اه اه اه اه اه اه يا بــريــــــدة [الأرشيف]

مشاهدة نسخة كاملة : اه اه اه اه اه اه يا بــريــــــدة

مغترب عن بريدة

5/8/1422 هـ, 11:13 مساءً

اه كم احبك ايتها المدينه الجميله
اه كم احبك يا من سقط رأسي على ترابها
اه كم احبك يا زهرة القصيم
اه كم احبك يا منبع رجال العلم

انتي اغلى مدينه وستبقين كذلك عندي ..

كيف لا وانتي يسكن بين اراضيك اغلى ما عندي بالحياه ( والدي اطال الله عمرهما )

مهما اغتربت عنكي ومهما زرت مدن العالم ستبقى اغلى واعز مدينه عرفها عمري..
انا لا اريد ان احبك هكذا لكن ذلك رغما عن انفي ..

انا اسكن بعيدا عنكي لكن انتي قريبه مني ..

ارجوكم لا تلومني في حبها

مدينتي الغاليه
لم ازرك من فترة
لكن قررت باذن الله ان اكون بين احضانك يوم الاربعاء 8 / 8 / 1422 هـ

فانا مشتاق اليك .. مشتاق لاهلك .. مشتاق لارضك .. مشتاق لبرودة جوك مساء وحراره شمسك ظهرا ..

انتظروني
انتظروني
اه
اه

باي يا حبيبتي

سعفة

6/8/1422 هـ, 12:18 صباحاً

يامرررررررررررررررررررررحبتين وياهلا بك .... لا تحزن ياحبيبي

سوف أستقبلك بصدر حار وذلك في طلعة الشماس

.................... نجيب الورود ولا مايحتاج هاه ......................

نصير شغل الاولين

أقول : مره سافرت للرياض أنا وعيال خالتي ، تصدق عاد رجعنا بنفس

اليوم ، ايو الله بدون مبالغة ولهنا على بريدة .... وش حنا بليا بريدة

.............................

قبل فترة سافرت مع اهلي للرياض عند ناس يقربون لي

بحي الربوة بالرياض تصدق والله العظيم يمكن ثلاث ساعات وانا ادور

رجليه ومن شارع لشارع ومن حارة لحارة ... أبي ناس يلعبون كورة

ولا على مواصير ولا جالسين عند البقالة حقتهم ... سبحان الله

لا أحد له حس و تحلف ان البيوت مابه احد ... ما احد يعرف الثاني

وتلقاهم جيران

لكن حبي الأول بريدة : خذ دورة بأي حارة ببريدة ... لازم ذولا لجه ،

وانت تمشي تلقا الي طالع مع الباب يمشي طرليون عاضن ثوبه

ووراه ولد عمه لاحقه ورافعن ثوبه .. وش يلعبون احج (( سبع الحجر ))

وعنبر ذي تدهر بكل عاير .... الله يالوناسة ،، الله يديمه

وتلقا لا جا قلابي للحارة ... كلن يلحقه ،، تدري وشوله

علشان يقول أنا أول من طب الشحنة .. وعاد الباقي من العيال

يدهرون بالتحفير ،، تلقا الواحد منبطح على الشحنة ويحفّر لمين يتلاقن

الايدين مع بعض .. ماش ما يهنانا الا لمين يتلاقن ... تحس ان الدعوى

مهيب الي انت تبي ..... ولا وازيدك من البيت شعر .. لا دخل فليت

على الحارة .. تشوف الكيافة .. ((خسران من فاته الفليت ))

/// ملاحق وراء هالفليت وتحليت حصا وصراخ والي يدخل حصاة مع

بلعوم الي يدخن حق الفليت والي يتعلق والي بالسيكل وراء يغبّر

وخذ ياوناسة ...

على العموم هذا غيض من فيض من العلوم .. عاد للحديث بقية

أبكمل لك بس مهب الحين .. تعرف العشا وراي ,, واحراجات الدعوى

أخاف ارسم لك النثرية بذا تغيّم ...........................

.
.
.
.
.

<marquee width="577" direction="right">كوكو كوكو بان النور ........ اصحو اصحو يا أطفال
</marquee>

<marquee width="577" direction="right">جاء الفليت قبل شوي ........ قوه نحلته بالحصا
</marquee>

</body>

.
.
.

.
.
.

بدر الشايع

6/8/1422 هـ, 12:32 صباحاً

هلا والله وغلا أخوي ( مغترب عن بريدة )..
والله يجيبك لنا سالم غانم..... وألف تحيه تقدير لك على محبتك وتقديرك لمدينتا ( بريدة ) أدام الله عزها.

ولد الشقة

6/8/1422 هـ, 09:45 صباحاً

:) يالمغترب انا مثلك مغترب واللي مايشتاق الديرته اويحبه مابه خير خاصة لاصارت مسقط راسه(بالمخزن السبلي)ومرتع صباه (بسوقة الشمال حول براحة الزومان) ولكن لي عليك ملاحظتين الاولى الحب الاول يكون للمدينتين المقدستين مكة والمدينة والحب الثاني وهو مايتعلق بلاشخاص فإنه للنبي صلى الله عليه وسلم ولك مني الحب والتقدير على شعورك الجميل تجاه مدينتنا الغالية الحبيييييييييييبة

ابوقلبين

6/8/1422 هـ, 02:57 مساءً

هلا والله وغلا بالمغترب:)

حياك الله بين اهلك...الحمدلله على السلامه:)..

البحري

6/8/1422 هـ, 03:11 مساءً

الله يحيك... والله يجيبك للديارك وحبيبت الكل ( بريدة ) سالم غانم...... والحمدلله على السلامة مقدماً.....

يالله سلالالالالالالالالام

شعبوط

6/8/1422 هـ, 03:15 مساءً

هبلتن على هالموضوع أحسبه سب;)

مشكووووووووووووووووور يامغتر عن بريدة

تحياتي.:cool:

ياسر البريداوي

6/8/1422 هـ, 07:57 مساءً

هلا بالمغتر...

مغترب عن بريدة

7/8/1422 هـ, 06:21 مساءً

هلا والله
واله مدري وش اقولكم
اشكركم كل ابوكم :)

-----------------------------------
الاخ سعفه

شكرا لك واعجبني اسلوبك الشيق
الوعد الليله عند مدرسه ( العجيبه )

--------------------------
الاخوان ذيبان و ابو قلبين والبحري و شعبوط
والله شاكر ومقدر
لكن ليش ما تعزومني الخميس والجمعه ؟؟؟

------------------------
الاخ ولد الشقه

فيه احد ما يحب الرسول صلى الله وعليه وسلم او ما يحب مكه والمدينه ؟؟

هذا يا خي حاجه مفروغ منها حتى لو لم تذكر لاننا مسلمين وابناء مسلمين .... ارجو ان تفهمني ..

--------------------------------------------

يالله ابمشي الان لحبيبه العمر بريده
مع السلامه

القاكم يمكن السبت او الاحد

باي

الصارخ1

7/8/1422 هـ, 06:30 مساءً

:) :( :o :D ;) :eek: :mad: :rolleyes: :cool: :p :confused: بريدة والنعم

الشفرة

7/8/1422 هـ, 07:19 مساءً

هلا بالمغترب

اخبارك عساك صيب

قل تم

انشاء الله ان تقول

هاه تم

العشاء عندي باتسر

انت ومن يعز عليك

<<< يوم دري انه مسك الخط واذا جاء يوم السبت اقول له وينك قاعد انتظرك:D ;) ;) ;) :D

:p :p :p

مغترب عن بريدة

8/8/1422 هـ, 05:22 مساءً

هي هي هي هي اخو الشفرة
وينك انا ببريده هالحين عند واحد من اصدقاي
بالصدفه دخلت منتدى بريده
ولقيت روحي معزوم على العشاء الليله
ياسلام

كانك صادق قل تم والله ما اردك ..
انتظرك الى الساعه العاشره مساء
اذا عزمتني وجزمت اكتب الموعد والوصف هنا

باي

=================
صح ورطتوه ؟؟
كانه صادق يرد هالحين ..