كرسي الاعتراف !! تعالوا تكفون شرشحوا ضيفنا هنيّا ( المنخرش ) !

[الليـزر]

..

يالله حي الشباب كلهم
وشلون الوالدين والأصحاب والدراسة والبهم !

السالفة بإسهاب مختصر

هذي فكرة خطرت بالبال
وهي مقابلة مع بعض الشباب وتكون على شكل سلسلة
كل فترة نمسك واحد

والأسئلة من الجميع
وياحبذا يجيب المسؤول عن جميع الأسئلة المطروحة
إلاّ كان به شيء ما له داعي فهذا شيء ثاني لأن المهابيل واجد بذيا !!

في هذه الحلقة معكم مشرفكم المنخرش
وبدأنا به تقديراً له واحتراماً ! ما ودنا نبدي عليه أحد !
<<< والله من الشر !

يالله يا شباب
عطونا أسئلتكم بس واحد واحد لا تسوون زحمة

المنخرش
نرجو عدم حذف الموضوع وشكراً !!

:)

..

[الليـزر]

سؤال أول يقول
ليش ووش سبب اختيارك لهذا الاسم ( المنخرش ) ؟!

وجايينك بالباقي
يالله يا شباب

[الفارس الملثم]

أنا اللي دابلن تسبدي ..
وراه ما يدخل الماسنجر ,,

ووراه ما يرد على موضوع المجلة .. لي أسبوع أحتري النشة الصوتية ..
ومعطينا أشكل ..

يالله يا أبو فهد يا بعدهم تكفى ,,

[الفارس الملثم]

أنا اللي دابلن تسبدي ..
وراه ما يدخل الماسنجر ,,

ووراه ما يرد على موضوع المجلة .. لي أسبوع أحتري النشة الصوتية ..
ومعطينا أشكل ..

يالله يا أبو فهد يا بعدهم تكفى ,,

[الفارس الملثم]

غغغغغغغغغغغغغغغغغ

[الليـزر]

وين الشباب ؟!
كل ذا خوف ! الله يخلي الذراقة ! من خاف سلم !

أسئلتكم يا شباب
ترى المنخرش يحتري منكم مجموعة علشان يجاوب
ما وده يقطع الأسئلة حبة حبة !

وخذ هذولي كم سؤال بسيط
ـــ أنت ساكن في أي جهة من بريدة ؟
ـــ أي المطاعم في بريدة اللي تحبها وكثيراً ما تمر عليها ؟
ـــ سيرتك الدراسية منهوبه درست المراحل كله ؟
ـــ وش اللي جابك لمنتدى بريدة ستي ؟ كيف تعرفت عليه ؟

ما ودي أطول عليك وأغثك
ننتظر الشباب !

[المنخرش]

http://www.buraydh.com/sign/taheya/bsmal.gif
http://www.buraydh.com/sign/taheya/slam.gif
http://www.arabiyat.com/forums/images/smilies/taheyatayeba.gif


يالله حي الليزر
ولا رسايل ولا حاجة
بس اربط بالموضوع وامرشه بس هههههههههههههه

يالبي ليش أحذفه أنا أثبت ولا أحذف
أما الماخوذ مدحت ماغير ساكن بالعام
ههههههههههههه

سوف أجيب على أسعلتكم حبه حبه بإذن الله


ليش ووش سبب اختيارك لهذا الاسم ( المنخرش ) ؟!

والله يا أخيي
مليت وأنا أدور بالاسامي وواحد من الشباب قالي ذات يوم
انت مايطلق عليك إلا اسم(المنخرش)
فقط ولا تدور غيره

قلت والله كفو
وأنا الظاهر إني أكثر واحد له اسامي بالمنتدى
بس ماجازن لي



------------------------------

هلا بالبي قناص الروس

أنا اللي دابلن تسبدي ..
وراه ما يدخل الماسنجر ,,

والله يا خلفهم إني مشغول هالأيام ذي
ولا نب فاضي والله وانا اكتب الرد على عجل وابمشي
لو افتح الماسنجر
مانب رايق له

لكن أبشر باللي يسرك
يبيله وقت الماسنجر

قريباً بإذن الله



ووراه ما يرد على موضوع المجلة .. لي أسبوع أحتري النشة الصوتية ..
ومعطينا أشكل ..


المشكله يا اخيي
إن الصوتيات مسحتهن من جهازي

وهذاي أدوره علشان أرفعه لك من جديد يا البي
وبع هذي قريباً بإذن الله


=====================
الليزر مرة اخرى

ـــ أنت ساكن في أي جهة من بريدة ؟


في الجهة الشرقية من بريدة (رضي الله عنها)



ـــ أي المطاعم في بريدة اللي تحبها وكثيراً ما تمر عليها ؟

والله اللي يجي اهم شي إني ما احس بالجوع
ولو حصل من هاك الفغاني اللي بشارع كيرلا (مقلقل لحم )
يطير طبقت راسك من الحراره

ههههههههه

ـــ سيرتك الدراسية منهوبه درست المراحل كله ؟

والله من أولى إلى سادس كلهن بالأبتدائية
ومن أول إلى ثالث كلهن بالمتوسطه
ومن أولى إلى ثالث كلهن بالثانوية

وهذاي هالحين بالكلية بعد صقوط سنه وتأخر سنه
والله يستر من اللي جاي

عاد تراي دافور ولو شفتن ===>>>> توه يدري وشي دافور
هاك اليوم واحد يقولي انت دافور بالمدرسة
قلت دافور جابتهم امك ===>>> أحسبه يسبن
اثر هرج الرياض خرابيط مجمعه ههههههههه

اجل دافورررر


ـــ وش اللي جابك لمنتدى بريدة ستي ؟ كيف تعرفت عليه ؟

والله تعرفت عليه
يوم يتوفى الشيخ العلامه (حمود العقلاء) رجمه الله رحمتن واسعه
رحت أبحث عن صور له يوم بالمقبرة
فوجدت صور له من تصوير (سعفه) الله يرده للمنتدى

وبكذا شفت الطهبله والوناسه

قلت وماله مانشارك

هذه قصتي باختصار===>>>> خالد الراشد ====== هجتبه


محبكم / المنخرش

[عـ الأثله ـرق]

دوري اسئل وش انت لابس هالحين
السؤال الثاني كم ومساحة بيتكم
السؤال الثالث فيه احد جالس جنبك الحين ومنهو
السؤال الرابع اغديك تكز لنا صورك ودنا نشوف شكلك
:) رهيبه الائله صح وترى الدنيا مهب بكيفك تعطينا اجوبة تصريف قل الصدز

[الليـزر]

إلى الآن داء الذراقة لاعبن بالشباب
شفتو المنخرش إنه حليل ! يالله عطونا أسئلتكم بسرعة قبل يقضي الوقت

أبعد إلى عشر
<<< والله يا هو قديم !

[المنخرش]

اهه بسم الله

ووهه يالله حسن الخاتم (قام من المجلس)


عـ الأثله ـرق

وش انت لابس هالحين

ههههههههههههههوش هالسؤال
والله سلمك الله لابس ترنقه توي جاي لاعبن كوره
وهذاي أببدل
تبين أقولك وش أبلبس للسهره بعد ههههههههههههه



السؤال الثاني كم ومساحة بيتكم


تبي تشري والله إني مادري يالحبيب إذا جاء أبوي أبسأله




السؤال الثالث فيه احد جالس جنبك الحين ومنهو

قبل شوي جاء أخوي وطلع ولا عندي أحد هالحين


السؤال الرابع اغديك تكز لنا صورك ودنا نشوف شكلك

صورتي بتوقيعي :D :D

هههههههههههههه


ننتظر الأساله

لا للأسأله المحرجة

[المنخرش]

اهه بسم الله

ووهه يالله حسن الخاتم (قام من المجلس)


عـ الأثله ـرق

وش انت لابس هالحين

ههههههههههههههوش هالسؤال
والله سلمك الله لابس ترنقه توي جاي لاعبن كوره
وهذاي أببدل
تبين أقولك وش أبلبس للسهره بعد ههههههههههههه



السؤال الثاني كم ومساحة بيتكم


تبي تشري والله إني مادري يالحبيب إذا جاء أبوي أبسأله




السؤال الثالث فيه احد جالس جنبك الحين ومنهو

قبل شوي جاء أخوي وطلع ولا عندي أحد هالحين


السؤال الرابع اغديك تكز لنا صورك ودنا نشوف شكلك

صورتي بتوقيعي :D :D

هههههههههههههه


ننتظر الأساله

لا للأسأله المحرجة

[الليـزر]

كم سؤال عالطاير

ـــ هل مثلت في مسرح وماذا كان دورك ؟! ههه
ـــ كم تحفظ من القرآن ؟! علشان تصير قدوة للشباب هه بس لا تجدعنا !
ـــ موقف طريف حصل لك وآخر محرج وثالث مقلق ؟!
ـــ من اللي تعرفهم من أعضاء المنتدى وتلتقي بهم ؟!
ـــ واحد تتمنى تشوفه من أعضاء المنتدى ؟

أسئلتي تقل باختبار والا ؟
راجعين لك لا تخاف !

[الليـزر]

معليش جاء ببالي سؤال سريع

وش هي كنيتك بين أهلك وأصحابك ؟!

[المنخرش]

والله حرنابك

شكلك تبي تاخذ جائزت نوبل بالأسئلة

نبدأ بالأجوبة




هل مثلت في مسرح وماذا كان دورك ؟

ايه مثلت قديم عام 1418 الظاهر

كان دوري فيه حلقة ونقاشات
وانا مرتز مع الحلقه بس ههههههههههههه



ـــ كم تحفظ من القرآن

أحتفظ به


ـــ موقف طريف حصل لك وآخر محرج وثالث مقلق ؟!

ثلاث عصافير بحجر
وش الأسأله

والله ما اذكر طريف ومحرج

أذكر مرة رحت لم المستشفى لطب العيون بالرياض
طبعاً الموعد هذا قبل شهر معطينن موعد لليوم هذا

فأنا حطيت بجوالي بالتقويم (طبعاً أول مرة اركب التقويم)
ركبته بوقت 10.30 صباحاً
باليوم نفسه

المهم جاء الموعد ودخلت على الدكتور
طبعاً الدكتور ملتزم (من هيئت شكله)

المهم جلسن على الكرسي وبدا يكتب
بملفي ويخربط

حان وقت(10.30) صباحاً

بدا يظرب الجوال
دقه غريبه أول مرة أسمه (طبعاً غنية)

أنا قلت ليته يطفي جواله
وتذكرت حديث الرسول صلى الله عليه وسلم(من رأى منكم منكراً فل يغيره بيده) الحديث

أنا قلت اغيره بقلبي لكن هذا اضعف الأيمان

ثم يطفى شوي ثم يدن من جديد

انا ماكنت متوقع ولا 1% انه جوالي

حتى النغمه أول مرة اسمعه

وانا اشرهه عليه اقول ملتزم وحاطن نغمه غنية
هذا حالنا هه الأيام (( بديت اتذكر واخربط))

سراحه حسيت ان الدكتور انزعج
وانا اقول طيب وراه مايرد ويريحنا(طبعاً بقلبي اقوله)

المهم قررت اني انصحه

خربته


قلت يادكتور رد على جوالك ولا غير النغمه تراه مايجوز

امر ينط بحسبتي
قال هذا جوالك أزعجتنا فيه

انا تلعثمت وانحرجت وطلعت الماخوذ
واثره يرطن إلى الساعه 10.40 صباحاً

لاعادت على التقويم والجوال كله

هههههههههههه

---------------------------

أما الموقف المقلق
فقد أقلقني (أخي غندر)

الله يسكنه فسيح جناته







ـــ من اللي تعرفهم من أعضاء المنتدى وتلتقي بهم ؟!


بعض الشباب لاحرمنا الله اياهم

مدحت
والطير
حقين الطرايف
والمدير العام
وبريماكس

وأغلب المشرفين

وآسف على الذين نسيتهم

جزاهم الله خير



ـــ واحد تتمنى تشوفه من أعضاء المنتدى

(مهند الشايع) :D :D :D




وش هي كنيتك بين أهلك وأصحابك ؟!

أبو فهد
واللي يحمق علي

العصل مثل مدحت الله يذكره بالخير
كل المعايير حقاتي عنده هههههههههههههههههه

الطويل النخله
وانت جاي





--------------
الله يستر من الأسأله الجاية يالليزر
قعدت على حسبتي

[الليـزر]

وش أسوي بالشباب
ولا واحد جاء يسأل ! وش أنت مزينن لهم !

ترقب الأسئلة الجاية ! ولم دفتر أبو سلك !

[طير غيمار]

المنخرش

يوم أشوفك لحالك من اللي معك بسرررررررررررررعه أعترف


سلاموووووووووووووووووووووووووووووون

[الأفضل]

س1/ وش شعورك يوم دريت إنك أنت العضو الموجود على كرسي الاعتراف؟؟؟
ج1/.................................................. .............................
س2/ وش رأيك بالعضو (خوي السرور)؟؟؟ (لاتقل عضو طريف قاضين منه هاذي)
ج2/.................................................. .............................

وتقبل سلام مجبك
الأفضل

[أبو محمد النجدي]

أول سؤال لي هو للأخ المسنتر طير غيمار

يوم أشوفك لحالك من اللي معك بسرررررررررررررعه أعترف

وش هالسؤال الله يقلع ابليسك

أخي المنخرس

ماتلاحظ إنك أبلشتنا بالجرس اللي بالتوقيع أحياناً أنز والله

ياليتك توخر هالصجة

ثانياً : يقال انك تقرب لسعفة من جهة الجد ماحقيقة هذه الإشاعة ؟؟

ثالثا: كان لك طقطقة في الهندسة الصوتية لما ابتعدت الآن ؟؟

ويسلموووو يالعصل

[الليـزر]

جميل جو ناس يجسروننا !

من الأسئلة
ـــ كم ساعة تقضيها على الانترنت ؟ وبأي حزة ؟
ـــ ما هي المواقع المفضلة عندك وتزورها شبه يومي ؟! وهل تشارك في منتديات أخرى ؟!

تونا ريضين
شد الربقة قصدي الهمة !

[طير غيمار]

س1 وراك ياويلي عصل بالحيل؟؟؟؟

س2 وراك ماتسوي رجيم؟؟؟

س3 سلاااااااااااااااااااااااااامون

[إكلــــيل]

السلام عليكم جميعاً ..

شكرا لكـ الليزر على استضافة ابو خرشه ..

السؤااال الأول .. <<< الله يعينه :)

كم لك وانت معصقل وطويل .. ؟ ههههه ( يعني من يوم انت صغير ولا .؟ )


السؤاااال الثااااني ..

ما هي هوايتكـ المفضله ؟ .. (( لا تجي تقولي جمع الطوااابع اطاااك وطي )) ..


السؤال الأخير :)

كم بجسمكـ من حبة خااال ؟ :)

[الليـزر]

وش هالأسئلة الله يقطع أبو إبليسكم ؟!
وين أبوخرشة ! بعذرة اللي يمر وايقاله ما شاف أحد !

[المنخرش]

يالله حيهم

آسف على التأخير لظروف ما

نبدأ

يوم أشوفك لحالك من اللي معك بسرررررررررررررعه أعترف

أقول طبت مساءً
سلاموووووون
ههههههههههه





الأفضل


س1/ وش شعورك يوم دريت إنك أنت العضو الموجود على كرسي الاعتراف؟؟؟

أصلاً كنت متوقعه من يوم صرت مشرف
أعرف هالملاقيف خخخخخخخخخ

وكان شعوري شعور أيو مواطن محمد قصدي صالح
يعيش في هذا البلد


س2/ وش رأيك بالعضو (خوي السرور)؟؟؟ (لاتقل عضو طريف قاضين منه هاذي)


والله من أي ناحية تبيه
من ناحية اسمه فأنا مادري وش معناته

من ناحيته هو فهو رجال
ومن ناحية مواضيعه فهن كلهن كاتبهن بالكيبورد

بس أنت حدد لي


أبو محمد النجدي


يقال انك تقرب لسعفة من جهة الجد ماحقيقة هذه الإشاعة ؟؟

هذاك قلت اشاعه ههههههههه

والله كان يقربلي
وطلق جده جدتي وانفصلنا عن بعض وعشنا في غياهب الدنيا المتلاطمه والأمواجه المفزعه
والزهور المطلعه
والزنا الممشق القوام
والأفراح المتلثمه
والفستق النحيل المتمكن من نفسه في أي طقس من الطقوس==>>> هجتبه




كان لك طقطقة في الهندسة الصوتية لما ابتعدت الآن ؟؟
والله
مازلت اطقطق لكن على خفيف
لأني أنشغلت في المونتاج




الليزر : المرة العشرين
ههههههههههههههه


ـــ كم ساعة تقضيها على الانترنت ؟ وبأي حزة ؟

والله ما اذكر يمكن 5000 ساعه من يوم دخلت النت

قصدي كم ساعه باليوم
ههههههه

والله احياناً ساعه
وأحياناً 5 ساعات
على حسب الفرغه

ـــ ما هي المواقع المفضلة عندك وتزورها شبه يومي ؟! وهل تشارك في منتديات أخرى ؟!

المفضله والله
هي منتدى بريدة ستي
وفيه السكري

ومافيه مواقع محدده أزورها أو مسجل فيها

لكن كل يوم أنا بمنتدى ولا بموقع

يعني مرة بالجوالات والبلوتوث
ومرة بالمشاغب والبرامج
ومرة الأخبار

كل يوم طاري



طير غيمار


س1 وراك ياويلي عصل بالحيل؟؟؟؟

والله احمد ربي اني مانب دبي والخف رحمه وانا ابوك


س2 وراك ماتسوي رجيم؟؟؟

هذانا نحوال نشيل اكثر قدر ممكن من الشحم الزائد
لا افقع وجهك



اكليل

كم لك وانت معصقل وطويل ؟؟


من يوم ماطلعت على الدنيا

ما هي هوايتكـ المفضله ؟
ههههههههههههههههههههه

ياشين هالسؤال هذا ههههههه
والله كان جمع الطوابع لكن هالحين
الرسم والرقص خخخخخخخخخخخخخخخ



كم بجسمكـ من حبة خااال ؟

اصبرررررر
واحد اثني ثلا ارب خم ست

الظاهر انه خمس بس ورا ظهري مادري به ولا لا ما اذكر ما اقدر اشوفه هالحين

أتأكد لك




وشكراًَ لكم

محبكم / المنخرش

[ابن الإسلام]

طن طن هنا ابن الإسلام

هلا والله وغلا ببو فهد

ٍٍس1 / ليش ماترد على الجوال ؟

س2 / يوم يقلون لك منه العضو ألي تتمنى أتشوفه ليش ماقلت ابن الإسلام ؟ أو أنا

كرتون عندك ؟

بس أوريك إنشاء الله لخرشك يامنخرش .

س3 / في أي قسم تدرس وأي مستوى .

س4/ ما هي هوايتك المفضله ؟

س5/ ماهو الشي الذي يشغل تفكيرك وهتماماتك ؟

س6/ ماهي أمنيتك ؟

وفي الختام نصيحة وجها لنا بناسبة قدوم شهر رمضان ونصيحة أخرى عامه

وأخيراً وليس أخرا لك ولكاتب الموضوع منى أزكى التحايا وأجمل السلام

من محبكما ابن الإسلام ....

[الليـزر]

الله يحييك ابن الإسلام معنا في البرنامج

ناخذ اتصال آخر
تفضل يـ ... أيوه تفضل !

يا شباب عندكم أسئلة والا نسأل !

[ملكي]

أشكر أخي في الله ( الليزر ) على طرح مثل هذا الموضوع الأكثر من راااااائع




سؤال من ملكي : لو أعطيك الكرسي هذا تقعد عليه على شاني ولا لا؟












:D :D :D
http://drr.cc/up9/TackyToilet.jpg
:D :D :D

[الليـزر]

الله يكفينا شرك يا ملكي
والله لو المنخرش صربي !!

هههه
ننتظر الرد من مشرفنا ! بس تكفى بدون فصل أو توقيف !

[المنخرش]

اهه يالله الخيره

اقول يالليزر المفروض تقول للسكرتير حقي
مددت المقابلة كم يوم
علشان أقدر أفرغ نفسي ههههههههههههه


ابن الإسلام


ٍٍس1 / ليش ماترد على الجوال ؟

الظاهر إن اللي شاريه أنا هههههههههههه
يعني على كيفي ====>>>>> بدا يكد

س2 / يوم يقلون لك منه العضو ألي تتمنى أتشوفه ليش ماقلت ابن الإسلام ؟ أو أنا
كرتون عندك ؟
عاد لاتمدح روحك قدامنا تراه مايصلح هههههههههههه

إذا بغيت تمدح روحك بالرسايل الخاصه لو سمحت ههههه عاشت أيامك

هماي شايفك يالكلاك


س3 / في أي قسم تدرس وأي مستوى

القسم اللي تبيه ياخلفهم وتونا حنا مابعد بدينا علشان نقرر المستويات


س4/ ما هي هوايتك المفضله ؟

جمع الطوابع والرسم مثل ماقلتلك
شكلك مانتب تقرا الردود

س5/ ماهو الشي الذي يشغل تفكيرك وهتماماتك ؟

تبي الصدق ولا
الدعدعه

الصدق والله مافيه شي يشغل بالي ولله الحمد والمنه

لكن نحن لانفكر في هموم المسلمين والمشردين والذين يقتلون إلا إذا سمعنا عنهم
او سمعنا خطبه أو محاظرة
نتأثر في وقتها ثم نخرج من المجلس
وتخرج معها هذه الهموم

لكن ربك يعين ويصلح ويهدي ظال المسلمين



س6/ ماهي أمنيتك ؟


الفردوس الأعلى وهل فيه أمنية
أكبر من هذه
لكن لا تأتي الجنه بالتمني إنما بالعمل الصالح

الله يجعلنا منها

س7:وفي الختام نصيحة وجها لنا بناسبة قدوم شهر رمضان ونصيحة أخرى عامه

نصيحتي الوحيده
هي

إذا بلغك الله رمضان فاعلم أنها نعمه من الله لكي تراجع وتحاسب نفسك
ومن يدري فقد لاتكمل الشهر

ولكن اعمل واكدح لأنه شهر واحد من 12 شهر

11 شهر ذنوب ومعاصي
اجعل هذا الشهر لتصحيح أخطائك وانطلاقتك إلا الأفضل والأفضل
وزياده بالعمل والكدح وترك للمعاصي والفجور
وكفانا في من سبقنا موعظه ودرس لنا

وأنت تعمل الصالحات تذكر انك سوف تموت قبل العيد
وأنك سوف تلقا ربك في يوم 29 رمضان

فزد من العمل وزد وزد
فهذا الشهر هو من تحيا فيه القلوب




-------------------------
ملكي

لو أعطيك الكرسي هذا تقعد عليه على شاني ولا لا؟


وأنا موافق لكن إذا جلست أنت قبلي

[طير غيمار]

س1/كم عمرك يوم أنت أبو سنتين؟؟؟

س2/هل فكرت يوما أن تقتلن ؟؟؟ ولماذا ؟؟؟

س3/هل تحضر طعامك من البيت أم تشتريه من مقصف المدرسة؟؟؟ولماذا؟؟؟

س4/هل تشررررررب حليب النياق؟؟؟ أحلق ررررررررررررمشي...

سلاااااااااااااااااااااااااااااااااامون

[السمو]

الغالي : الليزر
شكراً لإتاحتك فرصة اللقاء بمشرفنا الغالي
لعلك تسمح لي بإلقاء سؤالي على سعادته
عزيزي : المنخرش
يتهم أبو فهد دائماً بالهزلية وأن كثيراً من
مشاركاته هنا ليس لها فائدة ، وكل من هو
على شاكلته ؛ لكن لي كلام عكس ذلك فما رأيك أنت ؟
أخيراً ( من يؤثر في حياتك كثيراً ) !
المجاهد الصغير

[ملكي]

ههههههههههههههههههه


وشلون أجلس قبلك يا بعدي

هذا هديه من عندي وأجلس عليه !!

ما يصير يا مشرفنا

[الليـزر]

لقاء حار ما شاء الله
بانتظار باقي الأسئلة
ويا ليت يحط نهاية لاستقبال الأسئلة
وبعدها مشرفنا يختار واحد ويقعده على الكرسي
وهكذا !

[المنخرش]

طير غيمار


س1/كم عمرك يوم أنت أبو سنتين؟؟؟

والله ما اذكر مرة صرت ابو سنتين من يوم طلعت على الدنيا وانا ابو فهد


س2/هل فكرت يوما أن تقتلن ؟؟؟ ولماذا ؟؟؟
ههههههههههههههههههههههههههههههههاي
الله ياخذ وجهك اولاه سؤال

ايه فكرت مرات ومرات
ومن ضمنهن فكرت اقتلك

لاني مانسيت الزباله الزرقاء الله يقطع وجهك

هذيك اللي فكرت اقتلك به ههههههههه

س3/هل تحضر طعامك من البيت أم تشتريه من مقصف المدرسة؟؟؟ولماذا؟؟؟

منول اجي الخبزة بمخباتي والعصير بالمخبات الثانية
لكن هالحين عسانا ناكل ياخيي

ولماذا؟؟؟؟

وشو لماذا ههههههه بس طنت

س4/هل تشررررررب حليب النياق؟؟؟

والله العظيم هاك اليوم شربته عقبك
بس بارد يعني حطيته بالثلاجه

بس ابشرك ماهلن بطني ولا كبيت بيلات شاهي ولا شي

---------------
المجاهد الصغنطوطي


سراحه مادري وش تبي بالظبط

ليتك تحتسي مثل حتسينا الله لايهينك

---------------
ملكي

ماذا تبي هههه

تراه مادري وش تبي بالظبط

---------------
الليزر

شكراً لك ولك ماتريد

أشكرك بعنف على هذه المقابلة وعلى انهم ماحطولي بنر بالواجهه لكن مافيه مشكله نتحمل

هذا والله اعلم


وأريد أن يكون اللقاء مع (تهاويل) إذا سمحت



محبكم / ابو فهد

[الليـزر]

تفضل ويا ليت ما تتأخر !
يالله نحن بانتظاركم وأنت أبوها وسمها !

[al7nooooon]

بسم الله الرحمن الرحيم الحمد لله رب العالمييييين الرحمن الرحيممم مالك يوم الدين اياك نعبد واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الضالين امين ان الحمد لله نحمده ونستعينه>>>>توووهم ناصحينه عشرين واحد ورحمة الله وبركاته اما بعد


الحط يالاول
كم عمر اللي عمر بيتكم
امزعه بالثاني
وش تحب من الفواكهه
الفعه بالثالث
تسد حبيت؟ :D :D :D
ارجفه بالرابع
وشو موبايلك وااااااي يووووووه ooo1 ؟
اقنعه بالخامس(عدال)متأثر بالمزاعق
اجمع عمر ابوك ثلاث مرات واقسمه على اربعه واجدع نصهن بالبحر كم طلع؟
والسادس والسابع
تحبن؟ وايه تحب اكثر انا والا الليزر
والثامن والتسع والعاشر
عكس الحياة الموت وعكس البر البحر صح؟
طيب وشو عكس

سماعات.............
خيوووووط..........
سقاط(مزلاج)........

يالله الحطن بالاجوبة بس مامنا مزع

هيمو
شف ترى ان تسانك ماجاوبت ابعطيك اسئلة تحلل اسئلة الفيزياء حقت الثانوية

[المنخرش]

الليزر أبشر ياخلفهم خل انا احدد الموعد واحدد العضوا في موضوع جديد وش رايك


الحنوووون

ياحبيل ميدكم الكريم

قضن الأسأله سراحه جيت ابجاوب لكن مافهمت ولا عووود



محبكم / ابو فهد

انتظرووونا

[al7nooooon]

قسم بالله لو انت مدحت مافهت!!

مالي دخل جاااااوب


هيمو

[الشايب]

خرخوووووشي>>دلع :D

كم مقاس نعالك ودي اشري مثلهن؟؟

بسررررررررعه جااااوب :bad :D

[al7nooooon]

شف ياألبي بتجاوب والا جاوبت أنا>>>>زنقرت

[عقاااب]

ماقلتلنا كم مساحت بيتكم ؟
وش معك سياره ؟
كم لوحته ؟
كم موديله ؟

[الليـزر]

وين أنت يا خروشي
الناس تسعل !

بس بدون رقم اللوحة
والله ما تسلم من المقرد !!

وننتظر سلسلة المقابلات القادمة

[المنخرش]

انتظرو قريباً

المقابلة الجاية

انا انتهت مقابلتي...

[S n a k e]

إصبر ابوفهد البي أولااااااااااه جاوب هالسؤال وبمان الله :)

وش سالفك مع البنيات أنت .. مره جايب لنا خلود ومره جايب مرح وتخلي اسمك يلعب يمين ويسار إلا وراه ماتكملهن بياسمين بعد :D :D ؟؟

الجواب واجب .. ابو فهد لا تهج

ترى الدعوى مزح :rolleyes:

محبك SNAKE

: 12 : 12

[المنخرش]

سنان أسأل هالسؤال بموضوعي واجاوبك

معليش ياشباب

أنتظرو العضو القادم

[الليـزر]

ننتظر وبشوق