

ووصلنا بحمد الله ومنته . ..

إن شاء الله الصور جازت لكم ..


السلام عليكم ورحمة الله وبركاته .

[تميم نجد]

ما شا الله عليك ياقناص على الصور ...

وبارك الله فيك ...ورحلة ممتعة إن شا ءالله ..

ما ادري هل معك إحداثية الدحل ؟؟

ارجو الإفائدة ...

[خبير النفوس]

وعليكم السلام ورحمة الله وبركاته ..

الحمد لله على السلامة ..

وكشتتن مباركتن ..

صور جميلة ..

بوركـ فيك ..

[السمو]

الغالي : قناص الروس

أقول يابو الشباب تراي فاضي هاليومين ولا عندي شغل وعادي أطلع للبر ;) .

[الفارس الملثم]

أبو الفهوووود ..

هلا بخلفهم ..

الله يسلم لي عمرك ..

بالنسبة لاحداثية الدحل .. فما أدري عنه لأن ما معنا قارمن .. <=== بدينا بالإدعا :d

لعلي أسأل دلولتنا وأجيب لك العلم الوكاد إن شاء الله ..


بعدهم المجاهد الصغير ..

وأنا فاضي بعد ..

يالله تم يا ألبي ..
بس أنت أجزم ..

مشكور على مرورك بعد عمري ..

تقبلوا جغفاتي المتدودلة ..

[تميم نجد]

قناص الروس .........

مشكووووور غلى الإحداثية ...


خلاص أمزح نبي نروح انا وانت اليوم ... لام ارقيبة ...

يمدحون المزايين هناك والجو والشعبان ..........

يالله تراي مولم المنام والثاية ....


لا تنس 5 ك حاشي قويصره ......... + كبد ة..

ههههههههههه

[الفارس الملثم]

قدااااااااام يا بعدي ..

بس ما هنا جزمة ...

إن شاء الله أبنزل فيديو للدحل بإذن الله ..

[fahad369]

حيا ك الله يا قنا ص الروس كذا الرحله ولا احسن النوم بد ر ي قو مة الفجر وشبة النا ر التنقل من مكا الى مكان مع التقا ط صور للذ كرى

[الفارس الملثم]

حياك الله أخوي فهد ..

صدقت والله يا بعدي ..

يا محلا الجلسة على حافة النار *** مع دلة جنب المعاميل تبرى ..

[المستشار]

قناص الروس ..
الأمطار تبشر بالخير إن شاء الله ..
و أبشروا بالربيع الي يفل الخاطر ،



رحلة سعيده

[الفارس الملثم]

الغالي أبو محمد ..

سعيد جدا والله بتشريفك لي ..

وبإذن الله السنة ستهل بالخيرات ..

ونبي نبدأ نرعى بالربيع إن شاء الله ..

الله يسعد أيامك ..

[الفارس الملثم]

يا شباب تنبيه ..

الصورة رقم 4 و 5 .. في شعيب الحجرة وليس الصبرة ..

تشابهت علي الأسماء معذرة ..

[أبو محمد النجدي]

... أنا عيني على هالكاتم وهو يتستس !

شكراً أخي أبوالوليد ,,

[ممدوح الشدادي]

طلعة جميلة أخي قناص الروس ...

[الفارس الملثم]

الغالي أبو محمد ..

ليتك ذايقن هالكبسة ..
يحبه قلبك ..

مشكوووووووووور يا قليبي ..


الغالي أبو فياض ..

أنت الجميل يا خلف الكون كله ..





هدية لكم .. تفضلوا ..

[المحايد26]

الحمدلله على سلامتكم

ونريد في الرحلى القادمة إن شاء الله النفود والفياض وهي مكتسية الخضرة

[الفارس الملثم]

سلمك الله ..

إن شاء الله ستكتسي الارض خضرة بإذنه تعالى ..

[إكلــــيل]

السلام عليكم ورحمة الله وبركاته ..

حيا الله أخي الغالي قناص الرووس ..

وين الناااس يبووو ..

والله يانا مبطي ماشفتك بالمنتدى عسى ماشر ..

الحمدلله على السلامة ..

بصراحه صور جميلة .. وان شاء الله استمتعتوا بهالرحله ..

سلام عليكم ..

[الفارس الملثم]

وعليكم السلام والرحمة ..

هلا بالغالي ..

الشر ما يجيك يا ألبي ..

ومشكور على الرد يا خلفهم ..

[الحبيس]

يامااااااااال العافيه على االصور اللي توسع الصدر

ماقصرت ابوالوليد

[al7nooooon]

ياجماعة صور المكشات عذااااااااااااااااب


























>>>>>>وش عنده مقطعن البران

[الفارس الملثم]

حياكم ربي يا أحبة ..

[ولد المريدسية]

يا شباب تنبيه ..

الصورة رقم 4 و 5 .. في شعيب الحجرة وليس الصبرة ..

تشابهت علي الأسماء معذرة ..

أخي قناص الروس :

ما تنلام على التضييع ، لو اللي يسوق بالجماعة أنت كان وقفتو على حدود العراق..

مير احمد ربك إنك محمول مزموم مشيول ماكول >>> الأخيرة ما لها دخل !!

س / وشي اللحمة اللي بالكاتم ؟ وبكم شريتوه ؟ ومن اللي طبخ لكم ؟

وكم كيلو ؟ وشو نوع البهارات اللي حطيتو ؟!!

" واحد ما ينعطا وجه بالميانة "

رحلة موفقة ،،،،،،،،،،،،

[الفارس الملثم]

ولد المريدسية يا ألبي ..

أذكر الله وأبلع العافية .. :d

وما نطبخ لحم نطبخ دجاج ..
بس لا تعلم ..

شوكرن حبيبي ..

[ẦβǾŨĐỸ]

صوراكثر من روعة

[الفارس الملثم]

والأروع مرورك يا خلفهم ..